050.0195.170505
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«17» 05 2005 Թ.
ՊԵՏԱԿԱՆ ԳՐԱՆՑՄԱՆ ԹԻՎ 05005189
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
26 ապրիլի 2005 թվականի N 195-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2004 ԹՎԱԿԱՆԻ ՍԵՊՏԵՄԲԵՐԻ 20-Ի ԹԻՎ 237-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հիմք ընդունելով «Բանկերի և բանկային գործունեության մասին» Հայաստանի Հանրապետության օրենքի 44-րդ հոդվածը և ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածով` Հայաստանի Հանրապետության կենտրոնական բանկի խորհուրդը որոշում է.
1. Հայաստանի Հանրապետության կենտրոնական բանկի խորհրդի 2004 թվականի սեպտեմբերի 20-ի «Բանկերի գործունեության կարգավորումը, բանկային գործունեության հիմնական տնտեսական նորմատիվները» կանոնակարգ 2-ը նոր խմբագրությամբ հաստատելու մասին» թիվ 237-Ն որոշմամբ հաստատված «Բանկերի գործունեության կարգավորումը, բանկային գործունեության հիմնական տնտեսական նորմատիվները» կանոնակարգ 2-ում (այսուհետ` Կանոնակարգ 2) կատարել հետևյալ փոփոխությունները և լրացումը.
1.1. Կանոնակարգ 2-ի 14-րդ կետը շարադրել հետևյալ խմբագրությամբ.
i
«Գործող բանկի կանոնադրական կապիտալի նվազագույն չափը հիսուն միլիոն դրամ է: Հայաստանի Հանրապետության տարածքում գործող և նոր ստեղծվող բանկերի կանոնադրական կապիտալը կարող է համալրվել բացառապես ՀՀ դրամով:
Մինչև 2005 թվականի հունիսի 28-ը բանկերի կանոնադրական կապիտալի արտարժույթով համալրված մասը վերագնահատման ենթակա չէ:»:
i
1.2. Կանոնակարգ 2-ի 15-րդ կետի «բ» ենթակետի «5.000.000 ԱՄՆ դոլարին համարժեք» բառերը փոխարինել «2.400.000.000 դրամ» բառերով:
i
1.3. Կանոնակարգ 2-ի 24 կետի «6 տոկոսի» բառերը փոխարինել «8 տոկոսի» բառերով:
i
1.4. Կանոնակարգ 2-ի 28-րդ կետի 18-րդ պարբերությունը շարադրել հետևյալ խմբագրությամբ.
«դ) երկարաժամկետ ստորադաս փոխառություններից` այն բանկերի համար, որոնց կանոնադրական կապիտալը գերազանցում է 1.132.000.000 դրամը, իսկ 2005 թ. հուլիսի 1-ի դրությամբ և դրանից հետո` 2.400.000.000 դրամը:»:
1.5. Կանոնակարգ 2-ի 30-րդ կետը ուժը կորցրած ճանաչել:
i
1.6. Կանոնակարգ 2-ի 47-րդ կետի 2-րդ պարբերությունը շարադրել հետևյալ խմբագրությամբ.
«Հայկական դրամով ներգրավված միջոցների դիմաց պահուստավորումն իրականացվում է հայկական դրամով, ԱՄՆ դոլարով ներգրավված միջոցների դիմաց պահուստավորումն իրականացվում է ԱՄՆ դոլարով, Եվրոյով ներգրավված միջոցների դիմաց պահուստավորումն իրականացվում է Եվրոյով, իսկ մնացած այլ արտարժույթներով ներգրավված միջոցների դիմաց` ԱՄՆ դոլարով:»:
i
1.7. Կանոնակարգ 2-ի 48-րդ կետի վերջին նախադասությունը շարադրել հետևյալ խմբագրությամբ.
«ԱՄՆ դոլարից և Եվրոյից տարբերվող արտարժույթներով ներգրավված միջոցների դիմաց պարտադիր պահուստավորման հաշվարկները կատարվում են կրոս կուրսով` հաշվի առնելով Կենտրոնական բանկի կողմից յուրաքանչյուր արտարժույթի համար տվյալ օրը սահմանված հաշվարկային փոխարժեքը:»:
i
1.8. Կանոնակարգ 2-ի 49-րդ կետի 3-րդ պարբերության «հաշվարկվում և վճարվում են տոկոսներ» բառերը փոխարինել «կարող են հաշվարկվել և վճարվել տոկոսներ» բառերով:
i
1.9. Կանոնակարգ 2-ի 51-րդ կետի «Կենտրոնական բանկում ունեցած դրամով» բառերից հետո լրացնել «և արտարժույթով» բառերով:
i
1.10. Կանոնակարգ 2-ի 52-րդ կետի 5-րդ պարբերությունը շարադրել հետևյալ խմբագրությամբ.
«Համախառն արտարժութային դիրք` հաշվարկվում է որպես արտարժույթների տարբեր դիրքերի բացարձակ մեծությունների հանրագումար:»:
2. Սույն որոշման 1.3, 1.6, 1.7, 1.8, 1.9 և 1.10 ենթակետերը ուժի մեջ են մտնում 2005 թվականի հունիսի 10-ից, իսկ 1.1, 1.2, 1.4 և 1.5 ենթակետերը ուժի մեջ են մտնում 2005 թվականի հունիսի 28-ից: