041.0118.260298
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
26 փետրվարի 1998 թվականի թիվ 118
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 1995 ԹՎԱԿԱՆԻ ՕԳՈՍՏՈՍԻ 18-Ի ԹԻՎ 38 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
i
1. Հայաստանի Հանրապետության վարչապետի 1995 թվականի օգոստոսի 18-ի «ՀՀ նախարարությունների, վարչությունների, ՀՀ հարկային տեսչության և պետական կառավարման հանրապետական մարմինների` գերատեսչությունների կենտրոնական ապարատների աշխատողների թվաքանակի և ղեկավարների տեղակալների թվաքանակի մասին» թիվ 38 որոշման մեջ կատարել հետևյալ փոփոխությունները`
որոշման հավելվածի «ՀՀ էներգետիկայի նախարարություն» տողում «105» թիվը փոխարինել «103» թվով, «ՀՀ արդյունաբերության և առևտրի նախարարություն» տողում «325» թիվը` «322» թվով, «ՀՀ քաղաքաշինության նախարարություն» տողում «180» թիվը` «179» թվով:
Պակասեցնել Հայաստանի Հանրապետության պաշտպանության նախարարության կենտրոնական ապարատի աշխատողների թվաքանակը` 1 միավորով:
2. Հայաստանի Հանրապետության ֆինանսների և էկոնոմիկայի նախարարությանը` սույն որոշման 1-ին կետում նշված նախարարությունների հաստիքային միավորների կրճատումներից տնտեսված գումարների հաշվին համապատասխան միջոցներ հատկացնել Հայաստանի Հանրապետության արտաքին գործերի նախարարությանը` միջազգային պայմանագրերի և համաձայնագրերի, ինչպես նաև պաշտոնական փաստաթղթերի բարձրորակ թարգմանությունը և նույնականությունն ապահովելու համար: