«ՀՀ ԿԵՆՏՐՈՆԱԿԱՆ ԲԱՆԿԻ ԱՇԽԱՏԱԿԻՑՆԵՐԻՑ ԱՎԱՆԴՆԵՐԻ ՆԵՐ ...

050.0210.310797

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ

ՈՐՈՇՈՒՄ

31 հուլիսի 1997 թվականի թիվ 210

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԱՇԽԱՏԱԿԻՑՆԵՐԻՑ ԱՎԱՆԴՆԵՐԻ ՆԵՐԳՐԱՎՄԱՆ» ԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 9-րդ հոդվածը և ղեկավարվելով 20-րդ հոդվածի «գ» կետով, Հայաստանի Հանրապետության կենտրոնական բանկի խորհուրդը որոշում է.

1. Հաստատել «Հայաստանի Հանրապետության կենտրոնական բանկի աշխատակիցներից ավանդների ներգրավման» կարգը (կցվում է):

2. Սույն որոշումն ուժի մեջ է մտնում ընդունման պահից:

ԿԱՐԳ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԱՇԽԱՏԱԿԻՑՆԵՐԻՑ ԱՎԱՆԴՆԵՐԻ ՆԵՐԳՐԱՎՄԱՆ +

Կանոն 1. Սույն կարգով կանոնակարգվում են Հայաստանի Հանրապետության կենտրոնական բանկի կողմից կենտրոնական բանկի աշխատակիցներից ավանդներ ներգրավելու կարգը և պայմանները, կենտրոնական բանկի և կենտրոնական բանկի աշխատակիցների իրավունքները, պարտավորությունները և պատասխանատվությունը` սույն կարգով նախատեսված պարտավորություններ չկատարելու կամ ոչ պատշաճ մակարդակով կատարելու համար:

Կանոն 2. Հայաստանի Հանրապետության բանկն իր աշխատակիցներից ներգրավում է ժամկետային ավանդներ հայկական դրամով և հետևյալ արտարժույթներով` ԱՄՆ-ի դոլար, Գերմանական մարկ, Անգլիական ֆունտ ստեռլինգ, Շվեյցարական ֆրանկ, Ֆրանսիական ֆրանկ, Կանադական դոլար, Ճապոնական իեն, Հոլանդական գուլդեն:

Կանոն 3. Հայաստանի Հանրապետության կենտրոնական բանկի կողմից Կենտրոնական բանկի աշխատակիցներից ավանդներ ներգրավելիս Հայաստանի Հանրապետության կենտրոնական բանկի և Կենտրոնական բանկի աշխատակցի միջև կնքվում է ավանդային պայմանագիր (հավելված 1):

Ավանդային պայմանագրում նշվում են ավանդի գումարը, ավանդի դիմաց վճարվող տարեկան տոկոսագումարը, ավանդատուի համար բացված հաշվի համարը, պայմանագրի գործողության ժամկետը, կողմերի իրավունքները և պարտականությունները, կողմերի պատասխանատվությունը պայմանագրով նախատեսված պարտավորությունները չկատարելու կամ ոչ պատշաճ մակարդակով կատարելու համար, կողմերի միջև ծագած վեճերի լուծման կարգը:

Կանոն 4. Յուրաքանչյուր ավանդատուի համար Հայաստանի Հանրապետության կենտրոնական բանկում բացվում է ավանդային հաշիվ:

Կանոն 5. Ներգրավվող ժամկետային ավանդների դիմաց վճարվող տոկոսադրույքները որոշվում են Հայաստանի Հանրապետության կենտրոնական բանկի ֆինանսական հանձնաժողովի կողմից` հիմք ընդունելով ներքին ֆինանսական շուկայում տվյալ պահին կենտրոնական բանկի ավանդային սակարկություններում նախորդ (3 ամիս ժամանակահատվածում) ձևավորված միջին տոկոսադրույքը:

Կանոն 6. Հայաստանի Հանրապետության կենտրոնական բանկի աշխատակիցներից ներգրավվող ավանդների տոկոսադրույքը և ժամկետները ավանդային պայմանագրի գործողության ընթացքում չեն վերանայվում:

Կանոն 7. Հայաստանի Հանրապետության կենտրոնական բանկի աշխատակցի աշխատանքից ազատվելու կամ հեռացվելու դեպքում աշխատակցին վերադարձվում է ավանդի գումարը և մինչև աշխատանքից ազատվելու կամ հեռացվելու հրամանի ստորագրման օրը հաշվարկված տոկոսագումարը: Աշխատակցի մահվան դեպքում ավանդը և դրա դիմաց հաշվարկված տոկոսները ավանդի մարման օրը վերադարձվում է նրա ժառանգներին` ՀՀ օրենսդրությամբ սահմանված կարգով:

Հավելված 1

ԱՎԱՆԴԱՅԻՆ ՊԱՅՄԱՆԱԳԻՐ

     ք. Երևան                           «....» ......... 199...թ.

Հայաստանի Հանրապետության կենտրոնական բանկն ի դեմս Հայաստանի Հանրապետության ___________________________ վարչության պետ, ղեկավարվելով «Հայաստանի Հանրապետության կենտրոնական բանկի» մասին ՀՀ օրենքով և Հայաստանի Հանրապետության կենտրոնական բանկի կանոնադրությամբ, մի կողմից (այսուհետ` Բանկ), և Հայաստանի Հանրապետության կենտրոնական բանկի

______________________________________________________________________

(ստորաբաժանման անվանումը, աշխատակցի պաշտոնը, անուն, ազգանուն, հայրանունը)

մյուս կողմից (այսուհետ` Ավանդատու), կնքեցին սույն պայմանագիրը հետևյալի մասին`

1. ՊԱՅՄԱՆԱԳՐԻ ԱՌԱՐԿԱՆ

1.1. Բանկն ընդունում է, իսկ Ավանդատուն Բանկում ներդնում է ավանդ հետևյալ պայմաններով`

.____________________________________________________________________.

|Թիվ| Ներդրման| Ավանդի գումարը| Տոկոսադրույքը| Մարման | Տոկոսագումարի|

|   |         | (թվերով և     | (% տարեկան)  | ժամկետը| վճարման      |

|   | ժամկետը | տառերով)`     |              |        | պայմանները   |

|   |         | նշում         | (թվերով և    |        |              |

|   |         | արժույթի      | տառերով)     |        |              |

|   |         | մասին         |              |        |              |

|___|_________|_______________|______________|________|______________|

.____________________________________________________________________.

2. ԿՈՂՄԵՐԻ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ

2.1. Բանկում ավանդատուի համար բացվում է ավանդային թիվ _________ հաշիվ և ավանդադրվող գումարը պայմանագրի կնքման օրը հաշվեգրվում է այդ հաշվին:

2.2. Բանկը պարտավորվում է ավանդի մարման ժամկետը լրանալու օրը ավանդատուին վերադարձնել կամ նրա կողմից նշված հաշվին փոխանցել ավանդի գումարի և տոկոսագումարի ___________________________ հանրագումարին (հանած եկամտահարկը) (գումարը թվերով և տառերով)

համապատասխան ____________________________________________________ :

(գումարը թվերով և տառերով)

2.3. Ավանդատուի կողմից ավանդը ժամկետից շուտ հետ վերցնելու դեպքում, բացառությամբ «Հայաստանի Հանրապետության կենտրոնական բանկի աշխատակիցներից ավանդներ ներգրավելու» կարգի 7-րդ կետով նախատեսված դեպքերի, Ավանդատուին վերադարձվում է միայն ավանդի գումարը: Սույն կետով նախատեսված կարգով ավանդը հետ վերցնելու դեպքում, Ավանդատուն պատասխանատվություն է կրում սույն պայմանագրի 3.2. կետով նախատեսված կարգով:

2.4. Սույն Պայմանագրի գործողության ընթացքում ավանդների տոկոսադրույքը և ժամկետները չեն վերանայվում:

2.5. Կողմերի համաձայնությամբ սույն Պայմանագրի գործողության ժամկետը կարող է երկարաձգվել, որի համար ի լրումն սույն Պայմանագրի կնքվում է նոր ավանդային պայմանագիր:

3. ԿՈՂՄԵՐԻ ՊԱՏԱՍԽԱՆԱՏՎՈՒԹՅՈՒՆԸ

3.1. Սույն Պայմանագրի 1.1. կետով նախատեսված ժամկետներում և պայմաններով վճարումները և փոխանցումներն ուշացնելու դեպքում Բանկը պարտավոր է մյուս կողմին վճարել տուգանք` յուրաքանչյուր ուշացված օրվա համար ավանդի գումարի 0,5%-ի չափով:

3.2. Ավանդը, բացառությամբ «Հայաստանի Հանրապետության կենտրոնական բանկի աշխատակիցներից ավանդներ ներգրավելու» կարգի 7-րդ կետով նախատեսված դեպքերի, ժամկետից շուտ Ավանդատուի կողմից վերցնելու դեպքում, Ավանդատուն պարտավոր է վճարել տույժ դրամի չափով:

4. ԱՅԼ ՊԱՅՄԱՆՆԵՐ

4.1. Բանկը և Ավանդատուն պարտավորվում են Հայաստանի Հանրապետության օրենսդրությանը համապատասխան ապահովել սույն պայմանագրի գաղտնիությունը:

4.2. Սույն Պայմանագրի հետ կապված վեճերը լուծվում են բանակցությունների միջոցով: Բանակցությունների միջոցով վեճերը չլուծվելու դեպքում, դրանք լուծվում են Հայաստանի Հանրապետության օրենսդրությամբ սահմանված կարգով:

4.3. Սույն Պայմանագիրը կազմված է երկու օրինակից, յուրաքանչյուր կողմին մեկ օրինակ, որոնք ունեն հավասար իրավաբանական ուժ:

5. ԿՈՂՄԵՐԻ ՀԱՍՑԵՆԵՐԸ

ԲԱՆԿ                                        ԱՎԱՆԴԱՏՈՒ

ք. Երևան,  375010,                          ______________

Նալբանդյան 6                                ______________

ստորագրություն                              ստորագրություն

(Կ.Տ )