040.1104.160804
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«16» օգոստոսի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
8 հուլիսի 2004 թվականի N 1104-Ա
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՄԱՅԻՍԻ 30-Ի N 828-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Ղեկավարվելով «Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 18-րդ հոդվածով` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2002 թվականի մայիսի 30-ի «Լեռնամետալուրգիայի ինստիտուտ» փակ բաժնետիրական ընկերության պետական սեփականություն հանդիսացող բաժնետոմսերը մասնավորեցնելու մասին» N 828-Ա որոշման մեջ կատարել հետևյալ փոփոխությունները և լրացումը`
i
ա) որոշման 5-րդ կետի «բ» ենթակետում «ինչպես նաև երիտասարդ կադրերի պատրաստման համար» բառերը փոխարինել «երիտասարդ կադրերի պատրաստման, լեռնամետալուրգիական ճյուղի օբյեկտների (այդ թվում` հանքերի և հանքահարստացուցիչ կոմբինատների) կառուցմանը մասնակցության, ընկերությանը պատկանող գույքի նորոգման, ինչպես նաև Հայաստանի Հանրապետության առևտրի և տնտեսական զարգացման նախարարության հետ համաձայնեցված` հանքարդյունաբերության ոլորտի զարգացմանը նպաստող այլ նպատակների համար» բառերով.
բ) որոշման 5-րդ կետի «գ» ենթակետում «10 տարի ժամկետով Հայաստանի Հանրապետության տնտեսական մրցակցության պաշտպանության պետական հանձնաժողովի անհատույց օգտագործման հանձնում» բառերը փոխարինել «Հայաստանի Հանրապետության տնտեսական մրցակցության պաշտպանության պետական հանձնաժողովին անհատույց օգտագործման հանձնում` մինչև հանձնաժողովին այլ շենք (տարածք) հատկացնելը, սակայն ոչ ավելի, քան 10 տարի ժամկետով» բառերով.
գ) որոշումը լրացնել հետևյալ բովանդակությամբ նոր` 7-րդ կետով.
i
«7. Հայաստանի Հանրապետության օգտակար հանածոների պաշարների գործակալությանն այլ շենքի (տարածքի) հատկացման պարագայում Երևանի Կորյունի N 14 շենքի 4-րդ հարկի տարածքը շուկայական գներով օտարել «Լեռնամետալուրգիայի ինստիտուտ» փակ բաժնետիրական ընկերությանը»:
2. Հայաստանի Հանրապետության կառավարությանն առընթեր պետական գույքի կառավարման վարչության պետին` «Լեռնամետալուրգիայի ինստիտուտ» փակ բաժնետիրական ընկերության` պետական սեփականություն հանդիսացող բաժնետոմսերի մասնավորեցման պայմանագրում կատարել սույն որոշումից բխող փոփոխություններ:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ՕԳՈՍՏՈՍԻ 11-ԻՆ