041.0301.100797
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
10 հուլիսի 1997 թ. թիվ 301
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿԱՅԻ ՀԱՆՁՆԱԺՈՂՈՎԸ ՖԻՆԱՆՍԱՎՈՐԵԼՈՒ ՄԱՍԻՆ
1. Սահմանել, որ Հայաստանի Հանրապետության էներգետիկայի հանձնաժողովի 1997 թվականի ծախսերը` 53,92 մլն դրամի չափով, իրականացվում են`
ա) կառուցվածքային բարեփոխումների տեխնիկական աջակցության վարկային առաջին ծրագրի (SATAC - 1) մնացորդների հաշվին` 48,92 մլն դրամ.
բ) Հայաստանի Հանրապետության 1997 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին` 5 մլն դրամ:
2. Հայաստանի Հանրապետության ֆինանսների և էկոնոմիկայի նախարարությանը` սույն որոշման 1-ին կետով սահմանված կարգով ապահովել Հայաստանի Հանրապետության էներգետիկայի հանձնաժողովի 1997 թվականի գործունեության ֆինանսավորումը,
i
3. Հայաստանի Հանրապետության էներգետիկայի հանձնաժողովը միջազգային կազմակերպությունների և առանձին երկրների դրամաշնորհների հաշվին կարող է ստանալ լրացուցիչ տեխնիկական և ֆինանսական միջոցներ, որոնք կօգտագործվեն խորհրդատվական ծառայությունների, մասնագիտական օգնության, աշխատանքի լրացուցիչ վարձատրության, գույքի և գրասենյակային տեխնիկայի ձեռքբերման և հանձնաժողովի բնականոն գործունեությունն ապահովող այլ վճարումների համար: