040.0437.190508
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
15 մայիսի 2008 թվականի N 437-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՄԱՅԻՍԻ 12-Ի N 938-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2005 թվականի մայիսի 12-ի «Պետական կենսաթոշակային սոցիալական ապահովագրության համակարգում անհատական (անձնավորված) հաշվառման ներդրումն ապահովող միջոցառումների մասին» N 938-Ն որոշման մեջ կատարել հետևյալ փոփոխությունները`
1) որոշման 5-րդ կետի`
i
ա. առաջին պարբերությունից հանել «և Հայաստանի Հանրապետության սոցիալական ապահովագրության պետական հիմնադրամի նախագահին» բառերը,
բ. «ա» ենթակետից հանել «մեկամսյա ժամկետում մշակել, համատեղ» բառերը,
գ. «բ» ենթակետից հանել «մինչև 2005 թվականի սեպտեմբերի 1-ը համատեղ» բառերը.
դ. «գ» ենթակետը շարադրել հետևյալ խմբագրությամբ.
«գ) հաստատել գործազուրկ քաղաքացիների` գործազրկության նպաստ ստանալու ժամանակահատվածների մասին տվյալները, ինչպես նաև հաշմանդամների մասին տվյալները բազայի հետ համադրելու կարգը:».
2) որոշման 6-րդ կետը շարադրել հետևյալ խմբագրությամբ.
i
«6. Հայաստանի Հանրապետության աշխատանքի և սոցիալական հարցերի նախարարին ու Հայաստանի Հանրապետության կառավարությանն առընթեր հարկային պետական ծառայության պետին` համատեղ հաստատել անհատական հաշվետվության ձևով ու «Պարտադիր սոցիալական ապահովության վճարների մասին» Հայաստանի Հանրապետության օրենքով նախատեսված հաշվետվության համաձայն ներկայացված տվյալները համադրելու, անհամապատասխանությունները ճշտելու և դրանք վերացնելու նպատակով տեղեկատվության փոխանակման կարգը, ինչպես նաև տվյալների բազան Հայաստանի Հանրապետության կառավարությանն առընթեր հարկային պետական ծառայությանը տրամադրելու կարգը:».
3) որոշման տեքստում և հավելվածներում`
i
ա. «Հայաստանի Հանրապետության սոցիալական ապահովագրության պետական հիմնադրամ» բառերը և դրանց համապատասխան հոլովաձևերը փոխարինել «Հայաստանի Հանրապետության աշխատանքի և սոցիալական հարցերի նախարարության սոցիալական ապահովության պետական ծառայություն» բառերով և դրանց համապատասխան հոլովաձևերով,
բ. «հիմնադրամ» բառը և դրա համապատասխան հոլովաձևերը փոխարինել «ծառայություն» բառով և դրա համապատասխան հոլովաձևերով,
գ. «նախագահին» բառը փոխարինել «պետին» բառով,
դ. «Հայաստանի Հանրապետության պարտադիր սոցիալական ապահովագրության բյուջե» բառերը և դրանց համապատասխան հոլովաձևերը փոխարինել «Հայաստանի Հանրապետության պետական բյուջե» բառերով և դրանց համապատասխան հոլովաձևերով, իսկ «ապահովագրական բյուջե» բառերը` «պետական բյուջե» բառերով.
4) որոշման N 1 հավելվածի`
i
ա. 1-ին կետի «բ» և «ե» ենթակետերում «պարտադիր սոցիալական ապահովագրության վճարներ» բառերը փոխարինել «պարտադիր սոցիալական ապահովության վճարներ» բառերով,
բ. 41-րդ կետը շարադրել հետևյալ խմբագրությամբ.
«41. Անհատական հաշվառման փաստաթղթերը պահելու և ոչնչացնելու կարգը հաստատում է Հայաստանի Հանրապետության աշխատանքի և սոցիալական հարցերի նախարարը:»,
գ. ամբողջ տեքստում «տարածքային կենտրոն» ու «տարածքային կենտրոններ» բառերը և դրանց համապատասխան հոլովաձևերը փոխարինել «տարածքային բաժին» ու «տարածքային բաժիններ» բառերով և դրանց համապատասխան հոլովաձևերով:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2008 ԹՎԱԿԱՆԻ ՄԱՅԻՍԻ 19-ԻՆ