Սեղմել Esc փակելու համար:
ՖԻՐՄԱՅԻՆ ԱՆՎԱՆՈՒՄՆԵՐԻ ԵՎ ԱՊՐԱՆՔԱՅԻՆ Ն...
Քարտային տվյալներ

Տեսակ
Չի գործում
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՖԻՐՄԱՅԻՆ ԱՆՎԱՆՈՒՄՆԵՐԻ ԵՎ ԱՊՐԱՆՔԱՅԻՆ ՆՇԱՆՆԵՐԻ ՄԵՋ Ո ...

15.06.2000 -ին ուժը կորցրած ակտի տվյալ խմբագրությունը գործել է   25.06.1998  -ից մինչեւ   15.06.2000  -ը:
 

(ուժը կորցրել է 07.06.00 թիվ 289 որոշում)

i

040.0609.261297

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Լ. ՏԵՐ-ՊԵՏՐՈՍՅԱՆ
«26» ԴԵԿՏԵՄԲԵՐԻ 1997 Թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

26 դեկտեմբերի 1997 թ. թիվ 609

 

i

ՖԻՐՄԱՅԻՆ ԱՆՎԱՆՈՒՄՆԵՐԻ ԵՎ ԱՊՐԱՆՔԱՅԻՆ ՆՇԱՆՆԵՐԻ ՄԵՋ ՈՐՈՇ ԱՆՈՒՆՆԵՐԻ ՈՒ ԱՆՎԱՆՈՒՄՆԵՐԻ ՕԳՏԱԳՈՐԾՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

 

Համաձայն «Ֆիրմային անվանումների մասին» Հայաստանի Հանրապետության օրենքի 3 և «Ապրանքային և սպասարկման նշանների, ապրանքների ծագման տեղանունների մասին» Հայաստանի Հանրապետության օրենքի 12 հոդվածների` Հայաստանի Հանրապետության կառավարությունը որոշում է.

Հաստատել ֆիրմային անվանումների և ապրանքային նշանների մեջ որոշ անունների և անվանումների օգտագործման կարգը (կցվում է):

 

ՀԱՍՏԱՏՎԱԾ Է

ՀՀ ԿԱՌԱՎԱՐՈՒԹՅԱՆ 1997 ԹՎԱԿԱՆԻ

ԴԵԿՏԵՄԲԵՐԻ 26-Ի ԹԻՎ 609 ՈՐՈՇՄԱՄԲ

 

ԿԱՐԳ

 

ՖԻՐՄԱՅԻՆ ԱՆՎԱՆՈՒՄՆԵՐԻ ԵՎ ԱՊՐԱՆՔԱՅԻՆ ՆՇԱՆՆԵՐԻ ՄԵՋ ՈՐՈՇ ԱՆՈՒՆՆԵՐԻ ՈՒ ԱՆՎԱՆՈՒՄՆԵՐԻ ՕԳՏԱԳՈՐԾՄԱՆ

 

1. Սույն կարգով կարգավորվում են «Հայաստան», «հայ», «հայկական», «Հանրապետություն», «հանրապետական» բառերի և դրանց թարգմանությունների, Հայաստանի Հանրապետության վարչատարածքային միավորների անվանումների, պատմական կամ հանրահայտ անձի լրիվ կամ կրճատ անունը` տվյալ անձի մահվան և ժառանգներ չունենալու դեպքում իրավաբանական անձի կամ իրավաբանական անձի կարգավիճակ չունեցող ձեռնարկության (այսուհետև` ձեռնարկություն) ֆիրմային անվանման մեջ օգտագործելու, ինչպես նաև հռչակավոր անձանց անունները, ազգանունները, կեղծանունները և դրանց ածանցյալները, դիմանկարներն ու ֆաքսիմիլեն ապրանքային նշանների մեջ օգտագործելու հետ առնչվող հարցերը:

i

2. Ֆիրմային անվանման գրանցման հայտ ներկայացնելիս այդ անվանման մեջ «Հայաստան», «հայ», «հայկական», «հանրապետություն», «հանրապետական» բառերի և դրանց թարգմանությունների առկայության դեպքում Հայաստանի Հանրապետության կառավարությանն առընթեր արտոնագրային վարչությունը թույլատրում է դրանց օգտագործումը ֆիրմային անվանման մեջ, եթե հայտին կից ներկայացվել է նաև այդպիսի թույլտվության համար նախատեսված տարեկան տուրքի վճարումը հաստատող փաստաթուղթ:

Տարեկան տուրքի վճարման ժամկետի սկիզբը հաշվարկվում է թույլտվություն տալու օրվանից:

Սույն կետով նախատեսված թույլտվությունն ստանալուց հետո ֆիրմային անվանման մեջ համապատասխան բառերը և դրանց թարգմանությունները յուրաքանչյուր հաջորդ տարվա ընթացքում կարող են օգտագործվել միայն այդ տարվա համար նախատեսված պետական տուրքը նախօրոք վճարելու դեպքում:

Նշված բառերը ֆիրմային անվանումներում կարող են օգտագործվել առանց թույլտվության, եթե, Հայաստանի Հանրապետության կառավարությանն առընթեր արտոնագրային վարչության եզրակացության համաձայն, դա պայմանավորված է միայն տվյալ իրավաբանական անձի կարգավիճակ չունեցող ձեռնարկության ֆիրմային անվանման մեջ Հայաստանի Հանրապետությունում գրանցված նրա հիմնադիր անվանման օգտագործման անհրաժեշտությամբ:

(2-րդ կետը խմբ. 29.05.98 թիվ 320 որոշում)

i

3. Եթե «Հայաստան», «հայ», «հայկական», «Հանրապետություն», «հանրապետական» բառերի օգտագործմամբ ֆիրմային անվանումը տվյալ ձեռնարկությունը բնորոշում է որպես համահայկական, համահայաստանյան կամ հանրապետական նշանակության սուբյեկտ, կամ եթե նշված բառերը ֆիրմային անվանման մեջ տարբերակող անուն են, ապա դրանք կարող են օգտագործվել միայն Հայաստանի Հանրապետության կառավարության թույլտվությամբ:

(3-րդ կետը հանվել է 29.05.98 թիվ 320 որոշում)

4. Հայաստանի Հանրապետության վարչատարածքային միավորների անվանումներն առանց թույլտվության կարող են օգտագործվել ֆիրմային անվանումների մեջ, եթե դրանք տվյալ ֆիրմային անվանումով ձեռնարկությունը չեն բնորոշում որպես տվյալ վարչատարածքային նշանակության սուբյեկտ:

5. Եթե Հայաստանի Հանրապետության վարչատարածքային միավորի անվանման օգտագործմամբ ֆիրմային անվանումը ձեռնարկությունը բնորոշում է որպես տվյալ վարչատարածքային նշանակության սուբյեկտ, կամ եթե վարչատարածքային միավորի անվանումն օգտագործվում է որպես ֆիրմային անվանումը տարբերակող նշանակության անուն, ապա մարզի, քաղաքի և գյուղի անվանման համար անհրաժեշտ է ստանալ համապատասխան մարզպետի թույլտվությունը:

6. Պատմական կամ այլ հանրահայտ անձի լրիվ կամ կրճատ անունը` այդ անձի մահվան և ժառանգներ չունենալու դեպքում, առանց թույլտվության կարող է օգտագործվել ֆիրմային անվանման մեջ այն դեպքում, երբ այդ անձի համբավը ձեռք է բերվել տվյալ ձեռնարկության գործունեության հիմնական ոլորտում:

i

7. Հռչակավոր անձանց անունները, ազգանունները, կեղծանունները և դրանց ածանցյալները, ղեկավարներն ու ֆաքսիմիլեն ձեռնարկությունների ապրանքային նշանների մեջ կարող են օգտագործվել միայն այդ անձանց կամ նրանց ժառանգների թույլտվությամբ:

Նշված անձանց մահվան և ժառանգներ չունենալու դեպքում նրանց անունները, ազգանունները, կեղծանունները և դրանց ածանցյալները, դիմանկարներն ու ֆաքսիմիլեներն ապրանքային նշանների մեջ կարող են օգտագործվել միայն Հայաստանի Հանրապետության կառավարությանն առընթեր արտոնագրային վարչության թույլտվությամբ:

(7-րդ կետի 2-րդ պարբերութ. խմբ. 29.05.98 թիվ 320 որոշում)

 

 

pin
ՀՀ կառավարություն
26.12.1997
N 609
Որոշում