(ուժը կորցրել է 07.04.09 թիվ 80-Ն որոշում)
i
050.0070.150305
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«15» 03 2005 Թ.
ՊԵՏԱԿԱՆ ԳՐԱՆՑՄԱՆ ԹԻՎ 05005129
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
16 փետրվարի 2005 թվականի N 70-Ն
i
«ԱՆՎՃԱՐՈՒՆԱԿ ԲԱՆԿԻ ԿՈՂՄԻՑ ՀԻՄՆԱԴՐԱՄԻՆ ՆԵՐԿԱՅԱՑՎՈՂ ՏԵՂԵԿԱՏՎՈՒԹՅԱՆ ՏՐԱՄԱԴՐՄԱՆ ԵՎ ՀԻՄՆԱԴՐԱՄԻ ԿՈՂՄԻՑ ԵՐԱՇԽԱՎՈՐՎԱԾ ԱՎԱՆԴՆԵՐԻ ՀԱՏՈՒՑՄԱՆ ԵՆԹԱԿԱ ԳՈՒՄԱՐՆԵՐԻ ՀԱՇՎԱՐԿՄԱՆ ԿԱՐԳԸ» ՀԱՍՏԱՏԵԼՈՒ ՄԱՍԻՆ
Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե», «Իրավական ակտերի մասին» Հայաստանի Հանրապետության օրենքի 16-րդ հոդվածի 4-րդ մասը և «Ֆիզիկական անձանց բանկային ավանդների հատուցումը երաշխավորելու մասին» Հայաստանի Հանրապետության օրենքի 6-րդ և 9-րդ հոդվածները` Հայաստանի Հանրապետության կենտրոնական բանկի խորհուրդը որոշում է.
1. Հաստատել «Անվճարունակ բանկի կողմից Հիմնադրամին ներկայացվող տեղեկության տրամադրման և Հիմնադրամի կողմից երաշխավորված ավանդների հատուցման ենթակա գումարների հաշվարկման կարգը»` համաձայն հավելված 1-ի (կցվում է):
2. Սույն որոշումն ուժի մեջ է մտնում հրապարակմանը հաջորդող տասներորդ օրվանից:
ՍՏՈՐԱԳՐՎԵԼ Է ՀՀ ԿԵՆՏՐՈՆԱԿԱՆ ԲԱՆԿԻ ՆԱԽԱԳԱՀԻ ԿՈՂՄԻՑ
2005 ԹՎԱԿԱՆԻ ՓԵՏՐՎԱՐԻ 23-ԻՆ
ՀԱՎԵԼՎԱԾ 1
ԿԱՐԳ
ԱՆՎՃԱՐՈՒՆԱԿ ԲԱՆԿԻ ԿՈՂՄԻՑ ՀԻՄՆԱԴՐԱՄԻՆ ՆԵՐԿԱՅԱՑՎՈՂ ՏԵՂԵԿՈՒԹՅԱՆ ՏՐԱՄԱԴՐՄԱՆ ԵՎ ՀԻՄՆԱԴՐԱՄԻ ԿՈՂՄԻՑ ԵՐԱՇԽԱՎՈՐՎԱԾ ԱՎԱՆԴՆԵՐԻ ՀԱՏՈՒՑՄԱՆ ԵՆԹԱԿԱ ԳՈՒՄԱՐՆԵՐԻ ՀԱՇՎԱՐԿՄԱՆ
| ԳԼՈՒԽ 1. |
ԸՆԴՀԱՆՈՒՐ ԴՐՈՒՅԹՆԵՐ |
1.1 Սույն կարգով սահմանվում է «Ֆիզիկական անձանց բանկային ավանդների հատուցումը երաշխավորելու մասին» Հայաստանի Հանրապետության օրենքով (այսուհետև` Օրենք) սահմանված անվճարունակ բանկի կողմից ավանդների հատուցումը երաշխավորող հիմնադրամին (այսուհետև` Հիմնադրամ) ներկայացվող հատուցման դեպքի օրվա դրությամբ բանկում առկա ավանդատուների վերաբերյալ տեղեկությունների տրամադրման ձևը ու կարգը և Հիմնադրամի կողմից երաշխավորված ավանդների հատուցման ենթակա գումարների հաշվարկման կարգը:
1.2 Սույն կարգում օգտագործվող սահմանումները համապատասխանում են «Ֆիզիկական անձանց բանկային ավանդների հատուցումը երաշխավորելու մասին» Հայաստանի Հանրապետության օրենքի սահմանումներին:
| ԳԼՈՒԽ 2. |
ԱՆՎՃԱՐՈՒՆԱԿ ԲԱՆԿԻ ԿՈՂՄԻՑ ՀԻՄՆԱԴՐԱՄԻՆ ՆԵՐԿԱՅԱՑՎՈՂ ՏԵՂԵԿՈՒԹՅՈՒՆՆԵՐԸ |
2.1. Անվճարունակ բանկը Օրենքով սահմանված դեպքում Հիմնադրամ է ներկայացնում հատուցման դեպքի օրվա դրությամբ բանկում առկա ավանդատուների, նրանց ավանդների, ինչպես նաև ավանդատուի բանկի նկատմամբ ունեցած պարտավորությունների (ներառյալ պարտավորության հիմնական գումարը, տոկոսները, տուգանքները և տուժանքները) չափի վերաբերյալ մանրամասն տեղեկություններ` սույն կարգի հավելված 1-ով սահմանված ձևով (կցվում է):
2.2. Աղյուսակ 1-ի «Ավանդատուների քանակը» տողում լրացվում է հատուցման դեպքի տեղի ունենալու օրվա դրությամբ բոլոր ավանդատուների քանակը, իսկ «Ավանդների ընդհանուր գումարը» տողում` բոլոր ավանդների ընդհանուր գումարը: Աղյուսակ 1-ը լրացվում է հազար դրամներով:
2.3. Աղյուսակ 2-ում լրացվում են տեղեկություններ միայն երաշխավորված ավանդների և այն ավանդատուների վերաբերյալ, որոնց ավանդները երաշխավորված են: Աղյուսակ 2-ը լրացվում է հազար դրամներով, ներառյալ հարյուրերորդականները: Արտարժութային ավանդների դրամային համարժեքությունը հաշվարկվում է հատուցման դեպքի օրվա դրությամբ Կենտրոնական բանկի կողմից սահմանված հաշվարկային փոխարժեքով:
2.3.1. «Անուն, Ազգանուն, Հայրանուն» և «Անձնագրի, կամ անձը հաստատող այլ փաստաթղթի տվյալները» սյունակներում նշվում են ավանդատուի նույնականացման տվյալները` հատուցում ստացած ավանդատուի անունը, ազգանունը և հայրանունը, նրա անձնագրի, իսկ դրա բացակայության դեպքում` անձը հաստատող այլ փաստաթղթի տվյալները: Այն դեպքում, երբ ավանդատուն ունի մի քանի ավանդ, առանձին տողերում նշվում են նրա բոլոր ավանդները: Ընդ որում, մի քանի ավանդ ունեցող ավանդատուի վերաբերյալ 1-ին և 2-րդ սյունակներով սահմանված տվյալները լրացվում են տվյալ ավանդատուին վերաբերող բոլոր տողերում:
2.3.2. «Ավանդի պայմանագրի համարը, կամ ավանդատուի նկատմամբ այլ պարտավորության տվյալները» սյունակում լրացվում են ավանդատուի պայմանագրի համարը, իսկ պայմանագրի բացակայության դեպքում` ավանդատուի նկատմամբ պարտավորության տարբերակիչ համարը:
2.3.3. «Ավանդի արժույթը» և «Բանկի նկատմամբ պարտավորության արժույթը» սյունակներում լրացվում են համապատասխանաբար ավանդի և բանկի նկատմամբ ավանդատուի ունեցած պարտավորության արժույթի ԻՍՈ կոդը:
2.3.4. «Ավանդի գումարը» և «Պարտավորության գումարը» սյունակներում լրացվում են` համապատասխանաբար փաստացի ներդրված ավանդի և ստանձնած պարտավորության գումարները, առանց հավելագրված տոկոսների և հաշվարկված տույժերի, տուգանքների:
2.3.5. «Ավանդի վրա հավելագրված տոկոսներ» և «Պարտավորության վրա հավելագրված տոկոսներ և հաշվարկված տույժեր, տուգանքներ» սյունակներում լրացվում են` համապատասխանաբար տվյալ ավանդի և պարտավորության վրա հատուցման դեպքի օրվա դրությամբ հավելագրված տոկոսները:
2.3.6. «Ավանդի գծով հաշվարկված տույժեր, տուգանքներ» և «Պարտավորության գծով հաշվարկված տույժեր, տուգանքներ» սյունակում լրացվում են` համապատասխանաբար ավանդի և ավանդատուի բանկի նկատմամբ ունեցած պարտավորության վրա հաշվարկված տույժերը և տուգանքները:
2.3.7. «Ընդամենը, այդ թվում» տողերը և «-դրամով» և «-արտարժույթով» ենթատողերը լրացվում են յուրաքանչյուր ավանդատուի համար միայն «Ավանդի գումարը», «Ավանդի վրա հավելագրված տոկոսները», «Պարտավորության գումարը», «Պարտավորության վրա հավելագրված տոկոսները և հաշվարկված տույժերը, տուգանքները» և «Պարտավորության գծով հաշվարկված տույժեր, տուգանքներ» սյունակներում:
2.4. Աղյուսակ 3-ում ներկայացվում են տեղեկություններ այն ավանդատուների վերաբերյալ, որոնց ավանդները Օրենքի համաձայն չեն համարվում երաշխավորված: «Ավանդի չերաշխավորման պատճառները» սյունակում ներկայացվում են ավանդի հատուցումը չերաշխավորելու Օրենքով սահմանված հիմքերը:
| ԳԼՈՒԽ 3. |
ԵՐԱՇԽԱՎՈՐՎԱԾ ԱՎԱՆԴՆԵՐԻ ՀԱՏՈՒՑՄԱՆ ԵՆԹԱԿԱ ԳՈՒՄԱՐՆԵՐԻ ՀԱՇՎԱՐԿՈՒՄԸ |
3. Երաշխավորված ավանդի հատուցման ենթակա գումարը հաշվարկելիս առաջին հերթին հաշվարկվում են դրամային ավանդները, իսկ երկրորդ հերթին` արտարժութային ավանդները: Ընդ որում.
3.1. Եթե ավանդատուն անվճարունակ բանկում ունի միայն դրամային ավանդ, ապա երաշխավորված ավանդը հաշվարկելիս առաջին հերթին հաշվարկվում է Օրենքի 2-րդ հոդվածի 1-ին կետի «ա», «բ» և «գ» ենթակետերով նախատեսված ավանդների գումարը: Եթե ստացված գումարը փոքր է երկու միլիոն դրամից, ապա երաշխավորված ավանդի հաշվարկի մեջ ընդգրկվում են նաև Օրենքի 2-րդ հոդվածի 1-ին կետի «դ» ենթակետով նախատեսված դրամական միջոցները` երկու միլիոն դրամի և առաջին հերթին հաշվարկված գումարի տարբերությունը չգերազանցող չափով:
3.2. Եթե ավանդատուն անվճարունակ բանկում ունի միայն արտարժութային ավանդ, ապա երաշխավորված ավանդը հաշվարկելիս առաջին հերթին հաշվարկվում է Օրենքի 2-րդ հոդվածի 1-ին կետի «ա», «բ» և «գ» ենթակետերով նախատեսված ավանդների գումարը: Եթե ստացված գումարը փոքր է մեկ միլիոն դրամից, ապա երաշխավորված ավանդի հաշվարկի մեջ ընդգրկվում են նաև Օրենքի 2-րդ հոդվածի 1-ին կետի «դ» ենթակետով նախատեսված դրամական միջոցները` մեկ միլիոն դրամի և առաջին հերթին հաշվարկված գումարի տարբերությունը չգերազանցող չափով:
3.3. Եթե ավանդատուն անվճարունակ բանկում ունի դրամային և արտարժութային բանկային ավանդներ, ապա երաշխավորված ավանդը հաշվարկելիս առաջին հերթին հաշվարկվում է երաշխավորված ավանդի դրամային մասը, սույն կարգի 3.1 կետի համաձայն: Եթե ստացված գումարը մեծ կամ հավասար է մեկ միլիոն դրամին, ապա արտարժութային ավանդը չի մասնակցում երաշխավորված ավանդի հաշվարկմանը: Եթե ստացված գումարը փոքր է մեկ միլիոն դրամից, ապա հաշվարկվում է նաև երաշխավորված ավանդի արտարժութային մասը, ընդ որում, առաջին հերթին հաշվարկվում է Օրենքի 2-րդ հոդվածի 1-ին կետի «ա», «բ» և «գ» ենթակետերով նախատեսված ավանդների գումարը: Եթե ստացված գումարը փոքր է մեկ միլիոնից, ապա հաշվարկվում են նաև Օրենքի 2-րդ հոդվածի 1-ին կետի «դ» ենթակետով նախատեսված դրամական միջոցները` մեկ միլիոնի և հաշվարկված երաշխավորված ավանդի տարբերությունը չգերազանցող չափով:
3.4. Եթե ավանդատուն անվճարունակ բանկի նկատմամբ ունի պարտավորություն, ապա երաշխավորված ավանդը հաշվարկվում է ավանդատուի ավանդի և բանկի նկատմամբ ունեցած պարտավորության դրական տարբերության հիման վրա:
3.5. Եթե ավանդատուն բանկում ունի և դրամային և արտարժութային ավանդ և միևնույն ժամանակ բանկի նկատմամբ ունի դրամային և արտարժութային պարտավորություն, ապա դրանց տարբերությունները հաշվարկվում են հետևյալ կերպ.
ա) հաշվարկվում է դրամային ավանդի և դրամային պարտավորության տարբերությունը,
բ) հաշվարկվում է արտարժութային ավանդի և արտարժութային պարտավորության տարբերությունը,
գ) սույն կետի ա) և բ) ենթակետերի հաշվարկների դրական արդյունքների դեպքում, երաշխավորված ավանդի հատուցման ենթակա գումարը հաշվարկվում է սույն կարգի 3.3 կետի համաձայն,
դ) սույն կետի ա) և բ) ենթակետերի հաշվարկներից մեկի բացասական արդյունքի դեպքում հաշվարկվում է վերը նշված երկու տարբերությունների հանրագումարը,
ե) ստացված արդյունքի դրական լինելու դեպքում հաշվարկվում է երաշխավորված ավանդը: Ընդ որում, եթե ստացված դրական տարբերությունը դրամային է, ապա երաշխավորված ավանդի հատուցման ենթակա գումարը հաշվարկվում է համաձայն սույն կարգի 3.1 կետի, հակառակ դեպքում` համաձայն սույն կարգի 3.2 կետի:
3.6. Արտարժութային ավանդները և պարտավորությունները հաշվարկվում են դրամային արտահայտությամբ` համապատասխան հատուցման դեպքի տեղի ունենալու օրվա դրությամբ Կենտրոնական բանկի սահմանած փոխարժեքով:
| ԳԼՈՒԽ 4. |
ՏԵՂԵԿՈՒԹՅՈՒՆՆԵՐԻ ՆԵՐԿԱՅԱՑՄԱՆ ԿԱՐԳԸ ԵՎ ԺԱՄԿԵՏՆԵՐԸ |
4.1. Անվճարունակ բանկերը սույն կարգով սահմանված տեղեկությունները Հիմնադրամ են ներկայացնում էլեկտրոնային փոստով` Սի-Բի-Էյ-նեթ համակարգի միջոցով, Կենտրոնական բանկի կողմից տրամադրվող ֆայլերին համապատասխան: Անհրաժեշտության դեպքում, ինչպես նաև մինչև Հիմնադրամի Սի-Բի-Էյ-նեթ համակարգին միանալը, կամ Սի-Բի-Էյ-նեթ համակարգի խափանման դեպքում տեղեկությունները ներկայացվում են մագնիսական կրիչներով և փաստաթղթային տեսքով: Տեղեկությունները Հիմնադրամ են ներկայացվում Կենտրոնական բանկի կողմից ուղարկված պաշտպանված ֆայլերով («Մայքրոսոֆթ օֆիս 97» և բարձր ծրագրերով): Փաստաթղթային տեսքով ներկայացված հաշվետվությունները պետք է կնքված լինեն բանկի կնիքով և ստորագրվեն անվճարունակ բանկի գործադիր տնօրենի (վարչության նախագահի) կամ գործադիր տնօրենի (վարչության նախագահի) իրավասությունները և պարտականությունները կատարող անձի` ժամանակավոր ադմինիստրացիայի ղեկավար կամ լուծարային կառավարիչ և գլխավոր հաշվապահի կողմից: Այլ կերպ ներկայացված տեղեկատվությունը համարվում է չընդունված:
4.2. Սույն գլխով սահմանված պահանջներին համապատասխան` Հիմնադրամի կողմից ընդունված տեղեկությունները, Հայաստանի Հանրապետության քաղաքացիական դատավարության օրենսգրքի 54-րդ հոդվածի համաձայն, հանդիսանում են գրավոր ապացույցներ:
4.3. Անվճարունակ բանկերը հաշվետվությունները էլեկտրոնային տեսքով ներկայացնելիս, ֆայլերը կոդավորում են «Բանկերի հաշվետվությունները, դրանց ներկայացումը և հրապարակում» կանոնակարգ 3-ով (այսուհետև` Կանոնակարգ 3) սահմանված կարգով:
4.4. Անվճարունակ բանկերը սույն կարգով սահմանված տեղեկությունները Հիմնադրամ են ներկայացնում Հիմնադրամի կողմից Օրենքի 6-րդ հոդվածի 2-րդ կետով սահմանված հայտարարությունը հրապարակելու պահից տասնօրյա ժամկետում:
4.5. Տեղեկությունները համարվում են ներկայացված և ընդունված, եթե հաշվետվությունների էլեկտրոնային տարբերակները չունեն ծրագրային կամ մեխանիկական թերություն:
4.6. Հիմնադրամը, հատուցման դեպքն առաջանալիս, Օրենքով սահմանված այլ տեղեկությունները կարող է ստանալ անվճարունակ բանկից «Բանկային գաղտնիքի մասին» Հայաստանի Հանրապետության օրենքով սահմանված կարգով:
ՀԱՎԵԼՎԱԾ 1
ՀՀ կենտրոնական բանկի խորհրդի
2005 թվականի փետրվարի 16-ի
թիվ 70-Ն որոշման
ՀԱՇՎԵՏՎՈՒԹՅՈՒՆ
ԱՆՎՃԱՐՈՒՆԱԿ ԲԱՆԿԻ ԿՈՂՄԻՑ ՀԻՄՆԱԴՐԱՄԻՆ ՆԵՐԿԱՅԱՑՎՈՂ ՏԵՂԵԿՈՒԹՅՈՒՆԸ ՄԵԿԱՆԳԱՄՅԱ
Բանկի անվանումը` _____________________
Ամսաթիվը` _____________________
Աղյուսակ 1
.________________________________________________.
| | 1 | 2 |
|___|_____________________________|______________|
| 1 |Ավանդատուների քանակը | |
|___|_____________________________|______________|
| 2 |Ավանդների ընդհանուր գումարը | |
.________________________________________________.
Աղյուսակ 2
._________________________________________________________________________.
| |Երաշխավորված ավանդ |Անձնագրի |Ավանդի |Ավանդի |Ավանդի |Ավանդի |
| |ունեցող ավանդատուի |կամ անձը |պայմանագրի|արժույթը|գումարը|վրա |
| |Անունը, Ազգանունը, |հաստատող |համարը կամ| | |հավելա- |
| |Հայրանունը |այլ |ավանդատուի| | |գրված |
| | |փաստաթղթի|նկատմամբ | | |տոկոսները|
| | |տվյալները|այլ | | | |
| | | |պարտավո- | | | |
| | | |րության | | | |
| | | |տվյալները | | | |
|___|_____________________|_________|__________|________|_______|_________|
| | 1 | 2 | 3 | 4 | 5 | 6 |
|___|_____________________|_________|__________|________|_______|_________|
| 1 |Առաջին ավանդատուի | | | | | |
| |Ա.Ա.Հ | | | | | |
|___|_____________________|_________|__________|________|_______|_________|
| 1 |Առաջին ավանդատուի | | | | | |
| |Ա.Ա.Հ | | | | | |
|___|_____________________|_________|__________|________|_______|_________|
| . | | | | | | |
|___|_____________________|_________|__________|________|_______|_________|
|1.ն|Ընդամենը, այդ թվում` | X | X | X | | |
|___|_____________________|_________|__________|________|_______|_________|
| |- դրամով | | | | | |
|___|_____________________|_________|__________|________|_______|_________|
| |- արտարժույթով | | | | | |
|___|_____________________|_________|__________|________|_______|_________|
| 2 |Երկրորդ ավանդատուի | | | | | |
| |Ա.Ա.Հ | | | | | |
|___|_____________________|_________|__________|________|_______|_________|
| 2 |Երկրորդ ավանդատուի | | | | | |
| |Ա.Ա.Հ | | | | | |
|___|_____________________|_________|__________|________|_______|_________|
| . | | | | | | |
|___|_____________________|_________|__________|________|_______|_________|
|2.ն|Ընդամենը, այդ թվում` | X | X | X | | |
|___|_____________________|_________|__________|________|_______|_________|
| |- դրամով | | | | | |
|___|_____________________|_________|__________|________|_______|_________|
| |- արտարժույթով | | | | | |
|___|_____________________|_________|__________|________|_______|_________|
| ն |ն-րդ ավանդատուի | | | | | |
| |Ա.Ա.Հ. | | | | | |
|___|_____________________|_________|__________|________|_______|_________|
| . | | | | | | |
|___|_____________________|_________|__________|________|_______|_________|
|ն.ն|Ընդամենը, այդ թվում` | X | X | X | | |
|___|_____________________|_________|__________|________|_______|_________|
| |- դրամով | | | | | |
|___|_____________________|_________|__________|________|_______|_________|
| |- արտարժույթով | | | | | |
._________________________________________________________________________.
._________________________. ._____________________________________________.
| |Երաշխավորված ավանդ | |Ավանդի |Բանկի |Պարտավո-|Պարտավո- |Պարտավո-|
| |ունեցող ավանդատուի | |գծով |նկատմամբ|րության |րության |րության |
| |Անունը, Ազգանունը, | |հաշվարկ-|պարտավո-|գումարը |վրա հավե-|գծով |
| |Հայրանունը | |ված |րության | |լագրված |հաշվարկ-|
| | | |տույժեր,|արժույթը| |տոկոսները|ված |
| | | |տուգանք-| | |և հաշ- |տույժեր,|
| | | |ներ | | |վարկված |տուգանք-|
| | | | | | |տույժերը,|ներ |
| | | | | | |տուգանք- | |
| | | | | | |ները | |
|___|_____________________| |________|________|________|_________|________|
| | 1 | | 7 | 8 | 9 | 10 | 11 |
|___|_____________________| |________|________|________|_________|________|
| 1 |Առաջին ավանդատուի | | | | | | |
| |Ա.Ա.Հ | | | | | | |
|___|_____________________| |________|________|________|_________|________|
| 1 |Առաջին ավանդատուի | | | | | | |
| |Ա.Ա.Հ | | | | | | |
|___|_____________________| |________|________|________|_________|________|
| . | | | | | | | |
|___|_____________________| |________|________|________|_________|________|
|1.ն|Ընդամենը, այդ թվում` | | | X | | | |
|___|_____________________| |________|________|________|_________|________|
| |- դրամով | | | | | | |
|___|_____________________| |________|________|________|_________|________|
| |- արտարժույթով | | | | | | |
|___|_____________________| |________|________|________|_________|________|
| 2 |Երկրորդ ավանդատուի | | | | | | |
| |Ա.Ա.Հ | | | | | | |
|___|_____________________| |________|________|________|_________|________|
| 2 |Երկրորդ ավանդատուի | | | | | | |
| |Ա.Ա.Հ | | | | | | |
|___|_____________________| |________|________|________|_________|________|
| . | | | | | | | |
|___|_____________________| |________|________|________|_________|________|
|2.ն|Ընդամենը, այդ թվում` | | | X | | | |
|___|_____________________| |________|________|________|_________|________|
| |- դրամով | | | | | | |
|___|_____________________| |________|________|________|_________|________|
| |- արտարժույթով | | | | | | |
|___|_____________________| |________|________|________|_________|________|
| ն |ն-րդ ավանդատուի | | | | | | |
| |Ա.Ա.Հ. | | | | | | |
|___|_____________________| |________|________|________|_________|________|
| . | | | | | | | |
|___|_____________________| |________|________|________|_________|________|
|ն.ն|Ընդամենը, այդ թվում` | | | X | | | |
|___|_____________________| |________|________|________|_________|________|
| |- դրամով | | | | | | |
|___|_____________________| |________|________|________|_________|________|
| |- արտարժույթով | | | | | | |
._________________________. ._____________________________________________.
Աղյուսակ 3
.________________________________________________________________________.
| |Այն ավանդատուների Անունը, |Անձնագրի կամ |Ավանդի |Ավանդի |
| |Ազգանունը, Հայրանունը, որոնց|անձը հաստատող|պայմանագրի |չերաշխա- |
| |ավանդները չեն երաշխավորվում |այլ փաստաթղթի|համարը կամ |վորման |
| |Օրենքով սահմանված հիմքերով |տվյալները |ավանդատուի |պատճառները|
| | | |նկատմամբ այլ | |
| | | |պարտավորության| |
| | | |տվյալները | |
|___|____________________________|_____________|______________|__________|
| | 1 | 2 | 3 | 4 |
|___|____________________________|_____________|______________|__________|
| 1 |Առաջին ավանդատուի Ա.Ա.Հ. | | | |
|___|____________________________|_____________|______________|__________|
| 1 |Առաջին ավանդատուի Ա.Ա.Հ. | | | |
|___|____________________________|_____________|______________|__________|
| . | | | | |
|___|____________________________|_____________|______________|__________|
|1.ն|Ընդամենը | | | |
|___|____________________________|_____________|______________|__________|
| 2 |Երկրորդ ավանդատուի Ա.Ա.Հ. | | | |
|___|____________________________|_____________|______________|__________|
| 2 |Երկրորդ ավանդատուի Ա.Ա.Հ. | | | |
|___|____________________________|_____________|______________|__________|
| . | | | | |
|___|____________________________|_____________|______________|__________|
|2.ն|Ընդամենը | | | |
|___|____________________________|_____________|______________|__________|
| ն |n-րդ ավանդատուի Ա.Ա.Հ. | | | |
|___|____________________________|_____________|______________|__________|
| . | | | | |
|___|____________________________|_____________|______________|__________|
|ն.ն|Ընդամենը | | | |
.________________________________________________________________________.