Սեղմել Esc փակելու համար:
ԿԵՆԴԱՆԱԿԱՆ ՍՊԱՆԴԻՑ ԳՈՅԱՑԱԾ ՄԹԵՐՔՆԵՐԻ ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ԿԵՆԴԱՆԱԿԱՆ ՍՊԱՆԴԻՑ ԳՈՅԱՑԱԾ ՄԹԵՐՔՆԵՐԻ ԱՆԱՍՆԱԲՈՒԺԱՍԱ ...

 

 

040.0426.130404

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«13» ապրիլի 2004 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

31 մարտի 2004 թվականի N 426-Ն

 

i

ԿԵՆԴԱՆԱԿԱՆ ՍՊԱՆԴԻՑ ԳՈՅԱՑԱԾ ՄԹԵՐՔՆԵՐԻ ԱՆԱՍՆԱԲՈՒԺԱՍԱՆԻՏԱՐԱԿԱՆ ՓՈՐՁԱՔՆՆՈՒԹՅԱՆ ԻՐԱԿԱՆԱՑՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

 

«Անասնաբուժության մասին» Հայաստանի Հանրապետության օրենքի 4-րդ հոդվածի «ա» ենթակետին համապատասխան` Հայաստանի Հանրապետության կառավարությունը որոշում է.

1. Սահմանել`

ա) կենդանական սպանդից գոյացած մթերքների անասնաբուժասանիտարական փորձաքննության իրականացման կարգը` համաձայն N 1 հավելվածի.

բ) մսի, մսամթերքի և հումքի վարակազերծման ու ոչնչացման կարգը` համաձայն N 2 հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

(որոշումը փոփ. 21.07.05 թիվ 1076-Ն որոշում)

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2004 ԹՎԱԿԱՆԻ ԱՊՐԻԼԻ 6-ԻՆ

 

Հավելված N 1

ՀՀ կառավարության

2004 թվականի մարտի 31-ի

N 426-Ն որոշման

 

ԿԱՐԳ

ԿԵՆԴԱՆԱԿԱՆ ՍՊԱՆԴԻՑ ԳՈՅԱՑԱԾ ՄԹԵՐՔՆԵՐԻ ԱՆԱՍՆԱԲՈՒԺԱՍԱՆԻՏԱՐԱԿԱՆ ՓՈՐՁԱՔՆՆՈՒԹՅԱՆ ԻՐԱԿԱՆԱՑՄԱՆ

 

I. ԸՆԴՀԱՆՈՒՐ ԴՐՈՒՅԹՆԵՐ

 

i

1. Կենդանական սպանդից գոյացած մթերքների անասնաբուժասանիտարական փորձաքննության իրականացման կարգով (այսուհետ` կարգ) սահմանվում են կենդանիների մսեղիքի ու կենդանիների սպանդից գոյացած մթերքի անասնաբուժական անվտանգության նորմերը, անասնաբուժասանիտարական փորձաքննության անցկացման, լաբորատոր հետազոտությունների, վարակազերծման ենթակա մսեղիքի և կենդանիների, ինչպես նաև սպանդից գոյացած մթերքի վերամշակման, վարակազերծման ու ոչնչացման գործընթացները:

(1-ին կետը փոփ. 21.07.05 թիվ 1076-Ն որոշում)

2. Կարգը վերաբերում է մսեղիքի և կենդանիների սպանդից գոյացած մթերքի վերամշակման, արտադրության և իրացման ոլորտներում իրականացվող գործունեությանը:

3. Կարգի պահանջների կատարումը պարտադիր է ֆիզիկական և իրավաբանական անձանց համար` անկախ սեփականության ձևից և գերատեսչական ենթակայությունից, որոնք գործունեություն են իրականացնում մսեղիքի և մսամթերքի վերամշակման, արտադրության, իրացման և առևտրի ոլորտներում:

i

4. Բոլոր տեսակի գյուղատնտեսական կենդանիները և թռչուններն իրացման նպատակով սպանդից առաջ ենթակա են անասնաբուժական զննման, իսկ միսն ու սպանդից գոյացած մյուս մթերքները` անասնաբուժասանիտարական փորձաքննության:

Անասնաբուժասանիտարական փորձաքննության չենթարկված կենդանական սպանդից գոյացած մթերքների իրացումն արգելվում է:

(4-րդ կետը փոփ. 21.07.05 թիվ 1076-Ն որոշում)

5. Իրացման կամ վերամշակման համար միսը և սպանդից գոյացած մյուս մթերքները պետք է պարտադիր ուղեկցվեն համապատասխան անասնաբուժական վկայականով, իսկ մարզի տարածքում` անասնաբուժական տեղեկանքով:

6. (6-րդ կետն ուժը կորցրել է 21.07.05 թիվ 1076-Ն որոշում)

i

7. (7-րդ կետն ուժը կորցրել է 21.07.05 թիվ 1076-Ն որոշում)

i

7.1. Կենդանիների սպանդից գոյացած մթերքի անասնաբուժասանիտարական փորձաքննությունը և կենդանիների նախասպանդային զննումը կատարում են անասնաբուժական գործունեություն իրականացնող` լիցենզավորված ֆիզիկական և իրավաբանական անձինք:

(7.1-րդ կետը լրաց. 21.07.05 թիվ 1076-Ն որոշում)

i

8. Մսի և կենդանիների սպանդից գոյացած մթերքի անասնաբուժասանիտարական փորձաքննության իրականացումից հետո տրվում է եզրակացություն (N 3 ձև) արտադրանքի հետագա օգտագործման վերաբերյալ:

(8-րդ կետը փոփ. 21.07.05 թիվ 1076-Ն, 06.06.13 թիվ 597-Ն որոշումներ)

i

9. Անասնաբուժասանիտարական փորձաքննության իրականացման ապահովման պատասխանատվությունը կրում են կենդանիների սպանդից գոյացած մթերք արտադրող, վերամշակող, իրացնող ֆիզիկական և իրավաբանական անձինք:

(9-րդ կետը փոփ. 21.07.05 թիվ 1076-Ն որոշում)

 

II. ՄՍԻ ԵՎ ՍՊԱՆԴԻՑ ԳՈՅԱՑԱԾ ՄՅՈՒՍ ՄԹԵՐՔՆԵՐԻ ԱՆԱՍՆԱԲՈՒԺԱՍԱՆԻՏԱՐԱԿԱՆ ՓՈՐՁԱՔՆՆՈՒԹՅՈՒՆԸ ՊԱՐԵՆԱՅԻՆ ՇՈՒԿԱՆԵՐՈՒՄ, ՎԵՐԱՄՇԱԿՄԱՆ ԱՐՏԱԴՐԱՄԱՍԵՐՈՒՄ ԵՎ ԻՐԱՑՄԱՆ ԿԵՏԵՐՈՒՄ

 

10. Անասնաբուժասանիտարական փորձաքննության ենթակա են`

i

ա) սպանդի ենթակա բոլոր տեսակի ընտանի կենդանիների, ինչպես նաև վայրի, որսորդությամբ ձեռք բերված միսը` պաղեցված, սառեցված կամ աղ դրված.

բ) կենդանիների սպանդից գոյացած մթերքը` կենդանիների ներքին օրգանները (թոքեր, սիրտ, լյարդ, փայծաղ, երիկամներ), ինչպես նաև գլուխը, ոտքերը, պոչը, որոնք բերվել են մսեղիքի հետ միասին.

գ) ընտանի և վայրի կենդանիների ճարպը (ճարպ-հումք, հալած ճարպ).

դ) արտերկրից Հայաստանի Հանրապետություն ներմուծված կենդանիների սպանդից գոյացած մթերքը:

(10-րդ կետը փոփ. 21.07.05 թիվ 1076-Ն որոշում)

i

11. Անասնաբուժասանիտարական փորձաքննության համար ներկայացվում են մսեղիքը, ներքին օրգանների առկայությամբ (փայծաղ, լյարդ, թոքեր, սիրտ, երիկամներ), իսկ խոզի, ձիու, տավարի մսեղիքի հետ միասին պարտադիր ներկայացվում են նաև գլուխները:

Միևնույն տեսակի երկու և ավելի կենդանիների մսեղիք ներկայացնելիս մսեղիքն ու ներքին օրգանները պետք է համարակալված լինեն: Համարների բացակայության դեպքում մսեղիքն ու ներքին օրգանները ենթակա են լրացուցիչ մանրէաբանական և մակաբուծաբանական հետազոտության:

Առանց մսեղիքի բերված` կենդանիների սպանդից գոյացած մթերքի իրացումն արգելվում է, եթե դա չունի սպանդանոցային ծագում:

Գլխի կամ ներքին օրգանների բացակայության դեպքում մսեղիքը տեղավորում են առանձին սառցախցիկում` ժամանակավոր պահպանման համար, վերցնում նմուշներ և ուղարկում լաբորատոր հետազոտության:

(11-րդ կետը փոփ. 21.07.05 թիվ 1076-Ն որոշում)

i

12. Ընտանի և վայրի թռչունների մսեղիքը թույլատրվում է զննման` միայն ամբողջական տեսքով հեռացված փորոտիքով:

Արդյունաբերական մշակման ենթարկված թռչունների սպանդից գոյացած մթերքը (այդ թվում` նաև արտերկրներից ներմուծված)` վիզը, թևերը, կրծոսկրը, ազդրերը, փորոտիքը, որոնք մտել են շուկա կամ իրացման կետ` վաճառքի, ենթակա են պետական անասնաբուժական վերահսկողության: Այդ դեպքում ուշադրություն է դարձվում կից անասնաբուժական փաստաթղթերի, թարմության ցուցանիշների և իրացման ժամկետների վրա:

(12-րդ կետը փոփ. 21.07.05 թիվ 1076-Ն որոշում)

13. Ճագարի, կուղբի և նապաստակի մսեղիքը շուկա, վերամշակման արտադրամաս, իրացման կետ բերելիս, հետին բարձից մեկի վրա, ցատկիչ հոդից ցածր, պետք է թողնված լինի առնվազն 3 սանտիմետր մաշկի (մորթու) մաս:

i

14. Շուկաներում, առևտրի և հանրային սննդի օբյեկտներում, վերամշակման արտադրամասերում անասնաբուժասանիտարական փորձաքննությունը ներառում է օրգանոլեպտիկ և մանրադիտակային էքսպրես հետազոտությունները: Անասնաբուժասանիտարական փորձաքննության արդյունքները, բավարար կասկածների առկայության դեպքում, 10-20 օրվա ընթացքում վերահաստատվում կամ հերքվում են` Հայաստանի Հանրապետության գյուղատնտեսության նախարարության սննդամթերքի անվտանգության պետական ծառայության կողմից տրված եզրակացությամբ:

Արգելվում է ընդունել և իրացնել նախօրոք կտրատված միսը և տնային պայմաններում պատրաստված կիսապատրաստվածքները:

Իրացման և վերամշակման համար բերված միասմբակավոր կենդանիների մսի ուղեկցող անասնաբուժական փաստաթղթերում պետք է արտացոլվեն մորթելուց առնվազն 3 օր առաջ կատարված մալեինիզացիայի արդյունքները: Այդ արդյունքների բացակայության դեպքում` կենդանու սպանդից գոյացած մթերքը ենթակա չէ օգտահանման կամ ոչնչացման:

(14-րդ կետը փոփ. 21.07.05 թիվ 1076-Ն, 29.12.11 թիվ 1922-Ն որոշումներ)

i

15. Անասնաբուժասանիտարական փորձաքննության համար յուրաքանչյուր մսեղիքից վերցվում են 200-300 գրամ զանգվածով նմուշներ, որոնք ներառում են մկանները, ավշային հանգույցները և խողովակավոր ոսկորը, ինչպես նաև օրգանները, հյուսվածքների փոփոխված, ախտահարված մասերը:

(15-րդ կետը փոփ. 21.07.05 թիվ 1076-Ն որոշում)

i

16. Մանրէաբանական և մակաբուծաբանական հետազոտություններն անցկացվում են կենդանիների և թռչունների վարակիչ, մակաբուծական, ոչ վարակիչ հիվանդությունների դեպքում ու կենդանիների հարկադիր սպանդից գոյացած մսի և այլ մթերքների նկատմամբ անասնաբուժասանիտարական պահանջներով նախատեսված բոլոր դեպքերում (սիբիրյան խոց, խոզերի կարմիր քամի, պաստերելյոզ, լեպտոսպիրոզ, ֆասցելիոզ, ցիստիցերկոզ և այլն):

(16-րդ կետը փոփ. 21.07.05 թիվ 1076-Ն որոշում)

i

17. Ենթադրվող ախտորոշումից կախված` մանրէաբանական և մակաբուծաբանական հետազոտությունների համար ուղարկվում են 8x6x6 սանտիմետրից ոչ պակաս փակեղով պատված մկանի կտոր, ավշային հանգույցներ, ընդ որում, խոշոր և մանր եղջերավոր անասունների, ձիու մսեղիքից պարանոցի մակերեսային կամ ենթաթիակային, արտաքին զստային, իսկ խոզի մսեղիքից` պարանոցային մակերեսային վերին և ենթաթիակային, առաջին կողային և ենթածնկային ավշային հանգույցները, ինչպես նաև փայծաղը, երիկամները, լյարդի բիլթը` լյարդային ավշահանգույցներով (կամ լեղապարկը` առանց լեղու) հյուսվածքների փոփոխված մասեր:

Սույն կետում նշված հետազոտության համար նմուշներ վերցնելիս` կազմվում է արձանագրություն (N 1 ձև), որում նշվում են նմուշներ վերցնելու նպատակը և նմուշների քանակը: Արձանագրությունը կազմվում է 3 օրինակից, որն ստորագրվում է նաև տիրոջ կողմից, և մեկ օրինակը տրվում է նրան:

Սիբիրախտի նկատմամբ կասկածի դեպքում հետազոտության համար լրացուցիչ ուղարկվում են նաև փայծաղը և ականջը (կաշին), իսկ խոզերի դեպքում` նաև ենթածնոտային ավշային հանգույցը:

(17-րդ կետը փոփ. 21.07.05 թիվ 1076-Ն, 06.06.13 թիվ 597-Ն որոշումներ)

i

18. Հետազոտության համար վերցված նյութերն ուղարկվում են կից փաստաթղթերով (N 2 ձև), կապարակնքված անջրաթափանց տարայով:

Կից փաստաթղթում նշվում են կենդանու կամ մթերքի տեսակը, պատկանելությունը, թե ինչ նմուշ է ուղարկվում, քանակը, տիրոջ անունը (անվանումը), նմուշի անվանումը, հետազոտության համար նմուշի ուղարկման պատճառը, ենթադրվող ախտորոշումը և թե ինչպիսի հետազոտություններ պետք է կատարվեն (մանրէաբանական և մակաբուծաբանական, ֆիզիկաքիմիական և այլն):

(18-րդ կետը փոփ. 21.07.05 թիվ 1076-Ն, 06.09.12 թիվ 1122-Ն, 06.06.13 թիվ 597-Ն որոշումներ)

19. Սպանդից գոյացած մթերքում վարակիչ հիվանդությունների հարուցիչների հայտնաբերման դեպքում մսեղիքն ու ներքին օրգաններն օգտագործվում են Հայաստանի Հանրապետության կառավարության կողմից հաստատված կարգով:

20. Մինչև լաբորատոր հետազոտության արդյունքներն ստանալը միսը, սպանդից գոյացած մյուս մթերքները պետք է պահվեն մեկուսացված պայմաններում` ոչ ավելի, քան +4oC ջերմաստիճանում:

i

21. Մսի և սպանդից գոյացած մյուս մթերքների թարմության նկատմամբ կասկածի և օրգանոլեպտիկ եղանակով դրանց բարորակության որոշման անհնարինության դեպքում, ինչպես նաև այն բոլոր դեպքերում, երբ հնարավոր չէ անասնաբուժասանիտարական գնահատականը տալ անասնաբուժական զննման արդյունքների հիման վրա, անցկացվում են պարտադիր քիմիական և մանրէաբանական և մակաբուծաբանական հետազոտություններ:

