(ուժը կորցրել է 26.09.02 թիվ 1620-Ն որոշում)
i
040.0036.280198
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ` Լ. ՏԵՐ-ՊԵՏՐՈՍՅԱՆ
«28» հունվարի 1998 Թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
28 հունվարի 1998 թվականի թիվ 36
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲՆԱՊԱՀՊԱՆՈՒԹՅԱՆ ՆԱԽԱՐԱՐՈՒԹՅԱՆ ԲՆՈՒԹՅԱՆ ՀԱՏՈՒԿ ՊԱՀՊԱՆՎՈՂ ՏԱՐԱԾՔՆԵՐԻ ՎԱՐՉՈՒԹՅՈՒՆ ԵՎ ԵՐԿՐԱԲԱՆՈՒԹՅԱՆ ՎԱՐՉՈՒԹՅՈՒՆ ՍՏԵՂԾԵԼՈՒ ՄԱՍԻՆ
Հայաստանի Հանրապետությունում բնության հատուկ պահպանվող տարածքների և երկրաբանության ոլորտների կառավարման արդյունավետությունը բարձրացնելու նպատակով Հայաստանի Հանրապետության կառավարությունը որոշում է.
1. Հայաստանի Հանրապետության բնապահպանության նախարարությանը`
i
ա) ստեղծել նախարարության ենթակայության բնության հատուկ պահպանվող տարածքների վարչություն և երկրաբանության վարչություն` բյուջետային հիմնարկների կարգավիճակով.
(1-ին կետի ա ենթակետն ուժը կորցրել է բնության հատուկ պահպանվող տարածքների վարչություն մասով` 06.12.99 թիվ 741 որոշում)
բ) մեկամսյա ժամկետում սահմանված կարգով հաստատել նշված վարչությունների կանոնադրությունները և կառուցվածքը:
2. Հայաստանի Հանրապետության ֆինանսների և էկոնոմիկայի նախարարությանը` նախատեսել նշված վարչությունների պահպանման ծախսերը` Հայաստանի Հանրապետության բնապահպանության նախարարության համար նախատեսված ընդհանուր միջոցների հաշվին:
3. Սույն որոշումն ուժի մեջ է մտնում 1998 թվականի հունվարի 28-ից: