041.0597.171297
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
17 դեկտեմբերի 1997 թվականի թիվ 597
ԱՌԵՎՏՐԻ ՀԱՄԱՇԽԱՐՀԱՅԻՆ ԿԱԶՄԱԿԵՐՊՈՒԹՅԱՆԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆԴԱՄԱԿՑՈՒԹՅԱՆ ՀԵՏ ԿԱՊՎԱԾ ՀԱՐՑԵՐԻ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ
Հաշվի առնելով Առևտրի համաշխարհային կազմակերպությանը (ԱՀԿ) Հայաստանի Հանրապետության անդամակցության կարևորությունը, և Հայաստանի Հանրապետության ընդհանուր տնտեսական զարգացման ռազմավարական ծրագրերի իրականացման նպատակով`
1. Ստեղծել Առևտրի համաշխարհային կազմակերպությանը Հայաստանի Հանրապետության անդամակցության հետ կապված հարցերի միջգերատեսչական հանձնաժողով (այսուհետև` հանձնաժողով) և հաստատել նրա անհատական կազմը (կցվում է):
i
2. Հանձնաժողովին` տասնհինգօրյա ժամկետում Հայաստանի Հանրապետության վարչապետի հաստատմանը ներկայացնել հանձնաժողովի կանոնադրությունը:
3. Հայաստանի Հանրապետության արդյունաբերության և առևտրի նախարարությանը` 1-ամսյա ժամկետում հանձնաժողովի առաջարկությունների հիման վրա Հայաստանի Հանրապետության կառավարություն ներկայացնել առաջարկություններ Առևտրի համաշխարհային կազմակերպությանը Հայաստանի Հանրապետության անդամակցության հետ կապված` Հայաստանի Հանրապետության համապատասխան օրենսդրության ակտերում փոփոխություններ կատարելու, ինչպես նաև նոր օրենքների և իրավական այլ ակտերի նախագծերի վերաբերյալ:
4. Ուժը կորցրած ճանաչել Հայաստանի Հանրապետության կառավարության 1994 թվականի փետրվարի 23-ի «Առևտրի և տարիֆների գլխավոր համաձայնագիր» (ԳԱՏՏ) միջազգային առևտրային կազմակերպությանը Հայաստանի Հանրապետության անդամակցության համար նախապատրաստական աշխատանքների իրականացման մասին» թիվ 86 որոշումը:
Հաստատված է
Հայաստանի Հանրապետության
վարչապետի 1997 թ.
դեկտեմբերի 17-ի N 597 որոշմամբ
ԿԱԶՄ
i
ԱՌԵՎՏՐԻ ՀԱՄԱՇԽԱՐՀԱՅԻՆ ԿԱԶՄԱԿԵՐՊՈՒԹՅԱՆԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆԴԱՄԱԿՑՈՒԹՅԱՆ ՀԵՏ ԿԱՊՎԱԾ ՀԱՐՑԵՐԻ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ
Կ. Ճշմարիտյան - ՀՀ արդյունաբերության և առևտրի նախարար
(հանձնաժողովի նախագահ)
Զ. Գևորգյան - ՀՀ գյուղատնտեսության նախարար
Տ. Դավթյան - ՀՀ արդյունաբերության և առևտրի նախարարի տեղակալ
Տ. Խաչատրյան - ՀՀ ֆինանսների և էկոնոմիկայի նախարարի տեղակալ
Ա. Մարտիրոսյան - ՀՀ արտաքին գործերի նախարարի տեղակալ
Վ. Դանիելյան - ՀՀ վիճակագրության պետական խորհրդի անդամ
(համաձայնությամբ)
Ա. Մալխասյան - ՀՀ կառավարությանն առընթեր ստանդարտացման,
չափագիտության և սերտիֆիկացման վարչության պետ
Ա. Հովհաննիսյան - ՀՀ արդյունաբերության և առևտրի նախարարության
Առևտրի համաշխարհային կազմակերպության հետ
աշխատանքների կազմակերպման և Եվրամիության հետ
ԳՀՀ-ի իրագործման վարչության պետ (հանձնաժողովի
քարտուղար)
(կազմը փոփ. 18.06.98 թիվ 354, 23.11.98 թիվ 675, խմբ. 14.11.01 թիվ 804 որոշումներ)