Սեղմել Esc փակելու համար:
ԿԵՆՑԱՂԱՅԻՆ ՍՊԱՍԱՐԿՄԱՆ ՀԻՄՆԱԿԱՆ ԿԱՆՈՆՆ...
Քարտային տվյալներ

Տեսակ
Չի գործում
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ԿԵՆՑԱՂԱՅԻՆ ՍՊԱՍԱՐԿՄԱՆ ՀԻՄՆԱԿԱՆ ԿԱՆՈՆՆԵՐԸ ՀԱՍՏԱՏԵԼՈ ...

01.01.2006 -ին ուժը կորցրած ակտի տվյալ խմբագրությունը գործել է   31.12.2003  -ից մինչեւ   01.01.2006  -ը:
 

(ուժը կորցնելու է 01.01.06 թվականից` 12.05.05 թիվ 577-Ն որոշում)

i

040.586.161297

«ՎԱՎԵՐԱՑՆՈՒՄ ԵՄ»

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Լ. ՏԵՐ-ՊԵՏՐՈՍՅԱՆ

 

«16» դեկտեմբերի 1997 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

16 դեկտեմբերի 1997 թվականի թիվ 586

 

i

ԿԵՆՑԱՂԱՅԻՆ ՍՊԱՍԱՐԿՄԱՆ ՀԻՄՆԱԿԱՆ ԿԱՆՈՆՆԵՐԸ ՀԱՍՏԱՏԵԼՈՒ ՄԱՍԻՆ

 

Հայաստանի Հանրապետությունում կենցաղային սպասարկումը կանոնակարգելու նպատակով Հայաստանի Հանրապետության կառավարությունը որոշում է.

1. Հաստատել կենցաղային սպասարկման հիմնական կանոնները (կցվում է):

i

2. Սահմանել, որ կենցաղային սպասարկման կանոններն ըստ մատուցվող ծառայության տեսակների հաստատում է Հայաստանի Հանրապետության առևտրի և տնտեսական զարգացման նախարարությունը համաձայնեցնելով Հայաստանի Հանրապետության ֆինանսների և էկոնոմիկայի նախարարության հետ:

(2-րդ կետը փոփ. 04.12.03 թիվ 1606-Ն որոշում)

 

ՀԱՍՏԱՏՎԱԾ Է

ՀՀ ԿԱՌԱՎԱՐՈՒԹՅԱՆ 1997 ԹՎԱԿԱՆԻ

ԴԵԿՏԵՄԲԵՐԻ 16-Ի ԹԻՎ 586 ՈՐՈՇՄԱՄԲ

 

ԿԵՆՑԱՂԱՅԻՆ ՍՊԱՍԱՐԿՄԱՆ ՀԻՄՆԱԿԱՆ ԿԱՆՈՆՆԵՐԸ

 

1. Սույն կանոններով սահմանվում են Հայաստանի Հանրապետությունում «Ձեռնարկությունների և ձեռնարկատիրական գործունեության մասին» Հայաստանի Հանրապետության օրենքով նախատեսված կազմակերպական-իրավական բոլոր տեսակի ձեռնարկությունների, անհատ ձեռներեցների (այսուհետև` ձեռնարկություն) կողմից իրականացվող կենցաղային սպասարկման կանոնները:

2. Ձեռնարկությունն իր գործունեության ընթացքում ղեկավարվում է Հայաստանի Հանրապետության օրենսդրությամբ, հիմնադիր փաստաթղթերով և սույն կանոններով:

3. Սույն կանոններում օգտագործվող հիմնական հասկացությունները` կենցաղային ծառայություն` կատարողի և սպառողի անմիջական համագործակցության, ինչպես նաև սպառողների կենցաղային կարիքների բավարարման համար կատարողի սեփական գործունեության արդյունք.

կենցաղային սպասարկում` կատարողի գործունեությունը ծառայությունների սպառողի հետ անմիջական շփման ընթացքում.

կատարող` սպառողին կենցաղային ծառայություններ մատուցող ձեռնարկություն.

սպառող` կենցաղային կարիքների բավարարման նպատակով ծառայություններ ստացող, պատվիրող անձ:

4. Ձեռնարկության կողմից իրականացվող կենցաղային ծառայության տեսակներն են`

կոշիկի նորոգում

կոշիկի անհատական կար

հագուստի նորոգում

հագուստի անհատական կար

տրիկոտաժե իրերի անհատական կար և հյուսք

տրիկոտաժե իրերի նորոգում

կենցաղային մեքենաների նորոգում

մետաղյա իրերի նորոգում և պատրաստում

կահույքի նորոգում

կահույքի անհատական պատրաստում

քիմիական մաքրում և ներկում

լվացք

բնակարանների նորոգում

վարսավիրական ծառայություն

վարձութային ծառայություն

ծիսակատարությունների և հանդիսավոր միջոցառումների ծառայություն

կինոլուսանկարչական լաբորատորիաների և լուսանկարչական ծառայություն

նվերների, հուշանվերների գնում, տեղ հասցնում կամ առաքում

ոսկերչական իրերի պատրաստում, նորոգում և դրոշմում

բաղնիքային ծառայություն

ոչ փոստային ծանրոցների տեղ հասցնում

պահեստային ծառայություններ

աղացների ծառայություն

կտրող գործիքների սրում

այլ ծառայություններ:

 

5. Ձեռնարկության մուտքի մոտ փակցվում է ցուցանակ, որտեղ նշվում են ձեռնարկության անվանումը, կազմակերպական-իրավական տեսակը, իրավաբանական հասցեն ու աշխատանքային ռեժիմը:

6. Ձեռնարկության պատվերների ընդունման կետերում, տեսանելի տեղերում զետեղվում են հետևյալ փաստաթղթերը`

ձեռնարկության գրանցման վկայականի պատճենը

սույն կանոնները

ծառայությունների գնացուցակը, իսկ թանկարժեք նյութերի և պահեստամասերի օգտագործմամբ կատարվող ծառայությունների դեպքում` նաև նյութերի և պահեստամասերի գները:

Ձեռնարկությունն սպառողի պահանջով ներկայացնում է`

պատվերների ձևակերպման փաստաթղթերի ձևերը

սպասարկող բանկի ռեկվիզիտները (անվանումը, հասցեն, հաշվի համարը)

մատուցվող ծառայություններին վերաբերող ստանդարտների և այլ նորմատիվ փաստաթղթերի ցանկը

i

բժշկական զննության անձնական գրքույկը (վարսավիրական և դիմահարդարման ծառայություններ)

կատարողի մասնագիտական որակավորման վկայականը, եթե այն նախատեսված է Հայաստանի Հանրապետության օրենսդրությամբ

տվյալ ծառայության մատուցման լիցենզիան, եթե այդ գործունեության լիցենզավորումը նախատեսված է Հայաստանի Հանրապետության օրենսդրությամբ:

7. Ձեռնարկությունն ընդունում է ծառայությունների պատվերներ, որոնք համապատասխանում են իր գործունեության բնագավառին: Ծառայությունների պատվերների ընդունման տեղն ու ձևը որոշում է ձեռնարկությունը:

8. Ծառայությունների մատուցման պատվերները ձևակերպվում են պայմանագրով (անդորրագրով)` Հայաստանի Հանրապետության օրենսդրությամբ սահմանված կարգով:

i

9. Սպասարկող անձը պարտավոր է կրել կազմակերպության ղեկավարի կողմից տրված անվանաքարտ` լուսանկարով, անվան, ազգանվան և մասնագիտության նշումով` վավերացված ձեռնարկության կնիքով:

Անվանաքարտ կրելու կարգը հաստատում է Հայաստանի Հանրապետության առևտրի և տնտեսական զարգացման նախարարը:

(9-րդ կետը փոփ. 13.12.02 թիվ 2035-Ն, 04.12.03 թիվ 1606-Ն որոշումներ)

i

10. Սույն կանոնները չեն տարածվում (բացառությամբ 5-րդ, 6-րդ և 9-րդ կետերի) Հայաստանի Հանրապետությունում բնակչությանը կամ կազմակերպություններին մատուցվող այն ծառայությունների վրա, որոնց կանոնները հաստատում են համապատասխան պետական կառավարման լիազորված մարմինները` իրենց իրավասությունների սահմաններում:

(10-րդ կետը փոփ. 04.12.03 թիվ 1606-Ն որոշում)

11. Ձեռնարկությունն իր գործունեության ընթացքում պարտավոր է ապահովել սանիտարահիգիենիկ նորմերի և հակահրդեհային անվտանգության կանոնների պահանջների կատարումը:

12. Սույն կանոնների խախտումն առաջացնում է պատասխանատվություն` Հայաստանի Հանրապետության օրենսդրությամբ սահմանված կարգով:

i

13. Սույն կանոնների պահպանման նկատմամբ վերահսկողությունն իրականացնում է պետական կառավարման համապատասխան լիազորված մարմինը:

 

 

pin
ՀՀ կառավարություն
16.12.1997
N 586
Որոշում