040.0197.120305
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«12» մարտի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
20 հունվարի 2005 թվականի N 197-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՐԿՐԱՏԵՂԵԿԱՏՎԱԿԱՆ ՀԱՄԱԿԱՐԳԻ ՍՏԵՂԾՄԱՆ ԵՎ ՎԱՐՄԱՆ ՀԱՅԵՑԱԿԱՐԳԸ ՀԱՍՏԱՏԵԼՈՒ ՄԱՍԻՆ
Ի կատարումն «Գեոդեզիայի և քարտեզագրության մասին» Հայաստանի Հանրապետության օրենքի 2-րդ հոդվածի 4-րդ մասի «թ» և 4-րդ հոդվածի «բ» ենթակետերի պահանջների` Հայաստանի Հանրապետության կառավարությունը որոշում է.
1. Հաստատել Հայաստանի Հանրապետության երկրատեղեկատվական համակարգի ստեղծման և վարման հայեցակարգը` համաձայն հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ՄԱՐՏԻ 2-ԻՆ
Հավելված
ՀՀ կառավարության
2005 թվականի հունվարի 20-ի
N 197-Ն որոշման
ՀԱՅԵՑԱԿԱՐԳ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՐԿՐԱՏԵՂԵԿԱՏՎԱԿԱՆ ՀԱՄԱԿԱՐԳԻ ՍՏԵՂԾՄԱՆ ԵՎ ՎԱՐՄԱՆ
I. ՆԱԽԱԲԱՆ
Հայաստանի Հանրապետությունում բացակայում է ժամանակակից պահանջները բավարարող տեղեկատվական համակարգ, որն անհրաժեշտ է պետական կառավարման և տեղական ինքնակառավարման մարմիններին (այսուհետ` կառավարման մարմիններ) տնտեսության կառավարման բնագավառի խնդիրներն արդյունավետ լուծելու համար:
Անշարժ գույքի կադաստրի վարման արդյունավետության բարձրացման, ինչպես նաև անշարժ գույքի կադաստրի միասնական տեղեկատվական համակարգի ստեղծման և ներդրման նպատակով իրականացվել են Հայաստանի Հանրապետության համայնքների քարտեզագրման ու թվային քարտեզների ստեղծման, Հայաստանի Հանրապետության տարածքի օդալուսանկարահանման և արբանյակային լուսանկարահանման աշխատանքներ: Ընթացքի մեջ են ստացված տվյալների թվայնացման աշխատանքները: Կատարվել են աշխարհագրական օբյեկտների հաշվառման ու գրանցման, Հայաստանի Հանրապետության համայնքների վարչական սահմանների ճշգրտման, ջրովի հողերի գույքագրման և Հայաստանի Հանրապետության համայնքների սկզբնական հաշվառման նյութերի պատրաստման աշխատանքներ: Ավարտական փուլում են առաջին պետական գրանցման աշխատանքները, որոնց արդյունքում ճշգրտվել են անշարժ գույքի սեփականատերերը` ըստ սեփականության սուբյեկտների, անշարժ գույքի որակական, քանակական տվյալները և գույքային իրավունքները: Ստեղծվել է անշարժ գույքի հարկման բազա, որի արդյունքում ճշգրտվել են անշարժ գույքի, այդ թվում` գյուղատնտեսական նշանակության հողերի որակական հատկանիշները և արժեքային գնահատականը: Պարբերաբար իրականացվում են անշարժ գույքի և անշարժ գույքի շուկայի համակարգված դիտարկումներ, որոնց արդյունքում սահմանվել է գոտիականություն` ըստ գույքի արժեքի և գտնվելու վայրի: Ընթացքում են անշարժ գույքի կադաստրային գործերի էլեկտրոնային արխիվների ստեղծման աշխատանքները: Ներդրման փուլում են կադաստրային քարտեզների վարման և անշարժ գույքի գրանցման ավտոմատացված համակարգի ներդրման աշխատանքները:
Կատարվել է մեծ ծավալի աշխատանք, սակայն պետական կառավարման մարմիններում գոյություն ունեցող և ստեղծվող տեղեկատվական համակարգերը գործում են միմյանցից անկախ, որը դժվարացնում է կամ երբեմն անհնար է դարձնում տարբեր տեղեկատվական շտեմարաններում առկա տեղեկատվության կամ տեղեկատվական համակարգերի օգտագործումը` կառավարման արդյունավետության, արդյունավետ ծրագրերի մշակման կամ պետական ծրագրերի իրականացման արդյունավետության բարձրացման համար: Բացի դրանից, ավտոմատացման ցածր մակարդակը, տվյալների կրկնությունը և դրանց իրարամերժությունն էականորեն բարդացնում են կառավարման մարմիններին անհրաժեշտ տեղեկատվությամբ ապահովելու գործընթացը:
