/ուժը կորցրել է 14.07.95 թիվ 117 որոշում/
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ՎԱՐՉՈՒԹՅԱՆ
ՈՐՈՇՈՒՄ
4 հոկտեմբերի 1994 թվականի թիվ 90
Հայաստանի Հանրապետության կենտրոնական բանկի վարչության 1994 թվականի
մայիսի 26-ի թիվ 37 որոշման մեջ փոփոխություններ կատարելու մասին
Հայաստանի Հանրապետության կենտրոնական բանկի վարչությունը, նկատի առնելով Հայաստանի Հանրապետության տարածքում դրամավարկային ոլորտում տեղի ունեցած որակական տեղաշարժերը և, ելնելով բանկային համակարգի հետագա կայունացման և հուսալիության ապահովման անհրաժեշտությունից, որոշում է`
1. Հայաստանի Հանրապետության կենտրոնական բանկի վարչության 1994 թվականի մայիսի 26-ի «Հայաստանի Հանրապետության բանկերի գործունեության կարգավորման տնտեսական նորմատիվների և դրանց խախտումների դեպքում պատժամիջոցների սահմանման մասին» թիվ 37 որոշման 5-րդ կետում «մարման ժամկետ ունեցող» բառերը փոխարինել «ժամկետային» բառով:
2. 7-րդ կետը շարադրել հետևյալ խմբագրությամբ` «7. Սահմանել քաղաքացիներից արտարժույթով և Հայաստանի Հանրապետության դրամով ներգրաված գումարների և բանկի սեփական միջոցների հարաբերակցության նորմատիվի (Ն5) առավելագույն թույլատրելի մեծությունը 1995 թվականի ապրիլի 1-ից` 2:1 չափով, ընդ որում, մինչև 1994 թվականի դեկտեմբերի 1-ը` 10:1, մինչև 1995 թվականի հունվարի 1-ը` 8:1, փետրվարի 1-ը` 6:1, մարտի 1-ը` 4:1 չափով»: