040.1786.241204
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«24» դեկտեմբերի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
23 դեկտեմբերի 2004 թվականի N 1786-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՄԱՐՏԻ 31-Ի N 400-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասը` Հայաստանի Հանրապետության կառավարությունը որոշում է.
Հայաստանի Հանրապետության կառավարության 2004 թվականի մարտի 31-ի «Հայաստանի Հանրապետության տարածքում 2004 թվականի գարնանային հեղեղումների և ուժեղ քամիների հետևանքների վերացման լրացուցիչ միջոցառումների մասին» N 400-Ա որոշման մեջ կատարել հետևյալ փոփոխությունները`
ա) որոշման 1-ին կետի «գ» ենթակետը շարադրել նոր խմբագրությամբ.
i
«գ) Հայաստանի Հանրապետության Արարատի մարզպետարանին` 11,500.0 հազ. դրամ, այդ թվում` 5,787.0 հազ. դրամը (բյուջետային ծախսերի տնտեսագիտական դասակարգման «Կապիտալ ներքին տրանսֆերտներ» հոդվածով)` մարզի համայնքների վնասված դպրոցական և այլ շենքերի վերականգնման նպատակով շինանյութ գնելու համար, 5,713.0 հազ. դրամը (բյուջետային ծախսերի տնտեսագիտական դասակարգման «Պետական բյուջեից համայնքների բյուջեներին տրվող նպատակային հատկացումներ` սուբվենցիաներ» հոդվածով), այդ թվում` համայնքների վնասված բնակելի և այլ շենքերի վերականգնման նպատակով շինանյութ ձեռք բերելու համար Արարատի քաղաքային համայնքին` 990.0 հազ. դրամ, Արտաշատի քաղաքային համայնքին` 946.0 հազ. դրամ, Վեդու քաղաքային համայնքին` 601.0 հազ. դրամ, Լուսառատի գյուղական համայնքին` 176.0 հազ. դրամ և մշակույթի տան վերանորոգման համար Քաղցրաշենի գյուղական համայնքին` 3,000.0 հազ. դրամ սուբվենցիաներ տրամադրելու նպատակով».
i
բ) ուժը կորցրած ճանաչել որոշման N 3 հավելվածի` Հայաստանի Հանրապետության Արարատի մարզին վերաբերող մասը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ԴԵԿՏԵՄԲԵՐԻ 23-ԻՆ