(21-րդ կետը փոփ. 21.07.05 թիվ 1076-Ն որոշում)

22. Տրիխինելյոզի նկատմամբ պարտադիր քննության է ենթարկվում խոզերի (բացի մինչև 3 շաբաթական խոճկորներից), վարազների, արջերի, կուղբերի, փորսուղների և այլ ամենակեր ու մսակեր կենդանիների մսեղիքը, որոնք տրիխինելյոզի նախատրամադիր են:

23. Սննդի համար պիտանի ճանաչված միսը դրոշմվում է սահմանված ձևի դրոշմով` Հայաստանի Հանրապետության կառավարության կողմից հաստատված կարգով:

Լաբորատոր հետազոտությունների համար յուրաքանչյուր մսեղիքից կամ դրա մասերից վերցվում է մսի նմուշ` 200-250 գրամ զանգվածի չափով:

Սառեցված կամ պաղեցված մսի բլոկներից և ենթամթերքներից կամ կասկածելի թարմություն ունեցող առանձին բլոկներից մսի նմուշը վերցվում է 250-300 գրամ զանգվածի չափով:

24. Սննդի համար ոչ պիտանի միսը և մսամթերքը ենթակա են վարակազերծման և ոչնչացման` Հայաստանի Հանրապետության կառավարության 2004 թվականի մարտի 31-ի «Կենդանական սպանդից գոյացած մթերքների անասնաբուժասանիտարական փորձաքննության իրականացման կարգը սահմանելու մասին» N 426-Ն որոշմամբ հաստատված` մսի, մսամթերքի և հումքի վարակազերծման ու ոչնչացման կարգով (N 2 հավելված):

25. Նույն օրը չվաճառված միսը և սպանդից գոյացած մյուս մթերքները, որոնք չեն պահվել սառնարանում, հաջորդ օրը ենթարկվում են կրկնակի անասնաբուժասանիտարական փորձաքննության:

 

Ձև N 1

 

i

_____________________________________________________________________

(անասնաբուժասանիտարական փորձաքննություն իրականացնող մարմնի անվանումը

կամ անունը, ազգանունը, գտնվելու վայրը)

 

ՆՄՈՒՇԱՌՄԱՆ ԱՐՁԱՆԱԳՐՈՒԹՅՈՒՆ N _____

 

    ____ __________ 201  թ.                 _____________________________

                                            (արձանագրության կազմման վայրը)

 

1. Ես` անասնաբույժ _________________________________________________,

(անունը, ազգանունը)

_________________________________________________________ ներկայացուցիչ

(տնտեսավարողի անվանումը)

_____________________________________________________________________

___________________________________________________________________ -ի

(պաշտոնը, անունը, ազգանունը կամ անասնատիրոջ անունը, ազգանունը,

հասցեն, անձը հաստատող փաստաթղթի տվյալները)

 

ներկայությամբ` ___________________________________________________ -ում

(վայրը, որտեղ կատարվում է նմուշառումը)

 

անասնաբուժասանիտարական փորձաքննության նպատակով ընտրել եմ նմուշներ ___

_____________________________________________________________________

_____________________________________________________________________

                 (նորմատիվ փաստաթղթի անվանումը, նշագիրը)

 

2. Կենդանական ծագման մթերքը (մսեղիքը) ուղեկցվում է`__________________

_____________________________________________________________________

(անվտանգությունը հավաստող փաստաթղթի անվանումը, համարը, երբ և ում

կողմից է տրված)

 

3. Պահելու տեղը և պայմանները _______________________________________

_____________________________________________________________________

 

4. Զգայորոշման ցուցանիշների (արտաքին զննման) արդյունքները` __________

_____________________________________________________________________

_____________________________________________________________________

_____________________________________________________________________

_____________________________________________________________________

_____________________________________________________________________

_____________________________________________________________________

5. Նմուշի ընդհանուր նկարագիրը

.__________________________________________________________.

|Կենդանու տեսակը, |Սպանդի     |Կենդանու|Փորձարկման նպատակով|

|նմուշի նկարագիրը |իրականացման|քաշը    |ընտրված նմուշի     |

|                 |ամիսը,     |        |___________________|

|                 |ամսաթիվը,  |        |ծածկագիրը |քանակը  |

|                 |տարեթիվը   |        |          |        |

|_________________|___________|________|__________|________|

|        1        |     2     |    3   |     4    |    5   |

|_________________|___________|________|__________|________|

|_________________|___________|________|__________|________|

|_________________|___________|________|__________|________|

|_________________|___________|________|__________|________|

|_________________|___________|________|__________|________|

|_________________|___________|________|__________|________|

|_________________|___________|________|__________|________|

.__________________________________________________________.

 

6. Սույն արձանագրությունը կազմված է 3 օրինակից, որոնցից մեկ օրինակը հանձնվում է տնտեսավարողին կամ նրա ներկայացուցչին

 

    Անասնաբույժ            _________________    ___________________

                           (ստորագրությունը)    (անունը, ազգանունը)

 

Տնտեսավարողի ներկայացուցիչ

կամ անասնատեր

                           _________________    ___________________

                           (ստորագրությունը)    (անունը, ազգանունը)

 

(1-ին ձևը լրաց. 06.06.13 թիվ 597-Ն որոշում)

 

Ձև N 2

 

_____________________________________________________________________

(անասնաբուժասանիտարական փորձաքննություն իրականացնող մարմնի անվանումը

կամ անունը, ազգանունը, գտնվելու վայրը)

 

ՆՄՈՒՇՆԵՐՆ ՈՒՂԵԿՑՈՂ ՆԱՄԱԿ N ___

 

____ ___________ 200 թ.

 

    (փորձարկման լաբորատորիայի անվանումը)     (ղեկավարի անունը, ազգանունը)

 

Խնդրում եմ ___________________________ -ին ____________ին համապատասխան

               (նմուշառման ամիսը, ամսաթիվը,    (նորմատիվ փաստաթղթի

                  տարեթիվը)                       նշագիրը)

 

կատարել իմ կողմից N ________________ ակտով նմուշառված և ստորև նշված

(նմուշառման

արձանագրության համարը)

 

համապատասխան նմուշների լաբորատոր փորձարկումներ ___________________ և

(նմուշի ուղարկման

պատճառը)

___________________________:

(ենթադրվող ախտորոշումը)

 

._____________________________________________________________________.

|Կենդանու տեսակը|Նմուշի       |Չափի    |Նմուշի    |Ցուցանիշներ, ըստ   |

|               |նկարագիրը և  |միավորը |ծածկագիրը |որոնց պետք է       |

|               |քանակը       |        |          |կատարել            |

|               |             |        |          |փորձարկումները     |

|_______________|_____________|________|__________|___________________|

|       1       |      2      |    3   |    4     |         5         |

|_______________|_____________|________|__________|___________________|

|_______________|_____________|________|__________|___________________|

|_______________|_____________|________|__________|___________________|

|_______________|_____________|________|__________|___________________|

|_______________|_____________|________|__________|___________________|

|_______________|_____________|________|__________|___________________|

|_______________|_____________|________|__________|___________________|

._____________________________________________________________________.

 

Վճարումը երաշխավորում եմ:

 

Անասնաբույժ

                         (ստորագրությունը)          (անունը, ազգանունը)

 

(2-րդ ձևը լրաց. 06.06.13 թիվ 597-Ն որոշում)

 

Ձև N 3

 

_____________________________________________________________________

            (փորձարկման լաբորատորիայի անվանումը և գտնվելու վայրը)

 

ԵԶՐԱԿԱՑՈՒԹՅՈՒՆ N ____

 

ԱՆԱՍՆԱԲՈՒԺԱՍԱՆԻՏԱՐԱԿԱՆ ՓՈՐՁԱՔՆՆՈՒԹՅԱՆ

 

____________________________________________________________ -ի կողմից

(հետազոտվող նյութ ներկայացնող իրավաբանական (ֆիզիկական) անձի

անվանումը (անունը, ազգանունը)

______________________________ նմուշներն ուղեկցող նամակով ներկայացված

(նմուշներն ուղեկցողի նամակի

համարը, ամիսը, ամսաթիվը, տարեթիվը)

 

նմուշներ ____________________________________________________________

_____________________________________________________________________

_____________________________________________________________________

___________________________________________________________________ -ի

(հետազոտության նյութերի ծածկագիրը և նկարագիրը)

 

զգայաբանական, մանրադիտակային, մանրէաբանական և մակաբուծաբանական,

կենսաքիմիական, օվոսկոպիկ և տրիխինելյոզի նկատմամբ հետազոտությունները

(ընդգծել) տվեցին հետևյալ արդյունքները`

_____________________________________________________________________

_____________________________________________________________________

_____________________________________________________________________

_____________________________________________________________________

_____________________________________________________________________

_____________________________________________________________________

հետազոտությունները տվեցին արտադրանքի հետագա օգտագործման վերաբերյալ

հետևյալ արդյունքները`

_____________________________________________________________________

_____________________________________________________________________

_____________________________________________________________________

_____________________________________________________________________

_____________________________________________________________________

_____________________________________________________________________

 

Փորձարկման լաբորատորիայի

_______________________ `

           (պաշտոնը)           __________________   _____________________

                                (ստորագրությունը)    (անունը, ազգանունը)

 

    Անասնաբույժ                                                         «:

                                (ստորագրությունը)    (անունը, ազգանունը)

 

(3-րդ ձևը լրաց. 06.06.13 թիվ 597-Ն որոշում)

 

Հավելված N 2

ՀՀ կառավարության

2004 թվականի մարտի 31-ի

N 426-Ն որոշման

 

ԿԱՐԳ

ՄՍԻ, ՄՍԱՄԹԵՐՔԻ ԵՎ ՀՈՒՄՔԻ ՎԱՐԱԿԱԶԵՐԾՄԱՆ ՈՒ ՈՉՆՉԱՑՄԱՆ

 

1. Վարակազերծման ենթակա են միսը և սպանդից գոյացած մյուս մթերքները, որոնք չեն կարող թույլատրվել սննդի համար` առանց նախնական մշակման:

2. Միսը և մյուս մթերքները վարակազերծվում են եփելու միջոցով` առնվազն 100oC ջերմաստիճանի պայմաններում, 2 կիլոգրամից ոչ ավելի ծավալով և մինչև 8 սանտիմետր հաստությամբ կտորներով, բաց կաթսաներում` 3 ժամ տևողությամբ, իսկ ավտոկլավում` գոլորշու 0,5 մթնոլորտային ճնշման տակ, 2,5 ժամ տևողությամբ:

3. Միսը համարվում է վարակազերծված, եթե մսի կտորի ներսում ջերմաստիճանը հասնում է առնվազն 80oC-ի, խոզի մսի գույնը կտրվածքում դառնում է սպիտակագորշավուն, իսկ մյուս կենդանատեսակների միսը` գորշ: Եփված մսի կտրվածքի մակերեսով հոսող հյութը լինում է անգույն:

Ներքին և ենթամաշկային ճարպը հալում են, այդ պրոցեսի ընթացքում ջերմաստիճանը պետք է հասնի մինչև 100oC-ի, այդ ջերմաստիճանում պահում են մինչև 20 րոպե:

4. Ցիստիցերկոզով ախտահարված միսը վարակազերծում են սառեցմամբ, աղաջրում պահելու (բացի ճարպից) կամ եփելու միջոցով:

i

5. Միսը համարվում է առողջ կենդանուց ստացված, եթե առկա են մսեղիքի օրգանոլեպտիկ (արտաքին տեսքը, գույնը, պարզությունը, հոտը) դրական ցուցանիշներ, և քսուքներում բացակայում են ախտածին մանրէները և մակաբուծաբանական հետազոտության արդյունքները բացասական են:

Փորձնական եփման ժամանակ արգանակի օրգանոլեպտիկ ցուցանիշները պետք է համապատասխանեն թարմ մսի ցուցանիշներին:

Հիվանդ կենդանիների միսը, ինչպես նաև հոգեվարքի վիճակում մորթված կենդանիների միսն ունենում է անբավարար կամ վատ արնաքամվածություն, ավշային հանգույցները կապտավարդագույն են կամ կապտավուն գունավորմամբ, հնարավոր է նաև ախտածին մանրէների մակաբույծների առկայությունը մսում: Փորձնական եփման ժամանակ արգանակը պղտոր է, կարող է լինել փաթիլներով, ունենալ կողմնակի` մսին ոչ յուրահատուկ հոտ:

(5-րդ կետը փոփ. 21.07.05 թիվ 1076-Ն որոշում)

6. Սառեցման միջոցով վարակազերծումը կատարվում է հետևյալ ռեժիմներով`

ա) խոզի միսը սառեցնում են` ջերմաստիճանը հասցնելով մսի խորքում մինչև -10oC-ի, խցիկում հետագա պահման պայմանով` 10 օրվա ընթացքում` -12oC-ից ոչ ավելի ջերմության պայմաններում կամ ջերմաստիճանը հասցնում են մսի խորքում -12oC-ից ոչ ավելի ջերմաստիճանի, խցիկում հետագա պահպանման պայմանով` 4 օրվա ընթացքում` -13oC-ից ոչ ավելի ջերմության պայմաններում: Մսի խորքում առկա ջերմաստիճանը չափում են կոնքազդրային մկաններում` 7-10 սանտիմետր խորությամբ.

բ) տավարի միսը սառեցնում են` ջերմաստիճանը հասցնելով մսի խորքում -12oC-ից ոչ ավելի ջերմաստիճանի, առանց հետագա պահպանման, կամ հասցնելով մսի խորքում -6oC-ից ոչ ավելի ջերմաստիճանի, բայց հետագայում խցիկում պահելով -9oC-ից ոչ ավելի ջերմաստիճանում` առնվազն 24 ժամ: Սառեցմամբ վարակազերծված միսն ուղարկվում է վերամշակման` ֆարշային երշիկներ (այդ թվում` նաև լիվերային) կամ ֆարշային պահածոներ պատրաստելու համար:

Աղաջրի միջոցով վարակազերծման համար միսը կտրատում են 2,5 կիլոգրամից ոչ ավելի զանգվածով կտորների, լցնում են կերակրի աղ` մսի 10 տոկոսի չափով, այնուհետև լցնում առնվազն 24,0 տոկոս խտություն ունեցող աղի լուծույթ և պահում 20 օր.

գ) թռչունների մսեղիքը բաժանում են 2 կամ 4 մասի և վարակազերծում ստորև նշված եղանակներից որևէ մեկով`

միսը եփում են կափարիչով ծածկված պղնձի մեջ, եռացող ջրում լրիվ խորասուզված վիճակում` հետևյալ տևողությամբ`

հավի, սագի, բադի, հնդկահավի, խայտահավի, լորի ճտերի համար` 40 րոպե,

հավի ու բադի համար` 60-70 րոպե,

սագի և հնդկահավի համար` 90 րոպե.

միսը եփելու վերջում ջերմաստիճանը կրծքի մկանների խորքում չպետք է ցածր լինի 78oC-ից:

Մսի պահածոները պատրաստվում են համաձայն գործող տեխնոլոգիաների:

Սալմոնելյոզով և տուբերկուլյոզով ախտահարված թռչունների մսեղիքը եփվում է 100oC ջերմաստիճանում` 90 րոպե տևողությամբ:

7. Մսի և սպանդից գոյացած մյուս մթերքների վարակազերծման աշխատանքների ավարտից հետո անցկացվում է շենքերի, գույքի, սարքավորումների և այլ օժանդակ նյութերի անասնաբուժասանիտարական մշակում:

8. Կենդանիների դիակների անասնաբուժական կոնֆիսկանտների (կենդանիների մորթից գոյացած հումք և մթերք, որոնք անասնաբուժասանիտարական փորձաքննությամբ ճանաչվել են սննդի համար ոչ պիտանի), ոչնչացվում են այրման կամ բիոթերմիկ հորերում թաղման միջոցով:

 

 

pin
ՀՀ կառավարություն
31.03.2004
N 426-Ն
Որոշում