040.0499.071197
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Լ. ՏԵՐ-ՊԵՏՐՈՍՅԱՆ
«7» ՆՈՅԵՄԲԵՐԻ 1997 Թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
7 նոյեմբերի 1997 թ. թիվ 499
ԳՈՒՅՔԻ ՓՈԽԱՆԱԿՈՒԹՅԱՆ ՄԱՍԻՆ
i
Հաշվի առնելով Արարատի մարզպետի միջնորդությունը և Արարատի մարզի Մասիսի քաղաքային համայնքի ավագանու որոշումը գույքի փոխանակության մասին Հայաստանի Հանրապետության կառավարությունը որոշում է.
1. Մասիսի նախկին վարչական շրջանի ժողդատարանի շենքը Հայաստանի Հանրապետության արդարադատության նախարարության տնօրինությունից հանձնել Արարատի մարզի Մասիսի քաղաքային համայնքին` սեփականության իրավունքով:
2. Արարատի մարզի Մասիսի քաղաքային համայնքի սեփականություն հանդիսացող նախկին վարչական շենքի 263,6 քառ. մետր մակերեսով տարածքը համարել պետական սեփականություն և հանձնել Հայաստանի Հանրապետության արդարադատության նախարարության տնօրինությանը:
3. Հանձնարարել Հայաստանի Հանրապետության արդարադատության նախարարությանը և առաջարկել Մասիսի քաղաքապետին` մեկամսյա ժամկետում ավարտել նշված շենքի և տարածքի սահմանված կարգով հանձնում-ընդունումը:
4. Սույն որոշումն ուժի մեջ է մտնում 1997 թվականի նոյեմբերի 7-ից: