Սեղմել Esc փակելու համար:
ՓՐԿԱՐԱՐԱԿԱՆ ԾԱՌԱՅՈՒԹՅԱՆ ԿԱԴՐԵՐԻ ՌԵԶԵՐ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՓՐԿԱՐԱՐԱԿԱՆ ԾԱՌԱՅՈՒԹՅԱՆ ԿԱԴՐԵՐԻ ՌԵԶԵՐՎՈՒՄ ԳՏՆՎԵԼՈՒ ...

 

 

040.0058.040206

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«4» փետրվարի 2006 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

26 հունվարի 2006 թվականի N 58-Ն

 

i

ՓՐԿԱՐԱՐԱԿԱՆ ԾԱՌԱՅՈՒԹՅԱՆ ԿԱԴՐԵՐԻ ՌԵԶԵՐՎՈՒՄ ԳՏՆՎԵԼՈՒ ԵՎ ԿԱԴՐԵՐԻ ՌԵԶԵՐՎԻՑ ՀԱՆԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

 

i

«Փրկարար ծառայության մասին» Հայաստանի Հանրապետության օրենքի 64-րդ հոդվածի 5-րդ մասին համապատասխան` Հայաստանի Հանրապետության կառավարությունը որոշում է.

1. Սահմանել փրկարարական ծառայության կադրերի ռեզերվում գտնվելու և կադրերի ռեզերվից հանելու կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

(նախաբանը փոփ. 09.08.12 թիվ 1014-Ն որոշում)

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2006 ԹՎԱԿԱՆԻ ՀՈՒՆՎԱՐԻ 31-ԻՆ

 

Հավելված

ՀՀ կառավարության

2006 թվականի հունվարի 26-ի

N 58-Ն որոշման

 

ԿԱՐԳ

ՓՐԿԱՐԱՐԱԿԱՆ ԾԱՌԱՅՈՒԹՅԱՆ ԿԱԴՐԵՐԻ ՌԵԶԵՐՎՈՒՄ ԳՏՆՎԵԼՈՒ ԵՎ ԿԱԴՐԵՐԻ ՌԵԶԵՐՎԻՑ ՀԱՆԵԼՈՒ

 

i

1. Սույն կարգով սահմանվում են փրկարարական ծառայողներին Հայաստանի Հանրապետության արտակարգ իրավիճակների նախարարության աշխատակազմի փրկարար ծառայության կադրերի ռեզերվում (այսուհետ` կադրերի ռեզերվ) գտնվելու և ռեզերվից հանելու հետ կապված հարաբերությունները:

(1-ին կետը փոփ. 09.08.12 թիվ 1014-Ն որոշում)

2. Կադրերի ռեզերվում գրանցվում են`

ա) փրկարարական ծառայության այն ծառայողները, ովքեր փրկարարական ծառայությունում զբաղեցրած պաշտոնից ազատվել են հաստիքների կրճատման, ստորաբաժանման լուծարման կամ վերակազմակերպման դեպքում, եթե փրկարարական ծառայության ծառայողին համապատասխան պաշտոնում նշանակելը հնարավոր չէ, և հաստիքների կրճատումը պայմանավորված է փրկարարական ծառայության հաստիքների ընդհանուր թվի կրճատմամբ.

բ) փրկարարական ծառայության այն ծառայողները, ովքեր փրկարարական ծառայությունում զբաղեցրած պաշտոնից ազատվել են սահմանափակ առողջական վիճակի պատճառով` ծառայության սահմանափակ պիտանելիության կապակցությամբ` բժշկական հանձնաժողովի որոշման հիման վրա (խաղաղ ժամանակ ոչ շարային ծառայության համար պիտանի, իսկ ռազմական դրության ժամանակ առաջին աստիճանի սահմանափակ պիտանի ճանաչվելու դեպքում), համապատասխան թափուր հաստիքների բացակայության պատճառով տվյալ պաշտոնում հետագա ծառայությունը շարունակելու անհնարինության դեպքում.

գ) Հայաստանի Հանրապետության պաշտպանության ժամանակ կամ ծառայողական պարտականությունները կատարելիս վիրավորված, անհայտ կորած, գերի ընկած փրկարարական ծառայության ծառայողը:

i

3. Փրկարարական ծառայության ծառայողը կադրերի ռեզերվում գրանցվում կամ ռեզերվից հանվում է Հայաստանի Հանրապետության արտակարգ իրավիճակների նախարարի հրամանով, որտեղ նշվում են փրկարարական ծառայողին կադրերի ռեզերվում գրանցելու կամ ռեզերվից հանելու հիմքերը:

(3-րդ կետը փոփ. 09.08.12 թիվ 1014-Ն որոշում)

4. Կադրերի ռեզերվում փրկարարական ծառայության ծառայողի միանգամյա գտնվելու առավելագույն ժամկետը 6 ամիս է, բայց ոչ ավելի, քան համապատասխան խմբի համար սահմանված ծառայության առավելագույն ժամկետը լրանալը` բացառությամբ սույն կարգի 2-րդ կետի «գ» ենթակետում նշված դեպքերի:

5. Կադրերի ռեզերվում գտնվող փրկարարական ծառայության ծառայողին, հաշվի առնելով նրա մասնագիտական գիտելիքները, առողջական վիճակը և թափուր հաստիքների առկայությունը, կադրերի ռեզերվում գտնվելու ընթացքում առաջարկվում են համապատասխան պաշտոններ:

i

6. Փրկարարական ծառայության ծառայողը կադրերի ռեզերվից հանվում է հետևյալ դեպքերում`

ա) պաշտոնի նշանակվելիս.

բ) «Փրկարար ծառայության մասին» Հայաստանի Հանրապետության օրենքի 61-րդ հոդվածի հիմքերով ծառայությունից ազատվելիս.

գ) կադրերի ռեզերվում գտնվելու համար սահմանված առավելագույն ժամկետը լրանալիս:

(6-րդ կետը փոփ. 09.08.12 թիվ 1014-Ն որոշում)

 

 

pin
ՀՀ կառավարություն
26.01.2006
N 58-Ն
Որոշում