040.0446.250405
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«25» ապրիլի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
31 մարտի 2005 թվականի N 446-Ա
i
ԵՐԵՎԱՆԻ ԳԻՆՈՒ ԿՈՄԲԻՆԱՏԻՆ ՀԱՐՈՂ` ՊԵՏՈՒԹՅԱՆ ԿԱՐԻՔՆԵՐԻ ՀԱՄԱՐ ՎԵՐՑՎԱԾ ՏԱՐԱԾՔՈՒՄ ԿԱՌՈՒՑԱՊԱՏՄԱՆ ՆԵՐԴՐՈՒՄԱՅԻՆ ԾՐԱԳՐԵՐ ԻՐԱԿԱՆԱՑՆԵԼՈՒ ՆՊԱՏԱԿՈՎ ՄՈՍԿՎԱՅԻ ՔԱՂԱՔԱՊԵՏԱՐԱՆԻՆ ԱՌԱՆՑ ՄՐՑՈՒՅԹԻ ՀՈՂԱՄԱՍ ՏՐԱՄԱԴՐԵԼՈՒ ՄԱՍԻՆ
Համաձայն Հայաստանի Հանրապետության կառավարության 2004 թվականի մարտի 4-ի N 399-Ն որոշման և Մոսկվա ու Երևան քաղաքների գործադիր իշխանության մարմինների միջև 2005-2007 թվականների համագործակցության ծրագրի, ինչպես նաև հիմք ընդունելով Երևանի քաղաքապետի միջնորդությունը` Հայաստանի Հանրապետության կառավարությունը որոշում է.
1. Թույլատրել Երևանի քաղաքապետին Մոսկվայի քաղաքապետարանի հետ կնքել կառուցապատման իրավունքի պայմանագիր` առանց մրցույթի, ուղիղ բանակցությունների միջոցով, 3 տարի ժամկետով` Երևանի Արգիշտիի փողոցի Երևանի գինու կոմբինատին հարող տարածքից 3500.0 քառ. մետր մակերեսով հողամաս օգտագործելու նպատակով` համաձայն հավելվածի:
2. Սահմանել, որ`
ա) սույն որոշման 1-ին կետի համաձայն կառուցապատման իրավունք ձեռք բերած անձի համապատասխան հողամասում իրացման աշխատանքներն ավարտելուց հետո ձեռք է բերում այդ հողամասի նկատմամբ վարձակալության իրավունք` 99 տարի ժամկետով.
բ) հողամասը գույքային իրավունքով ծանրաբեռնվածությունից և շինություններից ազատվում ու ինժեներական ենթակառուցվածքների կառուցման աշխատանքներն իրականացվում են կառուցապատողի միջոցների հաշվին:
3. Երևանի քաղաքապետին` սահմանված կարգով ապահովել սույն որոշման 1-ին կետում նշված հողամասի տրամադրման և շինարարության համար անհրաժեշտ փաստաթղթերի ձևակերպումները:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ԱՊՐԻԼԻ 15-ԻՆ
Հավելված
ՀՀ կառավարության
2005 թվականի մարտի 31-ի
N 446-Ա որոշման
ԵՐԵՎԱՆ ՔԱՂԱՔՈՒՄ «ՄՈՍԿՎԱՅԻ ՏՈՒՆ» ԿԱՌՈՒՑԵԼՈՒ ՀԱՄԱՐ ՏՐԱՄԱԴՐՎՈՂ ՀՈՂԱՄԱՍԻ ՍԱՀՄԱՆՆԵՐԸ
_______________________________________
ԻՐՏԵԿ - հողամասի սահմանները չեն բերվում