«ՀՀ-ՈՒՄ ԱՍՊԻՐԱՆՏՈՒՐԱՅԻ ԸՆԴՈՒՆԵԼՈՒԹՅԱՆ ԿԱՐԳ»-Ը ՀԱՍՏ ...

(ուժը կորցրել է 15.09.06 թիվ 740-Ն հրաման)

110.0207.280406

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

                                      «28»         04           2006 Թ.

                                        ՊԵՏԱԿԱՆ ԳՐԱՆՑՄԱՆ ԹԻՎ 11006125

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ ՀՐԱՄԱՆ

11 ապրիլի 2006 թվականի N 207-Ն

«ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՍՊԻՐԱՆՏՈՒՐԱՅԻ ԸՆԴՈՒՆԵԼՈՒԹՅԱՆ ԿԱՐԳ»-Ը ՀԱՍՏԱՏԵԼՈՒ ՄԱՍԻՆ

Հայաստանի Հանրապետությունում ասպիրանտուրայի ընդունելության գործընթացը կանոնակարգելու նպատակով.

ՀՐԱՄԱՅՈՒՄ ԵՄ`

1. Հաստատել «Հայաստանի Հանրապետությունում ասպիրանտուրայի ընդունելության կարգ»-ը (Հավելվածը կցվում է), որը կգործի մինչև 2006 թ-ի դեկտեմբերի 31-ը:

2. ՈՒժը կորցրած ճանաչել ՀՀ կրթության և գիտության նախարարի 2002թ. մայիսի 23-ի «Հայաստանի Հանրապետությունում ասպիրանտուրայի ընդունելության քննությունների և ստուգարքների անցկացման կանոնակարգ»-ը հաստատելու մասին» թիվ 149-Մ հրամանը:

3. Գիտության և հետբուհական կրթության վարչությանը (պետ` Ա. Քոսյան), իրավաբանական վարչությանը (պետ` Մ. Գրիգորյան) 1-ին կետով հաստատված կարգը 3-օրյա ժամկետում ներկայացնել գրանցման ՀՀ արդարադատության նախարարություն:

4. Գիտության և հետբուհական կրթության վարչությանը (պետ` Ա. Քոսյան) գրանցումից հետո 5-օրյա ժամկետում կարգի մասին տեղեկացնել բոլոր բարձրագույն ուսումնական հաստատություններին և գիտական կազմակերպություններին:

5. Սույն հրամանի կատարման հսկողությունը հանձնարարել ՀՀ կրթության և գիտության փոխնախարար` պրն. Ա. Սահրադյանին:

Հավելված

ՀՀ կրթության և

գիտության նախարարի

2006 թ. ապրիլի 11-ի

N 207-Ն հրամանի

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՍՊԻՐԱՆՏՈՒՐԱՅԻ ԸՆԴՈՒՆԵԼՈՒԹՅԱՆ ԿԱՐԳ

1. Ընդհանուր դրույթներ

1.1. Սույն կարգով սահմանվում է Հայաստանի Հանրապետությունում պետական և հավատարմագրված բարձրագույն ուսումնական հաստատությունների, Հայաստանի Հանրապետության գիտությունների ազգային ակադեմիայի և Հայաստանի Հանրապետության նախարարությունների գիտական կազմակերպությունների, ինչպես նաև հետբուհական կրթական ծրագրեր իրականացնող այլ կազմակերպությունների (այսուհետև` կազմակերպություններ) ասպիրանտուրայի ընդունելության կարգը:

2. Հանձնաժողովների աշխատանքների կազմակերպումը և ժամանակացույցը

2.1. Կազմակերպության գործադիր մարմնի ղեկավարի հրամանով ասպիրանտուրայի ընդունելության կազմակերպման համար ստեղծվում են ընդունող հանձնաժողովներ:

2.2. Ասպիրանտուրայի ընդունելության մասնագիտական քննության անցկացման համար կազմակերպության գործադիր մարմնի ղեկավարի հրամանով ստեղծվում են մասնագիտական քննական հանձնաժողովներ (այսուհետև` հանձնաժողովներ): Մասնագիտական հանձնաժողովների կազմում ընդգրկվում են կազմակերպությունում աշխատող տվյալ մասնագիտությամբ գիտության դոկտորի գիտական աստիճան կամ պրոֆեսորի գիտական կոչում

ունեցող գիտամանկավարժական և գիտական կադրեր:

Օտար լեզվից քննություն և ինֆորմատիկայից և համակարգչից օգտվելու հիմունքներից ստուգարք անցկացնելու համար ՀՀ կրթության և գիտության նախարարի հրամանով ստեղծվում են համապատասխան առարկայական հանձնաժողովներ (ըստ մասնագիտական բնագավառների` բնական-տեխնիկական և հումանիտար), որոնց կազմում ընդգրկվում են գիտական աստիճան կամ գիտական կոչում ունեցող գիտամանկավարժական և գիտական կադրեր:

2.3. Քննություններին և ստուգարքին մասնակցելու թույլտվությունը ասպիրանտուրա ընդունվողին տալիս է կազմակերպության ընդունող հանձնաժողովը` ներկայացված գիտական ռեֆերատի (առնվազն 20 տպագրական էջի սահմաններում` հրատարակված գիտական աշխատանքների, գյուտերի, հայտնագործությունների և գիտահետազոտական աշխատանքների մասին հաշվետվությունների բացակայության դեպքում) վերաբերյալ մասնագիտական ամբիոնի (սեկտորի, դեպարտամենտի) կամ գիտական ստորաբաժանման կողմից գրավոր դրական գրախոսականի դեպքում:

Ասպիրանտուրայի ընդունելության մասնագիտական քննությունների անցկացման ժամանակացույցը հաստատում է կազմակերպության գործադիր մարմնի ղեկավարը և քննությունների սկսվելուց 1 շաբաթ առաջ տեղեկացնում է ՀՀ կրթության և գիտության նախարարությանը (այսուհետև` նախարարություն) քննության անցկացման տեղի և ժամի վերաբերյալ:

Մասնագիտական քննությունից «բավարար» գնահատական ստացած դիմորդները զրկվում են ասպիրանտուրա ընդունվելու իրավունքից (8 - 12 միավոր` 20 բալանոց սանդղակով, 3 միավոր` 5 բալանոց սանդղակով):

Մասնագիտական քննությունը պետք է նախորդի օտար լեզվից քննությանը և ինֆորմատիկայից և համակարգչից օգտվելու հիմունքներից ստուգարքին:

2.4. Հարգելի պատճառով մասնագիտական քննությանը չներկայանալու դեպքում սահմանվում է նոր ժամանակացույց ասպիրանտուրայի ընդունելության մասնագիտական քննությունների համար` պահպանելով դրանց անցկացման համար սահմանված վերջին ժամկետը: Կազմակերպության գործադիր մարմնի ղեկավարը նոր ժամանակացույցի մասին տեղեկացնում է նախարարությանը:

2.5. Օտար լեզվից քննության և ինֆորմատիկայից և համակարգչից օգտվելու հիմունքներից ստուգարք հանձնելու համար մասնագիտական քննությունը հանձնած ասպիրանտուրա ընդունվողների տվյալները ներկայացվում են նախարարություն` քննությունը հանձնելու հաջորդ օրը:

Օտար լեզվի քննության և ինֆորմատիկայից և համակարգչից օգտվելու հիմունքներից ստուգարքի արդյունքները ներկայացվում են կազմակերպությունների ընդունող հանձնաժողովներին:

3. Քննական ծրագրերը և քննությունների (ստուգարքի) անցկացումը

3.1. Մասնագիտական առարկայից քննության հարցաշարը (առնվազն 100 հարց) կազմվում է կազմակերպությունների մասնագիտական ամբիոնների (դեպարտամենտների) գիտական ստորաբաժանման կամ մասնագիտական հանձնաժողովի կողմից և հաստատվում է կազմակերպության գործադիր մարմնի ղեկավարի կողմից (տրամադրվում է դիմորդներին), որի հիման վրա քննությունից առնվազն 5 օր առաջ հանձնաժողովի նախագահի կողմից կազմվում են առնվազն 25 հարցատոմսեր (առաջադրանքներ)` ներառելով ողջ հարցաշարը, որոնք հաստատվում են կազմակերպության կնիքով:

Մասնագիտական քննությունների անցկացման ձևը (գրավոր կամ բանավոր) սահմանում է կազմակերպության ընդունող հանձնաժողովը:

Մասնագիտական առարկայից ասպիրանտուրա ընդունվողի գիտելիքների գնահատումը կատարվում է կազմակերպության ընդունող հանձնաժողովի կողմից մշակված համակարգով` հանձնաժողովի կազմում ընդգրկված անդամների առնվազն 2/3-ի ներկայությամբ: Մասնագիտական քննության անցկացումն արձանագրվում է ասպիրանտուրա ընդունվողի քննական թերթում (Ձևը կցվում է)` նշելով առաջադրված հարցերը և ստացված գնահատականը: Քննական թերթում ստորագրում են հանձնաժողովի նախագահը և ներկա գտնվող հանձնաժողովի անդամները: Ընդունվողի գիտելիքների գնահատման մասին որոշումը ընդունվում է որպես հանձնաժողովի յուրաքանչյուր անդամի կողմից նշանակված գնահատականների միջին թվաբանականը: Մասնագիտական քննությունը հանձնված է համարվում, եթե դիմորդը ստացել է առնվազն «13» միավոր «20» բալանոց սանդղակով կամ «4» միավոր «5» բալանոց սանդղակով:

3.2. Օտար լեզվի քննությունը և ինֆորմատիկայի և համակարգչից օգտվելու հիմունքների ստուգարքը անցկացվում են կենտրոնացված ձևով, նախարարության կողմից հաստատված ըստ մասնագիտությունների տարբերակված ծրագրերի հիման վրա կազմված առաջադրանքներով և սահմանված ժամկետներում: Օտար լեզվի քննությունն անցկացվում է գրավոր ձևով:

3.3. Դիմորդը քննության կամ ստուգարքի է ներկայանում անձը հաստատող փաստաթղթով:

4. Մրցույթի անցկացում

4.1. Մրցույթն իրականացվում է ըստ մասնագիտական քննությունից ստացած գնահատականի: Մասնագիտական քննությունից ստացած հավասար գնահատականների դեպքում հաշվի են առնվում հետևյալ ցուցանիշները ըստ հերթականության`

ա) օտար լեզվի քննությունից ստացած գնահատականը,

բ) մագիստրոսի կամ դիպլոմավորված մասնագետի դիպլոմի ներդիրում գրանցված բոլոր գնահատականների միջինը,

գ) մագիստրոսական ավարտական աշխատանքի պաշտպանության և դիպլոմավորված մասնագետի դիպլոմային աշխատանքի գնահատականը,

դ) հրատարակված գիտական աշխատանքների քանակը,

ե) միջազգային կամ հանրապետական ուսանողական առարկայական մրցույթներում կամ օլիմպիադաներում ստացած դիպլոմները կամ միջազգային գիտաժողովներում մասնակցությունը (զեկուցումները):

._________.

ՁԵՎ                  |         |

ԱՍՊԻՐԱՆՏՈՒՐԱ ԸՆԴՈՒՆՎՈՂԻ        |         |

ՔՆՆԱԿԱՆ ԹԵՐԹԻ             |         |

|         |

._________.

Անուն, հայրանուն, ազգանուն - - - - - - - - - - - - - - - - - - - -

Գիտական հիմնարկը - - - - - - - - - - - - - - - - - - - - - - - - -

    1. Մասնագիտական առարկա                 Քննության հանձնման ամսաթիվը

Առարկայի անվանումը - - - - - - - - - - - - - - - - - - - - - - - -

    Առաջադրված հարցերը                           Գնահատականները

    1. - - - - - - - - - - - - - - - -           - - - - - - - - - - -

     - - - - - - - - - - - - - - - - -           - - - - - - - - - - -

    2. - - - - - - - - - - - - - - - -           - - - - - - - - - - -

     - - - - - - - - - - - - - - - - -           - - - - - - - - - - -

    3. - - - - - - - - - - - - - - - -           - - - - - - - - - - -

     - - - - - - - - - - - - - - - - -           - - - - - - - - - - -

Ընդհանուր գնահատականը - - - - - - - - - - - - - -

    Կ.Տ.             Հանձնաժողովի նախագահ` - - - - - - - - - - - - - -

                     Հանձնաժողովի անդամներ`  - - - - - - - - - - - - -

2. Օտար լեզուներ

    - - - - - - - - - - - - - - լեզվից     Քննության հանձնման ամսաթիվը

                                           - - - - - - - - - - - - - -

    Առաջադրված հարցերը                           Գնահատականները

    1. - - - - - - - - - - - - - - - -           - - - - - - - - - - -

     - - - - - - - - - - - - - - - - -           - - - - - - - - - - -

    2. - - - - - - - - - - - - - - - -           - - - - - - - - - - -

     - - - - - - - - - - - - - - - - -           - - - - - - - - - - -

    3. - - - - - - - - - - - - - - - -           - - - - - - - - - - -

     - - - - - - - - - - - - - - - - -           - - - - - - - - - - -

    4. - - - - - - - - - - - - - - - -           - - - - - - - - - - -

     - - - - - - - - - - - - - - - - -           - - - - - - - - - - -

Ընդհանուր գնահատականը - - - - - - - - - - - - - -

    Կ.Տ.             Հանձնաժողովի նախագահ` - - - - - - - - - - - - - -

                     Հանձնաժողովի անդամներ`  - - - - - - - - - - - - -

    3. Ինֆորմատիկայի հիմունքներ            Քննության հանձնման ամսաթիվը

            (ստուգարք)                     - - - - - - - - - - - - - -

- - - - - - - - - - - - - -

(ստուգված, չստուգված)

Ընդհանուր գնահատականը - - - - - - - - - - - - - -

    Կ.Տ.             Հանձնաժողովի նախագահ` - - - - - - - - - - - - - -

                     Հանձնաժողովի անդամներ`  - - - - - - - - - - - - -