(ուժը կորցրել է 18.03.11 թիվ 239-Ն որոշում)
i
040.0109.250208
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
10 հունվարի 2008 թվականի N 109-Ն
ԹՄՐԱՄԻՋՈՑՆԵՐԻ ԿԱՄ ՀՈԳԵՄԵՏ ՆՅՈՒԹԵՐԻ ԱՐՏԱԴՐՈՒԹՅԱՆ, ՊԱՏՐԱՍՏՄԱՆ, ՎԵՐԱՄՇԱԿՄԱՆ, ԻՐԱՑՄԱՆ, ՕԳՏԱԳՈՐԾՄԱՆ (ԱՅԴ ԹՎՈՒՄ` ԲԺՇԿԱԿԱՆ) ՆՊԱՏԱԿՈՎ ՁԵՌՔԲԵՐՄԱՆ ԳՈՐԾՈՒՆԵՈՒԹՅԱՆ ԻՐԱԿԱՆԱՑՄԱՆ ԼԻՑԵՆԶԱՎՈՐՄԱՆ ԿԱՐԳԸ ԵՎ ԼԻՑԵՆԶԻԱՅԻ ՁԵՎԸ ՀԱՍՏԱՏԵԼՈՒ ՄԱՍԻՆ
«Լիցենզավորման մասին» Հայաստանի Հանրապետության օրենքի 10-րդ հոդվածի 3-րդ, 17-րդ հոդվածի 2-րդ և 43-րդ հոդվածի 2-րդ մասերին համապատասխան` Հայաստանի Հանրապետության կառավարությունը որոշում է.
1. Հաստատել`
1) թմրամիջոցների կամ հոգեմետ նյութերի արտադրության, պատրաստման, վերամշակման, իրացման, օգտագործման (այդ թվում` բժշկական) նպատակով ձեռքբերման գործունեության իրականացման լիցենզավորման կարգը` համաձայն N 1 հավելվածի.
2) թմրամիջոցների կամ հոգեմետ նյութերի արտադրության, պատրաստման, վերամշակման, իրացման, օգտագործման (այդ թվում` բժշկական) նպատակով ձեռքբերման գործունեության իրականացման լիցենզիայի ձևը` համաձայն N 2 հավելվածի:
2. Սույն որոշմամբ հաստատված կարգով` լիազորված մարմնի իրավասությունները վերապահել Հայաստանի Հանրապետության առողջապահության նախարարությանը:
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2008 ԹՎԱԿԱՆԻ ՓԵՏՐՎԱՐԻ 25-ԻՆ
Հավելված N 1
ՀՀ կառավարության
2008 թվականի հունվարի 10-ի
N 109-Ն որոշման
ԿԱՐԳ
ԹՄՐԱՄԻՋՈՑՆԵՐԻ ԿԱՄ ՀՈԳԵՄԵՏ ՆՅՈՒԹԵՐԻ ԱՐՏԱԴՐՈՒԹՅԱՆ, ՊԱՏՐԱՍՏՄԱՆ, ՎԵՐԱՄՇԱԿՄԱՆ, ԻՐԱՑՄԱՆ, ՕԳՏԱԳՈՐԾՄԱՆ (ԱՅԴ ԹՎՈՒՄ` ԲԺՇԿԱԿԱՆ) ՆՊԱՏԱԿՈՎ ՁԵՌՔԲԵՐՄԱՆ ԳՈՐԾՈՒՆԵՈՒԹՅԱՆ ԻՐԱԿԱՆԱՑՄԱՆ ԼԻՑԵՆԶԱՎՈՐՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով կանոնակարգվում են Հայաստանի Հանրապետության կառավարության (այսուհետ` լիցենզավորող մարմին) կողմից Հայաստանի Հանրապետությունում թմրամիջոցների կամ հոգեմետ նյութերի արտադրության, պատրաստման, վերամշակման, իրացման, օգտագործման (այդ թվում` բժշկական) նպատակով ձեռքբերման գործունեության իրականացման լիցենզիա (այսուհետ` լիցենզիա) ստանալու համար Հայաստանի Հանրապետության կառավարության լիազորած պետական կառավարման մարմին (այսուհետ` լիազորված մարմին) դիմած իրավաբանական անձանց (այսուհետ` հայտատու) ներկայացվող պահանջները և պայմանները:
2. Թմրամիջոցների կամ հոգեմետ նյութերի արտադրության, պատրաստման, վերամշակման, իրացման, օգտագործման (այդ թվում` բժշկական) նպատակով ձեռքբերման գործունեության օգտագործման իրականացման լիցենզիան տալիս է լիցենզավորող մարմինը` բարդ ընթացակարգով, մինչև 3 տարի ժամկետով:
3. Հայտատուն թմրամիջոցների կամ հոգեմետ նյութերի արտադրության, պատրաստման, վերամշակման, իրացման, օգտագործման (այդ թվում` բժշկական) նպատակով ձեռքբերման գործունեության լիցենզավորման համար «Լիցենզավորման մասին» Հայաստանի Հանրապետության օրենքի համաձայն լիազորված մարմին է ներկայացնում`
1) լիցենզիա ստանալու մասին հայտ` համաձայն ձևի` նշելով իրավաբանական անձի անվանումը, կազմակերպական-իրավական ձևը, գտնվելու ու գործունեության իրականացման վայրերը (հասցեները), լիցենզավորման ենթակա գործունեության տեսակը, ձեռքբերման նպատակը և հարկ վճարողի հաշվառման համարի մասին տեղեկատվություն.
2) կանոնադրության և պետական գրանցման վկայականի պատճենները.
3) տեղեկանք կադրերով ապահովվածության մասին` ներառյալ դեղագետ-քիմիկոսի կամ դեղագետի որակավորումը հավաստող փաստաթղթերը` դիպլոմի, հետդիպլոմային կրթության և վերապատրաստման վկայականների պատճենները.
4) դեղագետ-քիմիկոսի կամ դեղագետի հետ կնքված աշխատանքային պայմանագրի (պայմանագրերի) պատճենը (պատճենները).
5) լիցենզիա ստանալու համար պետական տուրքի վճարման անդորրագրի բնօրինակը և պատճենը:
4. Լիազորված մարմինը 20-օրյա ժամկետում` սահմանված կարգով լիցենզավորող մարմնի քննարկմանն է ներկայացնում սույն կարգով պահանջվող փաստաթղթերն ու լիցենզավորող մարմնի համապատասխան որոշման նախագիծը:
5. Լիցենզավորող մարմինը նշված փաստաթղթերը լիազորված մարմնում մուտքագրելուց հետո 30 օրվա ընթացքում ընդունում է համապատասխան որոշում:
6. Լիազորված մարմինը լիցենզավորող մարմնի` լիցենզիա տալու մասին որոշումը Հայաստանի Հանրապետության օրենսդրությամբ սահմանված կարգով ուժի մեջ մտնելուց հետո հնգօրյա ժամկետում լիցենզավորված անձին է հանձնում լիցենզիան` հաստատված լիազորված մարմնի ղեկավարի ստորագրությամբ և այդ մարմնի` Հայաստանի Հանրապետության զինանշանի պատկերով կնիքով:
7. Լիազորված մարմինն իրականացնում է «Լիցենզավորման մասին» Հայաստանի Հանրապետության օրենքով նախատեսված` լիցենզավորող մարմնի բոլոր լիազորությունները` բացառությամբ լիցենզիա տալու կամ լիցենզիա ստանալու մասին հայտը մերժելու, լիցենզիայի գործողության ժամկետը երկարաձգելու կամ լիցենզիայի գործողության ժամկետի երկարաձգման մասին հայտը մերժելու, լիցենզիան վերաձևակերպելու, լիցենզիան վերաձևակերպելու մասին հայտը մերժելու, գործունեության իրականացման վայրի փոփոխման կամ այլ վայրում ևս լիցենզավորման ենթակա նույն գործունեությամբ զբաղվելու մասին հայտը մերժելու կամ բավարարելու, լիցենզիայի գործողությունը կասեցնելու, լիցենզիայի գործողությունը դադարեցնելու վերաբերյալ հարցերը քննելու և որոշումներ ընդունելու լիազորությունների:
II. ԼԻՑԵՆԶԱՎՈՐՄԱՆ ՊԱՐՏԱԴԻՐ ՊԱՀԱՆՋՆԵՐԸ ԵՎ ՊԱՅՄԱՆՆԵՐԸ
8. «Լիցենզավորման մասին» Հայաստանի Հանրապետության օրենքի 10-րդ հոդվածի 8-րդ մասին համապատասխան` հանրության առողջության, անվտանգության և պաշտպանության նպատակով սահմանվում են պարտադիր պահանջներ ու պայմաններ:
9. Թմրամիջոցների կամ հոգեմետ նյութերի արտադրության, պատրաստման, վերամշակման, իրացման, օգտագործման (այդ թվում` բժշկական) նպատակով ձեռքբերման գործունեության իրականացման համար հայտատուն պետք է ապահովված լինի դեղագետ-քիմիկոսի կամ դեղագետի որակավորում ունեցող համապատասխան կադրերով:
10. Թմրամիջոցների կամ հոգեմետ նյութերի արտադրության, պատրաստման, վերամշակման, իրացման, օգտագործման (այդ թվում` բժշկական) նպատակով ձեռքբերման գործունեության իրականացման լիցենզիա ունեցող իրավաբանական անձինք Հայաստանի Հանրապետության առողջապահության նախարարություն և Հայաստանի Հանրապետության կառավարությանն առընթեր Հայաստանի Հանրապետության ոստիկանություն են ներկայացնում եռամսյակային հաշվետվություններ լիցենզիայի պայմանների և պահանջների վերաբերյալ:
11. Լիցենզավորված իրավաբանական անձինք լիցենզիա ստանալու համար ներկայացված փաստաթղթերում կատարված` սույն կարգով սահմանված պարտադիր պահանջների և պայմանների փոփոխման դեպքում (ներառյալ համապատասխան որակավորում ունեցող դեղագետի, դեղագետ-քիմիկոսի) 15-օրյա ժամկետում լիցենզավորող մարմնին հայտնում են կատարված փոփոխությունների մասին` կցելով համապատասխան փաստաթղթերը:
Ձև
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՀԱՅՏ
ԼԻՑԵՆԶԻԱ ՍՏԱՆԱԼՈՒ ՄԱՍԻՆ
1. Իրավաբանական անձի (կազմակերպության) անվանումը ________________________ 2. Կազմակերպական-իրավական ձևը __________________________________________ 3. Իրավաբանական անձի գտնվելու վայրը (հասցեն) ____________________________ 4. Գործունեության իրականացման վայրը (հասցեն), հեռախոսահամարը ____________ 5. Գործունեության տեսակը ________________________________________________ 6. Ձեռքբերման նպատակը ___________________________________________________ 7. Հարկ վճարողի հաշվառման համարը ________________________________________
8. Կից ներկայացվող փաստաթղթերն են`
1) կազմակերպության կանոնադրության պատճենը.
2) պետական գրանցման վկայականի պատճենը.
3) պետական տուրքի վճարման անդորրագրի բնօրինակը և պատճենը.
4) տեղեկանք կադրերով ապահովվածության մասին` ներառյալ դեղագետ-քիմիկոսի կամ դեղագետի որակավորումը հավաստող փաստաթղթերը` դիպլոմի, հետդիպլոմային կրթության և վերապատրաստման վկայականների պատճենները:
Ներկայացված տեղեկությունների իսկությունը
հաստատում եմ ___________________________________________________________
(կազմակերպության տնօրենի ստորագրությունը, անունը,
ազգանունը, հայրանունը)
____ _______ 200 թ.
(ձևը փոփ. 17.02.11 թիվ 140-Ն որոշում)
Հավելված N 2
ՀՀ կառավարության
2008 թվականի հունվարի 10-ի
N 109-Ն որոշման
Ձև
(Հայաստանի Հանրապետության զինանշանը)
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ԼԻՑԵՆԶԻԱ Կ-XX-000000
Տրված _____ __________ 200 թ.
Գործունեության տեսակը _______________________________________________
Իրավաբանական անձի անվանումը և գտնվելու վայրը (հասցեն)_______________
_____________________________________________________________________
Գործողության ժամկետը ________________________________________________
ՀՀ առողջապահության
նախարար ________________ _______________________________
(ստորագրությունը) (անունը, ազգանունը, հայրանունը)
____ _______ 200 թ.
Կ.Տ.