(ուժը կորցրել է 10.07.08 թիվ 748-Ն որոշում)
i
040.0587.060504
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«6» մայիսի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
22 ապրիլի 2004 թվականի N 587-Ն
i
ՆԱԽԱԶՈՐԱԿՈՉԱՅԻՆ ՈՒ ԶՈՐԱԿՈՉԱՅԻՆ ՏԱՐԻՔԻ ԱՐԱԿԱՆ ՍԵՌԻ ՔԱՂԱՔԱՑԻՆԵՐԻ ԱՌՈՂՋԱԿԱՆ ՎԻՃԱԿԻ ԳՆԱՀԱՏՄԱՆ, ԲԺՇԿԱԿԱՆ ՓՈՐՁԱՔՆՆՈՒԹՅԱՆ ԱՆՑԿԱՑՄԱՆ, ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԿԱԶՄԱԿԵՐՊՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
«Զինապարտության մասին» Հայաստանի Հանրապետության օրենքին համապատասխան, ինչպես նաև նախազորակոչային ու զորակոչային տարիքի արական սեռի քաղաքացիների բժշկական փորձաքննության, բժշկական օգնության և սպասարկման աշխատանքները բարելավելու նպատակով Հայաստանի Հանրապետության կառավարությունը որոշում է.
1. Հաստատել նախազորակոչային (16-18 տարեկան) ու զորակոչային (18-27 տարեկան) տարիքի արական սեռի քաղաքացիների առողջական վիճակի գնահատման, բժշկական փորձաքննության անցկացման, բժշկական օգնության և սպասարկման կազմակերպման կարգը` համաձայն N 1 հավելվածի:
2. Սահմանել`
ա) պետության կողմից երաշխավորված անվճար բժշկական օգնության և սպասարկման առողջապահական պետական նպատակային ամենամյա ծրագրերին համապատասխան` ամբուլատոր-պոլիկլինիկական ու հիվանդանոցային հաստատություններում կատարվող բժշկական հետազոտությունների և հիվանդների բուժման ծավալները` համաձայն N 2 հավելվածի.
բ) պետության կողմից երաշխավորված անվճար բժշկական օգնության և սպասարկման առողջապահական պետական նպատակային ամենամյա ծրագրերին համապատասխան` ամբուլատոր-պոլիկլինիկական պայմաններում բուժման ենթակա հիվանդությունների և ախտաբանական վիճակների ցանկը` համաձայն N 3 հավելվածի.
գ) պետության կողմից երաշխավորված անվճար բժշկական օգնության և սպասարկման առողջապահական պետական նպատակային ամենամյա ծրագրերին համապատասխան` հիվանդանոցային պայմաններում բուժման ենթակա հիվանդությունների և ախտաբանական վիճակների ցանկը` համաձայն N 4 հավելվածի:
i
3. ՈՒժը կորցրած ճանաչել Հայաստանի Հանրապետության կառավարության 2002 թվականի մայիսի 30-ի «Նախազորակոչային և զորակոչային տարիքի անձանց առողջական վիճակի գնահատման, բժշկական փորձաքննության անցկացման, բժշկական օգնության և սպասարկման կազմակերպման կարգը հաստատելու մասին» N 634 որոշումը:
4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ԱՊՐԻԼԻ 30-ԻՆ
Հավելված N 1
ՀՀ կառավարության
2004 թվականի ապրիլի 22-ի
N 587-Ն որոշման
ԿԱՐԳ
ՆԱԽԱԶՈՐԱԿՈՉԱՅԻՆ (16-18 ՏԱՐԵԿԱՆ) ՈՒ ԶՈՐԱԿՈՉԱՅԻՆ (18-27 ՏԱՐԵԿԱՆ) ՏԱՐԻՔԻ ԱՐԱԿԱՆ ՍԵՌԻ ՔԱՂԱՔԱՑԻՆԵՐԻ ԱՌՈՂՋԱԿԱՆ ՎԻՃԱԿԻ ԳՆԱՀԱՏՄԱՆ, ԲԺՇԿԱԿԱՆ ՓՈՐՁԱՔՆՆՈՒԹՅԱՆ ԱՆՑԿԱՑՄԱՆ, ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԿԱԶՄԱԿԵՐՊՄԱՆ
1. Սույն կարգի համաձայն բժշկական հսկողության և հաշվառման ենթակա են նախազորակոչային (16-18 տարեկան), զորակոչային (18-27 տարեկան), ինչպես նաև 27 տարեկանից հետո ասպիրանտուրան ավարտած` զինվորական ծառայություն չանցած արական սեռի բոլոր քաղաքացիները:
2. Նախազորակոչային տարիքի անձինք, ըստ տարածաշրջանային զինվորական կոմիսարիատներից ներկայացված` կցագրման ենթակա անձանց անվանացանկի, բժշկական հաշվառման են վերցվում ամբուլատոր-պոլիկլինիկական հաստատությունների (բուժմիավորումների ամբուլատոր-պոլիկլինիկական ստորաբաժանումների)` Հայաստանի Հանրապետության առողջապահության նախարարի հրամանի համաձայն` տվյալ տարիքի անձանց բուժսպասարկման համար առանձնացված առաջնային օղակի մասնագետի կողմից:
3. Նախազորակոչիկների ու զորակոչիկների բուժսպասարկման համար առանձնացված առաջնային օղակի մասնագետն իր կողմից հաշվառման վերցված քաղաքացիների պարբերական բժշկական հետազոտությունն իրականացնում է համաձայն պետության կողմից երաշխավորված անվճար բժշկական օգնության և սպասարկման առողջապահական պետական նպատակային ամենամյա ծրագրերին համապատասխան կատարվող բժշկական հետազոտությունների և հիվանդների բուժման ծավալների (հավելված N 2): Տարածաշրջանային զինվորական կոմիսարիատը նշված հետազոտությունների անցկացման ժամանակացույցը նախապես համաձայնեցնում է ամբուլատոր-պոլիկլինիկական հաստատության տնօրենի, անհրաժեշտության դեպքում` տեղական ինքնակառավարման մարմինների, հաստատությունների, կազմակերպությունների ղեկավարների հետ:
i
3.1. Նախազորակոչային և զորակոչային տարիքի անձանց մոտ տուբերկուլյոզի վաղ հայտնաբերման ու կանխարգելման նպատակով` Հայաստանի Հանրապետության կառավարության 2003 թվականի դեկտեմբերի 4-ի «Տուբերկուլյոզի դեմ պայքարի ազգային ծրագիրը, ազգային ծրագրի իրականացման ժամանակացույցն ու առողջապահական ազգային ծրագրերը համակարգող հանրապետական միջգերատեսչական խորհրդի կազմը հաստատելու և Հայաստանի Հանրապետության կառավարության 2002 թվականի ապրիլի 1-ի N 316 որոշման մեջ փոփոխություն կատարելու մասին» N 1680-Ն որոշմամբ հաստատված` տուբերկուլյոզի դեմ պայքարի ազգային ծրագրից բխող առողջության առաջնային պահպանման օղակի մասնագետների կողմից (տեղամասային թերապևտ, ընտանեկան բժիշկ, մանկաբույժ) իրականացվում են պարտադիր հետազոտություններ` համաձայն N 5 հավելվածի:
(3.1-րդ կետը լրաց. 15.03.07 թիվ 334-Ն որոշում)
3.2. Նախազորակոչային և զորակոչային տարիքի անձանց հիվանդանոցային հետազոտության ավարտից հետո, տուբերկուլյոզի հայտնաբերման դեպքում, կազմակերպվում է տեղեկատվության անհապաղ փոխանցում տարածաշրջանային զինկոմիսարիատ` նրանց հետագա հաշվառման և վերահսկողության կազմակերպման նպատակով` Հայաստանի Հանրապետության պոլիկլինիկաներում ստեղծված տուբերկուլյոզի դեմ պայքարի կաբինետներում: Հետագա հիվանդանոցային, դիսպանսեր կամ ամբուլատոր և վերականգնողական (առողջարանային) բուժումը կազմակերպվում է ըստ զինապարտների բնակության վայրերի` տուբերկուլյոզի դեմ պայքարի կաբինետների կողմից` համաձայն Հայաստանի Հանրապետության կառավարության 2003 թվականի դեկտեմբերի 4-ի N 1680-Ն որոշմամբ հաստատված` տուբերկուլյոզի դեմ պայքարի ազգային ծրագրով:
(3.2-րդ կետը լրաց. 15.03.07 թիվ 334-Ն որոշում)
4. Նախազորակոչիկների ու զորակոչիկների ամբուլատոր-պոլիկլինիկական, իսկ անհրաժեշտության դեպքում` նաև հիվանդանոցային բժշկական հետազոտության արդյունքում լրացվում է առողջության անձնագիր (N 1 ձև)` առողջական վիճակի վերաբերյալ բոլոր անհրաժեշտ նշումներով և համալիր գնահատականով:
5. Նախազորակոչիկների ու զորակոչիկների կցագրման ընթացքում բժշկական հետազոտության ավարտից հետո տարածաշրջանային զինվորական կոմիսարիատների կողմից տարածքային ամբուլատոր-պոլիկլինիկական բուժհաստատություն է ներկայացվում մանրամասն տեղեկատվություն Հայաստանի Հանրապետության կառավարության 2004 թվականի ապրիլի 22-ի «Նախազորակոչային ու զորակոչային տարիքի արական սեռի քաղաքացիների առողջական վիճակի գնահատման, բժշկական փորձաքննության անցկացման, բժշկական օգնության և սպասարկման կազմակերպման կարգը հաստատելու մասին» N 587-Ն որոշման NN 3 և 4 հավելվածներում նշված հիվանդությունների և ախտաբանական վիճակների կոնսերվատիվ կամ վիրաբուժական բուժման կարիք ունեցողների մասին: Վերջիններիս նկատմամբ սահմանվում է շարունակական հսկողություն, և կազմակերպվում է պետության կողմից երաշխավորված անվճար բժշկական օգնության և սպասարկման առողջապահական պետական նպատակային ամենամյա ծրագրերին համապատասխան անվճար բուժում` մասնագիտացված պոլիկլինիկաներում կամ հիվանդանոցային պայմաններում:
6. Հայաստանի Հանրապետության մարզերում բնակվող նախազորակոչային ու զորակոչային տարիքի արական սեռի քաղաքացիների հիվանդանոցային բուժումը կազմակերպվում է ըստ բնակության վայրի` որևէ հիվանդանոցում, իսկ նեղ մասնագիտացված բուժօգնություն պահանջող հիվանդությունների դեպքում` Երևան քաղաքի համապատասխան հիվանդանոցներում` Հայաստանի Հանրապետության առողջապահության նախարարության ընտրությամբ, ինչպես նաև` Հայաստանի Հանրապետության պաշտպանության նախարարության հոսպիտալներում:
7. Պետության կողմից երաշխավորված անվճար բժշկական օգնության և սպասարկման առողջապահական պետական նպատակային ամենամյա ծրագրերին համապատասխան` նախազորակոչային ու զորակոչային տարիքի արական սեռի քաղաքացիների անվճար հիվանդանոցային բուժման համար հիմք է հանդիսանում զինվորական կոմիսարիատի բժշկական հանձնաժողովի կողմից տրված և զինվորական կոմիսարի կնիքով հաստատված ուղեգիրը (N 2 ձև):
8. Նախազորակոչային ու զորակոչային տարիքի արական սեռի քաղաքացիների ամբուլատոր-պոլիկլինիկական և հիվանդանոցային բուժումն իրականացվում է գարնանային ու աշնանային զորակոչների ժամանակահատվածում, իսկ այդ ժամանակահատվածից դուրս` նրանց նկատմամբ սահմանվում է շարունակական հսկողություն` զինվորական կոմիսարիատի բժշկական հանձնաժողովի ավագ բժշկի և տվյալ տարիքի քաղաքացիների բուժսպասարկման համար առանձնացված առաջնային օղակի մասնագետի կողմից:
i
9. Նախազորակոչային և զորակոչային տարիքի արական սեռի քաղաքացիների ամբուլատոր-պոլիկլինիկական և հիվանդանոցային բուժումն իրականացվում է գարնանային և աշնանային զորակոչի, ինչպես նաև զորակոչից դուրս ընկած ժամանակահատվածում, և նրանց նկատմամբ զինկոմիսարիատի բժշկական հանձնաժողովի ավագ բժշկի և տվյալ տարիքի պատանիների բուժսպասարկման համար առանձնացված առաջնային օղակի մասնագետի կողմից սահմանվում է շարունակական հսկողություն:
(9-րդ կետը փոփ. 15.03.07 թիվ 334-Ն որոշում)
10. Ամբուլատոր-պոլիկլինիկական հաստատությունները մինչև զորակոչի սկիզբը, տարածքային զինվորական կոմիսարիատի հետ ճշտելով զորակոչի ենթակա քաղաքացիների ցուցակները, զորակոչիկների բժշկական քարտերից քաղվածքներն ուղարկում են զինվորական կոմիսարիատ` զորակոչիկների բժշկական հետազոտություններն իրականացնելու նպատակով:
11. Զորակոչի ընթացքում զինապարտների ախտորոշումը ճշտելու նպատակով կրկնակի ստուգիչ բժշկական հետազոտություններն իրականացվում են` համաձայն զորակոչային բժշկական հանձնաժողովների կողմից ներկայացված միջնորդության, Հայաստանի Հանրապետության առողջապահության նախարարի կողմից սահմանված զինապարտների հիվանդանոցային հետազոտման ուղեգրերով:
12. Զորակոչիկների բժշկական հետազոտության ավարտից հետո տարածքային զինվորական կոմիսարիատը հիվանդ զորակոչիկների բժշկական քաղվածքները վերադարձնում է ամբուլատոր-պոլիկլինիկական հաստատություն` կցելով հետագա բժշկական հսկողության կարիք ունեցող այն անձանց ցուցակները`
ա) որոնց բուժման համար տրամադրված է տարկետում (մինչև մեկ տարի).