Հանրապետության բնական և տնտեսական ռեսուրսների արդյունավետ կառավարման համար անհրաժեշտ է ունենալ հավաստի և ամբողջական տեղեկատվություն Հայաստանի Հանրապետության, նրա առանձին վարչատարածքային միավորների տնտեսության վիճակի և բնական ռեսուրսների մասին, այդ թվում` հողային, ջրային, անտառային ռեսուրսների, օգտակար հանածոների, տնտեսական զարգացման, արդյունաբերական ու գյուղատնտեսության ոլորտի, բնակչության տեղաբաշխման, անշարժ գույքի որակական, քանակական տվյալների, սեփականության սուբյեկտների, ճանապարհային ցանցի և ենթակառուցվածքների այլ տարրերի ու էկոլոգիական վիճակի մասին:
Հայաստանի Հանրապետության երկրատեղեկատվական համակարգի (այսուհետ` երկրատեղեկատվական համակարգ) ներդրումը հնարավորություն է տալիս կառավարման մարմիններին` իրավիճակի համալիր վերլուծության նպատակով ապահովել տարաբնույթ տարածական տեղեկատվությամբ` Հայաստանի Հանրապետության, նրա առանձին վարչատարածքային միավորների, ինչպես նաև առանձին ճյուղերի կառավարման խնդիրների լուծման ժամանակ:
Պետական կառավարման և տեղական ինքնակառավարման բնագավառում ժամանակակից երկրատեղեկատվական համակարգերի օգտագործումը կնպաստի`
ա) Հայաստանի Հանրապետության մարզերի, համայնքների և նրա առանձին տարածքների (ազգային պարկ, Արարատյան հարթավայր, և այլն) տնտեսական զարգացման արդյունավետ ծրագրերի մշակմանը,
բ) կառավարման համար անհրաժեշտ տվյալների հավաքագրման և մշակման ստանդարտացման աստիճանի բարձրացմանը,
գ) տնտեսության տարբեր ոլորտներում օգտագործվող տարածական տեղեկատվության անհարկի կրկնօրինակման և տվյալների հակասականության բացառմանը,
դ) տարածական տվյալների պահուստային պատճենների ստեղծման գործընթացի հեշտացմանը, օպերատիվության բարձրացմանը և ծախսերի նվազմանը,
ե) տարածական տվյալների մատչելիության ապահովմանը,
զ) հանրության համար տեղեկատվության հասանելիության ապահովմանը,
է) տվյալների լրիվության, հավաստիության, ճշտության ստուգման ներքին մեխանիզմների մշակմանը:
II. ԵՐԿՐԱՏԵՂԵԿԱՏՎԱԿԱՆ ՀԱՄԱԿԱՐԳԻ ՍՏԵՂԾՄԱՆ ՆՊԱՏԱԿՆ ՈՒ ԽՆԴԻՐՆԵՐԸ
Հայաստանի Հանրապետության երկրատեղեկատվական համակարգի ստեղծման նպատակը պետական միասնական երկրատեղեկատվական բանկի ստեղծումն է, որը հանրապետության բնական և տնտեսական ռեսուրսների, դրանց իրավական կարգավիճակի ու արժեքի վերաբերյալ ամբողջական տեքստային և գրաֆիկական տվյալների կենտրոնացումն է և նպատակաուղղված է ռեսուրսների կառավարման արդյունավետության բարձրացմանը:
Երկրատեղեկատվական համակարգի ստեղծման հիմնական նպատակն ու խնդիրներն են`
ա) Հայաստանի Հանրապետության երկրատեղեկատվական տվյալների պետական միասնական տեղեկատվական բանկի (Հայաստանի Հանրապետության վարչատարածքային բաժանման կամ առանձին տարածքների, աշխարհագրական օբյեկտների, հողային ֆոնդի, անշարժ գույքի նպատակային, գործառնական նշանակության, հողատեսքերի, անշարժ գույքի ֆիզիկական, որակական և արժեքային բնութագրերի, անշարժ գույքի նկատմամբ գրանցված իրավունքների ու սահմանափակումների, պետական գրանցման սուբյեկտների, հիդրոգրաֆիայի, ռելիեֆի, գծային ենթակառուցվածքների օբյեկտների մասին քարտեզագրական և տեքստային տվյալների տեղեկատվական բանկ) ստեղծումը և կառավարումը.
բ) կառավարման մարմիններին ու հասարակությանն անհրաժեշտ տեղեկատվության հասանելիության, մատչելիության, անընդհատության ապահովումը և տեղեկատվության տրամադրման օպերատիվության բարձրացումը.
գ) տեղեկատվական աջակցությունը`
հանրապետության բնական ռեսուրսների արդյունավետ կառավարման պետական վերահսկմանը,
հանրապետության բնական ռեսուրսների արդյունավետ օգտագործման նպատակային ծրագրերի մշակմանը և դրանց իրականացման արդյունավետության բարձրացմանը,
արտակարգ իրավիճակների ժամանակ օպտիմալ և օպերատիվ որոշումների ընդունմանը,
հանրապետության տնտեսական, բնական, քաղաքաշինական, գյուղատնտեսական և այլ ռեսուրսների օգտագործման ծրագրերի մշակմանն ու այդ ծրագրերի իրականացման արդյունավետության բարձրացմանը,
հանրապետության մարզերի, համայնքների և առանձին տարածքների զարգացման օպտիմալ պլանավորմանը:
III. ԵՐԿՐԱՏԵՂԵԿԱՏՎԱԿԱՆ ՀԱՄԱԿԱՐԳԻ ՍՏԵՂԾՄԱՆ ԵՎ ՎԱՐՄԱՆ ՍԿԶԲՈՒՆՔՆԵՐԸ
Երկրատեղեկատվական համակարգի ստեղծման և վարման հիմնական սկզբունքներն են`
1. Երկրատեղեկատվական համակարգը բաց է` բացառությամբ Հայաստանի Հանրապետության օրենսդրությամբ նախատեսված դեպքերի:
2. Երկրատեղեկատվական համակարգն ունի 3 մակարդակ`
հանրապետական,
մարզային,
համայնքային:
3. Երկրատեղեկատվական համակարգն ստեղծվում և վարվում է որպես կենտրոնացված տեղեկատվական համակարգ:
4. Երկրատեղեկատվական համակարգն ստեղծվում և վարվում է միայն էլեկտրոնային տեսքով:
5. Երկրատեղեկատվական համակարգն ստեղծվում է համաշխարհային գեոդեզիական կոորդինատային համակարգով (WGS-84):
6. Երկրատեղեկատվական համակարգի տարբեր մակարդակների համար սահմանվում են քարտեզների հետևյալ մասշտաբները`
հանրապետական մակարդակ` 1:100000, 1:200000, 1:500000,
մարզային մակարդակ` 1:25000, 1:50000,
համայնքային մակարդակ` 1:5000, 1:10000, 1:25000,
քաղաքային համայնքների և (կամ) առանձին տարածքների (քաղաքներ,
քաղաքատիպ ավաններ և այլն) համար` 1:500, 1:1000, 1:2000:
7. Երկրատեղեկատվական համակարգում յուրաքանչյուր օբյեկտ պետք է ունենա եզակի (անկրկնելի) ծածկագիր, որի հիմքն անշարժ գույքի կադաստրային ծածկագիրն է:
8. Երկրատեղեկատվական համակարգի օբյեկտների ծածկագրման կարգը սահմանում է Հայաստանի Հանրապետության կառավարությունը:
9. Երկրատեղեկատվական համակարգում յուրաքանչյուր փաստաթուղթ (էլեկտրոնային) պետք է ունենա ստանդարտ ձևատեսք:
10. Երկրատեղեկատվական համակարգի փաստաթղթերի (էլեկտրոնային) ձևատեսքերը սահմանում են Հայաստանի Հանրապետության կառավարության կողմից լիազորված մարմինները:
11. Երկրատեղեկատվական համակարգը բաղկացած է բազային և թեմատիկ երկրատեղեկատվական համակարգերից:
12. Բազային երկրատեղեկատվական համակարգն ստեղծում և վարում է Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեն:
13. Թեմատիկ երկրատեղեկատվական համակարգերի ցանկը և վարման կարգերը սահմանում է Հայաստանի Հանրապետության կառավարությունը:
14. Թեմատիկ երկրատեղեկատվական համակարգերն ստեղծվում են բազային երկրատեղեկատվական համակարգի հիմքի վրա:
15. Բազային և թեմատիկ երկրատեղեկատվական համակարգերի ստեղծման ու վարման, նրանց միջև տեղեկատվության փոխանակման և տեղեկատվության տրամադրման կարգերն ու տեղեկատվական բանկերի պարունակությունը սահմանում է Հայաստանի Հանրապետության կառավարությունը:
16. Թեմատիկ երկրատեղեկատվական համակարգերն ըստ ոլորտների ստեղծվում ու վարվում են Հայաստանի Հանրապետության կառավարության լիազորած պետական մարմինների կողմից: Եթե ստեղծվող երկրատեղեկատվական համակարգը պարունակում է պետական կամ ծառայողական գաղտնիքի շարքը դասվող տեղեկություններ, ապա այն ենթակա է գաղտնագրման` Հայաստանի Հանրապետության օրենսդրությամբ սահմանված կարգով:
17. Երկրատեղեկատվական համակարգն ստեղծվում և ներդրվում է փուլերով: Թեմատիկ երկրատեղեկատվական համակարգի ստեղծման և ներդրման փուլերը սահմանվում են` հիմք ընդունելով բազային երկրատեղեկատվական համակարգի ստեղծման ու ներդրման փուլերը:
18. Երկրատեղեկատվական համակարգի ստեղծման և ներդրման փուլերը (ժամանակացույցը) հաստատում է Հայաստանի Հանրապետության կառավարությունը:
IV. ԲԱԶԱՅԻՆ ԵՐԿՐԱՏԵՂԵԿԱՏՎԱԿԱՆ ՀԱՄԱԿԱՐԳԸ
Բազային երկրատեղեկատվական համակարգի տեղեկատվական բանկն ստեղծվում է թվային տեղագրական, կադաստրային հատակագծերի և քարտեզների հիման վրա, որը պարունակում է հետևյալ տվյալները (գրաֆիկական և տեքստային)`
1. Հայաստանի Հանրապետության վարչատարածքային սահմանները (պետական սահման, մարզ, համայնք),
2. Հայաստանի Հանրապետության աշխարհագրական անվանումները,
3. Հայաստանի Հանրապետության անշարժ գույքը, այդ թվում`
հողային ֆոնդ ըստ նպատակային նշանակության, հողատեսքերի և սեփականության սուբյեկտների,
շենք, շինություններն ըստ նպատակային և գործառնական նշանակության տեսակների ու սեփականության սուբյեկտների,
գտնվելու վայրը (հասցեն),
անշարժ գույքի կադաստրային ծածկագիրը,
անշարժ գույքի ֆիզիկական և որակական բնութագրերը,
անշարժ գույքի նկատմամբ գրանցված իրավունքները և սահմանափակումները:
4. Հայաստանի Հանրապետության հիդրոգրաֆիայի շերտը, այդ թվում`
լճեր,
գետեր,
գետակներ,
ջրամբարներ,
ջրանցքներ:
5. Հայաստանի Հանրապետության ռելիեֆը, այդ թվում`
լեռներ,
լեռնաշղթաներ,
լեռնանցքներ,
կիրճեր, ձորեր:
6. Հայաստանի Հանրապետության գծային ենթակառուցվածքները, այդ թվում`
երկաթգծեր և ավտոմոբիլային ճանապարհներ (միջպետական, պետական ու տեղական նշանակության),
գազատարներ, ջրատարներ, նավթամուղներ (վերգետնյա, ստորգետնյա),
հեռահաղորդակցության կապուղիներ (վերգետնյա, ստորգետնյա),
բարձր լարման էլեկտրահաղորդագծեր (վերգետնյա, ստորգետնյա),
կոմունալ ենթակառուցվածքներ (վերգետնյա, ստորգետնյա):
V. ԹԵՄԱՏԻԿ ԵՐԿՐԱՏԵՂԵԿԱՏՎԱԿԱՆ ՀԱՄԱԿԱՐԳԵՐԸ
Հայաստանի Հանրապետության երկրատեղեկատվական համակարգը պարունակում է հետևյալ հիմնական թեմատիկ երկրատեղեկատվական համակարգերը`
ա) անշարժ գույքի գնահատման և անշարժ գույքի շուկայի համակարգված դիտարկումների,
բ) բնական ռեսուրսների և բնապահպանության,
գ) քաղաքաշինական,
դ) գծային ենթակառուցվածքների (էներգետիկա, կապ, տրանսպորտ, ջրատարներ, գազատարներ և այլն),
ե) պատմամշակութային արժեքների,
զ) գյուղատնտեսության կառավարման,
է) արտակարգ իրավիճակների համակարգված դիտարկումների և կանխատեսման,
ը) արդյունաբերության կառավարման,
թ) սոցիալական պաշտպանության,
ժ) մարդկային ռեսուրսների և տարաբնակեցման:
VI. ԵՐԿՐԱՏԵՂԵԿԱՏՎԱԿԱՆ ՀԱՄԱԿԱՐԳԻ ՍՏԵՂԾՄԱՆ ԵՎ ՆԵՐԴՐՄԱՆ ՓՈՒԼԵՐԸ
Երկրատեղեկատվական համակարգերի ստեղծման և ներդրման արտերկրի փորձի ուսումնասիրությունները ցույց են տալիս, որ այն երկարատև գործընթաց է և պահանջում է մարդկային ու ֆինանսական ռեսուրսներ: Հաշվի առնելով նմանատիպ համակարգերի ստեղծման և ներդրման արտերկրի փորձը, կառավարման մարմինների բյուջեների սահմանափակ լինելը, ինչպես նաև հանրապետության հեռահաղորդակցության կապուղիների ներկա վիճակը` երկրատեղեկատվական համակարգն ստեղծվում և ներդրվում է փուլերով` առաջին հերթին երկրատեղեկատվական համակարգը, իսկ այնուհետև` թեմատիկ երկրատեղեկատվական համակարգերը` ըստ պատրաստվածության աստիճանի:
Թեմատիկ երկրատեղեկատվական համակարգերի ստեղծման և ներդրման ժամանակացույցները կազմվում են բազային երկրատեղեկատվական համակարգի ստեղծման ու ներդրման փուլերի վրա:
Համակարգի ստեղծման և ներդրման համար նախատեսված միջոցառումների ցանկը և աշխատանքների իրականացման փուլերը սահմանված են N 1 հավելվածում:
VII. ԵՐԿՐԱՏԵՂԵԿԱՏՎԱԿԱՆ ՀԱՄԱԿԱՐԳԻ ՍՏԵՂԾՄԱՆ ԵՎ ՆԵՐԴՐՄԱՆ ՖԻՆԱՆՍԱՎՈՐՄԱՆ ԱՂԲՅՈՒՐՆԵՐԸ
Երկրատեղեկատվական համակարգի ստեղծման և ներդրման համար օգտագործվում են պետական ու տեղական բյուջեների, դրամաշնորհների և նպատակային վարկերի ֆինանսական միջոցները:
Նախնական գնահատականներով բազային երկրատեղեկատվական համակարգի ստեղծման համար կպահանջվի մոտավորապես 792,600.00 հազ. դրամ (N 2 հավելված):
Երկրատեղեկատվական համակարգի վարման, պահպանման և սպասարկման ծախսերը կատարվում են Հայաստանի Հանրապետության պետական բյուջեի միջոցների հաշվին:
Պահանջվող ֆինանսական միջոցների չափը կճշտվի երկրատեղեկատվական համակարգի ստեղծման և վարման ծրագրի կազմման ընթացքում:
N 2 հավելվածի 1-7-րդ կետերում թվարկված աշխատանքներն իրականացվում են Հայաստանի Հանրապետության պետական մասշտաբային շարքի բազային տեղագրական քարտեզների ստեղծման և օդալուսանկարահանման աշխատանքների իրականացման ծրագրի շրջանակում:
N 2 հավելվածի 12-րդ կետում նշված տվյալների փոխանակման ցանցն անհրաժեշտ է բազային և թեմատիկ երկրատեղեկատվական բանկերի միջև տվյալների փոխանակման համար, որն անհրաժեշտ կլինի 2008 թվականին:
Հավելված N 1
Հայաստանի Հանրապետության
երկրատեղեկատվական համակարգի
ստեղծման և վարման հայեցակարգի
ԺԱՄԱՆԱԿԱՑՈՒՅՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՐԿՐԱՏԵՂԵԿԱՏՎԱԿԱՆ ՀԱՄԱԿԱՐԳԻ ՍՏԵՂԾՄԱՆ ԵՎ ՆԵՐԴՐՄԱՆ
._________________________________________________________________________.
| Միջոցառումների և աշխատանքների անվանումները |Կատարման | Պատասխանատու |
| |ժամկետը | կատարողը |
|_____________________________________________|_________|_________________|
| 1 | 2 | 3 |
|_____________________________________________|_________|_________________|
| I Փուլ. Նախապատրաստական աշխատանքներ |2005 թ. | |
|_____________________________________________|_________| |
| |Երկրատեղեկատվական համակարգի հայեցակարգի |2004 թ. | |
| |մշակում և հաստատում |4-րդ | |
| | |եռամսյակ | |
|__|__________________________________________|_________| |
| |Բազային երկրատեղեկատվական համակարգի ծրագրի|2005 թ. | |
| |մշակում և հաստատում |1-ին | |
| | |եռամսյակ | |
|__|__________________________________________|_________| |
| |Թեմատիկ երկրատեղեկատվական համակարգերի |2005 թ. | |
| |ստեղծման և վարման լիազոր պետական |2-րդ | |
| |մարմինների հաստատում |եռամսյակ | |
|__|__________________________________________|_________| |
| |Բազային երկրատեղեկատվական համակարգի |2005 թ. | |
| |ստեղծման և ներդրման համար անհրաժեշտ | |ՀՀ կառավարությանն|
| |նորմատիվ իրավական դաշտի ստեղծում, այդ | |առընթեր անշարժ |
| |թվում` | |գույքի կադաստրի |
|__|__________________________________________|_________|պետական կոմիտե |
| | |երկրատեղեկատվական համակարգի ստեղծման և |2005 թ. | |
| | |ներդրման համար անհրաժեշտ նորմատիվ |2-3-րդ | |
| | |իրավական ակտերի ցանկի հաստատում |եռամսյակ-| |
| | | |ներ | |
|__|__|_______________________________________|_________| |
| | |բազային երկրատեղեկատվական համակարգի | | |
| | |տեղեկատվական բանկի ստեղծման, պահպանման,| | |
| | |թարմացման և տեղեկատվության փոխանակման | | |
| | |կարգի մշակում | | |
|__|__|_______________________________________| | |
| | |բազային երկրատեղեկատվական համակարգի |2005 թ. | |
| | |դասակարգիչների ու ստանդարտների մշակում |4-րդ | |
| | |և հաստատում |եռամսյակ | |
|__|__|_______________________________________| | |
| | |բազային երկրատեղեկատվական համակարգի | | |
| | |պայմանական նշանների մշակում և | | |
| | |հաստատում | | |
|__|__________________________________________|_________| |
| |Բազային երկրատեղեկատվական համակարգի |2005 թ. | |
| |ստեղծման փորձնական ծրագրի իրականացում | | |
|_____________________________________________|_________|_________________|
| II Փուլ. Բազային երկրատեղեկատվական |2005- | |
| համակարգի ստեղծում, ներդրում և շահագործում |2011 թթ. | |
|_____________________________________________|_________| |
| |Հանրապետական, մարզային և համայնքային |2005- | |
| |մակարդակների համար թվային քարտեզների ու |2010 թթ. | |
| |տեղեկատվական բանկի ստեղծում | | |
|__|__________________________________________|_________| |
| | |Առաջին պետական գրանցման աշխատանքների |2005 թ. | |
| | |ավարտում |վերջ | |
|__|__|_______________________________________|_________| |
| | |1:7000 մասշտաբի օդալուսանկարներից |2005- | |
| | |1:2000 մասշտաբի օրթոֆոտոհատակագծերի |2007 թթ. | |
| | |պատրաստում | | |
|__|__|_______________________________________|_________| |
| | |1:10000 մասշտաբի բազային տեղագրական |2005- | |
| | |քարտեզների ստեղծում |2007 թթ. | |
|__|__|_______________________________________|_________| |
| | |Օդալուսանկարահանման և տիեզերական |2005- | |
| | |հանութագրման 1:10000 մասշտաբի նյութերի |2007 թթ. | |
| | |դաշտային վերծանում | | |
|__|__|_______________________________________|_________| |
| | |Օդալուսանկարներից 1:10000 մասշտաբի |2005- | |
| | |տեղագրական քարտեզների մշակում և |2007 թթ. | |
| | |թվայնացում | | |
|__|__|_______________________________________|_________|ՀՀ կառավարությանն|
| | |Տիեզերալուսանկարներից 1:10000 մասշտաբի |2005- |առընթեր անշարժ |
| | |տեղագրական քարտեզների մշակում և |2007 թթ. |գույքի կադաստրի |
| | |թվայնացում | |պետական կոմիտե |
|__|__|_______________________________________|_________| |
| | |1:10000 տեղագրական քարտեզների |2005- | |
| | |թվայնացում |2007 թթ. | |
|__|__|_______________________________________|_________| |
| | |1:25000 մինչև 1:1000000 մասշտաբի |2005- | |
| | |տեղագրական թվային քարտեզների ստացում` |2007 թթ. | |
| | |ընդհանրացման եղանակով | | |
|__|__|_______________________________________|_________| |
| | |Հայաստանի Հանրապետության խոշոր |2005- | |
| | |բնակավայրերի կառուցապատված և զարգացման|2007 թթ. | |
| | |հեռանկարով նախատեսված տարածքների 1:500 | | |
| | |և 1:2000 մասշտաբի կադաստրային | | |
| | |քարտեզագրական նյութերի հիման վրա 1:2000| | |
| | |մասշտաբի տեղագրական հանույթների | | |
| | |կազմում, թարմացում և թվայնացում | | |
|__|__________________________________________|_________| |
| |Բազային երկրատեղեկատվական համակարգի |2008 թ. | |
| |փորձնական շահագործում` հանրապետական | | |
| |գործադիր մարմիններում ու Հայաստանի | | |
| |Հանրապետության կառավարությանն առընթեր | | |
| |անշարժ գույքի կադաստրի պետական կոմիտեում | | |
|__|__________________________________________|_________| |
| |Կադրերի պատրաստում և վերապատրաստում |2006- | |
| | |2008 թթ. | |
|__|__________________________________________|_________| |
| |Բազային երկրատեղեկատվական համակարգի |2009 թ. | |
| |ստեղծում, կարգաբերում ու շահագործում |2-րդ | |
| |հանրապետական գործադիր մարմիններում և |կիսամյակ | |
| |Հայաստանի Հանրապետության կառավարությանն | | |
| |առընթեր անշարժ գույքի կադաստրի պետական | | |
| |կոմիտեում | | |
|_____________________________________________|_________|_________________|
| III Փուլ. Թեմատիկ երկրատեղեկատվական |2006- | |
|համակարգերի ստեղծում, ներդրում և շահագործում|2013 թթ. | |
|_____________________________________________|_________| |
| |Երկրատեղեկատվական համակարգի ստեղծման և |2006 թ. | |
| |ներդրման համակարգող հանձնաժողովի |2-րդ | |
| |(աշխատանքային խմբի) ստեղծում |եռամսյակ | |
|__|__________________________________________|_________| |
| |Թեմատիկ երկրատեղեկատվական համակարգերի |2006 թ. | |
| |ծրագրի մշակում և հաստատում |3-4-րդ | |
| | |եռամսյակ-| |
| | |ներ |Համապատասխան |
|__|__________________________________________|_________|լիազոր պետական |
| |Թեմատիկ երկրատեղեկատվական համակարգերի |2007 թ. |մարմիններ |
| |ստեղծման ու վարման կարգերի մշակում և |1-ին | |
| |հաստատում |եռամսյակ | |
|__|__________________________________________|_________| |
| |Թեմատիկ երկրատեղեկատվական համակարգի |2007 թ. | |
| |ստեղծման փորձնական ծրագրերի իրականացում |2-4-րդ | |
| | |եռամսյակ-| |
| | |ներ | |
|_____________________________________________|_________| |
| IV Փուլ. Հայաստանի Հանրապետության |2008- | |
| երկրատեղեկատվական համակարգի ներդրում և |2013 թթ. | |
| շահագործում | | |
|_____________________________________________|_________|_________________|
| |Բազային և թեմատիկ երկրատեղեկատվական |2008- |ՀՀ կառավարությանն|
| |համակարգերի համատեղ փորձնական շահագործում |2013 թթ. |առընթեր անշարժ |
| | |ընթացքում|գույքի կադաստրի |
| | |ըստ |պետական կոմիտե |
| | |թեմատիկ |համապատասխան |
| | |երկրատեղե|լիազոր պետական |
| | |կատվական |մարմիններ |
| | |համակար- | |
| | |գերի | |
| | |ներդրման | |
| | |ժամանակա-| |
| | |ցույցների| |
|__|__________________________________________|_________|_________________|
| |Կադրերի պատրաստում և վերապատրաստում |2008- |համապատասխան |
| |(թեմատիկ երկրատեղեկատվական համակարգերի |2013 թթ. |լիազոր պետական |
| |մասով) | |մարմիններ |
|__|__________________________________________|_________| |
| |Հայաստանի Հանրապետության երկրատեղեկատվական|2014 թ. | |
| |համակարգի արտադրական շահագործում |հունվար | |
| | | | |
._________________________________________________________________________.
Հավելված N 2
Հայաստանի Հանրապետության
երկրատեղեկատվական համակարգի
ստեղծման և վարման հայեցակարգի
ՖԻՆԱՆՍԱԿԱՆ ՄԻՋՈՑՆԵՐԻ ՆԱԽՆԱԿԱՆ ԳՆԱՀԱՏԱԿԱՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱԶԱՅԻՆ ԵՐԿՐԱՏԵՂԵԿԱՏՎԱԿԱՆ ՀԱՄԱԿԱՐԳԻ ՍՏԵՂԾՄԱՆ
._________________________________________________________________________.
|NN | Աշխատանքի անվանումը |Գումարը |
|ը/կ| |(հազ. դրամ)|
|___|_________________________________________________________|___________|
|1. |1:7000 մասշտաբի օդալուսանկարներից 1:2000 մասշտաբի | |
| |օրթոֆոտոհատակագծերի պատրաստում | |
|___|_________________________________________________________|___________|
|2. |Օդալուսանկարահանման և տիեզերական հանութագրման 1:10000 | |
| |մասշտաբի նյութերի դաշտային վերծանում | |
|___|_________________________________________________________|___________|
|3. |Օդալուսանկարներից 1:10000 մասշտաբի տեղագրական քարտեզների | |
| |մշակում և թվայնացում | |
|___|_________________________________________________________|___________|
|4. |Տիեզերալուսանկարներից 1:10000 մասշտաբի տեղագրական | |
| |քարտեզների մշակում և թվայնացում | |
|___|_________________________________________________________|___________|
|5. |1:10000 տեղագրական քարտեզների թվայնացում | |
|___|_________________________________________________________|___________|
|6. |1:10000 մասշտաբի բազային տեղագրական քարտեզների ստեղծում | |
|___|_________________________________________________________|___________|
|7. |1:25000 մինչև 1:1000000 մասշտաբի տեղագրական թվային | |
| |քարտեզների ստացում` ընդհանրացման եղանակով | |
|___|_________________________________________________________|___________|
|8. |ՀՀ խոշոր բնակավայրերի (քաղաքներ, քաղաքատիպ ավաններ) |532,600.00 |
| |կառուցապատված և զարգացման հեռանկարով նախատեսված | |
| |տարածքների 1:500 և 1:2000 մասշտաբի կադաստրային | |
| |քարտեզագրական նյութերի հիման վրա 1:2000 մասշտաբի | |
| |տեղագրական հանույթների կազմում, թարմացում և թվայնացում | |
|___|_________________________________________________________|___________|
|9. |Բազային երկրատեղեկատվական համակարգի ստեղծման փորձնական |50,000.00 |
| |ծրագրի իրականացում | |
|___|_________________________________________________________|___________|
|10.|Բազային երկրատեղեկատվական համակարգի ստեղծման համար |50,000.00 |
| |անհրաժեշտ ծրագրային ապահովման ձեռքբերում | |
|___|_________________________________________________________|___________|
|11.|Բազային երկրատեղեկատվական համակարգի ստեղծման համար |50,000.00 |
| |անհրաժեշտ համակարգչային տեխնիկայի ձեռքբերում և | |
| |արդիականացում | |
|___|_________________________________________________________|___________|
|12.|Բազային երկրատեղեկատվական համակարգի տվյալների փոխանակման |100,000.00 |
| |ցանցի ստեղծում և (կամ) արդիականացում | |
|___|_________________________________________________________|___________|
|13.|Կադրերի ուսուցում և վերապատրաստում |10,000.00 |
|___|_________________________________________________________|___________|
| |Ընդամենը |792,600.00 |
._________________________________________________________________________.