041.0299.100797
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
10 հուլիսի 1997 թ. թիվ 299
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 1997 ԹՎԱԿԱՆԻ ՀՈՒՆԻՍԻ 10-Ի «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԿԱՌՈՒՑՎԱԾՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ՀՐԱՄԱՆԱԳՐԻ ԿԱՏԱՐՄԱՆՆ ՈՒՂՂՎԱԾ ՄԻՋՈՑԱՌՈՒՄՆԵՐԻ ՄԱՍԻՆ
1. Հայաստանի Հանրապետության նախկին էկոնոմիկայի նախարարության գիտատեխնիկական լրատվության և տեխնիկատնտեսական հետազոտությունների հայկական գիտահետազոտական ինստիտուտը և «Ձեռնարկությունների զարգացման և օտարերկրյա ներդրումների աջակցման հայկական գործակալություն» պետական ձեռնարկությունը հանձնել Հայաստանի Հանրապետության արդյունաբերության և առևտրի նախարարության ենթակայությանը:
2. Մունիցիպալ զարգացման ծրագրի իրականացման գրասենյակը, «Արտասահմանյան օգնության կոորդինացման կենտրոն» պետական ձեռնարկությունը, Հայաստանի Հանրապետության նախկին էկոնոմիկայի նախարարության տնտեսագիտական հետազոտությունների ինստիտուտը, «էկոնոմիկա» հանդեսի խմբագրությունը, հասարակական սննդի պետական ձեռնարկությունը և ավտոտրանսպորտային պետական ձեռնարկությունը հանձնել Հայաստանի Հանրապետության ֆինանսների և էկոնոմիկայի նախարարության ենթակայությանը:
3. Հայաստանի Հանրապետության նախկին էկոնոմիկայի նախարարության կառավարական թիվ 1 շենքում զբաղեցրած տարածքը և այլ գույքը հանձնել Հայաստանի Հանրապետության ֆինանսների և էկոնոմիկայի նախարարության տնօրինությանը:
4. Հայաստանի Հանրապետության նախկին արդյունաբերության նախարարության կառավարական թիվ 2 շենքում զբաղեցրած տարածքը և այլ գույքը հանձնել Հայաստանի Հանրապետության սեփականաշնորհման նախարարության տնօրինությանը:
5. Հայաստանի Հանրապետության ֆինանսների և էկոնոմիկայի նախարարությանն ու Հայաստանի Հանրապետության սեփականաշնորհման նախարարությանը` մեկամսյա ժամկետում ավարտել սույն որոշման 3-րդ և 4-րդ կետերում նշված գույքի սահմանված կարգով հաշվեկշռից հաշվեկշիռ հանձնման-ընդունման աշխատանքները:
6. Հայաստանի Հանրապետության ֆինանսների և էկոնոմիկայի նախարարությանը` 20-օրյա ժամկետում Հայաստանի Հանրապետության կառավարություն ներկայացնել առաջարկություն Հայաստանի Հանրապետության արդյունաբերության և առևտրի նախարարության, Հայաստանի Հանրապետության ֆինանսների և էկոնոմիկայի նախարարության, Հայաստանի Հանրապետության սեփականաշնորհման նախարարության 1997 թվականի պահպանման ծախսերի վերաբերյալ:
7. Հայաստանի Հանրապետության արդյունաբերության և առևտրի նախարարությանը, Հայաստանի Հանրապետության ֆինանսների և էկոնոմիկայի նախարարությանը և Հայաստանի Հանրապետության սեփականաշնորհման նախարարությանը` ձեռնարկել միջոցներ Հայաստանի Հանրապետության նախարարությունների միաձուլման և վերակազմավորման ընթացքում աշխատանքից արձակման ենթակա աշխատողների աշխատանքային իրավունքներն ու երաշխիքներն ապահովելու համար: