102.0076.120506
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«12» 05 2006 Թ.
ՊԵՏԱԿԱՆ ԳՐԱՆՑՄԱՆ ԹԻՎ 10206147
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐ ՀՐԱՄԱՆ
3 մայիսի 2006 թվականի N 76-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ 2002 ԹՎԱԿԱՆԻ ՓԵՏՐՎԱՐԻ 13-Ի ԹԻՎ 66 ՀՐԱՄԱՆՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Դատական ակտերի հարկադիր կատարման մասին» Հայաստանի Հանրապետության օրենքի 30-րդ հոդվածով.
ՀՐԱՄԱՅՈՒՄ ԵՄ`
1. Հայաստանի Հանրապետության արդարադատության նախարարի 2002 թվականի փետրվարի 13-ի «Պարտապանին սեփականության իրավունքով պատկանող գույքի և գույքային իրավունքների կազմի և քանակի մասին հայտարարագրի ձևը և ներկայացման կարգը հաստատելու մասին» թիվ 66 հրամանի մեջ կատարել հետևյալ լրացումները`
i
1) «Պարտապանից սեփականության իրավունքով պատկանող գույքի և գույքային իրավունքների կազմի և քանակի մասին հայտարարագիր վերցնելու» կարգի 4-րդ կետը լրացնել նոր պարբերությամբ` հետևյալ բովանդակությամբ.
«- մինչև 50.000 դրամի չափով գույքային բնույթի բռնագանձման վերաբերյալ կատարողական վարույթներով»:
i
2) «Կատարողական վարույթով պարտապան իրավաբանական կամ ֆիզիկական անձանց սեփականության իրավունքով պատկանող գույքի և գույքային իրավունքների մասին հայտարարագրի լրացման» կարգը լրացնել նոր 16-րդ կետով` հետևյալ բովանդակությամբ.
«16. «Վերջին վեց ամիսների ընթացքում օտարված անշարժ գույք և տրանսպորտային միջոցներ» բաժինը լրացվում է հետևյալ կարգով.
ա/ 2-րդ «գտնվելու վայրը» սյունակում լրացվում է վերջին վեց ամիսների ընթացքում հայտարարատուի կողմից օտարված անշարժ գույքի գտնվելու վայրը.
բ/ 3-րդ «բնակելի /հասարակական, արտադրական և այլ/ հողամաս, տրանսպորտի տեսակը» սյունակում լրացվում է 2-րդ սյունակի համապատասխան տողում նշված օտարված անշարժ գույքի տեսակը, տրանսպորտային միջոցի մակնիշը.
գ/ 4-րդ «երբ է վաճառվել, տարին, ամիսը, գնորդի անուն, ազգանուն, բնակության կամ հաշվառման վայրը» սյունակում լրացվում է անշարժ գույքի, տրանսպորտային միջոցի օտարման օրը, գնորդի անունը, ազգանունը, բնակության կամ հաշվառման վայրը» առանձին-առանձին.
դ/ 5-րդ «վաճառքի գինը» սյունակում լրացվում է օտարված անշարժ գույքի, տրանսպորտային միջոցի վաճառքի գինը /ՀՀ դրամով կամ արտարժույթով/:
i
3) «Պարտապանին սեփականության իրավունքով պատկանող գույքի և գույքային իրավունքների, կազմի և քանակի մասին» հայտարարագիրը լրացնել նոր 12-րդ բաժնով` հետևյալ բովանդակությամբ.
._________________________________________________________________________.
|12. Վերջին վեց ամիսների ընթացքում օտարված անշարժ գույք և |
| տրանսպորտային միջոցներ |
|_________________________________________________________________________|
|NN | Գտնվելու |Բնակելի (հասարակական,| Երբ է վաճառել, տարին, | Վաճառքի |
|ը/կ| վայրը |արտադրական և այլ) | ամիսը, գնորդի անուն, | գինը |
| | |հողամաս, տրանսպորտի | ազգանուն, բնակության կամ | |
| | |տեսակը | հաշվառման վայրը | |
|___|__________|_____________________|__________________________|_________|
| 1 | 2 | 3 | 4 | 5 |
|___|__________|_____________________|__________________________|_________|
| 1.| | | | |
|___|__________|_____________________|__________________________|_________|
| 2.| | | | |
|___|__________|_____________________|__________________________|_________|
| 3.| | | | |
|___|__________|_____________________|__________________________|_________|
| 4.| | | | |
._________________________________________________________________________.
2. Սույն հրամանն ուժի մեջ է մտնում պաշտոնական հրապարակմանը հաջորդող տասներորդ օրվանից: