040.0443.250405
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«25» ապրիլի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
24 մարտի 2005 թվականի N 443-Ն
ԵՐԵՎԱՆ ՔԱՂԱՔԻ ԳԼԽԱՎՈՐ ՀԱՏԱԿԱԳԾԻ ՀԱՅԵՑԱԿԱՐԳԸ ՀԱՍՏԱՏԵԼՈՒ ՄԱՍԻՆ
i
Հաշվի առնելով «Քաղաքաշինության մասին» Հայաստանի Հանրապետության օրենքի 17-րդ հոդվածի պահանջները, ինչպես նաև հիմք ընդունելով Հայաստանի Հանրապետության կառավարության 1998 թվականի հուլիսի 30-ի N 478 որոշմամբ հաստատված կարգի 5-րդ կետը և 2000 թվականի հոկտեմբերի 30-ի N 692 որոշումը` Հայաստանի Հանրապետության կառավարությունը որոշում է.
1. Հաստատել Երևանի քաղաքապետի կողմից ներկայացված Երևան քաղաքի գլխավոր հատակագծի հայեցակարգը` համաձայն հավելվածի:
2. Երևանի քաղաքապետին`
i
ա) «Երևաննախագիծ» փակ բաժնետիրական ընկերության հետ համատեղ Հայաստանի Հանրապետության կառավարության 2000 թվականի դեկտեմբերի 16-ի N 833 որոշմամբ սահմանված ժամկետներում ավարտել Երևան քաղաքի նոր գլխավոր հատակագծի մշակման աշխատանքները և սահմանված կարգով ներկայացնել Հայաստանի Հանրապետության կառավարության քննարկմանը.
բ) Հայաստանի Հանրապետության քաղաքաշինության նախարարի հետ համատեղ 2005-2006 թվականների ընթացքում ավարտել Երևանի տարածքային հատակագծման և «Երևան քաղաքի քաղաքամերձ գոտու մասին» Հայաստանի Հանրապետության օրենքի նախագծերի մշակումը:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ԱՊՐԻԼԻ 18-ԻՆ