040.1819.301204
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«30» դեկտեմբերի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
16 դեկտեմբերի 2004 թվականի N 1819-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՄԱՐՏԻ 31-Ի N 400-Ա ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
i
1. Հայաստանի Հանրապետության կառավարության 2004 թվականի մարտի 31-ի «Հայաստանի Հանրապետության տարածքում 2004 թվականի գարնանային հեղեղումների և ուժեղ քամիների հետևանքների վերացման լրացուցիչ միջոցառումների մասին» N 400-Ա որոշման մեջ կատարել հետևյալ լրացումը`
որոշումը լրացնել հետևյալ բովանդակությամբ նոր` 2-րդ կետով`
«2. Սույն որոշման N 1 հավելվածով`
ա) «Հայջրմուղկոյուղի» փակ բաժնետիրական ընկերության սպասարկման տարածքի վերականգնման համար նախատեսված գումարներից 864.78 հազ. դրամը հատկացնել «Հայջրմուղկոյուղի» փակ բաժնետիրական ընկերությանը.
բ) «Մասիս» ջրօգտագործողների ընկերության սպասարկման տարածքի վերականգնման համար նախատեսված գումարներից 6866.198 հազ. դրամը և «Ոռոգում-ջրառ» փակ բաժնետիրական ընկերության սպասարկման տարածքի վերականգնման համար նախատեսված գումարներից տնտեսված 208.76 հազ. դրամը հատկացնել «Մասիս» ջրօգտագործողների ընկերությանը.
գ) «Կոտայք» ջրօգտագործողների ընկերության սպասարկման տարածքի վերականգնման համար նախատեսված գումարները` 1373.24 հազ. դրամի չափով, հատկացնել «Կոտայք» ջրօգտագործողների ընկերությանը.
դ) «Ոռոգում-ջրառ» փակ բաժնետիրական ընկերության սպասարկման տարածքի վերականգնման համար նախատեսված գումարներից 1164.48 հազ. դրամը հատկացնել «Ոռոգում-ջրառ» փակ բաժնետիրական ընկերությանը:
2. Սույն որոշման 1-ին կետով նախատեսված գումարները հատկացնել բյուջետային ծախսերի տնտեսագիտական դասակարգման «Կապիտալ ներքին տրանսֆերտներ» հոդվածով:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ԴԵԿՏԵՄԲԵՐԻ 17-ԻՆ