040.1399.181004
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«18» հոկտեմբերի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
14 հոկտեմբերի 2004 թվականի N 1399-Ն
2004 ԹՎԱԿԱՆԻ ԱՇՆԱՆԱՅԻՆ ԶՈՐԱԿՈՉԸ ԿԱԶՄԱԿԵՐՊԵԼՈՒ ՄԱՍԻՆ
i
Ի կատարումն Հայաստանի Հանրապետության Նախագահի 2004 թվականի հոկտեմբերի 18-ի «2004 թվականի աշնանային զորակոչ անցկացնելու և զորացրում կատարելու մասին» N ՆՀ-180-Ն հրամանագրի` Հայաստանի Հանրապետության կառավարությունը որոշում է.
1. Հայաստանի Հանրապետության 2004 թվականի աշնանային զորակոչի ընդհանուր ղեկավարումն ապահովելու նպատակով ստեղծել հանրապետական զորակոչային հանձնաժողով` համաձայն N 1 հավելվածի:
2. Հայաստանի Հանրապետության վարչատարածքային միավորներում աշնանային զորակոչի անցկացման աշխատանքների համակարգման նպատակով ստեղծել մարզային (տեղական) զորակոչային հանձնաժողովներ` համաձայն N 2 հավելվածի:
Մարզային զորակոչային հանձնաժողովների գործունեության նկատմամբ վերահսկողության իրականացումը հանձնարարել հանրապետական զորակոչային հանձնաժողովի նախագահին:
3. Հաստատել կենտրոնական բժշկական հանձնաժողովի կազմը` համաձայն N 3 հավելվածի:
4. Հայաստանի Հանրապետության պաշտպանության նախարարին`
ա) 2004 թվականի աշնանային զորակոչն անցկացնել սահմանված կարգով` հոկտեմբեր-դեկտեմբեր ամիսների ընթացքում.
բ) զորակոչից խուսափող Հայաստանի Հանրապետության քաղաքացիներին վերաբերող նյութերն ուղարկել Հայաստանի Հանրապետության դատախազության համապատասխան կառուցվածքային ստորաբաժանումներ:
5. Առաջարկել Հայաստանի Հանրապետության գլխավոր դատախազին`
ա) Հայաստանի Հանրապետության օրենսդրությամբ սահմանված կարգով քրեական գործեր հարուցել զորակոչից խուսափող Հայաստանի Հանրապետության քաղաքացիների նկատմամբ և իրավասու պետական մարմինների միջոցով հայտարարել նրանց հետախուզումը.
բ) համագործակցելով ԱՊՀ անդամ պետությունների իրավապահ մարմինների հետ` իրականացնել զորակոչից խուսափող և Հայաստանի Հանրապետության տարածքից բացակայող Հայաստանի Հանրապետության քաղաքացիների հետախուզումը և վերադարձը` 1993 թվականի հունվարի 22-ին Մինսկում կնքված «Քաղաքացիական, ընտանեկան և քրեական գործերով իրավական օգնության և իրավական հարաբերությունների մասին» համաձայնագրով նախատեսված կարգով:
6. Հայաստանի Հանրապետության նախարարությունների, պետական կառավարման այլ մարմինների և կազմակերպությունների (անկախ կազմակերպական-իրավական ձևից) ղեկավարներին`
ա) քրեական պատասխանատվության կանչված և հետախուզման մեջ գտնվող զորակոչիկների ցուցակներն ստանալուց հետո ապահովել նրանց նկատմամբ աշխատանքային, տնտեսական ու այլ ոլորտներում Հայաստանի Հանրապետության օրենսդրությամբ նախատեսված սահմանափակումների կիրառումը և գտնվելու վայրի մասին անհապաղ իրազեկել իրավասու պետական մարմիններին.
բ) իրենց իրավասությունների սահմաններում ապահովել Հայաստանի Հանրապետության զորակոչային տարիքի քաղաքացիների ներկայանալը զինվորական կոմիսարիատներ:
7. Հայաստանի Հանրապետության մարզպետներին և Երևանի քաղաքապետին`
ա) 2004 թվականի աշնանային զորակոչի անցկացման համար զինվորական կոմիսարիատներն ապահովել զորակոչային տեղամասերով, սպասարկող անձնակազմերով, ինչպես նաև նյութական և ավտոտրանսպորտային միջոցներով.
բ) Հայաստանի Հանրապետության առողջապահության նախարարի հաստատմանը ներկայացնել տեղական (ըստ զինվորական կոմիսարիատների կողմից սպասարկվող տարածքների) զորակոչային բժշկական հանձնաժողովների անհատական կազմերը` դրանցում ընդգրկելով վարչատարածքային միավորի սահմաններում գործող բժշկական հաստատությունների առաջատար բժիշկ-մասնագետներին, իսկ Երևանում, անհրաժեշտության դեպքում, նաև` հանրապետական ենթակայության բժշկական հաստատությունների բժիշկ-մասնագետներին:
8. Հայաստանի Հանրապետության առողջապահության նախարարին`
ա) հաստատել Երևանի քաղաքապետի և Հայաստանի Հանրապետության մարզպետների կողմից ներկայացված զորակոչային բժշկական հանձնաժողովների անհատական կազմերը` անհրաժեշտության դեպքում դրանք համալրելով համապատասխան բժիշկ-մասնագետներով.
բ) Հայաստանի Հանրապետության պաշտպանության նախարարության ներկայացրած հայտով զորակոչիկների ֆլյուորո (ռենտգեն) զննում, ինչպես նաև կանխարգելիչ պատվաստումներ կատարելու նպատակով հանձնարարել համակարգի բուժկանխարգելիչ հաստատություններին ապահովել անհրաժեշտ քանակով պատվաստանյութերը և ֆլյուորո (ռենտգեն) ժապավենները:
9. Հայաստանի Հանրապետության ոստիկանության պետին`
ա) ապահովել զորակոչիկների անվտանգ փոխադրումը և հասարակական կարգի պահպանումը հանրապետության զորակոչային տեղամասերում.
բ) ապահովել Հայաստանի Հանրապետության տարածքում և Հայաստանի Հանրապետության տարածքից դուրս` զորակոչից խուսափող զորակոչիկների որոնումն ու նրանց ներկայանալը զորակոչային տեղամասեր.
գ) զորակոչի ընթացքում զորակոչիկներին Երևանի սահմաններից դուրս փոխադրող ավտոբուսներն ուղեկցելու համար հանրապետական հավաքակայանին կցել պետավտոտեսչության երկու անձնակազմ:
10. Հայաստանի Հանրապետության տրանսպորտի և կապի նախարարին` ապահովել զորակոչիկների փոխադրումը զինվորական կոմիսարիատներից հանրապետական հավաքակայան` ըստ զինվորական կոմիսարիատների ներկայացրած հայտերի:
11. Սահմանել, որ զորակոչի կազմակերպման ծախսերը փոխհատուցվում են Հայաստանի Հանրապետության պաշտպանության նախարարության միջոցների հաշվին` բացառությամբ սույն որոշման 8-րդ կետով կատարվող ծախսերի:
12. Հայաստանի Հանրապետության ոստիկանության պետին, Հայաստանի Հանրապետության ազգային անվտանգության ծառայության տնօրենին, Հայաստանի Հանրապետության տրանսպորտի և կապի նախարարին ու Հայաստանի Հանրապետության կառավարությանն առընթեր մաքսային պետական կոմիտեի նախագահին` զորակոչից խուսափելու դեպքերը կանխելու նպատակով աշնանային զորակոչի ընթացքում ուժեղացնել վերահսկողությունը Հայաստանի Հանրապետության սահմանային հաղորդակցության ուղիներում և Հայաստանի Հանրապետության զորակոչային տարիքի քաղաքացիների հանրապետությունից մեկնումը թույլատրել միայն զինվորական գրքույկներում ժամկետային զինվորական ծառայությունն ավարտելու կամ հիվանդության պատճառով պահեստազորում գտնվելու, իսկ ամրակցման (նախնական հաշվառման) վկայականներում` պարտադիր զինվորական ծառայության զորակոչից տարկետման իրավունքից օգտվելու մասին զինվորական կոմիսարիատների համապատասխան նշումների առկայության դեպքում:
13. Սույն որոշման կատարման նկատմամբ վերահսկողության իրականացումը հանձնարարել Հայաստանի Հանրապետության պաշտպանության նախարարությանը և հանրապետական զորակոչային հանձնաժողովին:
14. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ՀՈԿՏԵՄԲԵՐԻ 16-ԻՆ
Հավելված N 1
ՀՀ կառավարության
2004 թվականի հոկտեմբերի 14-ի
N 1399-Ն որոշման
ԿԱԶՄ
ՀԱՆՐԱՊԵՏԱԿԱՆ ԶՈՐԱԿՈՉԱՅԻՆ ՀԱՆՁՆԱԺՈՂՈՎԻ
Ս. Սարգսյան - ՀՀ պաշտպանության նախարար (հանձնաժողովի նախագահ)
Մ. Հարությունյան - ՀՀ զինված ուժերի գլխավոր շտաբի պետ-պաշտպանության
նախարարի առաջին տեղակալ (հանձնաժողովի նախագահի
տեղակալ)
Ա. Հարությունյան - ՀՀ զինվորական կոմիսար
Հ. Հարությունյան - ՀՀ ոստիկանության պետ
Կ. Պետրոսյան - ՀՀ ազգային անվտանգության ծառայության տնօրեն
Ա. Հովսեփյան - ՀՀ գլխավոր դատախազ
Ն. Դավիդյան - ՀՀ առողջապահության նախարար
Ա. Մանուկյան - ՀՀ տրանսպորտի և կապի նախարար
Ս. Երիցյան - ՀՀ կրթության և գիտության նախարար
Է. Բարսեղյան - ՀՀ կառավարությանն առընթեր արտակարգ իրավիճակների
վարչության պետ
Մ. Շահգելդյան - ՀՀ Ազգային ժողովի պաշտպանության, ազգային
անվտանգության և ներքին գործերի մշտական
հանձնաժողովի նախագահ (համաձայնությամբ)
Հ. Խառատյան - ՀՀ կառավարության աշխատակազմի ազգային
փոքրամասնությունների և կրոնի հարցերի վարչության
պետ
Բ. Ոսկանյան - ՀՀ կառավարության աշխատակազմի վարչական մարմինների
վարչության պետ (հանձնաժողովի քարտուղար)
Հավելված N 2
ՀՀ կառավարության
2004 թվականի հոկտեմբերի 14-ի
N 1399-Ն որոշման
ԿԱԶՄ
ՄԱՐԶԱՅԻՆ (ՏԵՂԱԿԱՆ) ԶՈՐԱԿՈՉԱՅԻՆ ՀԱՆՁՆԱԺՈՂՈՎՆԵՐԻ
._________________________________________________________________________.
|Մարզերի և զին- | Հանձնաժողովների անդամները |
|կոմիսարիատների | |
|անվանումները | |
|________________|________________________________________________________|
| 1 | 2 |
|________________|________________________________________________________|
|Երևան | |
|Արաբկիր |Ե. Զախարյան - Երևանի քաղաքապետ (հանձնաժողովի |
| | նախագահ) |
|Մաշտոց |Յու. Խաչատուրով - ՀՀ պաշտպանության նախարարի տեղակալ |
|Կենտրոնական | - Երևան քաղաքի դատախազ |
|Նոր Նորք | - Երևան քաղաքի ոստիկանության |
|Շահումյան | վարչության պետ |
|Շենգավիթ | - Երևան քաղաքի կայազորի ռազմական |
|Էրեբունի | ոստիկանության բաժնի պետ |
|________________|________________________________________________________|
|Արագածոտն |Գ. Գյոզալյան - ՀՀ Արագածոտնի մարզպետ (հանձնաժողովի |
| | նախագահ) |
|Աշտարակ |Մ. Ս. Գրիգորյան - ՀՀ պաշտպանության նախարարի տեղակալ |
|Ապարան | - ՀՀ Արագածոտնի մարզի դատախազ |
|Թալին | - մարզային ոստիկանության վարչության պետ |
| | - Արմավիրի կայազորի ռազմական |
| | ոստիկանության Աշտարակի բաժանմունքի պետ|
|________________|________________________________________________________|
|Արարատ |Ա. Սարգսյան - ՀՀ Արարատի մարզպետ (հանձնաժողովի |
| | նախագահ) |
|Արտաշատ |Ա. Աղաբեկյան - ՀՀ պաշտպանության նախարարի տեղակալ |
|Արարատ | - ՀՀ Արարատի մարզի դատախազ |
|Մասիս | - մարզային ոստիկանության վարչության պետ |
| | - ՀՀ պաշտպանության նախարարության |
| | ռազմական ոստիկանության վարչության |
| | պետի տեղակալ |
|________________|________________________________________________________|
|Արմավիր |Ա. Հերոյան - ՀՀ Արմավիրի մարզպետ (հանձնաժողովի |
| | նախագահ) |
|Արմավիր |Ա. Միրզաբեկյան - ՀՀ պաշտպանության նախարարի տեղակալ |
|Էջմիածին | - ՀՀ Արմավիրի մարզի դատախազ |
| | - մարզային ոստիկանության վարչության պետ |
| | - Արմավիրի կայազորի ռազմական |
| | ոստիկանության բաժնի պետ |
|________________|________________________________________________________|
|Գեղարքունիք |Ս. Բարսեղյան - ՀՀ Գեղարքունիքի մարզպետ (հանձնաժողովի |
| | նախագահ) |
|Գավառ |Հ. Բաղմանյան - 2-րդ բանակային կորպուսի հրամանատար |
|Մարտունի | - ՀՀ Գեղարքունիքի մարզի դատախազ |
|Սևան | - մարզային ոստիկանության վարչության պետ |
|Վարդենիս | - Սևանի կայազորի ռազմական ոստիկանության|
|Կրասնոսելսկ | բաժնի պետ |
|________________|________________________________________________________|
|Լոռի |Հ. Քոչինյան - ՀՀ Լոռու մարզպետ (հանձնաժողովի |
| | նախագահ) |
|Վանաձոր |Լ. Երանոսյան - 3-րդ բանակային կորպուսի հրամանատար |
|Սպիտակ | - ՀՀ Լոռու մարզի դատախազ |
|Ստեփանավան | - մարզային ոստիկանության վարչության պետ |
|Տաշիր | - Լոռու կայազորի ռազմական ոստիկանության |
|Թումանյան | Վանաձորի բաժանմունքի պետ |
|________________|________________________________________________________|
|Կոտայք |Կ. Շահգալդյան - ՀՀ Կոտայքի մարզպետ (հանձնաժողովի |
| | նախագահ) |
|Կոտայք (Աբովյան)|Ա. Մելոյան - ՀՀ պաշտպանության նախարարի ավագ |
|Հրազդան | օգնական-վարչական ապարատի ղեկավար |
|Չարենցավան | - ՀՀ Կոտայքի մարզի դատախազ |
|Նաիրի | - մարզային ոստիկանության վարչության պետ |
| | - Երևանի կայազորի ռազմական |
| | ոստիկանության Աբովյանի բաժանմունքի պետ|
|________________|________________________________________________________|
|Շիրակ |Ռ. Մանուկյան - ՀՀ Շիրակի մարզպետ (հանձնաժողովի |
| | նախագահ) |
|Գյումրի |Գ. Մելքոնյան - ՀՀ պաշտպանության նախարարի տեղակալ |
|Արթիկ | - ՀՀ Շիրակի մարզի դատախազ |
|Աշոցք | - մարզային ոստիկանության վարչության պետ |
|Անի | - Շիրակի կայազորի ռազմական ոստիկանության|
|Ախուրյան | բաժնի պետ |
|________________|________________________________________________________|
|Սյունիք |Ս. Խաչատրյան - ՀՀ Սյունիքի մարզպետ (հանձնաժողովի |
| | նախագահ) |
|Կապան |Ա. Փայտյան - 1-ին բանակային կորպուսի հրամանատար |
|Գորիս | - ՀՀ Սյունիքի մարզի դատախազ |
|Սիսիան | - մարզային ոստիկանության վարչության պետ |
|Մեղրի | - Գորիսի կայազորի ռազմական ոստիկանության|
| | բաժնի պետ |
|________________|________________________________________________________|
|Վայոց ձոր |Ս. Սարգսյան - ՀՀ Վայոց ձորի մարզպետ (հանձնաժողովի |
| | նախագահ) |
|Եղեգնաձոր |Ս. Սարոյան - 4-րդ բանակային կորպուսի հրամանատար |
|Վայք | - ՀՀ Վայոց ձորի մարզի դատախազ |
| | - մարզային ոստիկանության վարչության պետ |
| | - Եղեգնաձորի կայազորի ռազմական |
| | ոստիկանության բաժնի պետ |
|________________|________________________________________________________|
|Տավուշ |Ա. Ղուլարյան - ՀՀ Տավուշի մարզպետ (հանձնաժողովի |
| | նախագահ) |
|Իջևան |Մ. Գ. Գրիգորյան - ՀՀ պաշտպանության նախարարի տեղակալ |
|Տավուշ (Բերդ) | - ՀՀ Տավուշի մարզի դատախազ |
|Նոյեմբերյան | - մարզային ոստիկանության վարչության պետ |
|Դիլիջան | - Լոռու կայազորի ռազմական ոստիկանության |
| | բաժնի պետ |
._________________________________________________________________________.
Հավելված N 3
ՀՀ կառավարության
2004 թվականի հոկտեմբերի 14-ի
N 1399-Ն որոշման
ԿԱԶՄ
ԿԵՆՏՐՈՆԱԿԱՆ ԲԺՇԿԱԿԱՆ ՀԱՆՁՆԱԺՈՂՈՎԻ
Ա. Հարությունյան - ՀՀ զինվորական կոմիսար (հանձնաժողովի նախագահ)
Ս. Ղասաբյան - ՀՀ առողջապահության նախարարության բժշկական
օգնության կազմակերպման վարչության գլխավոր մասնագետ
Գ. Աղայան - ՀՀ պաշտպանության նախարարության ռազմաբժշկական
վարչության պետ
Լ. Նանիջանյան - թերապևտ
Վ. Տեր-Գրիգորյան - թերապևտ-սրտաբան
Ս. Թադևոսյան - հոգեբույժ
Վ. Դարբինյան - նյարդաբան
Ա. Մուրադյան - քիթ-կոկորդ-ականջի մասնագետ
Ա. ՈՒզանկիչյան - վիրաբույժ
Ա. Շաքարյան - ակնաբույժ
Կ. Բաբայան - մաշկավեներոլոգ
Վ. Այվազյան - վնասվածքաբան
Հ. Հովսեփյան - հանձնաժողովի քարտուղար