Սեղմել Esc փակելու համար:
1988-1992 ԹՎԱԿԱՆՆԵՐԻՆ ԱԴՐԲԵՋԱՆԻՑ ԲՌՆԱ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

1988-1992 ԹՎԱԿԱՆՆԵՐԻՆ ԱԴՐԲԵՋԱՆԻՑ ԲՌՆԱԳԱՂԹԱԾ ԱՆՁԱՆՑ ...

 

 

040.0747.010604

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«1» հունիսի 2004 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

20 մայիսի 2004 թվականի N 747-Ն

 

i

1988-1992 ԹՎԱԿԱՆՆԵՐԻՆ ԱԴՐԲԵՋԱՆԻՑ ԲՌՆԱԳԱՂԹԱԾ ԱՆՁԱՆՑ ԲՆԱԿԱՐԱՆԱՅԻՆ ԱՊԱՀՈՎՈՒԹՅԱՆ ԱՌԱՋՆԱՀԵՐԹ ԾՐԱԳՐԻ ՄԱՍԻՆ

(1-ին մաս)

 

Հայաստանի Հանրապետության կառավարության գործունեության ծրագրին համապատասխան, 1988-1992 թվականներին Ադրբեջանից բռնագաղթած` բնակարանի առաջնահերթ կարիք ունեցող անձանց մշտական օթևանով ապահովելու նպատակով և հիմք ընդունելով Հայաստանի Հանրապետության կառավարության աղքատության հաղթահարման ռազմավարական ծրագրի իրականացման քաղաքականության 2003-2006 թվականների հիմնական ուղղությունները` Հայաստանի Հանրապետության կառավարությունը որոշում է.

1. Հաստատել 1988-1992 թվականներին Ադրբեջանից բռնագաղթած անձանց բնակարանային ապահովության առաջնահերթ ծրագիրը` համաձայն N 1 հավելվածի:

2. Ստեղծել 1988-1992 թվականներին Ադրբեջանից բռնագաղթած անձանց բնակարանային ապահովության առաջնահերթ ծրագրի համար անհրաժեշտ ֆինանսական միջոցների հայթայթման և ծրագրի իրականացման աշխատանքները համակարգող հանձնաժողով ու հաստատել դրա կազմը` համաձայն N 2 հավելվածի:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2004 ԹՎԱԿԱՆԻ ՄԱՅԻՍԻ 27-ԻՆ

 

Հավելված N 1

ՀՀ կառավարության

2004 թվականի մայիսի 20-ի

N 747-Ն որոշման

 

ԱՌԱՋՆԱՀԵՐԹ ԾՐԱԳԻՐ

 

1988-1992 ԹՎԱԿԱՆՆԵՐԻՆ ԱԴՐԲԵՋԱՆԻՑ ԲՌՆԱԳԱՂԹԱԾ ԱՆՁԱՆՑ ԲՆԱԿԱՐԱՆԱՅԻՆ ԱՊԱՀՈՎՈՒԹՅԱՆ

 

I. ՆԱԽԱԲԱՆ

 

1988-1992 թթ. միջէթնիկական հակասությունների սրման և ազգամիջյան բախումների հետևանքով Ադրբեջանից բռնագաղթած և Հայաստանի Հանրապետությունում ապաստանած փախստականների հիմնախնդիրներից իր սրությամբ կարևորվում է նրանց բնակարանային ապահովության խնդիրը:

Այդ խնդրի լուծման նպատակով Հայաստանի Հանրապետության կառավարությանն առընթեր միգրացիայի և փախստականների վարչությունը մշակել էր համապատասխան ծրագիր, որը Հայաստանի Հանրապետության կառավարության 2000 թ. դեկտեմբերի 14-ի N 56 արձանագրությամբ հավանության էր արժանացել:

Այդ ծրագիրը ներառում էր ազգամիջյան բախումներից տուժած և Ադրբեջանից բռնի տեղահանված ու Հայաստանում ապաստանած, մինչև այժմ մշտական օթևան չունեցող բոլոր փախստականների բնակարանային հիմնախնդիրը և նախատեսվում էր ծրագրի իրականացման արդյունքում հանրապետությունում հիմնովին լուծել փախստականներին բնակարանով ապահովելու խնդիրը:

Սակայն նախորդ 3 տարում, ծրագրի իրականացման համար անհրաժեշտ մեծածավալ ֆինանսական միջոցների բացակայության պատճառով այն չի իրականացվել:

Հաշվի առնելով նման ընդհանուր ծրագրի իրականացման դժվարությունները` թե՛ պահանջվող ֆինանսական միջոցների մեծ ծավալի (ավելի քան 50,0 մլն ԱՄՆ-ի դոլարին համարժեք դրամ) և թե՛ իրականացման ժամկետների տեսակետից, անհրաժեշտություն է առաջացել և նպատակահարմար է փախստականների բնակարանային ապահովության խնդիրը լուծել ոչ թե մեկ ընդհանուր ծրագրի շրջանակներում, այլ այն տարանջատել ըստ կարիքավորության և փուլերի` մշակելով առանձին համապատասխան ենթածրագրեր, որոնց լուծումն ավելի իրատեսական է:

Հայաստանի Հանրապետության կառավարությունը, կարևորելով փախստականների բնակարանային ապահովության հիմնախնդրի լուծման անհրաժեշտությունը և ելնելով նշված նկատառումներից, իր գործունեության ծրագրում, որը 2003 թվականի հունիսի 20-ին հավանության է արժանացել Հայաստանի Հանրապետության Ազգային ժողովի կողմից, ամրագրել է դրույթ, որը վերաբերում է Ադրբեջանի Հանրապետությունից բռնագաղթած և բնակարանի առաջնահերթ կարիք ունեցող փախստականների բնակարանային ապահովման ծրագրի մշակմանն ու 2,5-3 տարվա ընթացքում դրա իրականացմանը:

Փախստականների բնակարանային ապահովության առաջնահերթ ծրագրի մշակման հարցն արդեն իսկ ընդգրկվել է Հայաստանի Հանրապետության կառավարության 2004 թվականի գործունեության ծրագրի կատարումն ապահովող միջոցառումների ցանկում և բխում է Հայաստանի Հանրապետության կառավարության կողմից հաստատված` աղքատության հաղթահարման ռազմավարական ծրագրից:

Հայաստանի Հանրապետության վարչապետի 2003 թվականի սեպտեմբերի 10-ի N 430-Ա որոշմամբ` Հայաստանի Հանրապետության կառավարությանն առընթեր միգրացիայի և փախստականների վարչության պետի ղեկավարությամբ ստեղծվել է միջգերատեսչական աշխատանքային խումբ, որն էլ մշակել է 1988-1992 թվականներին Ադրբեջանից բռնագաղթած անձանց բնակարանային ապահովության առաջնահերթ ծրագիրը (այսուհետ` ծրագիր):

 

II. ՓԱԽՍՏԱԿԱՆՆԵՐԻ ԻՆՏԵԳՐՄԱՆ ՔԱՂԱՔԱԿԱՆՈՒԹՅԱՆ ԻՐԱԿԱՆԱՑՄԱՆ ԳՈՐԾԸՆԹԱՑՈՒՄ ԱՌԿԱ ԽՈՉԸՆԴՈՏՆԵՐԸ

 

1988-1992 թվականներին ազգամիջյան հակամարտության հետևանքով ընդամենը 4 տարվա ընթացքում հարևան Ադրբեջանից բռնի տեղահանվեց ավելի քան կես միլիոն հայ, որից 360 հազարը հանգրվանեցին Հայաստանի Հանրապետությունում: 1997 թվականին իրականացված հաշվառման տվյալներով Հայաստանում բնակվող փախստականների թիվը կազմում էր ավելի քան 310,0 հազար:

Բռնագաղթի առաջին իսկ օրերից հանրապետության կառավարությունը և տեղական իշխանության մարմինները մեծ ծավալի աշխատանքներ են իրականացրել փախստականների ընդունման, տեղաբաշխման-տեղավորման և այլ առաջնահերթ խնդիրների հնարավոր լուծման ուղղությամբ:

90-ական թվականների կեսերից, երբ ակնհայտ դարձավ, որ փախստականների անվտանգ ու կամավոր վերադարձն իրենց նախկին բնակության վայրեր իրատեսական չէ, Հայաստանի Հանրապետության կառավարությունը նրանց նկատմամբ որդեգրեց ինտեգրման քաղաքականություն: Եվ այդ գործընթացում իրենց ծանրակշիռ ներդրումներն են ունեցել միջազգային ու հասարակական տարբեր կազմակերպություններ, առանձին պետություններ և անհատ բարեգործներ` իրականացնելով բազմաթիվ ծրագրեր` ուղղված փախստականների հոգսերի թեթևացմանը, հանրապետությունում սոցիալ-տնտեսական լարվածության թուլացմանը:

Չնայած իրականացված աշխատանքներին` այնուհանդերձ, փախստականների որոշակի մասի սոցիալ-տնտեսական իրավիճակը շարունակում է մնալ մտահոգիչ:

Ինչպես ցույց են տալիս հետազոտությունները` փախստականների շրջանում գործազրկության մակարդակը տեղացիների համեմատ բարձր է ավելի քան 1,5 անգամ, գործարարությամբ զբաղվողների թիվը ցածր է 1,7 անգամ, 3 անգամ պակաս է մշտական աշխատանք ունեցողների թիվը, կրթական, առողջապահական ծառայություններից օգտվելու մատչելիությամբ նրանք նույնպես զիջում են տեղացիներին: Դրությունը հատկապես անմխիթար է բնակարանային ապահովության բնագավառում:

Ներկա դրությամբ փախստականների շուրջ 10,0 հազ. ընտանիք ապահովված չէ մշտական բնակարանով:

Նշված հիմնախնդիրների առկայությունը խոչընդոտում է Հայաստանի Հանրապետության կառավարության կողմից Ադրբեջանից բռնագաղթած փախստականների ինտեգրման քաղաքականության լիարժեք իրականացմանը:

 

III. ՓԱԽՍՏԱԿԱՆՆԵՐԻ ԲՆԱԿԱՐԱՆԱՅԻՆ ԱՊԱՀՈՎՈՒԹՅԱՆ ԻՐԱՎԻՃԱԿԸ ԵՎ ԾՐԱԳՐԻ ՀԻՄՆԱՎՈՐՈՒՄԸ

 

Փախստականների ինտեգրման ճանապարհին ամենամեծ խոչընդոտը բնակարանային հիմնախնդիրն է` թեկուզ և այն պարզ բացատրությամբ, որ Հայաստան ներգաղթելուց հետո 15 տարի շարունակ բնակվելով միայն տարրական պայմաններից զուրկ ժամանակավոր կացարաններում և չունենալով մշտական օթևան, մայր Հայրենիքում գտնվելու և այնտեղ ամրանալու հոգեբանական զգացումը նրանց մոտ, բնականաբար, թույլ արտահայտված կլինի:

Նշված դրույթի իրավացիությունն ապացուցում է նաև այն իրողությունը, որ այն վայրերում, որտեղ իրականացվում է բնակարանային շինարարություն, փախստականները զանգվածաբար քաղաքացիություն են ձեռք բերում:

Այսօր մշտական կացարանով չապահովված փախստականները տեղավորված են հանրակացարաններում, հյուրանոցներում, առողջարաններում, հանգստյան տներում, դպրոցներում, մանկապարտեզներում, հիվանդանոցներում, հիմնարկ-ձեռնարկությունների վարչական շենքերում և հանրային օգտագործման այլ տարածքներում (այսուհետ` ժամանակավոր կացարաններ), ապրում են վագոն-տնակներում, վարձով, բարեկամների տանը և հարմարեցված այլ շինություններում:

Մշտական օթևանով չապահովված փախստական ընտանիքների շուրջ 40 տոկոսը բնակվում է հանրապետության ամբողջ տարածքով սփռված ժամանակավոր կացարաններում և վագոն-տնակներում, որոնց մի մասը տեղադրված է տնամերձ հողամասերի վրա:

Ժամանակավոր կացարանները գտնվում են տարբեր գերատեսչությունների ենթակայության տակ և անցած ժամանակաշրջանում այդ կացարանների տեխնիկական վիճակի պահպանության և սպասարկման համար անհրաժեշտ գումարներ չեն հատկացվել, ինչի հետևանքով դրանք հայտնվել են տեխնիկապես անմխիթար վիճակում, չեն բավարարում սանիտարահիգիենիկ նվազագույն նորմերի պահանջներին: Այդ շենքերի մի մասը գտնվում է վթարային վիճակում և ապրելու համար խիստ վտանգավոր է:

Հայաստանի Հանրապետության կառավարության 2000 թվականի հոկտեմբերի 25-ի «Հայաստանի Հանրապետության տարածքում (բացառությամբ աղետի գոտու վերականգնման առաջնահերթ ծրագրում ընդգրկված բնակավայրերի) քանդման ենթակա վթարային բնակելի տների բնակիչների բնակարանային խնդիրները լուծելու մասին» N 682 որոշմամբ հաստատված ծրագրով նախատեսվում է Երևան քաղաքում քանդման ենթակա տներում 5 տարվանից ոչ պակաս բնակվող և Հայաստանի Հանրապետության կառավարությանն առընթեր միգրացիայի և փախստականների վարչության կողմից հաշվառված 214 փախստական ընտանիքների պետական օժանդակությամբ բնակարաններով ապահովում, որից` 54 ընտանիք արդեն իսկ ստացել է նման օժանդակություն:

Մինչև այժմ փախստականների բնակարանային ապահովության խնդիրը լուծվել է հիմնականում 2 ճանապարհով` Հայաստանի Հանրապետության պետական բյուջեի միջոցների հաշվին և միջազգային կազմակերպությունների ֆինանսական աջակցությամբ:

Առաջին ճանապարհով բնակարանով ապահովվել են շուրջ 300 փախստական ընտանիք, իսկ երկրորդով (Միավորված ազգերի կազմակերպության փախստականների գծով գերագույն հանձնակատարի գրասենյակ, Գերմանիայի և Նորվեգիայի կառավարություններ)` 3500 ընտանիք:

Ցավոք, բնակարանային շինարարության համար պետական կապիտալ ներդրումները դեռևս մեծ չեն և այդ խնդիրն էլ ավելի է բարդանում այն հանգամանքով, որ հանրապետությունում առկա են հազարավոր տեղացի ընտանիքներ, որոնք նույնպես ապահովված չեն բնակարանով:

Բնակարանային հիմնախնդրի առկայությունն ու դրա լուծված չլինելն է նաև այն հիմնական պատճառներից մեկը, որ տեղացի ազգաբնակչության հետ ունենալով միևնույն էթնիկ ծագումը, շատ դանդաղ է իրականացվում մեր հասարակության մեջ փախստականների ինտեգրացման գործընթացը: Դրանով էլ պայմանավորված է նաև Հայաստանի Հանրապետության քաղաքացիություն ձեռք բերելու խնդրի նկատմամբ փախստականների կողմից դրսևորվող` կարելի է ասել «պասսիվ» վերաբերմունքը: Չնայած այն հանգամանքին, որ համեմատած մինչև 1999 թվականն ընկած ժամանակաշրջանի հետ, երբ Հայաստանի Հանրապետության քաղաքացիություն էր ընդունել ընդամենը 7,0 հազ. փախստական, վերջին 3-4 տարվա ընթացքում Հայաստանի Հանրապետության քաղաքացիություն ձեռք բերած փախստականների թիվը շեշտակի մեծացել է և այն այժմ կազմում է շուրջ 65,0 հազար, այնուամենայնիվ, այդ գործընթացի նկատմամբ փախստականների վերաբերմունքն առայժմ մնում է ոչ այնքան «ակտիվ»:

Այս հանգամանքը մեկ անգամ ևս ապացուցում է այն իրողության ճշմարտացիությունը, որ հասարակությունում փախստականների ինտեգրման ճանապարհին, որը Հայաստանի Հանրապետության կառավարության որդեգրած քաղաքականությունն է փախստականների հարցում, հիմնական խոչընդոտը սոցիալ-տնտեսական այլ խնդիրների շարքում նրանց բնակարանային հիմնախնդրի առկայությունն է, որը փախստականների շրջանում առաջ է բերում արդարացի դժգոհություն և կարող է լրջորեն սրել սոցիալական լարվածությունը` նկատի ունենալով նրանց տեսակարար կշիռն ազգաբնակչության ընդհանուր թվաքանակում:

Ամենապարզ հաշվարկները վկայում են, որ փախստականների համար բնակարանային շինարարությունը նախորդ տարիների տեմպերով շարունակելու դեպքում խնդիրը հիմնովին կարող է լուծվել ոչ շուտ, քան 4-5 տասնամյակում:

Ելնելով վերոգրյալից և նկատի ունենալով փախստականների բնակարանային հիմնախնդիրը մեկ ծրագրով և միանգամյա լուծման դժվարությունը, ինչպես նաև հաշվի առնելով հարցի ընդհանուր ծավալներն ու արժեքը` մշակվել է սույն ծրագիրը, որով նախատեսվում է առաջիկա 2,5-3 տարվա ընթացքում լուծել բնակարանի ամենակարիքավոր այն փախստական ընտանիքների բնակարանով ապահովման հարցը, որոնք բնակվում են ժամանակավոր կացարաններում և վագոն-տնակներում:

Սույն ծրագրով, որի հիմքում դրվել են որոշակի սկզբունքներ, սահմանվել են շահառուների ընտրության չափանիշները, նրանց բնակարանային ապահովության ուղղությունները, պահանջվող ֆինանսական միջոցների ծավալները, ինչպես նաև ծրագրի իրականացման կազմակերպումը:

 

IV. ԾՐԱԳՐԻ ՇԱՀԱՌՈՒՆԵՐԻ ԸՆՏՐՈՒԹՅԱՆ ՉԱՓԱՆԻՇՆԵՐԸ

 

Հաշվի առնելով փախստականներով բնակեցված ժամանակավոր կացարանների բնակկենցաղային անմխիթար պայմանները և ելնելով այդ կացարաններից ու վագոն-տնակներից փախստականների առաջնահերթ տեղափոխման անհրաժեշտությունից, ինչպես նաև տնամերձ հողամասերի վրա փախստականների կողմից կառուցված անավարտ տների շինարարությունն ավարտին հասցնելու և վերջիններիս հատկացնելու նպատակով բնակարանային ապահովության սույն ծրագրի շահառուներ են 1988-1992 թվականներին Ադրբեջանից բռնագաղթած այն փախստական (այդ թվում` Հայաստանի Հանրապետության քաղաքացիություն ստացած նախկին փախստական) ընտանիքները, որոնք`

- բնակվում են ժամանակավոր կացարաններում,

- բնակվում են իրենց հատկացված տնամերձ հողամասերում և այլ տարածքներում տեղադրված վագոն-տնակներում կամ բնակվում են տնամերձ հողամասերի վրա եղած կիսակառույց տներում, որոնց տեխնիկական պայմանները հնարավորություն են տալիս դրանց շինարարությունը հասցնել ավարտի:

Նշված պայմաններում բնակվող ընտանիքներին ծրագրի շահառու ճանաչելու պարտադիր պայման է նաև Հայաստան բռնագաղթվելուց հետո պետական կամ այլ միջոցներով բնակարան կամ տուն չստացած լինելը, Ադրբեջանում ունեցած բնակարանը կամ տունը չփոխանակած լինելը, ժամանակավոր կացարաններում հատկացված բնակելի տարածքները սեփականաշնորհած չլինելը (բացառությամբ, երբ փոխանակած տան խարխուլ ու քանդված լինելու պատճառով այդ ընտանիքն առնվազն 3 տարի բնակվում է ժամանակավոր կացարանում կամ վագոն-տնակում և երբ սեփականաշնորհած բնակելի տարածքը չունի առանձին խոհանոց և սանհանգույց):

Բացի նշված ընդհանուր պայմաններից ծրագրի շահառուների ընտրության հիմքում որպես չափանիշ համարվում է 2003 թվականի օգոստոսի 1-ի դրությամբ (Հայաստանի Հանրապետության տարածքում ժամանակավոր կացարաններում և վագոն-տնակներում ապաստանած փախստական ընտանիքների բնակարանային պայմաններն ու նրանց ընտանիքների կազմը պարզելու նպատակով Հայաստանի Հանրապետության կառավարությանն առընթեր միգրացիայի և փախստականների վարչության կողմից իրականացված ուսումնասիրության ժամանակաշրջանը) ժամանակավոր կացարաններում և վագոն-տնակներում փախստական ընտանիքների փաստացի բնակությունը:

Ծրագրում որպես շահառու ընտրված փախստական ընտանիքների կազմը սահմանվում է` ելնելով ուսումնասիրության ընթացքում արձանագրված ընտանիքի ներկա (փաստացի բնակվող) անդամների թվից:

Ընտանիքի ոչ ներկա անդամները դիտվում են շահառու և ընդգրկվում են տվյալ ընտանիքի կազմում, եթե նրանց բացակայությունը պայմանավորված է Հայաստանի Հանրապետության զինված ուժերում ծառայության կամ բուժման, կամ ուսման, կամ ազատազրկման վայրում պատիժը կրելու հետ:

Հանրապետության, մարզերի ու Երևան քաղաքի կտրվածքով ծրագրում որպես շահառու ընդգրկված` բնակարանի առաջնահերթ կարիքավոր ընտանիքների թիվը ներկայացված է N 1 աղյուսակում:

Ծրագրի իրականացման ընթացքում կարիքավոր ընտանիքների թիվն, ինչպես հանրապետության, այնպես էլ մարզերի կտրվածքով ենթակա է ճշտման:

 

V. ԾՐԱԳՐԻ ԻՐԱԿԱՆԱՑՄԱՆ ՍԿԶԲՈՒՆՔՆԵՐԸ

 

Փախստականների բնակարանային ապահովության առաջնահերթ ծրագրի իրականացման սկզբունքներն են`

1. Բնակարանային ապահովության իրականացումը շահառուի բնակության փաստացի բնակավայրի սահմաններում կամ հնարավորինս դրա մերձակայքում

2. Բնակարանային ապահովության իրականացումը նվազագույն կոմունալ հարմարություններ ունեցող (խոհանոց և սանհանգույց) բնակարաններով

3. Բնակարանային ապահովության իրականացումը բնակության համար անհրաժեշտ ենթակառուցվածքների (էլեկտրամատակարարում, ջրամատակարարում, ջրահեռացում) ստեղծմամբ

4. Բնակարանային ապահովության իրականացում հետևյալ նորմերով`

ա) բազմաբնակարան շենքերում`

1-2 անձից կազմված ընտանիքներին` մեկսենյականոց բնակարան,

3-4 անձից կազմված ընտանիքներին` երկուսենյականոց բնակարան,

5-6 անձից կազմված ընտանիքներին` երեքսենյականոց բնակարան,

7-8 անձից կազմված ընտանիքներին` չորսսենյականոց բնակարան,

9-10 անձից կազմված ընտանիքներին` մեկական երկուսենյականոց և երեքսենյականոց բնակարան,

11-12 անձից կազմված ընտանիքներին` երկու հատ երեքսենյականոց բնակարան.

բ) առանձնատան (քոթեջի) կառուցման դեպքում`

1-2 անձից կազմված ընտանիքների համար` մեկսենյականոց առանձնատուն,

3-4 անձից կազմված ընտանիքների համար` երկուսենյականոց առանձնատուն,

5-6 անձից կազմված ընտանիքների համար` երեքսենյականոց առանձնատուն,

7-8 անձից կազմված ընտանիքների համար` չորսսենյականոց առանձնատուն,

9-10 անձից կազմված ընտանիքների համար` հինգսենյականոց առանձնատուն:

Նշված նորմերի հիմքում դրվել է Միավորված ազգերի կազմակերպության փախստականների գծով գերագույն հանձնակատարի հայաստանյան գրասենյակի և փախստականների նորվեգական խորհրդի կողմից մինչև այժմ փախստական ընտանիքների համար կառուցված քոթեջատիպ տների տիպերը:

5. Բնակարանային ապահովության ծրագրի իրականացման հրապարակայնություն և թափանցիկություն:

 

VI. ԾՐԱԳՐԻ ԻՐԱԿԱՆԱՑՄԱՆ ՈՒՂՂՈՒԹՅՈՒՆՆԵՐԸ

 

Ելնելով սույն ծրագրի իրականացման սկզբունքներից, նկատի ունենալով բնակարանի կարիքավոր առանձին ընտանիքների (ժամանակավոր կացարաններում, տնամերձ հողամասի վրա տեղադրված վագոն-տնակներում և կիսակառույց տներում բնակվողներ) բնակարանով ապահովման առանձնահատկությունները և նպատակ ունենալով ապահովել ծրագրի արդյունավետությունը` հնարավորինս պակաս ֆինանսական միջոցներ ծախսելու տեսակետից այն իրականացվելու է հետևյալ ուղղություններով`

ա) բնակարանների գնման (սերտիֆիկատի միջոցով) եղանակով` կապահովվեն այն ընտանիքները, որոնք բնակվում են ժամանակավոր կացարաններում և այն ընտանիքները, որոնք բնակվում են վագոն-տնակներում ու չունեն տնամերձ հողամաս.

