(ուժը կորցրել է 17.03.08 թիվ 142-Ն որոշում)
i
041.0218.300306
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
30 մարտի 2006 թվականի N 218-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2004 ԹՎԱԿԱՆԻ ՕԳՈՍՏՈՍԻ 2-Ի N 498-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հայաստանի Հանրապետության վարչապետի 2004 թվականի օգոստոսի 2-ի «Հայաստանի Հանրապետության սոցիալական ապահովագրության պետական հիմնադրամի խորհրդի աշխատակարգը, անհատական կազմը հաստատելու և Հայաստանի Հանրապետության վարչապետի 2001 թվականի ապրիլի 10-ի N 267 որոշումն ուժը կորցրած ճանաչելու մասին» N 498-Ն որոշման մեջ կատարել հետևյալ փոփոխություններն ու լրացումը`
ա) որոշման նախաբանը շարադրել հետևյալ խմբագրությամբ.
i
«Հայաստանի Հանրապետության վարչապետի 2004 թվականի օգոստոսի 2-ի «Հայաստանի Հանրապետության սոցիալական ապահովագրության պետական հիմնադրամի կանոնադրությունը հաստատելու և Հայաստանի Հանրապետության վարչապետի 2001 թվականի մարտի 13-ի N 201 որոշումն ուժը կորցրած ճանաչելու մասին» N 497-Ա որոշմամբ հաստատված Հայաստանի Հանրապետության սոցիալական ապահովագրության պետական հիմնադրամի կանոնադրության 17-րդ կետին համապատասխան».
բ) որոշմամբ հաստատված Հայաստանի Հանրապետության սոցիալական ապահովագրության պետական հիմնադրամի խորհրդի աշխատակարգի`
2-րդ կետը շարադրել հետևյալ խմբագրությամբ.
i
«2. Խորհուրդն իր աշխատանքները կազմակերպում է նիստերի միջոցով, որոնք հրավիրվում են խորհրդի նախագահի կողմից` ըստ անհրաժեշտության, բայց ոչ պակաս, քան յուրաքանչյուր կիսամյակը մեկ անգամ: Պարտադիր նիստերը գումարվում են յուրաքանչյուր տարվա առաջին և երրորդ եռամսյակների ընթացքում:
Խորհրդի նիստերը կարող են հրավիրվել նաև խորհրդի անդամների առնվազն 1/3-ի պահանջով` խորհրդի նախագահի կողմից` համապատասխան պահանջ ներկայացնելուց 20 օրվա ընթացքում: Եթե նշված ժամկետում խորհրդի նախագահը նիստ չի հրավիրում, ապա նիստ կարող են հրավիրել նման պահանջ ներկայացրած անձինք:
Խորհրդի նիստերը, բացառությամբ պարտադիր նիստերի, կարող են անցկացվել հարցման միջոցով` գրավոր փաստաթղթերի փոխանցմամբ, էլեկտրոնային կամ այլ կապի միջոցներով: Եթե խորհրդի որոշման նախագիծը խորհրդի անդամին պատշաճ ուղարկվելուց կամ փոխանցվելուց հետո 5-օրյա ժամկետում խորհրդի անդամի կողմից պատասխան չի տրվում, ապա համարվում է, որ խորհրդի անդամը կողմ է որոշման նախագծին: Հարցման եղանակով սահմանված կարգով որոշում չընդունվելու դեպքում հարցը քննարկվում է խորհրդի առաջիկա նիստում»,
i
4-րդ կետում «` հիմնադրամի նախագահի կողմից» բառերը փոխարինել «և կենսագործվում են հիմնադրամի նախագահի հրամաններով» բառերով,
III գլխի վերնագրից, 6-րդ և 7-րդ կետերից հանել «հերթական» բառը.
i
6-րդ կետում`
առաջին նախադասությունը շարադրել հետևյալ խմբագրությամբ.
«Խորհրդի նիստերն անցկացվում են սույն աշխատակարգի 2-րդ կետում սահմանված ժամկետում և կարգով»,
երկրորդ նախադասության մեջ «վայրը» բառից հետո լրացնել «, օրը» բառով,
7-րդ կետի երկրորդ պարբերությունը շարադրել հետևյալ խմբագրությամբ.
«Խորհրդի յուրաքանչյուր առաջին պարտադիր նիստում քննարկվում են հիմնադրամի նախորդ տարվա, իսկ երկրորդ նիստում` տվյալ տարվա բյուջեի կիսամյակային կատարողականի հաշվետվությունները: Հարցը ներկայացնում է հիմնադրամի նախագահը կամ հիմնադրամի համապատասխան պաշտոնատար անձը»,
10-րդ և 11-րդ կետերից հանել «նախագահի» բառը.
i
14-րդ կետից հանել «խորհրդի նախագահին կամ» բառերը.
i
ուժը կորցրած ճանաչել V գլուխը.
i
23-րդ կետում «նախագահի» բառը փոխարինել «որոշմամբ» բառով.
i
24-րդ կետում «հերթական նիստում» բառերը փոխարինել «պարտադիր նիստերում» բառերով.
i
գ) որոշմամբ հաստատված Հայաստանի Հանրապետության սոցիալական ապահովագրության պետական հիմնադրամի խորհրդի կազմում «ՀՀ տարածքային կառավարման և ենթակառուցվածքների գործունեությունը համակարգող նախարարի տեղակալ» բառերը փոխարինել «ՀՀ տարածքային կառավարման նախարարի տեղակալ» բառերով:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2006 ԹՎԱԿԱՆԻ ՄԱՐՏԻ 30-ԻՆ
pՈ,