031.0044.220305
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ԿԱՐԳԱԴՐՈՒԹՅՈՒՆԸ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 2002 ԹՎԱԿԱՆԻ ՄԱՐՏԻ 21-Ի ՆԿ-1075 ԿԱՐԳԱԴՐՈՒԹՅԱՄԲ ՍՏԵՂԾՎԱԾ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ ԿԱԶՄՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
i
1. Հայաստանի Հանրապետության Նախագահի 2002 թվականի մարտի 21-ի «Հանձնաժողով ստեղծելու մասին» ՆԿ-1075 կարգադրությամբ ստեղծված Դրամանենգության, պլաստիկ քարտերի և այլ վճարային գործիքների բնագավառում զեղծարարության դեմ տարվող պայքարի հարցերով միջգերատեսչական հանձնաժողովի կազմում կատարել հետևյալ փոփոխությունները.
ա) հանձնաժողովի կազմում ընդգրկել`
Հայաստանի Հանրապետության արտաքին գործերի նախարարի տեղակալին,
Հայաստանի Հանրապետության կառավարությանն առընթեր հարկային պետական ծառայության պետի տեղակալին,
Հայաստանի Հանրապետության կառավարությանն առընթեր մաքսային պետական կոմիտեի նախագահի տեղակալին.
բ) հանձնաժողովի կազմից հանել Գրիգոր ԳՐԻԳՈՐՅԱՆԻՆ.
գ) հանձնաժողովի կազմում «Հայաստանի Հանրապետության ներքին գործերի նախարարի տեղակալ» և «Հայաստանի Հանրապետության ազգային անվտանգության նախարարի առաջին տեղակալ» բառերը համապատասխանաբար փոխարինել «Հայաստանի Հանրապետության կառավարությանն առընթեր Հայաստանի Հանրապետության ոստիկանության պետի տեղակալ» և «Հայաստանի Հանրապետության կառավարությանն առընթեր ազգային անվտանգության ծառայության տնօրենի տեղակալ» բառերով:
2. Հայաստանի Հանրապետության արտաքին գործերի նախարարին, Հայաստանի Հանրապետության կառավարությանն առընթեր հարկային պետական ծառայության պետին, մաքսային պետական կոմիտեի նախագահին և ազգային անվտանգության ծառայության տնօրենին` իրենց գերատեսչություններից սույն կարգադրության համաձայն հանձնաժողովի կազմում ընդգրկվող անձանց թեկնածությունները սույն կարգադրությունն ուժի մեջ մտնելու օրվանից երկօրյա ժամկետում ներկայացնել հանձնաժողովի նախագահին:
22 մարտի 2005 թվականի
ՆԿ-44-Ա