040.1025.020804
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«2» օգոստոսի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
15 հուլիսի 2004 թվականի N 1025-Ա
i
«ՀՅՈՒՍԻՍԱՅԻՆ ՊՈՂՈՏԱ ԵՎ ԿԱՍԿԱԴ» ԾՐԱԳՐԵՐԻ ԻՐԱԿԱՆԱՑՄԱՆ ԳՐԱՍԵՆՅԱԿ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆԸ ՎԵՐԱՆՎԱՆԵԼՈՒ ՄԱՍԻՆ
«Պետական ոչ առևտրային կազմակերպությունների մասին» Հայաստանի Հանրապետության օրենքի 9-րդ հոդվածի 2-րդ ու 3-րդ կետերին համապատասխան և Երևան քաղաքում հողերի իրացման աշխատանքներն ու կառուցապատման պետական ծրագրերն ավելի արդյունավետ կազմակերպելու, համակարգելու և իրականացնելու նպատակով Հայաստանի Հանրապետության կառավարությունը որոշում է.
1. «Հյուսիսային պողոտա և կասկադ» ծրագրերի իրականացման գրասենյակ» պետական ոչ առևտրային կազմակերպությունը վերանվանել «Երևանի կառուցապատման ներդրումային ծրագրերի իրականացման գրասենյակ» պետական ոչ առևտրային կազմակերպություն:
2. «Երևանի կառուցապատման ներդրումային ծրագրերի իրականացման գրասենյակ» պետական ոչ առևտրային կազմակերպության գործունեության հիմնական ոլորտ սահմանել Երևան քաղաքի ամբողջ տարածքում հողերի իրացման աշխատանքների և կառուցապատման պետական ծրագրերի կազմակերպումն ու իրականացումը, այդ նպատակով ներդրումների ներգրավումը` Հայաստանի Հանրապետության օրենսդրությամբ սահմանված կարգով:
3. Երևանի քաղաքապետին` մեկամսյա ժամկետում`
i
ա) հաստատել «Երևանի կառուցապատման ներդրումային ծրագրերի իրականացման գրասենյակ» պետական ոչ առևտրային կազմակերպության նոր կանոնադրությունը և կառուցվածքը.
բ) Հայաստանի Հանրապետության վարչապետին ներկայացնել առաջարկություն «Երևանի կառուցապատման ներդրումային ծրագրերի իրականացման գրասենյակ» պետական ոչ առևտրային կազմակերպության կառավարման խորհրդի կազմի վերաբերյալ:
-------------------------------------------------
ԻՐՏԵԿ - որոշման բնօրինակում վարչապետի ստորագրման ամսաթիվը չի բերվում