բ) ովքեր պիտանի չեն խաղաղ ժամանակ զինվորական ծառայության համար, պիտանի են ոչ շարային ծառայության համար` պատերազմական ժամանակ.
գ) ովքեր պիտանի չեն զինվորական ծառայության համար և ենթակա են հաշվառումից հանման:
13. Նախազորակոչային ու զորակոչային տարիքի արական սեռի քաղաքացիների բժշկական հաշվառման, առողջական վիճակի գնահատման, բժշկական հետազոտության իրականացման, բժշկական օգնության և սպասարկման կազմակերպման համար պատասխանատվությունը դրվում է համապատասխան զինվորական կոմիսարիատի հանձնաժողովի նախագահի (զինվորական կոմիսար), բժշկական հանձնաժողովի ավագ բժշկի ու ամբուլատոր-պոլիկլինիկական կազմակերպությունների տնօրենների վրա:
14. Սույն կարգից բխող գերատեսչական նորմատիվ ակտերը (պետության կողմից երաշխավորված անվճար բժշկական օգնության և սպասարկման առողջապահական պետական նպատակային ամենամյա ծրագրերին համապատասխան` զինապարտների բժշկական հաշվառման ու բժշկական հետազոտության իրականացման, բժշկական օգնության և սպասարկման կազմակերպման վերաբերյալ մեթոդական ցուցումներ) հաստատվում են Հայաստանի Հանրապետության առողջապահության նախարարի և Հայաստանի Հանրապետության պաշտպանության նախարարի կողմից:
Ձև N 1
ԱՌՈՂՋՈՒԹՅԱՆ ԱՆՁՆԱԳԻՐ
._________________________________________________________________________.
|1. Քաղաքացու անունը, հայրանունը, ազգանունը _____________________________ |
|2. Ծննդյան ամսաթիվը, ամիսը և տարեթիվը _________________________________ |
|3. Բնակության վայրը ____________________________________________________ |
|4. Կատարված բժշկական քննությունների արդյունքները _______________________ |
| |
| ._______________________________________________________________. |
| | Բժշկի մասնագիտությունը | 15 տարեկան | 16 տարեկան | 17 տարեկան | |
| |________________________|____________|____________|____________| |
| |1. | | | | |
| |2. | | | | |
| |3. | | | | |
| |4. ..... | | | | |
| |________________________|____________|____________|____________| |
| |Բժշկական եզրակացություն | | | | |
| ._______________________________________________________________. |
| |
|5. Հետագա հսկողության (հետազոտության, բուժման) վերաբերյալ |
|հանձնարարականներ _______________________________________________________ |
| _______________________________________________________________________ |
| _______________________________________________________________________ |
| |
|Կազմակերպության ղեկավար __________________ ____________________ |
| (ստորագրությունը) (անունը, ազգանունը) |
| |
| _____ _____________ 200 թ. Կ.Տ. |
._________________________________________________________________________.
Ձև N 2
ՈՒՂԵԳԻՐ N 00000
ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԱՌՈՂՋԱՊԱՀԱԿԱՆ ՊԵՏԱԿԱՆ ՆՊԱՏԱԿԱՅԻՆ ԱՄԵՆԱՄՅԱ ԾՐԱԳՐԵՐԻՆ ՀԱՄԱՊԱՏԱՍԽԱՆ` ՆԱԽԱԶՈՐԱԿՈՉԱՅԻՆ ՈՒ ԶՈՐԱԿՈՉԱՅԻՆ ՏԱՐԻՔԻ ԱՐԱԿԱՆ ՍԵՌԻ ՔԱՂԱՔԱՑԻՆԵՐԻ ԱՆՎՃԱՐ ՀԻՎԱՆԴԱՆՈՑԱՅԻՆ ԲՈՒԺՄԱՆ` ՏՐՎԱԾ ԶԻՆՎՈՐԱԿԱՆ ԿՈՄԻՍԱՐԻԱՏԻ ԲԺՇԿԱԿԱՆ ՀԱՆՁՆԱԺՈՂՈՎԻ ԿՈՂՄԻՑ ԵՎ ՀԱՍՏԱՏՎԱԾ ԶԻՆՎՈՐԱԿԱՆ ԿՈՄԻՍԱՐԻ ԿՆԻՔՈՎ
_____ _____________ 200 թ.
ՈՒղեգրող զինկոմիսարիատ ___________________________________________________ ՈՒղեգրման բուժհաստատության անվանումը _____________________________________ Զորակոչիկի անունը, հայրանունը, ազգանունը _________________________________ ծնված` _____ ___________ __________ թ. Նախնական ախտորոշումը _____________________________________________________
Զինկոմ _____________________ _______________________
(ստորագրությունը) (անունը, ազգանունը)
Ավագ բժիշկ _____________________ _______________________
(ստորագրությունը) (անունը, ազգանունը)
Հետազոտման ուղեգրվող զորակոչիկ _________________ ____________________
(ստորագրությունը) (անունը, ազգանունը)
ՈՒՂԵԳԻՐ N 00000
_____ _____________ 200 թ.
_________________________________ _________________________________
_________________________________ _________________________________
(զինկոմիսարիատի անվանումը) (բուժհիմնարկի անվանումը)
ՈՒղարկվում է զորակոչիկ (զինապարտ) ________________________________________
(անունը, հայրանունը, ազգանունը) ծնված` _____ __________ ________ թ. ____________________ հետազոտման համար: Նախնական ախտորոշումը _____________________________________________________
Զինկոմ _____________________ _______________________
(ստորագրությունը) (անունը, ազգանունը)
Ավագ բժիշկ _____________________ _______________________
(ստորագրությունը) (անունը, ազգանունը)
Կ.Տ.
-----------------------------------
Լրացվում է 2 օրինակից:
Հավելված N 2
ՀՀ կառավարության
2004 թվականի ապրիլի 22-ի
N 587-Ն որոշման
ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԱՌՈՂՋԱՊԱՀԱԿԱՆ ՊԵՏԱԿԱՆ ՆՊԱՏԱԿԱՅԻՆ ԱՄԵՆԱՄՅԱ ԾՐԱԳՐԵՐԻՆ ՀԱՄԱՊԱՏԱՍԽԱՆ` ԱՄԲՈՒԼԱՏՈՐ-ՊՈԼԻԿԼԻՆԻԿԱԿԱՆ ՈՒ ՀԻՎԱՆԴԱՆՈՑԱՅԻՆ ՀԱՍՏԱՏՈՒԹՅՈՒՆՆԵՐՈՒՄ ԿԱՏԱՐՎՈՂ ԲԺՇԿԱԿԱՆ ՀԵՏԱԶՈՏՈՒԹՅՈՒՆՆԵՐԻ ԵՎ ՀԻՎԱՆԴՆԵՐԻ ԲՈՒԺՄԱՆ ԾԱՎԱԼՆԵՐԸ
._________________________________________________________________________.
| Տարիքը | Մասնագետները |Իրականացվող բժշկական միջոցառումները|
| | | և հետազոտությունները |
|_______________|_____________________|___________________________________|
|14-15 տարեկան |տվյալ տարիքի անձանց |պատվաստումներ` կարմրուկի և |
|(հանրակրթական |բուժսպասարկման |պարոտիտի դեմ |
|դպրոցի 8-րդ |համար առանձնացված | |
|դասարան) |առաջնային օղակի | |
| |մասնագետ | |
|_______________|_____________________|___________________________________|
|Նախազորակոչային|թերապևտ (ընտանեկան |պատվաստումներ (համաձայն Հայաստանի |
|տարիք |բժիշկ), վիրաբույժ, |Հանրապետության առողջապահության |
|(16-18 տարեկան,|քիթ-կոկորդ-ականջաբան,|նախարարության կողմից հաստատված |
|կցագրում) |նյարդաբան, ակնաբույժ,|պատվաստումների ազգային օրացույցի), |
| |ստոմատոլոգ, |մարդաչափություն, արտաքին շնչառական |
| |հոգեբույժ, |ֆունկցիայի որոշում (սպիրոմետրիա), |
| |մաշկավեներաբան |ուժաչափություն (դինամոմետրիա), |
| |(տարածաշրջանային |ֆլյուորոգրաֆիա, արյան խմբի և |
| |զինկոմիսարիատների |ռեզուս պատկանելության որոշում (եթե |
| |հետ համատեղ) |կատարված չէ), մեզի և արյան |
| | |ընդհանուր քննություն |
|_______________|_____________________|___________________________________|
|Զորակոչային |թերապևտ, ընտանեկան |պատվաստումներ (եթե կատարված չեն), |
|տարիք (18-27 |բժիշկ, վիրաբույժ, |մարդաչափություն, արտաքին շնչառական |
|տարեկան և 27 |քիթ-կոկորդ-ականջաբան,|ֆունկցիայի որոշում (սպիրոմետրիա), |
|տարեկանից հետո`|ակնաբույժ, նյարդաբան,|ուժաչափություն (դինամոմետրիա), |
|օրենքով |ստոմատոլոգ, |միկրոպրեցիպիտացիայի ռեակցիա, արյան |
|սահմանված |հոգեբույժ, |խմբի և ռեզուս պատկանելության |
|դեպքերում) |մաշկավեներաբան |որոշում (եթե կատարված չէ), մեզի և |
| |(տարածաշրջանային |արյան ընդհանուր քննություն, |
| |զինկոմիսարիատների |էլեկտրասրտագրում |
| |հետ համատեղ) | |
._________________________________________________________________________.
Հավելված N 3
ՀՀ կառավարության
2004 թվականի ապրիլի 22-ի
N 587-Ն որոշման
ՑԱՆԿ
ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԱՌՈՂՋԱՊԱՀԱԿԱՆ ՊԵՏԱԿԱՆ ՆՊԱՏԱԿԱՅԻՆ ԱՄԵՆԱՄՅԱ ԾՐԱԳՐԵՐԻՆ ՀԱՄԱՊԱՏԱՍԽԱՆ` ԱՄԲՈՒԼԱՏՈՐ-ՊՈԼԻԿԼԻՆԻԿԱԿԱՆ ՊԱՅՄԱՆՆԵՐՈՒՄ ԲՈՒԺՄԱՆ ԵՆԹԱԿԱ ՀԻՎԱՆԴՈՒԹՅՈՒՆՆԵՐԻ ԵՎ ԱԽՏԱԲԱՆԱԿԱՆ ՎԻՃԱԿՆԵՐԻ
Սոմատիկ քրոնիկ հիվանդությունների կանխարգելիչ պլանային բուժում (ռեմիսիայի շրջանում)` նեֆրոլոգիական, թոքաբանական, գաստրոէնտերոլոգիական, նյարդաբանական, քիթ-կոկորդ-ականջաբանական, ակնաբուժական, մաշկային եզակի օջախային
Փոքր (ոչ բարդ) վիրաբուժական միջամտություններ պահանջող հիվանդություններ
Ստոմատոլոգիական` թերապևտիկ և վիրաբուժական հիվանդություններ
Սուր` թերապևտիկ ուղղվածության հիվանդություններ, որոնք չեն պահանջում շուրջօրյա հսկողություն և բուժման երկրորդային մասնագիտացված մակարդակ
Նևրոլոգիական հիվանդությունների վերականգնողական բուժում
Հավելված N 4
ՀՀ կառավարության
2004 թվականի ապրիլի 22-ի
N 587-Ն որոշման
ՑԱՆԿ
ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԱՌՈՂՋԱՊԱՀԱԿԱՆ ՊԵՏԱԿԱՆ ՆՊԱՏԱԿԱՅԻՆ ԱՄԵՆԱՄՅԱ ԾՐԱԳՐԵՐԻՆ ՀԱՄԱՊԱՏԱՍԽԱՆ` ՀԻՎԱՆԴԱՆՈՑԱՅԻՆ ՊԱՅՄԱՆՆԵՐՈՒՄ ԲՈՒԺՄԱՆ ԵՆԹԱԿԱ ՀԻՎԱՆԴՈՒԹՅՈՒՆՆԵՐԻ ԵՎ ԱԽՏԱԲԱՆԱԿԱՆ ՎԻՃԱԿՆԵՐԻ
Վիրաբուժական հիվանդություններ Սեռավարակներ և մաշկային հիվանդություններ Հոգեկան հիվանդություններ ՈՒռուցքաբանական հիվանդություններ Տուբերկուլյոզ Ինֆեկցիոն հիվանդություններ Նեղ մասնագիտացված բուժօգնություն և շուրջօրյա հսկողություն պահանջող հիվանդություններ Արյունաբանական հիվանդություններ Քրոնիկ հիվանդությունների սրացում
Հավելված N 5
i
ՀՀ կառավարության
2004 թվականի ապրիլի 22-ի
N 587-Ն որոշման
ՏՈՒԲԵՐԿՈՒԼՅՈԶԻ ՎԱՂ ՀԱՅՏՆԱԲԵՐՄԱՆ ԵՎ ԿԱՆԽԱՐԳԵԼՄԱՆ ՆՊԱՏԱԿՈՎ ԱՄԲՈՒԼԱՏՈՐ-ՊՈԼԻԿԼԻՆԻԿԱԿԱՆ ԵՎ ՀԻՎԱՆԴԱՆՈՑԱՅԻՆ ՀԱՍՏԱՏՈՒԹՅՈՒՆՆԵՐՈՒՄ ԻՐԱԿԱՆԱՑՎՈՂ` ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ՇՐՋԱՆԱԿՆԵՐՈՒՄ ԲԺՇԿԱԿԱՆ ՔՆՆՈՒԹՅՈՒՆՆԵՐԻ ԾԱՎԱԼՆԵՐԸ
._________________________________________________________________________.
| Տարիքը | Մասնագետի | Հետազոտությունները |
| | հսկողությունը | |
|_______________|_____________________|___________________________________|
|Նախազորակոչային|տվյալ տարիքի |1) խորխի եռակի բակտերիոսկոպիա |
|տարիք` 16-18 |պատանիների | (խորխի առկայության դեպքում) |
|տարեկան |բուժսպասարկման համար |2) ՄԱՆՏՈՒ-ի հետազոտության 2 TE |
|կցագրում |առանձնացված առաջնային|3) R-հետազոտություն |
|N 1 գծապատկեր |օղակի մասնագետ |4) բժշկական տուբերկուլոդիագնոստիկա |
|N 2 գծապատկեր | | (էքսպրես թեստ)` տարեկան 1 անգամ |
| | |5) ԲՑԺ-ի պատվաստում (եթե ՄԱՆՏՈՒ-ի |
| | | հետազոտության արդյունքը |
| | | բացասական է) |
|_______________|_____________________|___________________________________|
|Զորակոչային |տվյալ տարիքի |1) որովայնի օրգանների սոնոգրաֆիա |
|տարիք` 18-27 |պատանիների |2) խորխի եռակի բակտերիոսկոպիա |
|տարեկան |բուժսպասարկման համար | (խորխի առկայության դեպքում) |
|N 3 գծապատկեր |առանձնացված առաջնային|3) R-հետազոտություն |
| |օղակի մասնագետ | (ֆլյուորոգրաֆիա` իրականացվում է |
| | | հանրապետական հավաքակայանում) |
| | |4) բժշկական տուբերկուլոդիագնոստիկա |
| | | (էքսպրես թեստ)` տարեկան 1 անգամ |
| | |5) ՄԱՆՏՈՒ-ի հետազոտություն 2 TE |
| | | (եթե նախկին հետազոտության |
| | | արդյունքը բացասական է) |
| | |6) ԲՑԺ-ի պատվաստում (եթե ներկայիս |
| | | ՄԱՆՏՈՒ-ի հետազոտության |
| | | արդյունքը բացասական է) |
| | |7) ՄԻԱՎ-ի և ՁԻԱՀ-ի |
| | | հետազոտություններ (ենթակա են |
| | | 18-27 տարեկանը լրացած` ռիսկի |
| | | խմբին պատկանող անձինք) |
._________________________________________________________________________.
Գծապատկեր N 1
._________________.
| Նախազորակոչային |
| տարիք` |
| 16 տարեկան |
._________________.
|
\|/
.____________________________________.
|1. Խորխի եռակի հետազոտություն |
| (առկայության դեպքում) |
|2. ՄԱՆՏՈՒ-ի հետազոտություն 2 TE |
|3. R-հետազոտություն (ֆլյուորոգրաֆիա)|
|4. Թեստ |
.____________________________________.
.________. ._________.
| |
\|/ \|/
._____________. .______________________.
|1. Բացասական | |1. Բացասական |
|2. Նորմա | |2. Նորմա |
|3. Բացասական | |3. Դրական |
|4. Բացասական | |4. Դրական (հիպերերգիկ)|
._____________. .______________________.
\|/ \|/
.______. ._________________________.
| ԲՑԺ | | Հետազոտում մասնագիտացված|
.______. | բուժհաստատությունում |
._________________________.
.______________. |
\|/ \|/
.______________________. .______________.
|Թոքային և արտաթոքային| |Հաստատվում է |
|տուբերկուլյոզ չի | |տուբերկուլյոզ |
|հայտնաբերված ՄԱՆՏՈՒ` | | |
|դրական (հիպերերգիկ) | | |
.______________________. .______________.
\|/ \|/
.____________________. .______________.
|Քիմիապրոֆիլակտիկա` | |Բուժում` |
|6 ամիս | |մասնագիտացված |
.____________________. |հիմնարկում |
.______________.
Գծապատկեր N 2
._________________.
| Նախազորակոչիկ` |
| 17 տարեկան |
._________________.
\|/
._________________________________.
| Խորխի եռակի հետազոտություն |
| (առկայության դեպքում) |
._________________________________.
.________. | | ._________.
| Դրական |<_. .__="">|Բացասական|
.________. ._________.
\|/ \|/
.______________. .______________.
|Մասնագիտացված | |Ճառագայթային |
|բուժօգնություն| |հետազոտություն|
.______________. .______________.
._______________. \|/
._________________________. | .__________________________.
|Թոքաբորբի ռենտգենաբանական|<__. |դիսեմինացիա="">
|և կլինիկական նշաններ | |կլոր գոյացություն |
._________________________. |խոռոչային գոյացություն |
\|/ |մեծացած լիմֆատիկ հանգույց |
._________________________. |պլևրիտ |
|Բուժում` լայն սպեկտորի | .__________________________.
|հակաբիոտիկներով | |
._________________________. |
\|/ |
._________________________. |
|Կոնտրոլ ռենտգեն նկարներ | |
._________________________. |
\|/ \|/ \|/
._________. ._________. ._______________________.
|Էֆեկտ չկա| |Էֆեկտ կա | |Բուժում` մասնագիտացված |
._________. ._________. |հաստատությունում |
\|/ \|/ ._______________________.
.________________. ._______________.
|Բուժում` | |Տուբերկուլյոզը |
|մասնագիտացված | |ժխտվում է |
|հաստատությունում| | |
.________________. ._______________.
Գծապատկեր N 3
._____________.
| Զինակոչիկ` |
|18-27 տարեկան|
._____________.
|
\|/
.____________________________________.
|1. Խորխի եռակի հետազոտություն |
| (առկայության դեպքում) |
|2. R-հետազոտություն (ֆլյուորոգրաֆիա)|
|3. Թեստ |
|4. ՄԱՆՏՈՒ-ի հետազոտություն 2 TE |
.____________________________________.
.______________________. | |
\|/ | |
._____________. | \|/
|1. Բացասական | \|/ ._______________________.
|2. Նորմա | .______________. |1. Բացասական |
|3. Բացասական | |Տուբերկուլյոզը| |2. Նորմա |
|4. Բացասական | |ժխտվում է | |3. Դրական |
._____________. .______________. |4. Հիպերերգիկ ռեակցիա` |
| | | 17 մմ ավելի |
| | ._______________________.
\|/ \|/
.________________. .__________________________.
|Տուբերկուլյոզ | |1. Դրական |
|չի հայտնաբերվում| |2. Ախտորոշման փոփոխություն|
.________________. |3. Դրական |
.__________________________.
\|/
._______________________________.
|Տուբերկուլյոզը հաստատվում է, |
|ենթակա է բուժման` մասնագիտացված|
|հաստատությունում |
._______________________________.
(5-րդ հավելվածը լրաց. 15.03.07 թիվ 334-Ն որոշում)