030.0007.160498
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
i
1998 ԹՎԱԿԱՆԻ ՄԱՅԻՍԻ 28-ԻՆ ԱՌԱՋԻՆ ՀԱՆՐԱՊԵՏՈՒԹՅԱՆ ՀՈԲԵԼՅԱՆԱԿԱՆ ՏՈՆԱԿԱՏԱՐՈՒԹՅՈՒՆԸ ՆՇԵԼՈՒ ՄԱՍԻՆ
Ղեկավարվելով «Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքի 5 հոդվածով և 1998 թվականի մայիսի 28-ին Առաջին Հանրապետության 80-ամյա տարելիցը նշելու նպատակով, որոշում եմ.
1. Ստեղծել Առաջին Հանրապետության հոբելյանական տոնակատարության կազմակերպման պետական հանձնաժողով հետևյալ կազմով.
Հայաստանի Հանրապետության վարչապետ (հանձնաժողովի նախագահ)
Հայաստանի Հանրապետության ներքին գործերի և ազգային անվտանգության նախարար
Հայաստանի Հանրապետության պաշտպանության նախարար
Հայաստանի Հանրապետության կառավարության աշխատակազմի ղեկավար, օպերատիվ հարցերի նախարար
Հայաստանի Հանրապետության մշակույթի, երիտասարդության հարցերի և սպորտի նախարար
Հայաստանի Հանրապետության կրթության և գիտության նախարար
Հայաստանի Հանրապետության տարածքային կառավարման նախարար
Երևանի քաղաքապետ
Հայաստանի Հանրապետության գիտությունների ազգային ակադեմիայի պրեզիդենտ
Հայաստանի Հանրապետության գիտությունների ազգային ակադեմիայի պատմության ինստիտուտի տնօրեն:
i
2. Պետական հանձնաժողովին` մշակել և 10-օրյա ժամկետում Հայաստանի Հանրապետության կառավարության հաստատմանը ներկայացնել Առաջին Հանրապետության հոբելյանական տոնակատարության անցկացման միջոցառումների ծրագիրը:
3. Հայաստանի Հանրապետության կառավարությանը` ապահովել Առաջին Հանրապետության հոբելյանական տոնակատարության միջոցառումների ֆինանսավորումը:
4. Հրամանագիրն ուժի մեջ է մտնում պաշտոնական հրապարակման պահից:
16 ապրիլի 1998 թ.
ՆՀ-7