/ուժը կորցրել է 08.12.97 թիվ 565 որոշում/
i
040.0318.310797
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Լ. ՏԵՐ-ՊԵՏՐՈՍՅԱՆ
«31» ՀՈՒԼԻՍԻ 1997 Թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
1 օգոստոսի 1997 թ. թիվ 318
i
ՊԵՏԱԿԱՆ ՊԱՀՈՒՍՏԱՅԻՆ ՖՈՆԴԻ ՀՈՂԵՐԻ ՕԳՏԱԳՈՐԾՄԱՆ ԺԱՄԱՆԱԿԱՎՈՐ ԼԻԱԶՈՐՈՒԹՅՈՒՆՆԵՐԻ ՍԱՀՄԱՆՄԱՆ ՄԱՍԻՆ
«Անշարժ գույքի մասին» Հայաստանի Հանրապետության օրենքի 23 հոդվածի 3-րդ կետին համապատասխան Հայաստանի Հանրապետության կառավարությունը որոշում է.
Սահմանել, որ նախկին պատգամավորների գյուղական, քաղաքային և շրջանային խորհուրդների ու նրանց գործադիր մարմինների, ինչպես նաև նախկին պատգամավորների Երևանի քաղաքային խորհրդի և նրա գործադիր կոմիտեի` Հայաստանի Հանրապետության հողային օրենսդրությամբ սահմանված պետական պահուստային ֆոնդի հողերը սահմանված կարգով օգտագործման կամ վարձակալության հանձնելու ժամանակավոր լիազորություններ իրականացնում են`
i
գյուղական և քաղաքային համայնքի ղեկավարները` համապատասխան մարզպետի համաձայնությամբ` համայնքի վարչական տարածքում գտնվող պետական պահուստային հողերի նկատմամբ.
i
մարզպետները` համայնքների վարչական սահմաններից դուրս, բացի մարզերի վարչական սահմաններում գտնվող պետական պահուստային հողերի նկատմամբ.
i
Երևանի քաղաքապետը` Երևան քաղաքի տարածքում գտնվող պետական պահուստային հողերի նկատմամբ: