040.0243.150304
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«15» մարտի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
12 փետրվարի 2004 թվականի N 243-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՕԳՈՍՏՈՍԻ 10-Ի N 741 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ԵՐԵՎԱՆԻ N 11 ԱՐՀԵՍՏԱԳՈՐԾԱԿԱՆ ԱՎԱԳ ԴՊՐՈՑԻՆ ԳՈՒՅՔ ՀԱՆՁՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2001 թվականի օգոստոսի 10-ի «Հայաստանի Հանրապետության նախնական և միջին մասնագիտական կրթության համակարգի ռացիոնալացման ծրագիրը հաստատելու մասին» N 741 որոշման մեջ կատարել հետևյալ փոփոխությունները`
i
որոշմամբ հաստատված` Հայաստանի Հանրապետության նախնական և միջին մասնագիտական կրթության համակարգի ռացիոնալացման ծրագրի 34-րդ և 35-րդ կետերը շարադրել հետևյալ խմբագրությամբ.
«._________________________________________________________________.
|34.|Երևանի |Երևանի |Վերակազմակերպել` |Երևանի N 12 |Երևանի |
| |ՄՏՈՒ N 12 |քաղաքա- |վերակազմավորելով |արհեստագործա-|քաղաքա-|
| | |պետարան | |կան ավագ |պետարան|
| | | | |դպրոց | |
|___|__________|__________|_________________|_____________|_______|
|35.|Երևանի |Կրթգիտնախ |Գործունեությունը | | |
| |ՄՏՈՒ N 13 | |դադարեցնել | | |
._________________________________________________________________.»:
2. Հայաստանի Հանրապետության կրթության և գիտության նախարարին`
ա) Երևանի նախկին N 13 մասնագիտական տեխնիկական ուսումնարանում գործող երկու 10-րդ դասարանները տեղափոխել Երևանի N 12 արհեստագործական ավագ դպրոց.
բ) Երևանի նախկին N 13 մասնագիտական տեխնիկական ուսումնարանի հաշվեկշռում գտնվող գույքը սեփականության իրավունքով հանձնել Երևանի N 11 արհեստագործական ավագ դպրոցին:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ՄԱՐՏԻ 4-ԻՆ