040.0654.170504
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«17» մայիսի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
22 ապրիլի 2004 թվականի N 654-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՄԱՐՏԻ 11-Ի N 242-Ա ԵՎ ՄԱՐՏԻ 31-Ի N 400-Ա ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
i
1. Հայաստանի Հանրապետության կառավարության 2004 թվականի մարտի 11-ի «Հայաստանի Հանրապետության տարածքում 2004 թվականի գարնանային հեղեղումների և ուժեղ քամիների հետևանքները վերացնելու անհետաձգելի միջոցառումների մասին» N 242-Ա որոշման մեջ կատարել հետևյալ փոփոխությունները`
որոշման 1-ին կետի`
ա) «բ» ենթակետը շարադրել հետևյալ խմբագրությամբ.
«բ) Հայաստանի Հանրապետության Արագածոտնի մարզպետարանին` 58,000.0 հազ. դրամ, որից` 54,730.0 հազ. դրամը (բյուջետային ծախսերի տնտեսագիտական դասակարգման «Կապիտալ ներքին տրանսֆերտներ» հոդվածով), այդ թվում` 18,000.0 հազ. դրամը` վթարված տների անօթևան մնացած 9 ընտանիքներին` տներ գնելու համար գումար հատկացնելու, 32,000.0 հազ. դրամը` Ապարանի և Արագածի տարածաշրջանների 27 համայնքներում վնասված բնակելի տների և 4,730.0 հազ. դրամը` 29 դպրոցական շենքերի վերանորոգման նպատակով շինանյութ գնելու համար գումար հատկացնելու, իսկ 3,270.0 հազ. դրամը (բյուջետային ծախսերի տնտեսագիտական դասակարգման «Տրանսպորտային ծառայությունների վճարներ» հոդվածով)` վառելիք ձեռք բերելու համար».
բ) «թ» ենթակետում «Կապիտալ նորոգումների ծախսեր» բառերը փոխարինել «Ընթացիկ ներքին այլ տրանսֆերտային վճարներ», իսկ «Մասիս քաղաքի» բառերը` «Մասիսի տարածաշրջանի» բառերով:
i
2. Հայաստանի Հանրապետության կառավարության 2004 թվականի մարտի 31-ի «Հայաստանի Հանրապետության տարածքում 2004 թվականի գարնանային հեղեղումների և ուժեղ քամիների հետևանքների վերացման լրացուցիչ միջոցառումների մասին» N 400-Ա որոշման մեջ կատարել հետևյալ փոփոխությունը`
որոշման 1-ին կետի «ժ» ենթակետը շարադրել հետևյալ խմբագրությամբ.
«ժ) Հայաստանի Հանրապետության Տավուշի մարզպետարանին` 144,300.0 հազ. դրամ, որից` 99,900.0 հազ. դրամը (բյուջետային ծախսերի տնտեսագիտական դասակարգման «Կապիտալ նորոգումների ծախսեր» հոդվածով), այդ թվում` 12,400.0 հազ. դրամը` դպրոցական շենքերի, 45,000.0 հազ. դրամը` ճանապարհների, 16,000.0 հազ. դրամը` կամուրջների, 15,000.0 հազ. դրամը` մշակույթի օբյեկտների նորոգման, 11,500.0 հազ. դրամը` ափապաշտպան միջոցառումների համար, 44,400.0 հազ. դրամը (բյուջետային ծախսերի տնտեսագիտական դասակարգման «Պետական բյուջեից համայնքների բյուջեներին տրվող նպատակային հատկացումներ» հոդվածով), այդ թվում` 40,000.0 հազ. դրամը` բնակելի շենքերի ու տների և 4,400.0 հազ. դրամը` համայնքային ենթակայության գերեզմանոցների բարեկարգման համար` համաձայն N 3 հավելվածի»:
3. Հայաստանի Հանրապետության ֆինանսների և էկոնոմիկայի նախարարին` Հայաստանի Հանրապետության կառավարության 2004 թվականի մարտի 11-ի N 242-Ա և մարտի 31-ի N 400-Ա որոշումների 1-ին կետերում նշված պետական կառավարման մարմիններին այդ կետերով սահմանված ուղղություններով ու չափերով գումարների տրամադրումն իրականացնել նշված մարմինների կողմից Հայաստանի Հանրապետության ֆինանսների և էկոնոմիկայի նախարարություն ներկայացված` փաստացի ծախսերը հիմնավորող փաստաթղթերի հիման վրա:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ՄԱՅԻՍԻ 10-ԻՆ