(ուժը կոցրել է 09.07.99 ՆՀ-332 հրամանագիր)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
i
ՀԱՅԱՍՏԱՆ-ՍՓՅՈՒՌՔ ՀԱՐԱԲԵՐՈՒԹՅՈՒՆՆԵՐԻ ՀԱՄԱԿԱՐԳՄԱՆ
ՊԵՏԱԿԱՆ ԽՈՐՀՐԴԻ ՄԱՍԻՆ
Նկատի ունենալով Հայաստանի անկախությամբ ստեղծված նոր իրադրության պայմաններում Սփյուռքի հետ հարաբերությունների վերաիմաստավորման և արդյունավետ համագործակցություն ապահովող կառույցների ձևավորման անհրաժեշտությունը, և ղեկավարվելով Հայաստանի Հանրապետության Սահմանադրության 55 հոդվածի 6-րդ կետով, որոշում եմ.
1. Ստեղծել Հայաստան-Սփյուռք հարաբերությունների համակարգման պետական խորհուրդ հետևյալ կազմով.
Հայաստանի Հանրապետության վարչապետ / խորհրդի նախագահ/
Հայաստանի Հանրապետության արտաքին գործերի նախարար
Հայաստանի Հանրապետության կրթության և գիտության նախարար
Հայաստանի Հանրապետության մշակույթի, երիտասարդության հարցերի
և սպորտի նախարար
Հայաստանի Հանրապետության սեփականաշնորհման և օտարերկրյա
ներդրումների նախարար
Հայաստանի Հանրապետության Ազգային Ժողովի նախագահի տեղակալ
Հայաստանի Հանրապետության Նախագահի աշխատակազմի ղեկավար
«Հայաստան» համահայկական հիմնադրամի գործադիր տնօրեն:
2. Հայաստան - Սփյուռք հարաբերությունների համակարգման պետական խորհրդին`
ա/ մեկամսյա ժամկետում մշակել և հաստատել խորհրդի գործունեության աշխատանքային կանոնակարգը.
բ/ եռամսյա ժամկետում Սփյուռքի մասնագետների մասնակցությամբ մշակել և Հայաստանի Հանրապետության Նախագահի հաստատմանը ներկայացնել Հայաստան-Սփյուռք հարաբերությունների համակարգման և համահայկական հաղորդակցական ցանցի ստեղծման համապարփակ ծրագիր:
3. Հրամանագիրն ուժի մեջ է մտնում ստորագրման պահից:
5 մայիսի 1997 թ.
ՆՀ-726