Սեղմել Esc փակելու համար:
ՀԱՆՐԱՅԻՆ ՍՆՆԴԻ ԿԱԶՄԱԿԵՐՊՄԱՆ ԿԱՆՈՆՆԵՐԸ...
Քարտային տվյալներ

Տեսակ
Չի գործում
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀԱՆՐԱՅԻՆ ՍՆՆԴԻ ԿԱԶՄԱԿԵՐՊՄԱՆ ԿԱՆՈՆՆԵՐԸ ՀԱՍՏԱՏԵԼՈՒ ՄԱՍԻՆ

01.01.2006 -ին ուժը կորցրած ակտի տվյալ խմբագրությունը գործել է   10.01.2004  -ից մինչեւ   01.01.2006  -ը:
 

(ուժը կորցնելու է 01.01.06 թվականից` 12.05.05 թիվ 577-Ն որոշում)

i

040.0605.241297

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ` Լ. ՏԵՐ-ՊԵՏՐՈՍՅԱՆ

 

«24» դեկտեմբերի 1997թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

24 դեկտեմբերի 1997 թվականի թիվ 605

 

i

ՀԱՆՐԱՅԻՆ ՍՆՆԴԻ ԿԱԶՄԱԿԵՐՊՄԱՆ ԿԱՆՈՆՆԵՐԸ ՀԱՍՏԱՏԵԼՈՒ ՄԱՍԻՆ

 

Հայաստանի Հանրապետության հանրային սննդի կազմակերպումը կանոնակարգելու նպատակով Հայաստանի Հանրապետության կառավարությունը որոշում է.

 

Հաստատել հանրային սննդի կազմակերպման կանոնները (կցվում է):

 

Հաստատված է

ՀՀ կառավարության 1997 թվականի

դեկտեմբերի 24-ի թիվ 605 որոշմամբ

 

Կ Ա Ն Ո Ն Ն Ե Ր ՀԱՆՐԱՅԻՆ ՍՆՆԴԻ ԿԱԶՄԱԿԵՐՊՄԱՆ

 

1. Սույն կանոններով սահմանվում են Հայաստանի Հանրապետությունում «Ձեռնարկությունների և ձեռնարկատիրական գործունեության մասին» Հայաստանի Հանրապետության օրենքով նախատեսված կազմակերպական-իրավական բոլոր տեսակի ձեռնարկությունների և անհատ ձեռներեցների (այսուհետև` ձեռնարկություն) կողմից հանրային սննդի կազմակերպման կանոնները:

2. Կանոններում օգտագործվող հասկացությունները`

հանրային սնունդ` խոհարարական արտադրանքի պատրաստման, իրացման և սպառման կազմակերպում.

խոհարարական արտադրանք` կերակրատեսակների, խոհարարական արտադրատեսակների և կիսապատրաստվածների համախումբ.

ճաշացուցակ` կերակրատեսակների, խոհարարական արտադրատեսակների, խմորեղենի և հացաբուլկեղենի, գնովի ապրանքների ցուցակ, որը ձեռնարկության կողմից առաջարկվում է սպառողին` մասնաբաժնի և գնի նշումով.

հանրային սննդի սպասարկման սրահ` հատուկ կահավորված տարածք` նախատեսված պատրաստի խոհարարական արտադրանքի իրացման և սպառման կազմակերպման համար:

3. Հանրային սննդի զբաղվող ձեռնարկությունը ղեկավարվում է Հայաստանի Հանրապետության օրենսդրությամբ, իր հիմնադիր փաստաթղթերով և սույն կանոններով:

4. Ձեռնարկության գործունեությունը (բացառությամբ արդեն գործող պետական և սեփականաշնորհված օբյեկտների) իրականացվում է տեխնոլոգիական նախագծի համաձայն, որը պետք է համապատասխանի հանրային սննդի ձեռնարկությունների համար նախատեսված շինարարական նորմերի և կանոնների պահանջներին:

5. Ձեռնարկությունը հանրային սննդի ոլորտում իր տնտեսական գործունեությունն իրականացնում է Հայաստանի Հանրապետության օրենսդրությամբ սահմանված համապատասխան լիցենզիայի առկայության դեպքում:

6. Ձեռնարկություններն ըստ «Հանրային սննդի տերմիններ և սահմանումներ» Հայաստանի Հանրապետության ստանդարտի դասակարգվում են տիպերի:

7. Վաճառողը ձեռնարկության սպասարկման սրահից դուրս իրացվող խոհարարական արտադրանքի համար պետք է ունենա փաստաթուղթ, որտեղ նշվում են`

արտադրվող ձեռնարկության անվանումը.

խոհարարական արտադրանքի անվանումը:

8. Ձեռնարկության մուտքի մոտ փակցվում է ցուցանակ, որտեղ նշվում են ձեռնարկության անվանումը, տիպը, կազմակերպական-իրավական տեսակը, իրավաբանական հասցեն և աշխատանքային ռեժիմը:

9. Ձեռնարկությունն աշխատանքային ռեժիմը սահմանում է ինքնուրույնաբար` պահպանելով Հայաստանի Հանրապետության օրենսդրությամբ սահմանված կարգը:

10. Ձեռնարկությունը պետք է ունենա ճաշացուցակ:

Սպառողին առաջարկվող խոհարարական արտադրանքն ու գնովի ապրանքները պետք է ցուցադրվեն հստակ լրացված գնապիտակներով:

Ձեռնարկությունն սպառողի պահանջով պարտավոր է նրան ներկայացնել ճաշացուցակը և լիցենզիան:

11. Ձեռնարկության սպասարկող անձնակազմի անդամները (խոհարար, հրուշակագործ, մատուցող, բուֆետապան, բարմեն) պետք է ունենան անձնական սանիտարական գրքույկ:

12. Խոհարարական ու հրուշակագործը պետք է ունենան մասնագիտական կրթություն կամ մասնագիտական որակավորումը հաստատող փաստաթուղթ, կամ առնվազն 2 տարվա մասնագիտական աշխատանքի ստաժ:

i

13. Սպասարկող անձնակազմի անդամները կրում են սանիտարական հագուստ, ինչպես նաև կազմակերպության ղեկավարի կողմից տրված անվանաքարտ` լուսանկարով, անվան, ազգանվան և զբաղեցրած պաշտոնի նշմամբ, վավերացված ձեռնարկության կնիքով:

Անվանաքարտ կրելու կարգը հաստատում է Հայաստանի Հանրապետության սոցիալական ապահովագրության պետական հիմնադրամը:

(13-րդ կետը լրաց. 13.12.02 թիվ 2035-Ն, 04.12.03 թիվ 1638-Ն որոշումներ)

14. Սպառողները սպասարկման ձևերն ու մեթոդները որոշում է ձեռնարկությունը:

15. Ձեռնարկությունն արտադրության ընթացքում ղեկավարվում է արտադրության տեխնոլոգիական ռեժիմները սահմանող նորմատիվային փաստաթղթերի և սանիտարահիգիենիկ նորմերի պահանջներով:

16. Այն ձեռնարկություններում, որտեղ սպասարկումն իրականացնում է մատուցողը, վճարումը կատարում է ըստ մատուցողի կողմից ներկայացվող հաշվի, իսկ առանց մատուցողի սպասարկում իրականացնող ձեռնարկություններում գումարը մուծվում է դրամարկղ: Մատուցողի ներկայացրած հաշվում /որի երկրորդ օրինակը սահմանված կարգով մնում է ձեռնարկությունում /նշվում են նրա ազգանունը, սպասարկման օրը, կերակրատեսակների, խմիչքների ու մյուս ապրանքների անվանումը, քանակը և գինը:

Թույլատրվում է վճարումը կատարել ինչպես կանխիկ, այնպես էլ հանրապետությունում գործող այլ կարգով /փոխանցում, կրեդիտ քարտ և այլն/:

17. Հանրային սննդի ոլորտին վերաբերվող այն նորմերը, որոնք սահմանված չեն սույն կանոններով, կարգավորվում են այլ իրավական ակտերով:

18. Սույն կանոնների խախտումն առաջացնում է պատասխանատվություն` Հայաստանի Հանրապետության օրենսդրության սահմանված կարգով:

i

19. Սույն կանոնների պահպանման նկատմամբ վերահսկողությունն իրականացնում է պետական կառավարման համապատասխան լիազորված մարմինը:

 

 

pin
ՀՀ կառավարություն
24.12.1997
N 605
Որոշում