(ուժը կորցրել է 11.01.00 թիվ 4 որոշում)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 հունվարի 1992 թվականի թիվ 1
ՇՈՒԿԱՅԱԿԱՆ ԱԶԱՏ ԳՆԵՐԻ ԵՎ ՍԱԿԱԳՆԵՐԻ ՄԱՍԻՆ
i
Ի կատարումն Հայաստանի Հանրապետության նախագահի 1992 թվականի հունվարի 4-ի «Հայաստանի Հանրապետությունում ազատ գների և սակագների անցնելու մասին» հրամանագրի, և ելնելով սպառողական շուկայի կայունացման, շահութաբեր արտադրության խթանման, ժողովրդական սպառման ապրանքներով շուկայի հագեցման նպատակներից.
Հայաստանի Հանրապետության կառավարությունը որոշում է.
i
1. 1992 թվականի հունվարի 5-ից Հայաստանի Հանրապետությունում բոլոր ձեռնարկությունները սահմանում են իրենց արտադրանքի և ծառայությունները գները և սակագները ինքնուրույն` ելնելով շուկայի առաջարկից և պահանջարկից, բացառությամբ թիվ/թիվ 1 և 2 հավելվածներում բերված ապրանքներից և ծառայություններից: Ձեռնարկություններում գների և սակագների սահմանումը և փոփոխությունը հաստատվում են ձեռնարկության տնօրենի, գլխավոր հաշվապահի, գլխավոր տնտեսագետի, պլանային բաժնի պետի և առաքման բաժնի պետի ստորագրություններով:
(հավելվածներն ուժը կորցրել են մասնակի 29.05.92 թիվ ՆՀ-106 հրամանագիր)
2. Ելնելով թիվ/թիվ 1 և 2 հավելվածներում նախատեսված գործող գների ու սակագների նկատմամբ սահմանային գործակիցներից, սահմանել նոր պետական կարգավորվող գներ և սակագներ հիմնական սպառողական ապրանքների, բնակչությանը ցույց տրվող ծառայությունների և արտադրատեխնիկական նշանակության արտադրանքի համար:
(հավելվածներն ուժը կորցրել են մասնակի 29.05.92 թիվ ՆՀ-106 հրամանագիր)
3. Հանձնարարել ՀՀ էկոնոմիկայի, ֆինանսների և առևտրի նախարարություններին` հաստատագրված և ազատ գների գործողության մեջ մտնելու կապակցությամբ սահմանել ապրանքների վերագնահատման կարգ:
4. ՀՀ բոլոր ձեռնարկությունները, անկախ սեփականության ձևից և պատկանելությունից, պարբերաբար տեղեկություններ են հայտնում ՀՀ պետվիճկոմին, հարկային տեսչությանը իրենց արտադրատեսակների և ծառայությունների գների ու սակագների մասին, նշված գերատեսչությունների կողմից սահմանված կարգով:
5. Սույն որոշման ընդունման կապակցությամբ ուժը կորցրած ճանաչել ՀՀ Նախարարների խորհրդի նախկին որոշումները և կարգադրությունները գների և գնագոյացման մասին:
ՀԱՎԵԼՎԱԾ ԹԻՎ 1
Հայաստանի Հանրապետության Նախարարների
խորհրդի 1992 թվականի հունվարի 4-ի
թիվ 1 որոշման
Ս Ա Հ Մ Ա Ն Ա Յ Ի Ն Չ Ա Փ Ե Ր
ԱՐՏԱԴՐԱՏԵԽՆԻԿԱԿԱՆ ՆՇԱՆԱԿՈՒԹՅԱՆ ԱՊՐԱՆՔՆԵՐԻ ԵՎ ԾԱՌԱՅՈՒԹՅՈՒՆՆԵՐԻ ՊԵՏԱԿԱՆ ԳՆԵՐԻ ԵՎ ՍԱԿԱԳՆԵՐԻ ԲԱՐՁՐԱՑՄԱՆ
(հավելվածներն ուժը կորցրել են մասնակի 29.05.92 թիվ ՆՀ-106 հրամանագիր)
Արդյունաբերական ապրանքների և սակագների
գործող գների նկատմամբ կիրառվող
սահմանային գործակիցներ:
Բեռնատար տրանսպորտային սակագներ`(1)
Երկաթգծով բեռների տեղափոխում
- ուղիղ հաղորդակցություն 5
- տեղական հաղորդակցություն 14,0
Ավտոմոբիլային տրանսպորտով բեռների
տեղափոխում 3,6
Կապի հիմնական ծառայություններ 4
__________________
1) Վառելիքի, էներգիայի, պահեստամասերի և ծախսերի մեջ մտնող այլ էլեմենտների
հետագա թանկացման պայմաններում երկաթգծով բեռների տեղափոխման (տեղական
հաղորդակցություն), ավտոմոբիլային տրանսպորտով բեռների տեղափոխման, կապի
հիմնական ծառայությունների սակագները պետք է սահմանեն համապատասխան
նախարարություններն ու գերատեսչությունները կառավարության կողմից
հաստատված կարգով:
__________________
ՀԱՎԵԼՎԱԾ ԹԻՎ 2
Հայաստանի Հանրապետության Նախարարների
խորհրդի 1992 թվականի հունվարի 4-ի
թիվ 1 որոշման
ՀԻՄՆԱԿԱՆ ՍՊԱՌՈՂԱԿԱՆ ԱՊՐԱՆՔՆԵՐԻ ԵՎ ԾԱՌԱՅՈՒԹՅՈՒՆՆԵՐԻ ԳՆԵՐԻ ՈՒ ՍԱԿԱԳՆԵՐԻ ԲԱՐՁՐԱՑՄԱՆ ՍԱՀՄԱՆԱՅԻՆ ՉԱՓԵՐԸ
(հավելվածներն ուժը կորցրել են մասնակի 29.05.92 թիվ ՆՀ-106 հրամանագիր)
Սահմանային գործակիցներ գործող գների
ու սակագների նկատմամբ
հաց 3
կաթ, մածուն 3
մանկական սնունդ 1,2
բնակչությանը իրացվող կերակրի աղ 4
կոմունալ-կենցաղային կարիքների համար
բնակչությանը բացթողնվող էլեկտրաէներգիա 1) առանց փոփոխության
ջերմային էներգիա առանց փոփոխության
հեղուկ գազ 6
բնական գազ 7,5
դեղամիջոցներ և բժշկական
նշանակության իրեր 4
բնակվարձ, ներառյալ հանրակացարաններում
բնակվելու համար վարձը առանց փոփոխության
Կոմունալ ծառայությունների կարևորագույն
տեսակները`
________________________________________
ջրախողովակից օգտվելու ծառայություն 10
բնակելի շենքերի ջեռուցման և տաք
ջրամատակարարման ծառայություն 5
կոյուղուց օգտվելու ծառայություն 5
կենցաղային աղբի տեղափոխում 12
Մարդատար տրանսպորտի ծառայություններ
_____________________________________
երկաթգծի տրանսպորտով ուղևորների և
բեռների տեղափոխում 3
օդային տրանսպորտով ուղևորների և
բեռների տեղափոխում 4
մերձքաղաքային, քաղաքային (մետրո,
ավտոբուս, տրոլեյբուս և տրամվայ)
տրանսպորտով ուղևորների փոխադրում 2
Կապի ծառայություններ
______________________
քաղաքային և գյուղական
հեռախոսային կապ 2,5
ռադիոֆիկացիա 3,5
միջքաղաքային հեռախոսային,
հեռագրական և փոստային կապ 4
______________________
1) Վառելիքի, էներգիայի, պահեստամասերի և ծախսերի մեջ մտնող այլ տարրերի
հետագա թանկացման պայմաններում թիվ 2 հավելվածում նշված բնակչությանը
մատուցվող բոլոր ծառայությունների (բացառությամբ բնակվարձի, երկաթուղով և
օդային տրանսպորտով ուղևորափոխադրումների) սակագները սահմանում են
համապատասխան նախարարություններն ու գերատեսչությունները կառավարության
կողմից հաստատված կարգով: