(ուժը կորցրել է 18.06.09 թիվ 70-Ն հրաման)
i
«ՀԱՍՏԱՏՎԱԾ Է»
ՀՀ ԿԱՌԱՎԱՐՈՒԹՅԱՆ ԼԻԱԶՈՐ ՆԵՐԿԱՅԱՑՈՒՑՉԻ
1995 Թ. ԴԵԿՏԵՄԲԵՐԻ 15-Ի ԹԻՎ 59 ՀՐԱՄԱՆՈՎ
Կ Ա Ր Գ
i
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՕԴԱՅԻՆ ՏՐԱՆՍՊՈՐՏԻ ԱՇԽԱՏԱՆՔՆԵՐԻ ԿԱԶՄԱԿԵՐՊՄԱՆ ԳՈՐԾՈՒՆԵՈՒԹՅԱՆ ՏԵՍԱԿՆԵՐԻ ԼԻՑԵՆԶԱՎՈՐՄԱՆ
1. Ընդհանուր դրույթներ
1.1. Հայաստանի Հանրապետությունում օդային տրանսպորտի աշխատանքների կազմակերպման գործունեության լիցենզավորման մասին կարգը մշակված է Հայաստանի Հանրապետության օրենսդրության, «Ձեռնարկությունների և ձեռնարկատիրական գործունեության մասին» ՀՀ օրենքի և «ՀՀ տարածքում տնտեսական գործունեության տեսակներով զբաղվելու մասին» ՀՀ կառավարության 1991 թ. մարտի 5-ի թիվ 161, հունիսի 20-ի 415 որոշումների և հետագայում դրանցում լրացումներ և փոփոխություններ կատարելու մասին որոշումներին համաձայն:
1.2. Օդային տրանսպորտի աշխատանքների կազմակերպման գործունեության այն տեսակները, որոնք թվարկված չեն սույն կարգում, լիցենզավորման ենթակա չեն և իրականացվում են առանց թույլտվության (լիցենզավորման):
Օդային տրանսպորտի աշխատանքների կազմակերպման գործունեության տեսակների
համար լիցենզիաներ տրվում է իրավաբանական անձանց, իրավաբանական անձի
կարգավիճակ չունեցող ձեռնարկություններին և անհատ ձեռներեցներին: *
1.3. Հայաստանի Հանրապետությունում գրանցված և սույն կարգի համաձայն լիցենզավորված ձեռնարկությունների կողմից առանձնացված ստորաբաժանումների ստեղծման դեպքում` նույնատիպ գործունեության նոր լիցենզիա չի պահանջվում:
Օտարերկրյա ձեռնարկությունների կողմից Հայաստանի Հանրապետությունում` օդային տրանսպորտի աշխատանքների կազմակերպման գործունեության իրականացման նպատակով, ստեղծվող առանձնացված ստորաբաժանումները ենթակա են լիցենզավորման սույն կարգի համաձայն` անկախ նրանց պետական գրանցում ստացած երկրում գործունեության տվյալ տեսակով լիցենզավորման կարգից:
Այն դեպքում, երբ ձեռնարկության կամ անհատ ձեռներեցի լիցենզավորվող
գործունեությունը իրականացվում է տարբեր վայրերում, տրվում է հիմնական
լիցենզիայի վավերացված կրկնօրինակները, դրանցում նշելով գործունեության
իրականացման հասցեները: Լիցենզիաների կրկնօրինակները տրվում են սույն
կարգի հիմնական լիցենզիայի համար սահմանված կարգով: Տարբեր վայրերում
առանց հիմնական լիցենզիայի կրկնօրինակների գործունեություն իրականացնելու,
ինչպես նաև լիցենզիայի պայմանների խախտման դեպքում հիմնական լիցենզիան
ենթակա է ետ վերցման: *
1.4. Օդային տրանսպորտի աշխատանքների կազմակերպման գործունեությամբ զբաղվել ցանկացող անձանց կողմից նոր ձեռնարկությունների ստեղծման դեպքում` տրվում է նախնական լիցենզիա ՀՀ Ձեռնարկությունների Պետական ռեգիստրում գրանցվելու համար:
Նախնական լիցենզիան համարվում է անվավեր և ենթակա է ետ վերցման հիմնական լիցենզիայի ստացման պահից:
1.5. Ձեռնարկություններին կարող է տրվել օդային տրանսպորտի աշխատանքների կազմակերպման` սույն կարգով նախատեսված մի քանի տեսակներով միաժամանակ զբաղվելու լիցենզիաներ:
2. Օդային տրանսպորտի աշխատանքների կազմակերպման
գործունեության տեսակները
2.1. Օդային տրանսպորտի աշխատանքների կազմակերպման գործունեությունը դասակարգվում է`
Օդային փոխադրումներ.
Ուղևորների, բեռների և փոստի վերգետնյա սպասարկում օդանավակայանում.
Տերմինալների շահագործման ծառայություններ` ուղևորների, բեռների և փոստի վերգետնյա սպասարկման գծով.
Օդանավերի կենցաղ-սանիտարական սպասարկում.
Օդային փոխադրումների իրացում (ավիատոմսերի վաճառք):
3. Օդային փոխադրումներ
3.1. Օդային փոխադրումները դասակարգվում են`
- ուղևորների, բեռների և փոստի օդային փոխադրումներ,
- ուղևորների օդային փոխադրում,
- բեռների և ուղևորների օդային փոխադրում,
- բեռների և փոստի օդային փոխադրում:
Օդային փոխադրումները դասակարգվում են`
- կանոնավոր օդային փոխադրումներ (չվացուցակի համաձայն կատարվող).
- չարտերային օդային փոխադրումներ (չվացուցակից դուրս կատարվող):
3.2. Օդային փոխադրումներով զբաղվելու համար նախնական լիցենզիա ստանալու նպատակով ներկայացվում են հետևյալ փաստաթղթերը`
- հայտ.
- հիմնադիր փաստաթղթերը:
3.3. Օդային փոխադրումների հիմնական լիցենզիա ստանալու համար 3.3 կետում թվարկված փաստաթղթերից բացի ներկայացվում են`
- պետական գրանցման վկայականը (պատճեն).
- շահագործողի վկայականը (սերտիֆիկատ)` համաձայն ԻԿԱՕ-ի ուղեցույցի:
Շահագործողի վկայականը տրվում է ՀՀ քաղաքացիական ավիացիայի գլխավոր վարչության կողմից սահմանված կարգով և պայմաններով:
3.4. Օդային փոխադրումներ իրականացնելու համար նախնական լիցենզիան տրվում է երեք ամիս ժամկետով: *
Նախնական լիցենզիայի ստացման օրվանից երեք ամսվա ընթացքում շահագործողի վկայականը չստանալու դեպքում նախնական լիցենզիան ենթակա է ետ վերցման: *
4. Ուղևորների, բեռների և փոստի վերգետնյա սպասարկում
4.1. Ուղևորների, բեռների փոստի վերգետնյա սպասարկումն դասակարգվում է`
- ուղևորային` ուղետոմսերի հաշվառում և ուղեբեռների ձևակերպում.
- բեռների և փոստի ձևակերպում և դրանց տեսակավորում.
- բեռների և փոստի տեղ հասցնելն օդանավ և այնտեղից իջեցնելը:
4.2. Ուղևորների, բեռների և փոստի վերգետնյա սպասարկման գործունեությամբ զբաղվելու համար նոր ստեղծվող ձեռնարկություններին տրվում է նախնական լիցենզիա, Ձեռնարկությունների Պետական ռեգիստրում գրանցվելու համար: Գործունեության այս տեսակով զբաղվելու համար հիմնական լիցենզիայի տրման պահից, նախնական լիցենզիան համարվում է անվավեր և ենթակա է ետ վերցման:
4.3. Ուղևորների, բեռների և փոստի վերգետնյա սպասարկման լիցենզիայի ստացման նպատակով ներկայացվում են.
Նախնական լիցենզիայի համար`
- հայտ.
- հիմնադիր փաստաթղթերը:
Հիմնական լիցենզիայի համար`
- բացի սույն կետում թվարկված փաստաթղթերից, պետական գրանցման
վկայական.
- գործունեության այս տեսակով զբաղվելու համար անհրաժեշտ
մասնագետների պրոֆեսիոնալ պիտանիությունը հավաստող փաստաթղթերի
պատճենները, ինչպես նաև աշխատանքի թույլտվություն:
5. Տերմինալների շահագործման ծառայություններ`
ուղևորների, բեռների և փոստի վերգետնյա
սպասարկման գծով
5.1. Տերմինալների շահագործման ծառայությունների սպասարկման գործունեությամբ զբաղվելու համար և նախնական, և հիմնական լիցենզիաները տրվում են սույն կարգի 4-րդ կետում նախատեսված կարգով և պայմաններով:
6. Օդանավերի կենցաղ-սանիտարական սպասարկում
6.1. Օդանավերի կենցաղ-սանիտարային սպասարկման գործունեությունը դասակարգվում է հետևյալ տեսակների`
- օդանավերի մաքրում.
- օդանավերի կենցաղային սարքավորումների քիմմաքրում.
- օդանավերի արտաքին լվացում:
6.2. Օդանավերի կենցաղ-սանիտարական սպասարկման գործունեությամբ զբաղվելու համար և նախնական, և հիմնական լիցենզիաները տրվում են սույն կարգի 4-րդ կետում նախատեսված կարգով և պայմաններով:
7. Օդային փոխադրումների իրացում (ավիատոմսերի վաճառք)
7.1. Օդային փոխադրումների իրացումը (ավիատոմսերի վաճառք) դասակարգվում է հետևյալ տեսակների`
ուղևորային,
բեռնային,
փոստային:
Վերը նշվածներն իրագործվում են`
ճամփորդական գրասենյակներում,
ինքնուրույն գործակալություններում,
տուրիստական գործակալություններում:
7.2. Օդային փոխադրումների իրացման (ավիատոմսերի վաճառքի) գործունեությամբ զբաղվելու համար և նախնական, և հիմնական լիցենզիաները տրվում են սույն կարգի 4-րդ կետում նախատեսված կարգով և պայմաններով:
7.3. 7.2 կետում նախատեսված պայմաններից բացի, օդային փոխադրումների իրացման (ավիատոմսերի վաճառքի) գործունեությամբ զբաղվելու լիցենզիա ստանալու համար հայտատուն պարտավոր է ներկայացնել հետևյալ փաստաթղթերը.
- տեղեկանք բանկից;
- տարածքի վարձակալման պայմանագրի, կամ սեփականության վկայականի
պատճենը;
- տարածքի հատակագիծը.
. տարածքի մակերեսը պետք է լինի 30 քառ. մետրից ոչ պակաս;
. մուտքը դեպի տարածք պետք է սկսվի մայթեզրից;
- խիստ հաշվառման բլանկների պահպանությունը հավաստող փաստաթուղթ`
տեղեկանք չհրկիզվող պահարանների մասին;
- զբաղեցրած տարածքի շուրջօրյա պահպանության իրականացման նպատակով
ներկայացնել պայմանագիր այն կազմակերպության հետ, որը լիազորված է
և իրականացնում է անվտանգության ծառայություն:
- տեղեկանք հակահրդեհային միջոցների առկայության մասին: *
8. Լիցենզիայի մերժման կարգը
8.1. Լիցենզիաներ ստանալու հայտը կարող է մերժվել, երբ
- օդանավերը կամ որևէ օդաչուական տեխնիկա չի համապատասխանում
թռիչքների անվտանգությունն ապահովելու ընդունված պահանջներին.
- շահագործման վկայականն իր բնույթով չի համապատասխանում
գործունեությանը, որի իրագործման համար պահանջվում է լիցենզիա.
- կցված փաստաթղթերը բովանդակում են սխալ տեղեկություններ:
8.2. Մերժման որոշումը կայացնելուց հետո վերջինիս մասին գրավոր հաղորդվում է հայտատուին եռօրյա ժամկետում` նշելով պատճառը:
8.3. Բացասական պատասխան ստանալու դեպքում հայտատուն իրավունք ունի 30 օրվա ընթացքում դիմել դատարան` մերժման որոշումը վերանայելու և հասցված վնասը փոխհատուցելու համար:
8.4. Լիցենզիան կորցնում է իր ուժը, եթե ձեռնարկության գործունեությունը դադարեցվում է: Լիցենզիայի փոխանցումն իրավաբանական այլ անձանց արգելվում է: Լիցենզիան ստացած ձեռնարկության կազմակերպական-իրավական ձևի փոփոխության դեպքում այն վերացուցակագրվում է` սահմանված կարգի համաձայն:
8.5. ՀՀ ՔԱԳՎ-ն իրականացնում է լիցենզիաների հաշվառում և լիցենզիայի սեփականատիրոջ պարտականությունների ճշգրիտ կատարման հսկողություն:
9. Առանձնահատուկ պայմաններ
9.1. ՀՀ քաղաքացիական ավիացիայի գլխավոր վարչությունում լիցենզիայի ստացման մասին հայտերի քննարկման ընթացքում, ՀՀ ՔԱԳՎ համապատասխան ծառայությունների կողմից կարող են անցկացվել ներկայացված տեղեկությունների և փաստաթղթերի վավերականության ստուգում:
Լիցենզիաների տրամադրման հարցը լուծվում է ՀՀ ՔԱԳՎ լիցենզավորման
հանձնաժողովում և ստորագրվում ՀՀ ՔԱԳՎ պետի կողմից: *
9.2. Եթե լիցենզիայի սեփականատիրոջ գործունեության ընթացքում լինում է լիցենզիան անվավեր համարելու հիմք, ՀՀ ՔԱԳՎ-ի կողմից հատկացվում է ժամկետ` թույլ տրված խախտումները վերացնելու համար:
9.3. Լիցենզիան անվավեր կհամարվի ՀՀ ՔԱԳՎ-ի կողմից նշված ժամկետում խախտումները վերացնելու դեպքում:
9.4. Լիցենզիան անվավեր կարող է համարվել նաև այն դեպքում, երբ`
- գործունեության ընթացքում կբացահայտվեն հայտում և փաստաթղթերում
թույլտվություն ստանալու համար ներկայացված են իրականությանը
չհամապատասխանող տեղեկություններ.
- լիցենզիայում նշված պայմանները չեն կատարվում սեփականատիրոջ
կողմից.
- ՀՀ ՔԱԳՎ-ի կողմից սահմանված ժամկետում ինֆորմացիա չի հաղորդվում
իրականացվող գործունեության մասին.
- լիցենզիայի սեփականատիրոջ գործունեությունը շրջապատին և մարդկանց
առողջությանը վնաս չի հասցնում:
9.5. Լիցենզիան անվավեր համարելու որոշումն այն կայացնելուց հետո 3 օրվա ընթացքում, ուղարկվում է լիցենզիայի սեփականատիրոջը: Վերջինս այն ստանալուց հետո 10 օրվա ընթացքում պարտավոր է լիցենզիան հանձնել ՀՀ ՔԱԳՎ:
9.6. Լիցենզիան անվավեր համարելու որոշման պատճեն ստանալուց հետո, սեփականատերը 30 օրվա ընթացքում իրավունք ունի գանգատարկել այն դատարանում:
9.7. Լիցենզիայի սեփականատիրոջ գործունեությունը պետք է իրականացվի քաղաքացիական ավիացիայում գոյություն ունեցող տեխնոլոգիաներին համապատասխան և ենթարկվի Հայաստանի Հանրապետության օդանավակայաններում գործող ավիացիոն անվտանգության պահանջներին:
10. Եզրափակիչ մաս
i
10.1 ՀՀ ՔԱԳՎ-ի կողմից օդային տրանսպորտի աշխատանքների կազմակերպման գործունեության լիցենզիա ստանալու համար գանձվում է վճար:
10.2 Լիցենզիայի բլանկները համարվում են խիստ հաշվառման փաստաթուղթ և ունեն հաշվառման սերիա և համար:
i
10.3. Իրավաբանական անձինք, ՀՀ օրենսդրության համաձայն, կրում են պատասխանատվություն, եթե սույն կարգում նշված գործունեությունն իրականացնում են առանց լիցենզիայի:
____________________________
* Փոփոխված է ՀՀ ՔԱԳՎ պետի 1996 թ. դեկտեմբերի 17-ի թիվ 216 հրամանով
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ 3 01 1997 Թ. ՊԵՏԱԿԱՆ ԳՐԱՆՑՄԱՆ ԹԻՎ 53970095