031.0234.081004
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ԿԱՐԳԱԴՐՈՒԹՅՈՒՆԸ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 2002 ԹՎԱԿԱՆԻ ՄԱՐՏԻ 21-Ի «ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ» ՆԿ-1075 ԿԱՐԳԱԴՐՈՒԹՅԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ՀԱՆՁՆԱԺՈՂՈՎԻ ԿԱԶՄԸ ՀԱՄԱԼՐԵԼՈՒ ՀԱՄԱՐ
i
1. Հայաստանի Հանրապետության նախագահի 2002 թվականի մարտի 21-ի «Հանձնաժողով ստեղծելու մասին» ՆԿ-1075 կարգադրության 1-ին կետը «մշակման» բառից հետո լրացնել «Փողերի լվացման դեմ պայքարի միջոցառումները գնահատող հատուկ փորձագետների հանձնաժողովի (ՄԱՆԻՎԱԼ) առաջարկությունները ներդնելու» բառերով:
2. Հայաստանի Հանրապետության նախագահի 2002 թվականի մարտի 21-ի «Հանձնաժողով ստեղծելու մասին» ՆԿ-1075 կարգադրությամբ ստեղծված Դրամանենգության, պլաստիկ քարտերի և այլ վճարային գործիքների բնագավառում զեղծարարության դեմ տարվող պայքարի հարցերով միջգերատեսչական հանձնաժողովի կազմում լրացուցիչ ընդգրկել`
Արծվիկ Մինասյանին Հայաստանի Հանրապետության արժեթղթերի
հանձնաժողովի անդամ
Լևոն Շահինյանին Հայաստանի Հանրապետության ֆինանսների և
էկոնոմիկայի նախարարության ֆինանսական
վերահսկողության վարչության պետ:
3. Հանձնարարել հանձնաժողովին`
ա) սույն կարգադրությունն ուժի մեջ մտնելուց հետո երկշաբաթյա ժամկետում մշակել և հաստատել Եվրոպայի խորհրդի առջև փողերի լվացման և ահաբեկչության ֆինանսավորման դեմ պայքարի հարցում ստանձնած պարտավորությունների կատարման միջոցառումների ժամանակացույցը և ներկայացնել Հայաստանի Հանրապետության համապատասխան պետական մարմիններին և պաշտոնատար անձանց.
բ) ժամանակացույցով սահմանված ժամկետներում ապահովել փողերի լվացման դեմ պայքարի միջոցառումները գնահատող հատուկ փորձագետների հանձնաժողովի (ՄԱՆԻՎԱԼ)` Հայաստանի վերաբերյալ «Փողերի լվացման և ահաբեկչության ֆինանսավորման դեմ պայքարի միջոցառումների համար սահմանված չափանիշները» զեկույցում նախատեսված անհրաժեշտ միջոցառումների իրականացումը:
2004թ. հոկտեմբերի 8
ՆԿ-234-Ա