բ) առանձնատների (քոթեջների) կառուցման ճանապարհով` շինարարության ճանապարհով բնակարանային ապահովությունը կիրականացվի այն ընտանիքների համար, որոնք բնակվում են իրենց տնամերձ հողամասերում տեղադրված վագոն-տնակներում կամ այդ հողամասերի վրա կառուցված անավարտ (կիսակառույց) տներում.

գ) Հայաստանի Հանրապետության կառավարության 2001 թվականի մայիսի 14-ի «1988-1992 թթ. Ադրբեջանի Հանրապետությունից բռնագաղթած և Հայաստանի Հանրապետության քաղաքացիություն ստացած անձանց` պետական, բյուջետային հիմնարկների տնօրինության տակ գտնվող հանրակացարանային բնակելի տարածքների սեփականաշնորհման կարգը հաստատելու մասին» N 404 որոշմամբ սահմանված կարգով.

դ) պետական հիմնարկների տնօրինության հանրակացարանային բնակելի տարածքների` այդ բնակարաններում բնակվող փախստական ընտանիքներին սեփականաշնորհման.

ե) պետական սեփականության առանձին շենքերի` այդ նպատակով հատկացման.

զ) պետական սեփականության շենքերի և շինությունների մասնավորեցման գործընթացում` գնորդի միջոցով այդ շենքերում ժամանակավոր բնակվող փախստական ընտանիքներին բնակարանային պայմաններով ապահովելու միջոցով:

 

VII. ԾՐԱԳՐԻ ԱՐԺԵՔԸ

 

Սույն ծրագրի իրականացման արդյունքում 3470 փախստական ընտանիք կապահովվի մշտական օթևանով, որի համար պահանջվում է 16201242 ԱՄՆ-ի դոլարին համարժեք դրամ: Այդ թվում` նշված ընտանիքներից 252-ի բնակարանային խնդիրը կլուծվի առանձնատների (քոթեջների) շինարարության միջոցով, որի համար կպահանջվի 1684750 ԱՄՆ-ի դոլարին համարժեք դրամ և 3218 ընտանիք բնակարանով կապահովվի բնակարանի գնման վկայագրերի (սերտիֆիկատի) տրամադրման միջոցով, որի համար կպահանջվի 14516492 ԱՄՆ-ի դոլարին համարժեք դրամ: Ծրագրի վրա ծախսվող ֆինանսական միջոցների հաշվարկն ըստ իրականացման ուղղությունների ներկայացված է NN 2 և 3 աղյուսակներում: Նշված հաշվարկի համար հիմք են հանդիսացել`

1. Ժամանակավոր կացարաններում, վագոն-տնակներում և իրենց տնամերձ հողամասերում եղած կիսակառույց տներում ապրող փախստական ընտանիքների` սույն ծրագրի շահառուների թիվը, որն ստացվել է Հայաստանի Հանրապետության կառավարությանն առընթեր միգրացիայի և փախստականների վարչության կողմից 2003 թվականի մայիս-հուլիս ամիսներին հանրապետության ամբողջ տարածքում կատարված ուսումնասիրությունների արդյունքում:

Նշված ուսումնասիրությունների արդյունքների մշակման հիման վրա Միավորված ազգերի կազմակերպության փախստականների գծով գերագույն հանձնակատարի հայաստանյան գրասենյակի ֆինանսական աջակցությամբ ստեղծվել է տվյալների համակարգչային շտեմարան և վարչությունում առկա են սույն ծրագրով շահառու համարվող փախստական ընտանիքների թիվը, նրանց բնակության վայրի, ժամանակավոր կացարանի տիպի, ընտանիքի կազմի, ընտանիքի անդամների տարիքի վերաբերյալ տեղեկությունները` հանրապետության մարզերի (Երևան քաղաքի), քաղաքային, գյուղական և համայնքների կտրվածքով.

2. Բնակարանի գնման վկայագրի (սերտիֆիկատի) արժեքը, որը սահմանվել է տվյալ տարածքում բազմաբնակարան բնակելի շենքերի բնակարանների ձևավորված շուկայական միջին գնին համարժեք` Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի 2003 թվականի առաջին 9 ամսվա միջինացված տվյալներով 1 քառ. մետրի հաշվարկով (աղյուսակ N 4):

Ընդ որում, Երևանում, որպես հաշվարկի հիմք, ընդունվել է Ավան թաղային համայնքում ձևավորված գինը` 1 քառ. մետրը` 125 ԱՄՆ-ի դոլարին համարժեք դրամ:

Իսկ այն համայնքների համար, որոնց վերաբերյալ չկան կադաստրի տվյալներ բնակարանի գնի մասին, հաշվարկի համար հիմք է հանդիսացել տվյալ համայնքի նախկին վարչական շրջանի շրջկենտրոնում ձևավորված գինը: Նույն պատճառով Ախուրյանի և Ամասիայի տարածաշրջանների համար հաշվարկի համար հիմք է հանդիսացել Գյումրի քաղաքում ձևավորված շուկայական միջին գինը, Արագածի տարածաշրջանի համար` Ապարան քաղաքում ձևավորված շուկայական միջին գինը, Բաղրամյանի տարածաշրջանի համար` Արմավիր քաղաքում ձևավորված շուկայական միջին գինը, իսկ Ճամբարակի տարածաշրջանի համար` Վարդենիս քաղաքում ձևավորված շուկայական միջին գինը:

Հարկ է նշել, որ Երևանում մեկսենյականոց բնակարանի գինը համապատասխանում է 45 քառ. մետր տարածքին, երկուսենյականոցինը` 65 քառ. մետր, երեքսենյականոցինը` 85 և չորսսենյականոցինը` 105 քառ. մետր:

Երևանից բացի այլ տարածքներում դա կատարվել է համապատասխանաբար` 40, 60, 80 և 100 քառ. մետր հաշվարկով.

3. Առանձնատների (քոթեջների) շինարարության հետևյալ արժեքները`

մեկսենյականոց առանձնատուն` 5250 ԱՄՆ-ի դոլարին համարժեք դրամ,

երկուսենյականոց առանձնատուն` 7000 ԱՄՆ-ի դոլարին համարժեք դրամ,

երեքսենյականոց առանձնատուն` 8500 ԱՄՆ-ի դոլարին համարժեք դրամ,

չորսսենյականոց առանձնատուն` 9500 ԱՄՆ-ի դոլարին համարժեք դրամ,

հինգսենյականոց առանձնատուն` 10500 ԱՄՆ-ի դոլարին համարժեք դրամ:

Նշված հաշվարկի հիմքում ընկած է Միավորված ազգերի կազմակերպության փախստականների գծով գերագույն հանձնակատարի հայաստանյան գրասենյակի և փախստականների նորվեգական խորհրդի կողմից հանրապետության տարածքում մինչև այժմ (1995-2003 թթ.) առանձնատների (քոթեջների) կառուցման համար կատարված ֆինանսական միջոցների փաստացի միջին ծախսը` ըստ դրանց տիպերի.

4. Սույն ծրագրի 5-րդ բաժնով սահմանված` բնակարանով ու առանձնատներով (քոթեջներով) ապահովման նորմերը` ելնելով ընտանիքի անդամների թվից.

5. Սույն բաժնի 2-րդ կետում նշված տվյալները ծրագրի իրականացման ընթացքում ենթակա են ճշտման` ելնելով ծրագրի իրականացմանը նախորդող եռամսյակի ընթացքում ձևավորված բնակարանների շուկայական միջին գներից:

 

VIII. ԾՐԱԳՐԻ ԻՐԱԿԱՆԱՑՄԱՆ ԿԱԶՄԱԿԵՐՊՈՒՄԸ

 

Առաջնահերթ ծրագրի համար անհրաժեշտ ֆինանսական միջոցների հայթայթման և ծրագրի իրականացման աշխատանքների համակարգումը կատարելու է համապատասխան հանձնաժողովը:

Սույն ծրագրի յուրաքանչյուր ուղղության իրականացման անհրաժեշտ աշխատանքները համակարգելու է Հայաստանի Հանրապետության կառավարությանն առընթեր միգրացիայի և փախստականների վարչությունը:

Հանձնաժողովի աշխատանքներին որպես դիտորդներ կարող են մասնակցել Համաշխարհային բանկի, Ամերիկայի Միացյալ Նահանգների միջազգային զարգացման գործակալության, Միջազգային արժութային հիմնադրամի, Միավորված ազգերի կազմակերպության փախստականների գերագույն հանձնակատարի, օտարերկրյա պետությունների և միջազգային այլ դոնոր կազմակերպությունների ներկայացուցիչները:

Նկատի ունենալով ներկայացված ծրագրի ծավալն ու դրա իրականացման համար պահանջվող ֆինանսական միջոցների չափը և ելնելով ծրագրի իրականացման հետ կապված պահանջվող գործառույթները կանոնակարգելու անհրաժեշտությունից` կարող է ստեղծվել ծրագրի իրականացման աջակցության խորհուրդ` միջազգային կազմակերպությունների ներկայացուցիչների ընդգրկմամբ:

Խորհուրդը համակարգելու է ծրագրի ֆինանսական աջակցության ապահովման (դոնոր կազմակերպությունների հետ կապի ստեղծում), դրա իրականացման ընթացքի և հսկողության հետ կապված գործառույթները:

Ծրագրի իրականացմանն ուղղված ֆինանսական միջոցների առկայության դեպքում, դրանով նախատեսված` բնակարանով ապահովման գործառույթները (մասնավորապես` կապված բնակարանի գնման վկայագրերի, առանձնատների (քոթեջների) շինարարության և ծրագրի իրականացման փուլերի հետ) անմիջականորեն իրականացնելու համար, ելնելով առկա ֆինանսական միջոցների ծավալից, սահմանված կարգով կարող է ստեղծվել ծրագրի իրականացման գրասենյակ:

Չնայած Հայաստանի Հանրապետության 2004-2006 թվականների պետական միջնաժամկետ ծախսերի ծրագրով Հայաստանի Հանրապետության կառավարությունը սույն ծրագրի համար արդեն իսկ նախատեսել է ավելի քան 5,0 մլն ԱՄՆ-ի դոլարին համարժեք դրամ բյուջետային ֆինանսավորում, այնուամենայնիվ երկրի տնտեսության զարգացման ներկա մակարդակի պայմաններում նման ծրագրի իրականացումը միայն ներքին ռեսուրսների հաշվին առաջիկա տարիներին իրատեսական չէ:

ՈՒստի բնակարանային առաջնահերթ ծրագրի իրականացման համար պահանջվող մնացած ֆինանսական միջոցներն անհրաժեշտ է համալրել ներքին և արտաքին այլ աղբյուրների հաշվին:

Այդ իմաստով ծրագրի իրականացմանն աջակցելու համար ակնկալվում է միջազգային հանրության, Համաշխարհային բանկի, Ամերիկայի Միացյալ Նահանգների միջազգային զարգացման գործակալության, Միջազգային արժութային հիմնադրամի, Եվրոպայի խորհրդի զարգացման բանկի, Միավորված ազգերի կազմակերպության փախստականների գծով գերագույն հանձնակատարի գրասենյակի և օտարերկրյա պետությունների ֆինանսական աջակցությունը:

 

Աղյուսակ N 1

 

1988-1992 թվականներին

Ադրբեջանից բռնագաղթած անձանց

բնակարանային ապահովության

առաջնահերթ ծրագրի

 

ՀԱՆՐԱՊԵՏՈՒԹՅԱՆ, ՄԱՐԶԵՐԻ ԵՎ ԵՐԵՎԱՆ ՔԱՂԱՔԻ ԿՏՐՎԱԾՔՈՎ ԾՐԱԳՐՈՒՄ ՈՐՊԵՍ ՇԱՀԱՌՈՒ ԸՆԴԳՐԿՎԱԾ ԲՆԱԿԱՐԱՆԻ ԱՌԱՋՆԱՀԵՐԹ ԿԱՐԻՔԱՎՈՐ ԸՆՏԱՆԻՔՆԵՐԻ ԹԻՎԸ

 

Ընդամենը` հանրապետությունում - 3470 ընտանիք

 

այդ թվում`

 

    Արագածոտնի մարզ               - 119 ընտանիք

    Արարատի մարզ                  - 440 ընտանիք

    Արմավիրի մարզ                 - 219 ընտանիք

    Գեղարքունիքի մարզ             -  52 ընտանիք

    Լոռու մարզ                    - 116 ընտանիք

    Կոտայքի մարզ                  - 756 ընտանիք

    Շիրակի մարզ                   -  70 ընտանիք

    Սյունիքի մարզ                 - 145 ընտանիք

    Վայոց ձորի մարզ               -  14 ընտանիք

    Տավուշի մարզ                  -  81 ընտանիք

    Երևան  քաղաք                  - 1458 ընտանիք

 

Աղյուսակ N 2

 

1988-1992 թթ. Ադրբեջանից

բռնագաղթած անձանց

բնակարանային ապահովության

առաջնահերթ ծրագրի

 

ՀԱՇՎԱՐԿ

 

1988-1992 թվականներին Ադրբեջանից բռնագաղթած անձանց բնակարանային

ապահովության առաջնահերթ ծրագրի իրականացման համար պահանջվող

ֆինանսական միջոցների ծախսերի

 

Առանձնատների (քոթեջների) շինարարություն

.__________________________________________________________________________

|Մարզի, այդ թվում`|              Ընտանիքների կազմը` անձերով

|տարածաշրջանի     |________________________________________________________

|անվանումները     |1-2 անձից        |3-4 անձից       |5-6 անձից

|                 |կազմված          |կազմված         |կազմված

|                 |ընտանիքներ       |ընտանիքներ      |ընտանիքներ

|                 |_________________|________________|____________________

|                 |թիվը|մեկ-        |թիվը|երկու-     |թիվը|երեք-

|                 |    |սենյականոց  |    |սենյականոց |    |սենյականոց

|                 |    |առանձնատան  |    |առանձնատան |    |առանձնատան

|                 |    |արժեքը`     |    |արժեքը`    |    |արժեքը`

|                 |    |5250 ԱՄՆ-ի  |    |7000 ԱՄՆ-ի |    |8500 ԱՄՆ-ի

|                 |    |դոլար       |    |դոլար      |    |դոլար

|                 |    |հաշվարկով   |    |հաշվարկով  |    |հաշվարկով

|                 |    |պահանջվող   |    |պահանջվող  |    |պահանջվող

|                 |    |գումարը     |    |գումարը    |    |գումարը

|_________________|____|____________|____|___________|____|_______________

|ՍՅՈՒՆԻՔ          |1   |5250        |    |           |    |

|_________________|____|____________|____|___________|____|_______________

|Գորիսի տ/շ*      |1   |5250        |    |           |    |

|_________________|____|____________|____|___________|____|_______________

|ԱՐՄԱՎԻՐ          |9   |47250       |6   |42000      |7   |59500

|_________________|____|____________|____|___________|____|_______________

|Արմավիրի տ/շ*    |1   |5250        |    |           |    |

|_________________|____|____________|____|___________|____|_______________

|Էջմիածնի տ/շ*    |8   |42000       |3   |21000      |5   |42500

|_________________|____|____________|____|___________|____|_______________

|Բաղրամյանի տ/շ** |    |            |3   |21000      |2   |17000

|_________________|____|____________|____|___________|____|_______________

|ԱՐԱՐԱՏ           |34  |178500      |35  |245000     |24  |204000

|_________________|____|____________|____|___________|____|_______________

|Վեդու տ/շ*       |3   |15750       |3   |21000      |1   |8500

|_________________|____|____________|____|___________|____|_______________

|Արտաշատի տ/շ*    |1   |5250        |5   |35000      |4   |34000

|_________________|____|____________|____|___________|____|_______________

|Մասիսի տ/շ*      |30  |157500      |27  |189000     |19  |161500

|_________________|____|____________|____|___________|____|_______________

|ԱՐԱԳԱԾՈՏՆ        |12  |63000       |3   |21000      |1   |8500

|_________________|____|____________|____|___________|____|_______________

|Աշտարակի տ/շ*    |10  |52500       |3   |21000      |    |

|_________________|____|____________|____|___________|____|_______________

|Ապարանի տ/շ*     |2   |10500       |    |           |1   |8500

|_________________|____|____________|____|___________|____|_______________

|ԼՈՌԻ             |13  |68250       |19  |133000     |13  |110500

|_________________|____|____________|____|___________|____|_______________

|Վանաձորի տ/շ*    |3   |15750       |1   |7000       |2   |17000

|_________________|____|____________|____|___________|____|_______________

|Ստեփանավանի տ/շ* |2   |10500       |3   |21000      |    |

|_________________|____|____________|____|___________|____|_______________

|Սպիտակի տ/շ*     |6   |31500       |9   |63000      |7   |59500

|_________________|____|____________|____|___________|____|_______________

|Ալավերդու տ/շ*   |2   |10500       |6   |42000      |4   |34000

|_________________|____|____________|____|___________|____|_______________

|ՇԻՐԱԿ            |2   |10500       |1   |7000       |    |

|_________________|____|____________|____|___________|____|_______________

|Ախուրյանի տ/շ**  |1   |5250        |1   |7000       |    |

|_________________|____|____________|____|___________|____|_______________

|Արթիկի տ/շ*      |1   |5250        |    |           |    |

|_________________|____|____________|____|___________|____|_______________

|ԿՈՏԱՅՔ           |31  |162750      |3   |21000      |6   |51000

|_________________|____|____________|____|___________|____|_______________

|Հրազդանի տ/շ*    |1   |5250        |    |           |    |

|_________________|____|____________|____|___________|____|_______________

|Աբովյանի տ/շ*    |3   |15750       |    |           |2   |17000

|_________________|____|____________|____|___________|____|_______________

|Եղվարդի տ/շ*     |27  |141750      |3   |21000      |4   |34000

|_________________|____|____________|____|___________|____|_______________

|ՏԱՎՈՒՇ           |9   |47250       |6   |42000      |5   |42500

|_________________|____|____________|____|___________|____|_______________

|Իջևանի  տ/շ*     |6   |31500       |4   |28000      |3   |25500

|_________________|____|____________|____|___________|____|_______________

|Նոյեմբերյանի տ/շ*|3   |15750       |2   |14000      |2   |17000

|_________________|____|____________|____|___________|____|_______________

|ԸՆԴԱՄԵՆԸ         |111 |582750      |73  |511000     |56  |476000

.__________________________________________________________________________

._________________________________________________________________________.

|Մարզի, այդ թվում`|   Ընտանիքների կազմը` անձերով     |Ընդամենը`|Ընդամենը` |

|տարածաշրջանի     |__________________________________|ընտանիք  |պահանջվող |

|անվանումները     |7-8 անձից        |9 անձից կազմված |         |ֆինանսական|

|                 |կազմված          |ընտանիքներ      |         |միջոցները |

|                 |ընտանիքներ       |                |         |(ԱՄՆ-ի    |

|                 |_________________|________________|         |դոլար)    |

|                 |թիվը|չորս-       |թիվը|հինգ-      |         |          |

|                 |    |սենյականոց  |    |սենյականոց |         |          |

|                 |    |առանձնատան  |    |առանձնատան |         |          |

|                 |    |արժեքը`     |    |արժեքը`    |         |          |

|                 |    |9500 ԱՄՆ-ի  |    |10500 ԱՄՆ-ի|         |          |

|                 |    |դոլար       |    |դոլար      |         |          |

|                 |    |հաշվարկով   |    |հաշվարկով  |         |          |

|                 |    |պահանջվող   |    |պահանջվող  |         |          |

|                 |    |գումարը     |    |գումարը    |         |          |

|_________________|____|____________|____|___________|_________|__________|

|ՍՅՈՒՆԻՔ          |    |            |    |           |1        |5250      |

|_________________|____|____________|____|___________|_________|__________|

|Գորիսի տ/շ*      |    |            |    |           |1        |5250      |

|_________________|____|____________|____|___________|_________|__________|

|ԱՐՄԱՎԻՐ          |1   |9500        |    |           |23       |158250    |

|_________________|____|____________|____|___________|_________|__________|

|Արմավիրի տ/շ*    |    |            |    |           |1        |5250      |

|_________________|____|____________|____|___________|_________|__________|

|Էջմիածնի տ/շ*    |1   |9500        |    |           |17       |115000    |

|_________________|____|____________|____|___________|_________|__________|

|Բաղրամյանի տ/շ** |    |            |    |           |5        |38000     |

|_________________|____|____________|____|___________|_________|__________|

|ԱՐԱՐԱՏ           |6   |57000       |1   |10500      |100      |695000    |

|_________________|____|____________|____|___________|_________|__________|

|Վեդու տ/շ*       |2   |19000       |1   |10500      |10       |74750     |

|_________________|____|____________|____|___________|_________|__________|

|Արտաշատի տ/շ*    |1   |9500        |    |           |11       |83750     |

|_________________|____|____________|____|___________|_________|__________|

|Մասիսի տ/շ*      |3   |28500       |    |           |79       |536500    |

|_________________|____|____________|____|___________|_________|__________|

|ԱՐԱԳԱԾՈՏՆ        |    |            |    |           |16       |92500     |

|_________________|____|____________|____|___________|_________|__________|

|Աշտարակի տ/շ*    |    |            |    |           |13       |73500     |

|_________________|____|____________|____|___________|_________|__________|

|Ապարանի տ/շ*     |    |            |    |           |3        |19000     |

|_________________|____|____________|____|___________|_________|__________|

|ԼՈՌԻ             |1   |9500        |    |           |46       |321250    |

|_________________|____|____________|____|___________|_________|__________|

|Վանաձորի տ/շ*    |    |            |    |           |6        |39750     |

|_________________|____|____________|____|___________|_________|__________|

|Ստեփանավանի տ/շ* |    |            |    |           |5        |31500     |

|_________________|____|____________|____|___________|_________|__________|

|Սպիտակի տ/շ*     |    |            |    |           |22       |154000    |

|_________________|____|____________|____|___________|_________|__________|

|Ալավերդու տ/շ*   |1   |9500        |    |           |13       |96000     |

|_________________|____|____________|____|___________|_________|__________|

|ՇԻՐԱԿ            |1   |9500        |    |           |4        |27000     |

|_________________|____|____________|____|___________|_________|__________|

|Ախուրյանի տ/շ**  |1   |9500        |    |           |3        |21750     |

|_________________|____|____________|____|___________|_________|__________|

|Արթիկի տ/շ*      |    |            |    |           |1        |5250      |

|_________________|____|____________|____|___________|_________|__________|

|ԿՈՏԱՅՔ           |2   |19000       |    |           |42       |253750    |

|_________________|____|____________|____|___________|_________|__________|

|Հրազդանի տ/շ*    |    |            |    |           |1        |5250      |

|_________________|____|____________|____|___________|_________|__________|

|Աբովյանի տ/շ*    |    |            |    |           |5        |32750     |

|_________________|____|____________|____|___________|_________|__________|

|Եղվարդի տ/շ*     |2   |19000       |    |           |36       |215750    |

|_________________|____|____________|____|___________|_________|__________|

|ՏԱՎՈՒՇ           |    |            |    |           |20       |131750    |

|_________________|____|____________|____|___________|_________|__________|

|Իջևանի  տ/շ*     |    |            |    |           |13       |85000     |

|_________________|____|____________|____|___________|_________|__________|

|Նոյեմբերյանի տ/շ*|    |            |    |           |7        |46750     |

|_________________|____|____________|____|___________|_________|__________|

|ԸՆԴԱՄԵՆԸ         |11  |104500      |1   |10500      |252      |1684750   |

._________________________________________________________________________.

 

* նշված տարածաշրջանում (տ/շ) ընդգրկված է տվյալ քաղաքը և նախկին

վարչական շրջանը

** նշված տարածաշրջանում (տ/շ) ընդգրկված է միայն տվյալ նախկին վարչական

շրջանը

 

-------------------------------------

ԻՐՏԵԿ - շարունակությունը հաշորդ մասում

 

 

pin
ՀՀ կառավարություն
20.05.2004
N 747-Ն
Որոշում