110.1025.070307
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«07» 03 2007 Թ.
ՊԵՏԱԿԱՆ ԳՐԱՆՑՄԱՆ ԹԻՎ 11007118
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ ՀՐԱՄԱՆ
28 դեկտեմբերի 2006 թվականի N 1025-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅԱՆ ՀԱՄԱԿԱՐԳԻ ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ /ՆԱԽՆԱԿԱՆ ԵՎ ՄԻՋԻՆ ՄԱՍՆԱԳԻՏԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐ/ ԵՎ ՀԱՐՅՈՒՐ ՏՈԿՈՍ` ՊԵՏՈՒԹՅԱՆԸ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՊԱՏԿԱՆՈՂ ԲԱԺՆԵՄԱՍ ՈՒՆԵՑՈՂ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ԳՈՐԾԱԴԻՐ ՄԱՐՄԻՆՆԵՐԻ ԸՆՏՐՈՒԹՅԱՆ (ՆՇԱՆԱԿՄԱՆ) ՄՐՑՈՒՅԹԻ ԵՎ ԱՏԵՍՏԱՎՈՐՄԱՆ ԸՆԹԱՑԱԿԱՐԳԵՐԸ ՀԱՍՏԱՏԵԼՈՒ ՄԱՍԻՆ
Ղեկավարվելով Հայաստանի Հանրապետության կառավարության 2005թ. հունվարի 25-ի «Պետական ոչ առևտրային կազմակերպությունների և հարյուր տոկոս` պետությանը սեփականության իրավունքով պատկանող բաժնեմաս ունեցող փակ բաժնետիրական ընկերությունների գործադիր մարմինների ընտրության (նշանակման) ընդհանուր կարգը և նրանց հետ կնքվող աշխատանքային պայմանագրերի օրինակելի ձևերը հաստատելու մասին» N 224-Ն որոշման 1-ին և 3-րդ հավելվածների 12-րդ և 15-րդ կետերի պահանջներով.
ՀՐԱՄԱՅՈՒՄ ԵՄ`
1. Հաստատել Հայաստանի Հանրապետության կրթության և գիտության նախարարության համակարգի պետական ոչ առևտրային կազմակերպությունների /նախնական և միջին մասնագիտական ուսումնական հաստատությունների/ և հարյուր տոկոս` պետությանը սեփականության իրավունքով պատկանող բաժնեմաս ունեցող փակ բաժնետիրական ընկերությունների գործադիր մարմինների ընտրության (նշանակման) մրցույթի ընթացակարգը և մրցութային հանձնաժողովի ձևավորման կարգը` համաձայն հավելված N 1-ի:
2. Հաստատել Հայաստանի Հանրապետության կրթության և գիտության նախարարության պետական ոչ առևտրային կազմակերպությունների /նախնական և միջին մասնագիտական ուսումնական հաստատությունների/ և հարյուր տոկոս` պետությանը սեփականության իրավունքով պատկանող բաժնեմաս ունեցող փակ բաժնետիրական ընկերությունների գործադիր մարմինների ատեստավորման ընթացակարգը և ատեստավորման հանձնաժողովի ձևավորման կարգը` համաձայն հավելված N 2-ի:
3. Նախարարության աշխատակազմի օրենսդրության և իրավաբանական վարչությանը /վարչության պետ` Մ. Գրիգորյան/ և նախնական և միջին մասնագիտական կրթության վարչությանը /վարչության պետ` Ա. Աղբալյան/` սույն հրամանը սահմանված կարգով համատեղ ներկայացնել ՀՀ արդարադատության նախարարություն` պետական գրանցման:
4. Նախարարության աշխատակազմի անձնակազմի կառավարման վարչությանը /վարչության պետ` Ռ. Գրիգորյան/ և նախնական և միջին մասնագիտական կրթության վարչությանը /վարչության պետ` Ա. Աղբալյան/` համատեղ ապահովել սույն հրամանի կատարումը:
5. Սույն հրամանի կատարման վերահսկողությունը վերապահել նախարարի տեղակալ Ա. Ավետիսյանին և նախարարության աշխատակազմի ղեկավար Ս. Մինասյանին:
Հավելված N 1
Հաստատված է
ՀՀ կրթության և
գիտության նախարարի
2006թ. դեկտեմբերի 28-ի
N 1025-Ն հրամանով
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅԱՆ ՀԱՄԱԿԱՐԳԻ ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ /ՆԱԽՆԱԿԱՆ ԵՎ ՄԻՋԻՆ ՄԱՍՆԱԳԻՏԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐ/ ԵՎ ՀԱՐՅՈՒՐ ՏՈԿՈՍ` ՊԵՏՈՒԹՅԱՆԸ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՊԱՏԿԱՆՈՂ ԲԱԺՆԵՄԱՍ ՈՒՆԵՑՈՂ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ԳՈՐԾԱԴԻՐ ՄԱՐՄԻՆՆԵՐԻ ԸՆՏՐՈՒԹՅԱՆ (ՆՇԱՆԱԿՄԱՆ) ՄՐՑՈՒՅԹԻ ԸՆԹԱՑԱԿԱՐԳԸ ԵՎ ՄՐՑՈՒԹԱՅԻՆ ՀԱՆՁՆԱԺՈՂՈՎԻ ՁԵՎԱՎՈՐՄԱՆ ԿԱՐԳԸ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով սահմանվում է Հայաստանի Հանրապետության կրթության և գիտության նախարարության համակարգի պետական ոչ առևտրային կազմակերպությունների /նախնական և միջին մասնագիտական ուսումնական հաստատությունների/ և հարյուր տոկոս` պետությանը սեփականության իրավունքով պատկանող բաժնեմաս ունեցող փակ բաժնետիրական ընկերությունների գործադիր մարմինների (այսուհետ` Տնօրեն) ընտրության (նշանակման) մրցույթի (այսուհետ` մրցույթ) ընթացակարգը և մրցութային հանձնաժողովի (այսուհետ` Հանձնաժողով) ձևավորման կարգը (այսուհետ` Կարգ):
2. Մրցույթի նախապատրաստական և անցկացման աշխատանքները կազմակերպում է նախարարության աշխատակազմի (այսուհետ` Աշխատակազմ) անձնակազմի կառավարման վարչությունը (այսուհետ` վարչություն):
II. ՄՐՑՈՒՅԹԻ ՄԱՍԻՆ ՀԱՅՏԱՐԱՐՈՒԹՅՈՒՆԸ
3. Տնօրենի թափուր պաշտոն զբաղեցնելու համար բաց մրցույթ անցկացնելու մասին Աշխատակազմը 5-օրյա պարբերականությամբ առնվազն 2 անգամ մրցույթից առաջ հրապարակում է զանգվածային լրատվության միջոցներով (հանրապետական կամ տեղական ռադիո, հեռուստատեսություն, մամուլ):
i
4. Տնօրենի թափուր պաշտոն զբաղեցնելու համար բաց մրցույթ անցկացնելու մասին Աշխատակազմի հայտարարության տեքստում նշվում է`
ա/ Տնօրենի թափուր պաշտոնի անվանումը, որը զբաղեցնելու համար անցկացվելու է մրցույթ,
բ/ մրցույթին մասնակցելու համար դիմումների ընդունման վայրը և ժամը, որը չի կարող մրցույթ անցկացնելու մասին վերջին հայտարարության հրապարակման օրվանից հաշված մեկ ամսից պակաս լինել,
գ/ մրցույթի անցկացման վայրը, օրը և ժամը,
դ/ մրցույթին մասնակցելու համար անհրաժեշտ փաստաթղթերը /նյութերը/,
ե/ հավակնորդին ներկայացվող պահանջները /չափանիշները/,
զ/ Աշխատակազմի գտնվելու վայրը և հեռախոսահամարը:
III. ՄՐՑՈՒՅԹԻ ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐԸ
5. Մրցույթին մասնակցելու համար քաղաքացիները Վարչություն են ներկայացնում.
ա/ դիմում /լրացվում է տեղում/,
բ/ մեկ լուսանկար 3X4 չափի,
գ/ քաղվածք աշխատանքային գրքույկից,
դ/ ինքնակենսագրություն,
ե/ անձնագրի, բարձրագույն կրթության դիպլոմի /արական սեռի անձինք` նաև զինգրքույկի կամ դրան փոխարինող ժամանակավոր զորակոչային տեղամասին կցագրման վկայականի/ պատճենները,
զ/ կադրերի հաշվառման թերթիկ /լրացված/,
է/ տեղեկանք մշտական բնակության վայրից,
ը/ հրատարակված հոդվածների ցանկ կամ գիտական կոչումը հավաստող փաստաթուղթ /դրանց առկայության դեպքում/,
թ/ բնութագիր վերջին աշխատավայրից /եթե կազմակերպությունը չի լուծարվել/:
Քաղաքացին փաստաթղթերը ներկայացնում է անձամբ` անձը հաստատող փաստաթղթով:
Վարչությունը քաղաքացիների` սույն կետի ե/ ենթակետում նշված փաստաթղթերի պատճենները համեմատում է բնօրինակների հետ և ընդունում դրանք:
6. Վարչությունը վարում է մրցույթին մասնակցելու համար դիմած քաղաքացիների տվյալների գրառման համարակալված և Նախարարության կողմից կնքված մատյան, որի ձևը հաստատվում է Նախարարության կողմից:
7. Մրցույթին մասնակցելու համար դիմած յուրաքանչյուր քաղաքացի կարող է մրցույթից առնվազն մեկ օր առաջ հրաժարվել մրցույթին մասնակցելուց:
8. Եթե մրցույթին մասնակցելու համար ոչ մի դիմում չի ներկայացվել, ապա այդ մասին տեղյակ է պահվում Աշխատակազմի ղեկավարին:
Վարչությունը մրցույթին մասնակցելու համար դիմում ներկայացրած յուրաքանչյուր քաղաքացու (բացառությամբ սույն կարգի 7-րդ կետում նշվածների) վերաբերյալ փաստաթղթերի փաթեթը (համարակալված, կարված և կնքված) ներկայացվում է Հանձնաժողովին:
9. Հանձնաժողովի նախագահը վարչությունից ստանում է Հանձնաժողովի կնիքը:
Հանձնաժողովն իր որոշմամբ հաստատում է մրցույթի մասնակիցների (այսուհետ` մասնակիցներ) ցուցակը: Այդ որոշումը հրապարակվում է մինչև մրցույթի սկիզբը:
Եթե մրցույթին մասնակցելու համար դիմում ներկայացրած անձանցից ոչ ոք չի ներկայացել, ապա Հանձնաժողովի կողմից կայացվում է որոշում` մրցույթը չկայացած համարելու մասին: Այդ որոշումը Հանձնաժողովն անմիջապես ուղարկում է Նախարարին:
10. Մրցույթն անցկացվում է հայտարարության մեջ նշված ժամկետում:
IV. ՄՐՑՈՒՅԹԻ ԱՆՑԿԱՑՈՒՄԸ
11. Մրցույթն անցկացվում է բաց եղանակով:
Բաց մրցույթ անցկացնելու մասին որոշումն ընդունում է Աշխատակազմը:
12. Մրցույթն անցկացվում է այդ նպատակի համար առանձնացված սենյակում:
13. Մասնակիցը մրցույթին մասնակցելու համար ներկայացնում է անձը հաստատող փաստաթուղթ: Հանձնաժողովի քարտուղարը ստուգում է մասնակցի ինքնությունը, որից հետո մասնակիցը մուտք է գործում մրցույթի անցկացման սենյակ:
14. Հանձնաժողովի քարտուղարը մասնակիցներին բացատրում է մրցույթի անցկացման հետ կապված տեխնիկական հարցերը:
15. Մրցույթն անցկացվում է թեստավորման և հարցազրույցի միջոցով: Հարցազրույցն անցկացվում է հարցատոմսերով:
Թեստավորումը անցկացվում է գրավոր:
Հանձնաժողովը յուրաքանչյուր մասնակցի հետ հարցազրույցն անցկացնում է առանձին:
16. Հանձնաժողովը, սույն Կարգով սահմանված կարգով, Աշխատակազմի կողմից նախօրոք կազմված և համակարգչային ծրագրում զետեղված հարցերի բազայից պատահական ընտրությամբ կազմում է թեստ, որը բաղկացած է 20 (քսան) հարցից: Յուրաքանչյուր հարց պետք է ունենա երեք ենթադրյալ պատասխան, որոնցից մեկը հարցի միանշանակ ճիշտ պատասխանն է:
17. Թեստերի առաջադրանքները կազմվում են հետևյալ իրավական ակտերի շրջանակներում.
ա/ Հայաստանի Հանրապետության Սահմանադրություն` 10 %,
բ/ կրթության բնագավառի իրավասությունները սահմանող իրավական ակտեր` 50 %,
գ/ պետական ոչ առևտրային կազմակերպությունների /նախնական և միջին մասնագիտական ուսումնական հաստատություններ/ տնօրենների մրցույթի համար «Պետական ոչ առևտրային կազմակերպությունների մասին» Հայաստանի Հանրապետության օրենք` 20 %,
փակ բաժնետիրական ընկերությունների տնօրենների մրցույթի դեպքում` «Բաժնետիրական ընկերությունների մասին» Հայաստանի Հանրապետության օրենք` 20 %,
դ/ Հայաստանի Հանրապետության աշխատանքային օրենսգիրք` 10 %,
ե/ «Հաշվապահական հաշվառման մասին» Հայաստանի Հանրապետության օրենք` 10 %:
18. Հանձնաժողովի քարտուղարի կողմից թեստը տրամադրվում է մրցույթի մասնակցին, իսկ թեստի պատասխաններով օրինակը` Հանձնաժողովին:
19. Սույն կարգի 17-րդ կետում նշված հարցերը և դրանց ճիշտ պատասխանները կազմում է Աշխատակազմը:
20. Մասնակցի կողմից թեստի առաջադրանքների լուծման համար տրվում է 30 րոպե: Թեստի յուրաքանչյուր հարցի պատասխանը գնահատվում է 0 կամ 1 միավորով: Բոլոր 20 հարցերի պատասխանը ստուգվում և գնահատվում է, հաշվվում է դրանց ընդհանուր գնահատականը և տոկոսային արտահայտությունը:
21. Մասնակիցը /մասնակիցները/ հարցազրույցի փուլ է անցնում թեստավորման առաջադրանքների առնվազն 90 %-ին ճիշտ պատասխանելու դեպքում:
22. Հարցազրույցն անցկացվում է բանավոր` մասնագիտական գործունեության հետ առնչվող 5 հարց պարունակող հարցատոմսով: Հարցազրույցի հարցերը կազմված են պատահական ընտրությամբ` համակարգչային ծրագրում զետեղված հարցերի բազայից:
Հանձնաժողովի քարտուղարի կողմից հարցատոմսը տրամադրվում է մրցույթի մասնակցին, իսկ հարցատոմսի պատասխաններով օրինակը` Հանձնաժողովին:
23. Հարցազրույցի ընթացքում մասնակիցներին չի թույլատրվում օգտվել որևէ գրավոր նյութից, կապի միջոցներից կամ այլ տեխնիկական միջոցներից, հարցատոմսերի հարցերի պատասխանելու հետ կապված հարցեր տալ ներկա գտնվող անձանց, այդ թվում` Հանձնաժողովի անդամներին, ինչպես նաև դուրս գալ սենյակից:
Սույն կետում նշված պահանջների խախտման դեպքում Հանձնաժողովը կազմում է արձանագրություն:
Սույն կետում նշված պահանջների խախտման դեպքում տվյալ մասնակցի մասնակցությունը մրցույթին դադարեցվում է:
24. Հարցազրույցի ընթացքում հարցատոմսի հարցերի վերաբերյալ մասնակցի տված պատասխանները (ճիշտ կամ սխալ) գնահատվում են Հանձնաժողովի կողմից:
Եթե մասնակցի տված պատասխանը գնահատվում է սխալ, ապա Հանձնաժողովի գնահատական տվող անդամի կողմից պետք է հնչեցվի ճիշտ պատասխանը:
25. Հարցազրույցը ձայնագրվում և գրավոր արձանագրվում է:
Արձանագրության մեջ ամրագրվում է հարցատոմսի յուրաքանչյուր հարցը, հարցի վերաբերյալ մասնակցի տված պատասխանը, յուրաքանչյուր հարցի վերաբերյալ Հանձնաժողովի համապատասխան անդամի (նշելով անունը և ազգանունը) գնահատականը (ճիշտ կամ սխալ լինելը), իսկ սխալ պատասխանի դեպքում` հնչեցրած ճիշտ պատասխանը:
Արձանագրությանը կցվում է հարցատոմսը և համակարգչով ստացված հարցատոմսի պատասխաններով օրինակը:
26. Արձանագրությունը ստորագրվում է քարտուղարի, մրցույթի մասնակցի և Հանձնաժողովի բոլոր անդամների կողմից:
27. Յուրաքանչյուր մասնակցի հետ հարցազրույցն ավարտելուց հետո անցկացվում է քվեարկություն: Յուրաքանչյուր մասնակցի համար նախօրոք պատրաստվում է Հանձնաժողովի անդամների թվին համապատասխան քվեաթերթիկներ` համաձայն Ձև 1-ի: Յուրաքանչյուր քվեաթերթիկի վրա ստորագրում են Հանձնաժողովի նախագահը և Հանձնաժողովի տվյալ անդամը: Քվեաթերթիկները կնքվում են Հանձնաժողովի նախագահի կողմից Հանձնաժողովի կնիքով:
Հանձնաժողովի յուրաքանչյուր անդամ քվեարկում է կողմ կամ դեմ:
28. Բոլոր մասնակիցների հետ հարցազրույց անցկացնելուց հետո, բոլոր մասնակիցների ներկայությամբ, Հանձնաժողովի նախագահը բացում է քվեաթերթիկները, հայտարարում մասնակցի ազգանունը, անունը, հայրանունը և տրված ձայների «կողմ» կամ «դեմ» լինելը: Մեկից ավելի նշում պարունակող կամ ոչ մի նշում չպարունակող քվեաթերթիկը համարվում է անվավեր:
Հանձնաժողովի նախագահի հայտարարություններն արձանագրվում են հանձնաժողովի քարտուղարի կողմից:
29. Մրցույթի հաղթող է ճանաչվում այն մասնակիցը (մասնակիցները), որը (որոնք) ստացել է (են) Հանձնաժողովի քվեարկությանը մասնակցած անդամների կեսից ավելի կողմ ձայներ: Ձայների հավասարության դեպքում Հանձնաժողովի նախագահի ձայնը վճռորոշ է:
Եթե մասնակիցը քվեարկության արդյունքում չի հավաքել Հանձնաժողովի քվեարկությանը մասնակցած անդամների կեսից ավելի կողմ ձայներ, ապա Հանձնաժողովն ընդունում է որոշում` նրան մրցույթի արդյունքում հաղթող ճանաչելու մասին:
Եթե մասնակիցներից ոչ մեկը քվեարկության արդյունքում չի հավաքել Հանձնաժողովի քվեարկությանը մասնակցած անդամների կեսից ավելի կողմ ձայներ, ապա Հանձնաժողովն ընդունում է որոշում` մրցույթի արդյունքում հաղթող չճանաչելու մասին և այդ որոշումն ուղարկում է Նախարարին:
30. Հանձնաժողովը մրցույթի արդյունքում հաղթող ճանաչված մասնակիցների վերաբերյալ տալիս է եզրակացություն: Եզրակացության մեջ պետք է նշվեն`
ա/ Տնօրենի թափուր պաշտոնի անվանումը, որը զբաղեցնելու համար անցկացվել է մրցույթը,
բ/ մրցույթի անցկացման տարին, ամիսը, օրը և վայրը,
գ/ հաղթող ճանաչված մասնակիցների ազգանունը, անունը, հայրանունը, ծննդյան տարին, ամիսը, օրը և անձնագրային տվյալները,
դ/ հաղթող ճանաչված մասնակիցներից յուրաքանչյուրի վերաբերյալ հարցազրույցի արդյունքում Հանձնաժողովի քվեարկության արդյունքները:
31. Եզրակացությունը ստորագրում են Հանձնաժողովի նախագահը, քարտուղարը և անդամները: Եզրակացության հետ համաձայն չլինելու դեպքում, հատուկ կարծիք ունեցող անդամները ստորագրելիս նշում են այդ մասին` ստորագրության կողքին գրառելով «Հատուկ կարծիքը կցվում է» բառերը:
Եզրակացությանը կից ներկայացվում են Հանձնաժողովի անդամների հատուկ կարծիքները:
32. Հանձնաժողովը հանձնման ակտով Վարչությանն է փոխանցում մրցութային փաթեթը, որն իր մեջ սույն կարգի 5-րդ կետի 1-ին պարբերությամբ նշված փաստաթղթերից բացի` ներառում է նաև Հանձնաժողովի կազմած և ընդունած հետևյալ փաստաթղթերը`
ա/ Հանձնաժողովի կնիքի և ամփոփաթերթի ստացման մասին ստացականը,
բ/ մասնակիցների ու Հանձնաժողովի անդամների ներկայության մասին արձանագրությունը,
գ/ մրցույթի մասնակիցների ցուցակը հաստատելու մասին որոշումը,
դ/ մասնակիցների հետ հարցազրույց անցկացնելու մասին արձանագրությունները,
ե/ քվեարկությունների արդյունքների մասնակիցների հավաքած ձայների մասին արձանագրությունը,
զ/ մրցույթի արդյունքում հաղթող ճանաչելու մասին որոշումը,
է/ մրցույթի արդյունքում կոնկրետ մասնակցի հաղթող չճանաչելու մասին որոշումը,
ը/ մրցույթի արդյունքում հաղթող ճանաչված մասնակցի (մասնակիցների) վերաբերյալ եզրակացությունը,
թ/ մրցույթը չկայացած համարելու մասին որոշումը,
ժ/ քվեաթերթիկները,
ժա/ մրցույթի արդյունքների հրապարակման թերթիկը,
ժբ/ այլ փաստաթղթեր:
Վարչությունը սույն կետի 1-ին պարբերությամբ նախատեսված փաստաթղթերը պահպանում և արխիվացնում է Հայաստանի Հանրապետության օրենսդրությամբ սահմանված կարգով:
33. Սույն Կարգի 8-րդ կետի 1-ին, 29-րդ կետի 3-րդ պարբերություններով նախատեսված դեպքերում անցկացվում է նոր մրցույթ:
V. ՄՐՑՈՒՅԹԻ ԱՐԴՅՈՒՆՔՆԵՐԻ ՀՐԱՊԱՐԱԿՈՒՄԸ ԵՎ ԲՈՂՈՔԱՐԿՈՒՄԸ
34. Մրցույթի արդյունքները հրապարակվում են մրցույթն անցկացնելուց անմիջապես հետո` նույն օրը:
Մրցույթի արդյունքների հրապարակման մասին կազմվում է մրցույթի արդյունքների հրապարակման թերթիկ, որը կնքվում է Հանձնաժողովի կողմից:
35. Մրցույթի արդյունքների հրապարակման թերթիկում նշվում են.
ա/ Տնօրենի թափուր պաշտոնը, որը զբաղեցնելու համար անցկացվել է մրցույթը,
բ/ մրցույթի անցկացման տարին, ամիսը, օրը և վայրը, ինչպես նաև մրցույթի արդյունքների հրապարակման ամսաթիվը և ժամը,
գ/ մրցույթի արդյունքում հաղթող ճանաչված մասնակիցների ազգանունը, անունը, հայրանունը:
36. Սույն կարգի 29-րդ կետի 2-րդ և 3-րդ պարբերություններում նախատեսված դեպքերում հրապարակման մեջ նշվում է մրցույթի արդյունքում հաղթող չճանաչելու մասին:
37. Մրցույթի արդյունքները կարող են բողոքարկվել մասնակցի (իր արդյունքների մասով) կամ Հանձնաժողովի անդամի կողմից:
Սույն կետի առաջին պարբերությամբ նախատեսված գրավոր բողոքը (այսուհետ` բողոք) քննության է առնում Աշխատակազմը:
Բողոքը պետք է տրվի մրցույթի արդյունքները հրապարակելուց հետո մեկ ժամվա ընթացքում` մրցույթի նախապատրաստական աշխատանքներն իրականացնող աշխատակազմին, որն այն ստանալուց հետո սույն կարգի 32-րդ կետի «դ»-»ժբ» ենթակետերով նախատեսված փաստաթղթերի պատճենների հետ անմիջապես ներկայացնում է Նախարարին:
Վարչությունը մրցույթի ավարտից մեկ ժամ հետո տեսանելի ցուցանակի վրա հրապարակում է տեղեկություն բողոքի առկայության կամ բացակայության մասին: Բողոքի առկայության դեպքում հրապարակման մեջ պարտադիր պետք է նշվի մասնակցի (մասնակիցների) անունը, ազգանունը և հայրանունը, ում մրցույթի արդյունքների վերաբերյալ ներկայացվել է բողոք:
Բողոքը քննության է առնվում Աշխատակազմում մուտքագրվելուց հետո երեք աշխատանքային օրվա ընթացքում` Նախարարի կողմից ստեղծված հանձնաժողովի միջոցով: Հանձնաժողովի կազմում չեն ընդգրկվում Նախարարության այն աշխատակիցները, որոնք տվյալ մրցույթին մասնակցել են որպես Հանձնաժողովի անդամներ:
Բողոքը քննության առնելիս Նախարարի կողմից ստեղծված հանձնաժողովն ուսումնասիրում է թեստային առաջադրանքների արդյունքները, հարցազրույցի հարցատոմսի հարցերին մասնակցի կողմից տրված պատասխանները, դրանց վերաբերյալ Հանձնաժողովի գնահատականը (դրանց ճիշտ կամ սխալ լինելը), դրանք համադրում է քվեարկության արդյունքների հետ և ընդունում հետևյալ որոշումներից մեկը.
ա/ մրցույթի արդյունքը մասնակցի վերաբերյալ անփոփոխ թողնելու մասին,
բ/ մրցույթի մասնակցին հաղթող ճանաչելու մասին.
գ/ մրցույթի մասնակցին հաղթող չճանաչելու մասին:
Սույն կետի 6-րդ պարբերությամբ նախատեսված որոշումը /որոշումները/ կարող է /են/ բողոքարկվել դատական կարգով:
Վարչությունը սույն կետի առաջին պարբերությամբ նախատեսված գրավոր բողոքի բացակայության մասին կազմում է տեղեկանք և կցում մրցութային փաթեթին:
VI. ՄՐՑՈՒՅԹԻ ԱՐԴՅՈՒՆՔՆԵՐՈՎ ՊԱՇՏՈՆԻ ՆՇԱՆԱԿՈՒՄԸ
38. Մրցույթի արդյունքների հրապարակումից անմիջապես հետո, սույն կարգի 37-րդ կետով նախատեսված գրավոր բողոքի բացակայության դեպքում, համապատասխան Հանձնաժողովից ստացված մրցույթի արդյունքում հաղթող ճանաչված մասնակիցների վերաբերյալ եզրակացությունը Աշխատակազմը ներկայացնում է Նախարարին: Եզրակացությունը ստանալուց հետո, երեք աշխատանքային օրվա ընթացքում, Նախարարը մրցույթի արդյունքում հաղթող ճանաչված մասնակիցներից մեկի հետ, Հայաստանի Հանրապետության կառավարության 2005 թվականի հունվարի 25-ի «Պետական ոչ առևտրային կազմակերպությունների և հարյուր տոկոս` պետությանը սեփականության իրավունքով պատկանող բաժնեմաս ունեցող փակ բաժնետիրական ընկերությունների գործադիր մարմինների ընտրության /նշանակման/ ընդհանուր կարգը և նրանց հետ կնքվող աշխատանքային պայմանագրերի օրինակելի ձևերը հաստատելու մասին» N 224-Ն որոշմամբ սահմանված կարգով կնքում է աշխատանքային պայմանագիր:
39. Սույն կարգի 37-րդ կետով նախատեսված գրավոր բողոքի առկայության դեպքում, սույն կարգի 38-րդ կետով նախատեսված կարգով, եզրակացության հետ միաժամանակ ներկայացվում է նաև 37-րդ կետի 6-րդ պարբերությամբ նախատեսված որոշումը /որոշումները/:
VII. ՀԱՆՁՆԱԺՈՂՈՎԻ ՁԵՎԱՎՈՐՄԱՆ ԿԱՐԳԸ
40. Տնօրենի թափուր պաշտոն զբաղեցնելու համար մրցույթ անցկացնում է սույն Կարգով սահմանված կարգով ստեղծվող մրցութային հանձնաժողովը:
41. Հանձնաժողովի անդամության թեկնածուների ցուցակն առաջադրվում է Աշխատակազմի կողմից: Հանձնաժողովի անդամության թեկնածուների ցուցակում կարող են ընդգրկվել Նախարարը, Նախարարի տեղակալները, Աշխատակազմի ղեկավարը, նրա տեղակալը, Աշխատակազմի կառուցվածքային և առանձնացված ստորաբաժանումների ղեկավարները, ինչպես նաև Նախարարի կողմից հրավիրված համապատասխան ոլորտի մասնագետներ: Ցուցակում ընդգրկված անձինք վարչության կողմից գրավոր տեղեկացվում են Հանձնաժողովի անդամության թեկնածուների ցուցակում ընդգրկված լինելու մասին:
Հանձնաժողովի անդամության թեկնածուների ցուցակը հաստատվում է Նախարարի հրամանով:
42. Հանձնաժողովը կազմվում է համակարգչում նախօրոք զետեղված հաստատված ցուցակից` համակարգչի կողմից պատահական ընտրությամբ` մրցույթն անցկացնելուց ոչ շուտ, քան 24 ժամ առաջ: Հանձնաժողովը կազմված է 7 անդամից: Հանձնաժողովում ընդգրկված թեկնածուները մրցույթի անցկացման օրվա, ժամի և վայրի մասին տեղեկացվում են վարչության կողմից մրցույթն սկսվելուց ոչ ուշ, քան 6 ժամ առաջ:
43. Հանձնաժողովի կազմը հաստատվում է Նախարարի հրամանով: Նույն հրամանով Հանձնաժողովի անդամներից նշանակվում են Հանձնաժողովի նախագահ և քարտուղար:
Եթե մրցույթի ընթացքում Հանձնաժողովի նախագահի կամ քարտուղարի մասնակցությունը Հանձնաժողովի հետագա աշխատանքներին դառնում է անհնարին, ապա սույն Կարգով սահմանված կարգով Հանձնաժողովի մյուս անդամներից նշանակվում է համապատասխանաբար Հանձնաժողովի նախագահ կամ քարտուղար:
44. Հանձնաժողովն իր գործունեության ընթացքում ղեկավարվում է Հայաստանի Հանրապետության կառավարության 2005 թվականի հունվարի 25-ի «Պետական ոչ առևտրային կազմակերպությունների և հարյուր տոկոս` պետությանը սեփականության իրավունքով պատկանող բաժնեմաս ունեցող փակ բաժնետիրական ընկերությունների գործադիր մարմինների ընտրության /նշանակման/ ընդհանուր կարգը և նրանց հետ կնքվող աշխատանքային պայմանագրերի օրինակելի ձևերը հաստատելու մասին» N 224-Ն որոշմամբ, սույն Կարգով:
45. Հանձնաժողովն իր լիազորություններն իրականացնում է Նախարարի հրամանով հանձնաժողովի կազմը հաստատելու պահից և դադարեցնում է գործունեությունը` համաձայն սույն Կարգի:
VIII. ՀԱՆՁՆԱԺՈՂՈՎԻ ԽՆԴԻՐՆԵՐԸ ԵՎ ԼԻԱԶՈՐՈՒԹՅՈՒՆՆԵՐԸ
46. Հանձնաժողովի խնդիրներին են`
ա/ ապահովել Հայաստանի Հանրապետության քաղաքացիների համար Տնօրենի թափուր պաշտոն զբաղեցնելու հավասար մատչելիությունը` իրենց մասնագիտական գիտելիքներին և աշխատանքային ունակություններին համապատասխան,
բ/ համաձայն սույն Կարգի` ապահովել մրցույթի թափանցիկությունն ու հրապարակայնությունը:
47. Հանձնաժողովը`
ա/ Վարչությունից ստանում է մրցույթին մասնակցելու համար դիմած քաղաքացիների փաստաթղթերը, ինչպես նաև ձայնագրիչը և Հանձնաժողովի կնիքը,
բ/ սահմանված կարգով ընտրում է թեստեր` թեստավորման փուլն անցկացնելու համար,
գ/ ստուգում և գնահատում է մասնակիցների թեստավորման առաջադրանքները,
ե/ ամփոփում և հրապարակում է թեստավորման արդյունքները,
զ/ քննարկում է թեստավորման արդյունքների հետ կապված մասնակիցների բողոքները,
է/ հաստատում և հրապարակում է մրցույթի հաջորդ` հարցազրույցի փուլ անցած մասնակիցների ցուցակը,
ը/ սույն Կարգի համաձայն` համակարգչով կազմում է հարցատոմսեր` հարցազրույցի անցկացման համար,
թ/ մասնակիցների հետ անցկացնում է հարցազրույց,
ժ/ կազմում է քվեաթերթեր,
ժա/ հարցազրույցից անմիջապես հետո անցկացնում է քվեարկություն,
ժբ/ քվեարկության արդյունքում յուրաքանչյուր մասնակցի վերաբերյալ կայացնում է որոշում,
ժգ/ ամփոփում է մրցույթի արդյունքները,
ժդ/ իրականացնում է քննարկումներ մրցույթին վերաբերող առանձին հարցերի շուրջ,
ժե/ հրապարակում է մրցույթի արդյունքները,
ժզ/ հաղթող ճանաչված մասնակցի /մասնակիցների/ վերաբերյալ տալիս է եզրակացություն,
ժէ/ մրցույթի ավարտից հետո Վարչությանը հանձնում է Հանձնաժողովի կնիքը և մրցութային փաստաթղթերի փաթեթը:
IX. ՀԱՆՁՆԱԺՈՂՈՎԻ ԱՇԽԱՏԱՆՔՆԵՐԻ ԿԱԶՄԱԿԵՐՊՈՒՄԸ
48. Հանձնաժողովն իր աշխատանքները կազմակերպում է նիստերի միջոցով:
49. Հանձնաժողովի նիստերն իրավազոր են Հանձնաժողովի անդամների առնվազն կեսից ավելիի մասնակցության դեպքում:
50. Հանձնաժողովի որոշումներն ընդունվում են քվեարկությանը մասնակցած անդամների կեսից ավելի կողմ ձայներով: Հանձնաժողովի անդամի կողմից մրցույթ անցկացնելու կարգը խախտելու դեպքում Հանձնաժողովը տվյալ հարցի վերաբերյալ ընդունում է որոշում, որի պատճենն անմիջապես ներկայացվում է Նախարարին: Նախարարն իր հրամանով կարող է ազատել Հանձնաժողովի անդամին տվյալ Հանձնաժողովի կազմից:
51. Հանձնաժողովի աշխատանքները համարվում են ավարտված եզրակացություն տալուց հետո, ինչպես նաև սույն Կարգի 29-րդ կետի 3-րդ պարբերությամբ նախատեսված դեպքում:
X. ՀԱՆՁՆԱԺՈՂՈՎԻ ՆԱԽԱԳԱՀԸ
52. Հանձնաժողովի նախագահը`
ա/ ղեկավարում է Հանձնաժողովի աշխատանքները,
բ/ վարում է Հանձնաժողովի նիստերը,
գ/ կազմակերպում է հարցատոմսերի կազմման աշխատանքները` համաձայն սույն Կարգի,
դ/ հարցազրույցի ժամանակ կարող է ընդհատել անհարկի ծավալված բանավեճը,
ե/ որոշում է մրցույթի հետ կապված հարցերի, դիմումների և բողոքների քննարկման հերթականությունը` քվեարկության միջոցով համաձայնեցնելով Հանձնաժողովի անդամների հետ,
զ/ իրականացնում է սույն Կարգով իր իրավասությանը վերապահված այլ լիազորություններ:
53. Աշխատանքներն ավարտելուց հետո Հանձնաժողովի նախագահը վարչությանն է հանձնում Հանձնաժողովի կնիքը:
XI. ՀԱՆՁՆԱԺՈՂՈՎԻ ՔԱՐՏՈՒՂԱՐԸ
54. Հանձնաժողովի քարտուղարը`
ա/ արձանագրում է Հանձնաժողովի նիստերը,
բ/ մրցույթի մասնակիցներին բացատրում է մրցույթի հետ կապված տեխնիկական հարցեր,
գ/ իրականացնում է սույն Կարգով իր իրավասությանը վերապահված այլ լիազորություններ:
XII. ՀԱՆՁՆԱԺՈՂՈՎԻ ԱՆԴԱՄԸ
55. Հանձնաժողովի անդամը`
ա/ մասնակցում է հարցազրույցի անցկացմանը,
բ/ բարձրաձայն հայտարարում է պատասխանի ճիշտ կամ սխալ լինելու մասին, իսկ սխալ պատասխանի դեպքում հնչեցնում է ճիշտ պատասխանը,
գ/ մասնակցում է հարցազրույցի արդյունքում Հանձնաժողովի կողմից յուրաքանչյուր մասնակցի համար անցկացվող քվեարկություններին,
դ/ ստորագրում է մրցույթի եզրակացությունը, իսկ հատուկ կարծիք ունենալու դեպքում` ստորագրության կողքին գրառում «Հատուկ կարծիքը կցվում է» բառերը,
ե/ ծանոթանում է նիստերի արձանագրություններին,
զ/ իրականացնում է սույն Կարգով իր իրավասությանը վերապահված այլ լիազորություններ:
XIII. ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ ԴԱԴԱՐՈՒՄԸ
56. Հանձնաժողովը մրցույթի արդյունքների հրապարակումից անմիջապես հետո, մրցույթի արդյունքում հաղթող ճանաչված մասնակցի /մասնակիցների/ վերաբերյալ եզրակացությունը, կնիքը և մրցութային փաթեթը վարչությանը հանձնելուց հետո դադարեցնում է իր գործունեությունը:
57. Հանձնաժողովի կողմից ընդունված որոշումները կարող են բողոքարկվել Հայաստանի Հանրապետության օրենսդրությամբ սահմանված կարգով:
Ձև 1
.____________________________________________________________.
| ՔՎԵԱԹԵՐԹԻԿ |
| Մրցույթի մասնակցի ______________________________ |
| (անուն, հայրանուն, ազգանուն) |
| .___. |
| Կողմ .___. |
| .___. |
| Դեմ .___. |
| |
| Հանձնաժողովի անդամ ___________________ ________________ |
| (անուն, ազգանուն) (ստորագրություն) |
| |
| Հանձնաժողովի նախագահ ___________________ |
| (ստորագրություն) |
| Կ.Տ. |
.____________________________________________________________.
Հավելված N 2
Հաստատված է
ՀՀ կրթության և
գիտության նախարարի
2006թ. դեկտեմբերի 28-ի
N 1025-Ն հրամանով
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅԱՆ ՀԱՄԱԿԱՐԳԻ ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ /ՆԱԽՆԱԿԱՆ ԵՎ ՄԻՋԻՆ ՄԱՍՆԱԳԻՏԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐ/ ԵՎ ՀԱՐՅՈՒՐ ՏՈԿՈՍ` ՊԵՏՈՒԹՅԱՆԸ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՊԱՏԿԱՆՈՂ ԲԱԺՆԵՄԱՍ ՈՒՆԵՑՈՂ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ԳՈՐԾԱԴԻՐ ՄԱՐՄԻՆՆԵՐԻ ԸՆՏՐՈՒԹՅԱՆ (ՆՇԱՆԱԿՄԱՆ) ԱՏԵՍՏԱՎՈՐՄԱՆ ԸՆԹԱՑԱԿԱՐԳԸ ԵՎ ԱՏԵՍՏԱՎՈՐՄԱՆ ՀԱՆՁՆԱԺՈՂՈՎԻ ՁԵՎԱՎՈՐՄԱՆ ԿԱՐԳԸ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով սահմանվում է Հայաստանի Հանրապետության կրթության և գիտության նախարարության (այսուհետ` Նախարարություն) համակարգի պետական ոչ առևտրային կազմակերպությունների /նախնական և միջին մասնագիտական ուսումնական հաստատությունների/ և հարյուր տոկոս` պետությանը սեփականության իրավունքով պատկանող բաժնեմաս ունեցող փակ բաժնետիրական ընկերությունների գործադիր մարմինների (այսուհետ` Տնօրեն) ատեստավորման ընթացակարգը և ատեստավորման հանձնաժողովի (այսուհետ` Հանձնաժողով) ձևավորման կարգը (այսուհետ` Կարգ):
2. Տնօրենը ենթակա է ատեստավորման տվյալ պաշտոնը զբաղեցնելու 5 տարին լրանալուց հետո` մեկ տարվա ընթացքում:
3. Ատեստավորման ենթակա, սակայն արձակուրդում, գործուղման մեջ գտնվող, ինչպես նաև ժամանակավոր անաշխատունակ Տնօրենը ենթակա է ատեստավորման աշխատանքի ներկայանալուց հետո` մեկամսյա ժամկետում:
4. Տնօրենի ատեստավորման նախապատրաստական և անցկացման աշխատանքները կազմակերպում է Նախարարության աշխատակազմի (այսուհետ` Աշխատակազմ) անձնակազմի կառավարման վարչությունը (այսուհետ` Վարչություն):
5. Տնօրենի ատեստավորումն անցկացնում է սույն Կարգով սահմանված կարգով ստեղծվող ատեստավորման հանձնաժողովը:
II. ԱՏԵՍՏԱՎՈՐՄԱՆ ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐԻ ԿԱԶՄԱԿԵՐՊՈՒՄԸ
6. Աշխատակազմը մինչև ընթացիկ տարվա դեկտեմբերի 1-ը հաստատում է հաջորդ տարում ատեստավորման ենթակա Տնօրենների ցանկը և ատեստավորումների անցկացման ժամանակացույցը:
7. Վարչությունը համապատասխան մասնագետների միջոցով ապահովում է Տնօրենների ատեստավորման համար սույն Կարգով նախատեսված թեստավորման առաջադրանքները և հարցաշարի կազմումը ու նախօրոք զետեղում համակարգչի համապատասխան ծրագրում, ատեստավորումից առնվազն մեկ ամիս առաջ ստուգում հարցերի համապատասխանությունը գործող իրավական ակտերին:
8. Ատեստավորման ենթակա Տնօրենը ոչ ուշ, քան մեկ ամիս առաջ գրավոր տեղեկացվում է ատեստավորման անցկացման մասին:
9. Ատեստավորումից առնվազն երկու շաբաթ առաջ Տնօրենը Նախարարին ներկայացնում է հաշվետվություն վերջին հինգ տարիների ընթացքում կատարած աշխատանքների վերաբերյալ:
10. Ատեստավորումն անցկացվում է թեստավորման և հարցազրույցի միջոցով:
III. ԱՏԵՍՏԱՎՈՐՄԱՆ ԱՆՑԿԱՑՈՒՄԸ
11. Վարչությունը Տնօրենի ներկայացրած հաշվետվությունը հանձնում է Հանձնաժողովին:
12. Հանձնաժողովը մինչև հարցազրույցի սկիզբը ծանոթանում է ատեստավորման ենթակա Տնօրենի ներկայացրած հաշվետվության հետ:
13. Հանձնաժողովը, սույն Կարգով սահմանված կարգով, Նախարարության աշխատակազմի կողմից նախօրոք կազմված և համակարգչային ծրագրում զետեղված հարցերի բազայից պատահական ընտրությամբ կազմում է թեստ, որը կազմված է 20 /քսան/ հարցից:
14. Թեստային առաջադրանքները կազմվում են հետևյալ իրավական ակտերի շրջանակներում`
ա/ Հայաստանի Հանրապետության Սահմանադրություն` 10 %,
բ/ տվյալ բնագավառի իրավասությունները սահմանող իրավական ակտեր` 50%,
գ/ պետական ոչ առևտրային կազմակերպությունների Տնօրենի ատեստավորման համար` «Պետական ոչ առևտրային կազմակերպությունների մասին» Հայաստանի Հանրապետության օրենք` 20 %,
փակ բաժնետիրական ընկերությունների Տնօրենի ատեստավորման դեպքում` «Բաժնետիրական ընկերությունների մասին» Հայաստանի Հանրապետության օրենք` 20 %,
դ/ Հայաստանի Հանրապետության աշխատանքային օրենսգիրք` 10 %,
ե/ «Հաշվապահական հաշվառման մասին» Հայաստանի Հանրապետության օրենք` 10 %:
15. Թեստավորումն անցկացվում է այդ նպատակի համար առանձնացված սենյակում:
16. Տնօրենին չի թույլատրվում իր հետ սենյակ բերել կապի միջոցներ, տպագիր, մեքենագիր, ձեռագիր նյութեր, այլ տեխնիկական սարքեր:
17. Հանձնաժողովի քարտուղարը Տնօրենին բացատրում է ատեստավորման անցկացման հետ կապված տեխնիկական հարցեր:
Տնօրենը ատեստավորման հաջորդ` հարցազրույցի փուլ է անցնում թեստավորման առաջադրանքների առնվազն 90 %-ին ճիշտ պատասխանելու դեպքում:
18. Տնօրենի հետ հարցազրույցն անցկացվում է հարցատոմսերով` զբաղեցրած պաշտոնի լիազորությունների շրջանակներում:
19. Հանձնաժողովի քարտուղարի կողմից հարցատոմսը տրամադրվում է ատեստավորվողին, իսկ հարցատոմսի պատասխաններով օրինակը` Հանձնաժողովին:
20. Հարցազրույցի ընթացքում հարցատոմսերին տրված պատասխանները /ճիշտ կամ սխալ/ գնահատվում են Հանձնաժողովի կողմից:
21. Յուրաքանչյուր Տնօրենի հետ հարցազրույցը ձայնագրվում և գրավոր արձանագրվում է: Արձանագրության մեջ ամրագրվում են յուրաքանչյուր հարցի վերաբերյալ Տնօրենի տված պատասխանը, յուրաքանչյուր հարցի վերաբերյալ Հանձնաժողովի համապատասխան անդամի /նշելով անունը և ազգանունը/ գնահատականը /ճիշտ կամ սխալ լինելը/, իսկ սխալ պատասխանի դեպքում` հնչեցրած ճիշտ պատասխանը:
Արձանագրությունը ստորագրվում է քարտուղարի, Տնօրենի և Հանձնաժողովի բոլոր անդամների կողմից:
22. Տնօրենի համար նախօրոք պատրաստվում են Հանձնաժողովի անդամների թվին համապատասխան քվեաթերթիկներ` Ձև 2-ի: Յուրաքանչյուր քվեաթերթիկի վրա ստորագրում են Հանձնաժողովի նախագահը և Հանձնաժողովի տվյալ անդամը:
Քվեաթերթիկները կնքվում են Հանձնաժողովի կնիքով:
23. Յուրաքանչյուր Տնօրենի հետ հարցազրույցն ավարտվելուց հետո անցկացվում է քվեարկություն:
Հանձնաժողովի յուրաքանչյուր անդամ քվեարկում է կողմ կամ դեմ:
24. Հանձնաժողովը քվեարկությամբ ընդունում է հետևյալ որոշումներից մեկը`
ա/ համապատասխանում է զբաղեցրած պաշտոնին,
բ/ չի համապատասխանում զբաղեցրած պաշտոնին:
25. Տնօրենների հետ հարցազրույց անցկացնելուց հետո, Տնօրենների ներկայությամբ, Հանձնաժողովի նախագահը բացում է քվեաթերթիկները, հայտարարում մասնակցի ազգանունը, անունը, հայրանունը և տրված ձայների «կողմ» կամ «դեմ» լինելը: Մեկից ավելի նշում պարունակող կամ ոչ մի նշում չպարունակող քվեաթերթիկը համարվում է անվավեր:
Հանձնաժողովի նախագահի հայտարարություններն արձանագրվում են Հանձնաժողովի քարտուղարի կողմից:
26. Հանձնաժողովը յուրաքանչյուր Տնօրենի համար քվեարկության է դնում սույն կարգի 24-րդ կետի «ա» ենթակետի որոշումը, որը Հանձնաժողովի քվեարկությանը մասնակցած անդամների ձայների մեծամասնությամբ չընդունվելու դեպքում ընդունված է համարվում սույն կարգի 24-րդ կետի «բ» ենթակետով նախատեսված որոշումը:
IV. ԱՏԵՍՏԱՎՈՐՄԱՆ ԱՐԴՅՈՒՆՔՆԵՐԻ ԱՄՓՈՓՈՒՄՆ ՈՒ ԲՈՂՈՔԱՐԿՈՒՄԸ
27. Ատեստավորման ավարտից հետո Հանձնաժողովն ամփոփում է արդյունքները և Տնօրենի համար կազմում է ատեստավորման թերթ` համաձայն ձև 3-ի:
28. Տնօրենը, ատեստավորման ավարտից հետո, ծանոթանում է ատեստավորման թերթին և ստորագրում այն:
Ատեստավորված Տնօրենը ցանկության դեպքում կարող է գրավոր դիմել Հանձնաժողովին և ստանալ ատեստավորման թերթի պատճենը:
29. Ատեստավորման արդյունքները հրապարակվում են ատեստավորման ավարտից անմիջապես հետո, նույն օրը:
Ատեստավորման արդյունքների հրապարակման մասին կազմվում է ատեստավորման արդյունքների հրապարակման թերթիկ, որը կնքվում է Հանձնաժողովի կողմից:
Ատեստավորման արդյունքների հրապարակման թերթիկի մեջ նշվում են`
ա/ համապատասխան կազմակերպության /ընկերության/ անվանումը,
բ/ ատեստավորման անցկացման տարին, ամիսը, օրը և վայրը, ինչպես նաև ատեստավորման արդյունքների հրապարակման ամսաթիվը և ժամը,
գ/ Տնօրենի անունը, հայրանունը, ազգանունը, ծննդյան տարին, ամիսը, ամսաթիվը, ատեստավորման պահին զբաղեցրած պաշտոնի անվանումը և այդ պաշտոնին նշանակվելու տարեթիվը,
դ/ թեստավորման արդյունքը (տոկոսով),
ե/ քվեարկությանը մասնակցած ատեստավորման Հանձնաժողովի անդամների քանակը, նրանցից կողմ քվեարկած Հանձնաժողովի անդամների քանակը,
զ/ թեստավորման և հարցազրույցի արդյունքում ատեստավորման հանձնաժողովի ընդունած որոշումը:
30. Ատեստավորման արդյունքները կարող են գրավոր բողոքարկվել Տնօրենի /իր արդյունքների մասով/ կամ Հանձնաժողովի անդամի կողմից:
Սույն կետի առաջին պարբերությամբ նախատեսված գրավոր բողոքը /այսուհետ` բողոք/ քննության է առնում Աշխատակազմը:
Բողոքը պետք է տրվի ատեստավորման արդյունքները հրապարակելուց հետո մեկ ժամվա ընթացքում` Վարչությանը, որն այն ստանալուց հետո առնվազն սույն կարգի 33-րդ կետի «գ» - «թ» ենթակետերով նախատեսված փաստաթղթերի պատճենների հետ միասին անմիջապես ներկայացնում է Նախարարին:
Վարչությունը ատեստավորման ավարտից մեկ ժամ հետո տեսանելի ցուցակի վրա հրապարակում է բողոքի առկայության կամ բացակայության մասին տեղեկություն: Բողոքի առկայության դեպքում հրապարակման մեջ պարտադիր պետք է նշվի Տնօրենի /Տնօրենների/ անունը, ազգանունը և հայրանունը, ում ատեստավորման արդյունքների վերաբերյալ ներկայացվել է բողոք:
Բողոքը Աշխատակազմը քննության է առնում այն մուտքագրելուց հետո երեք աշխատանքային օրվա ընթացքում` Նախարարի կողմից ստեղծված հանձնաժողովի միջոցով, որի կազմում չեն ընդգրկվում Նախարարության այն աշխատակիցները, որոնք տվյալ ատեստավորմանը մասնակցել են որպես Հանձնաժողովի անդամներ:
Բողոքը քննության առնելիս հանձնաժողովն ուսումնասիրում է թեստային առաջադրանքների արդյունքները, հարցատոմսի հարցերին Տնօրենի կողմից տրված պատասխանները, դրանց վերաբերյալ Հանձնաժողովի գնահատականը /դրանց ճիշտ կամ սխալ լինելը/, դրանք համադրում է քվեարկության արդյունքների հետ և ընդունում հետևյալ որոշումներից մեկը.
ա/ ատեստավորման արդյունքը Տնօրենի վերաբերյալ անփոփոխ թողնելու մասին,
բ/ Տնօրենի` զբաղեցրած պաշտոնին համապատասխանելու մասին,
գ/ Տնօրենի` զբաղեցրած պաշտոնին չհամապատասխանելու մասին:
Սույն կետի վեցերորդ պարբերությամբ նախատեսված որոշումները կարող են բողոքարկվել դատական կարգով:
31. Ատեստավորման արդյունքների հրապարակումից հետո, սույն Կարգի 30-րդ կետով նախատեսված գրավոր բողոքի բացակայության դեպքում, Հանձնաժողովից ստացված ատեստավորման թերթը ատեստավորման նախապատրաստական աշխատանքներ իրականացնող աշխատակազմը ներկայացնում է Նախարարին:
Սույն Կարգի 30-րդ կետով նախատեսված գրավոր բողոքի առկայության դեպքում, սույն կետի առաջին պարբերությամբ նախատեսված կարգով ատեստավորման թերթի հետ միաժամանակ ներկայացվում է նաև սույն Կարգի 30-րդ կետի վեցերորդ պարբերությամբ նախատեսված որոշումը:
32. Հանձնաժողովի աշխատանքների ավարտից անմիջապես հետո Հանձնաժողովի նախագահը Վարչությանն է հանձնում Հանձնաժողովի կնիքը:
33. Հանձնաժողովի հանձնման ակտով Վարչությանը փոխանցվում է ատեստավորման փաթեթը, որն իր մեջ սույն Կարգի 11-րդ կետում նշված հաշվետվությունից բացի` ներառում է նաև Հանձնաժողովի կողմից կազմված հետևյալ որոշումները`
ա/ Հանձնաժողովի կնիքի և ամփոփաթերթի ստացման մասին ստացականը,
բ/ մասնակիցների ու Հանձնաժողովի անդամների ներկայության մասին արձանագրությունը,
գ/ Տնօրենների ցուցակը հաստատելու մասին որոշումը,
դ/ հաշվետվությունների քննարկման և Տնօրենի ու Հանձնաժողովի անդամների ներկայության մասին արձանագրությունը,
ե/ Տնօրենի հետ հարցազրույց անցկացնելու մասին արձանագրությունը,
զ/ քվեարկությունների արդյունքներում Տնօրենի հավաքած ձայների մասին արձանագրությունը,
է/ զբաղեցրած պաշտոնին համապատասխանելու մասին որոշումը,
ը/ զբաղեցրած պաշտոնին չհամապատասխանելու մասին որոշումը,
թ/ քվեաթերթիկները,
ժ/ ատեստավորման թերթիկները,
ժա/ ատեստավորման արդյունքների հրապարակման թերթիկը,
ժբ/ այլ փաստաթղթեր:
Վարչությունը սույն կետի առաջին պարբերությամբ նախատեսված փաստաթղթերը պահպանում և արխիվացնում է Հայաստանի Հանրապետության օրենսդրությամբ սահմանված կարգով:
Վարչությունը սույն Կարգի 30-րդ կետով նախատեսված գրավոր բողոքի բացակայության մասին կազմում է տեղեկանք և կցում ատեստավորման փաթեթին:
V. ԱՏԵՍՏԱՎՈՐՄԱՆ ԱՐԴՅՈՒՆՔՈՒՄ ՏՆՕՐԵՆԻ ՎԵՐԱԲԵՐՅԱԼ ՈՐՈՇՈՒՄՆԵՐԻ ԸՆԴՈՒՆՈՒՄԸ
34. Նախարարը` Տնօրենի ատեստավորման թերթը, իսկ սույն Կարգի 31-րդ կետի երկրորդ պարբերությամբ նախատեսված դեպքում նաև սույն Կարգի 30-րդ կետի 6-րդ պարբերությամբ նախատեսված Հանձնաժողովի որոշումը ստանալուց հետո, դրանց համապատասխան, երեք աշխատանքային օրվա ընթացքում, ընդունում է հետևյալ որոշումներից մեկը.
ա/ Տնօրենի հետ կնքել աշխատանքային պայմանագիր` համաձայն Հայաստանի Հանրապետության կառավարության 2005թ. հունվարի 25-ի «Պետական ոչ առևտրային կազմակերպությունների և հարյուր տոկոս` պետությանը սեփականության իրավունքով պատկանող բաժնեմաս ունեցող փակ բաժնետիրական ընկերությունների գործադիր մարմինների ընտրության /նշանակման/ ընդհանուր կարգը և նրանց հետ կնքվող աշխատանքային պայմանագրերի օրինակելի ձևերը հաստատելու մասին» N 224-Ն որոշման,
բ/ Տնօրենին ազատել զբաղեցրած պաշտոնից:
Տնօրենի ժամանակավոր անաշխատունակության կամ արձակուրդում գտնվելու ընթացքում ատեստավորման արդյունքների հիման վրա համապատասխան որոշում է ընդունվում նրա աշխատանքի ներկայանալու օրվանից` երեք աշխատանքային օրվա ընթացքում:
VI. ՀԱՆՁՆԱԺՈՂՈՎԻ ՁԵՎԱՎՈՐՄԱՆ ԿԱՐԳԸ
35. Հանձնաժողովի անդամության թեկնածուների ցուցակն առաջադրվում է Աշխատակազմի կողմից: Հանձնաժողովի անդամության թեկնածուների ցուցակում կարող են ընդգրկվել Նախարարը, Նախարարի տեղակալները, Աշխատակազմի ղեկավարը, նրա տեղակալը, Աշխատակազմի համապատասխան կառուցվածքային և առանձնացված ստորաբաժանումների ղեկավարները:
Ցուցակում ընդգրկված անձինք վարչության կողմից գրավոր տեղեկացվում են Հանձնաժողովի անդամության թեկնածուների ցուցակում ընդգրկված լինելու մասին: Հանձնաժողովի անդամության թեկնածուների ցուցակը հաստատվում է Նախարարի հրամանով:
36. Հանձնաժողովը կազմվում է համակարգչում նախօրոք զետեղված հաստատված ցուցակից` համակարգչի կողմից պատահական ընտրությամբ` ատեստավորումն անցկացնելուց ոչ շուտ, քան 24 ժամ առաջ: Հանձնաժողովը կազմված է 7 անդամից: Հանձնաժողովում ընդգրկված թեկնածուները ատեստավորման անցկացման օրվա, ժամի և վայրի մասին տեղեկացվում են վարչության կողմից ատեստավորումն անցկացնելուց ոչ ուշ, քան 6 ժամ առաջ:
37. Հանձնաժողովի կազմը հաստատվում է Նախարարի հրամանով: Նույն հրամանով Հանձնաժողովի անդամներից նշանակվում են Հանձնաժողովի նախագահ և քարտուղար:
Եթե ատեստավորման ընթացքում հանձնաժողովի որևէ անդամի մասնակցությունը Հանձնաժողովի հետագա աշխատանքներին դառնում է անհնարին, ապա Հանձնաժողովի կազմը չի համալրվում:
Եթե ատեստավորման ընթացքում Հանձնաժողովի նախագահի կամ քարտուղարի մասնակցությունը Հանձնաժողովի հետագա աշխատանքներին դառնում է անհնարին, ապա սույն Կարգով Հանձնաժողովի մյուս անդամներից նշանակվում են համապատասխանաբար Հանձնաժողովի նախագահ կամ քարտուղար:
38. Հանձնաժողովը իր գործունեության ընթացքում ղեկավարվում է Հայաստանի Հանրապետության կառավարության 2005թ. հունվարի 25-ի «Պետական ոչ առևտրային կազմակերպությունների և հարյուր տոկոս` պետությանը սեփականության իրավունքով պատկանող բաժնեմաս ունեցող փակ բաժնետիրական ընկերությունների գործադիր մարմինների ընտրության /նշանակման/ ընդհանուր կարգը և նրանց հետ կնքվող աշխատանքային պայմանագրերի օրինակելի ձևերը հաստատելու մասին» N 224-Ն որոշմամբ, սույն Կարգով:
39. Հանձնաժողովն իր լիազորությունն իրականացնում է Նախարարի հրամանով Հանձնաժողովի կազմը հաստատելու պահից և դադարեցնում է գործունեությունը` համաձայն սույն Կարգի:
VII. ՀԱՆՁՆԱԺՈՂՈՎԻ ԽՆԴԻՐՆԵՐԸ ԵՎ ԼԻԱԶՈՐՈՒԹՅՈՒՆՆԵՐԸ
40. Հանձնաժողովի խնդիրներն են` ատեստավորման միջոցով որոշել Տնօրենի համապատասխանությունն իր զբաղեցրած պաշտոնին:
41. Հանձնաժողովը`
ա/ Վարչությունից ստանում է ատեստավորման ենթակա Տնօրենների ցանկը, Տնօրենների ներկայացրած հաշվետվությունները, Հանձնաժողովի կնիքը,
բ/ իրականացնում է քննարկումներ ատեստավորմանը վերաբերող առանձին հարցերի շուրջ,
գ/ սահմանված կարգով ընտրում է թեստեր` թեստավորման փուլը անցկացնելու համար,
դ/ անցկացնում է Տնօրենի թեստավորում,
ե/ ստուգում և գնահատում է Տնօրենի թեստավորման առաջադրանքները,
զ/ ամփոփում և հրապարակում է թեստավորման արդյունքները,
է/ քննարկում է թեստավորման արդյունքների հետ կապված Տնօրենի բողոքները,
ը/ հաստատում և հրապարակում է ատեստավորման հաջորդ` հարցազրույցի փուլ անցած Տնօրենների ցուցակը,
թ/ որոշում է կայացնում հարցազրույցը թեստավորման ավարտից հետո նույն օրը կամ հաջորդ օրը անցկացնելու մասին,
ժ/ Տնօրենի հետ անցկացնում է հարցազրույց,
ժա/ կազմում է քվեաթերթեր,
ժբ/ հարցազրույցից անմիջապես հետո անցկացնում է քվեարկություն,
ժգ/ քվեարկության արդյունքում յուրաքանչյուր Տնօրենի վերաբերյալ կայացնում է որոշում,
ժդ/ ամփոփում է ատեստավորման արդյունքները,
ժե/ յուրաքանչյուր Տնօրենի համար կազմում է ատեստավորման թերթ,
ժզ/ հրապարակում է ատեստավորման արդյունքները,
ժէ/ ատեստավորումից անմիջապես հետո վարչությանն է հանձնում Հանձնաժողովի կնիքը, ատեստավորման փաթեթը,
ժը/ իրականացնում է սույն Կարգով նախատեսված այլ լիազորություններ:
VIII. ՀԱՆՁՆԱԺՈՂՈՎԻ ԱՇԽԱՏԱՆՔՆԵՐԻ ԿԱԶՄԱԿԵՐՊՈՒՄԸ
42. Հանձնաժողովն իր աշխատանքները կազմակերպում է նիստերի միջոցով:
43. Հանձնաժողովի նիստերն իրավազոր են Հանձնաժողովի անդամների առնվազն կեսից ավելիի մասնակցության դեպքում:
44. Հանձնաժողովի որոշումներն ընդունվում են քվեարկությանը մասնակցած անդամների կեսից ավելի կողմ ձայներով: Ձայների հավասարության դեպքում Նախագահի ձայնը վճռորոշ է:
45. Հանձնաժողովի անդամի կողմից ատեստավորում անցկացնելու կարգը խախտելու դեպքում, Հանձնաժողովը տվյալ հարցի վերաբերյալ ընդունում է որոշում, որի պատճենը անմիջապես ներկայացնում է Նախարարին: Նախարարն իր հրամանով կարող է ազատել Հանձնաժողովի անդամին տվյալ Հանձնաժողովի կազմից:
IX. ՀԱՆՁՆԱԺՈՂՈՎԻ ՆԱԽԱԳԱՀԸ
46. Հանձնաժողովի նախագահը`
ա/ ղեկավարում է Հանձնաժողովի աշխատանքները,
բ/ վարում է Հանձնաժողովի նիստերը,
գ/ կազմակերպում է թեստերի և հարցատոմսերի կազմման աշխատանքները,
դ/ հարցազրույցի ժամանակ կարող է ընդհատել անհարկի ծավալված բանավեճը,
ե/ որոշում է ատեստավորման հետ կապված հարցերի, դիմումների և բողոքների քննարկման հերթականությունը` այն քվեարկության միջոցով համաձայնեցնելով Հանձնաժողովի անդամների հետ.
զ/ իրականացնում է սույն Կարգով իր իրավասությանը վերապահված այլ լիազորություններ:
X. ՀԱՆՁՆԱԺՈՂՈՎԻ ՔԱՐՏՈՒՂԱՐԸ
47. Հանձնաժողովի քարտուղարը`
ա/ արձանագրում է Հանձնաժողովի նիստերը,
բ/ ատեստավորման մասնակիցներին բացատրում է հարցազրույցի հետ կապված տեխնիկական հարցերը,
գ/ իրականացնում է սույն Կարգով իր իրավասությանը վերապահված այլ լիազորություններ:
XI. ՀԱՆՁՆԱԺՈՂՈՎԻ ԱՆԴԱՄԸ
48. Հանձնաժողովի անդամը`
ա/ մասնակցում է Տնօրենի հետ հարցազրույցի անցկացմանը,
բ/ բարձրաձայն հայտարարում է պատասխանի ճիշտ կամ սխալ լինելու մասին, իսկ սխալ պատասխանի դեպքում հնչեցնում է ճիշտ պատասխանը,
գ/ մասնակցում է հարցազրույցի արդյունքում Հանձնաժողովի կողմից յուրաքանչյուր Տնօրենի համար անցկացվող քվեարկությանը,
դ/ ստորագրում է Հանձնաժողովի եզրակացությունը, իսկ հատուկ կարծիք ունենալու դեպքում ստորագրության կողքին գրառում «Հատուկ կարծիքը կցվում է» բառերը,
ե/ ծանոթանում է նիստերի արձանագրություններին,
զ/ իրականացնում է սույն Կարգով իր իրավասությանը վերապահված այլ լիազորություններ:
XII. ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ ԴԱԴԱՐՈՒՄԸ
49. Հանձնաժողովը, ատեստավորման արդյունքների հրապարակումից անմիջապես հետո, կնիքը, ինչպես նաև ատեստավորման փաթեթը Վարչությանը հանձնելուց հետո դադարեցնում է իր գործունեությունը:
50. Հանձնաժողովի կողմից ընդունված որոշումները կարող են բողոքարկվել Հայաստանի Հանրապետության օրենսդրությամբ սահմանված կարգով:
Ձև 2
.____________________________________________________________.
| ՔՎԵԱԹԵՐԹԻԿ |
| Տնօրենի ________________________________________ |
| (անուն, հայրանուն, ազգանուն) |
| .___. |
| Կողմ .___. |
| .___. |
| Դեմ .___. |
| |
| Հանձնաժողովի անդամ ___________________ ________________ |
| (անուն, ազգանուն) (ստորագրություն) |
| |
| Հանձնաժողովի նախագահ ___________________ |
| (ստորագրություն) |
| Կ.Տ. |
.____________________________________________________________.
Ձև 3
ԱՏԵՍՏԱՎՈՐՄԱՆ ԹԵՐԹ
(Տնօրենի)
Ատեստավորման եղանակը.
թեստավորման և հարցազրույցի
1. Ազգանունը, անունը, հայրանունը ..................................
2. Ծննդյան տարին, ամիսը, ամսաթիվը .................................
3. Ատեստավորման պահին զբաղեցրած պաշտոնի անվանումը և այդ պաշտոնին նշանակվելու տարեթիվը ..................................................
...................................................................
...................................................................
...................................................................
...................................................................
4. Թեստավորման արդյունքը (տոկոսով)` ...............................
5. Քվեարկությանը մասնակցել են ատեստավորման Հանձնաժողովի
..........................
անդամներ, որից կողմ է քվեարկել ................. անդամ:
6. Թեստավորման և հարցազրույցի արդյունքում ատեստավորման հանձնաժողովի ընդունած որոշումը .....................................................
Հանձնաժողովի նախագահ` ------------------- -----------------
(անունը, ազգանունը) (ստորագրությունը)
Հանձնաժողովի անդամներ` ------------------- -----------------
(անունը, ազգանունը) (ստորագրությունը)
...................... .......................
...................... .......................
...................... .......................
...................... .......................