041.0300.040698
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
4 հունիսի 1998 թվականի թիվ 300
ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ
Հայաստանի Հանրապետության աղետի գոտու վերականգնման աշխատանքների ընթացքն արագացնելու նպատակով`
1. Հայաստանի Հանրապետության աղետի գոտու չսեփականաշնորհված և անավարտ շինարարության օբյեկտների հաշվառման ու դրանք սոցիալ- մշակութային նշանակությամբ և որպես բնակելի շենքեր օգտագործելու վերաբերյալ առաջարկություններ նախապատրաստելու նպատակով ստեղծել հանձնաժողով և հաստատել նրա կազմը (կցվում է):
2. Հայաստանի Հանրապետության Շիրակի, Լոռու և Տավուշի մարզպետներին` հանձնաժողովի ներկայացրած առաջարկությունները, ըստ պատրաստվածության աստիճանի, համաձայնեցնել շահագրգիռ նախարարությունների և գերատեսչությունների հետ ու դրանք սահմանված կարգով ներկայացնել Հայաստանի Հանրապետության կառավարության քննարկմանը:
i
3. Հայաստանի Հանրապետության նախարարություններին` 20-օրյա ժամկետում ապահովել իրենց տնօրինության տակ գտնվող աղետի գոտու չսեփականաշնորհված ու անավարտ շինարարության օբյեկտների հաշվառումը և հանձնաժողովին ներկայացնել դրանցից սոցիալ-մշակութային նշանակությամբ և որպես բնակելի վերափոխման ու օգտագործման ենթակա շենքերի ցանկը:
(3-րդ կետը լրաց. 18.08.98 թիվ 493 որոշում)
Հաստատված է
ՀՀ վարչապետի 1998 թվականի
հունիսի 4-ի թիվ 300 որոշմամբ
Կ Ա Զ Մ
i
հանձնաժողովի
Վ. Դալլաքյան - ՀՀ Ազգային ժողովի պատգամավոր
(հանձնաժողովի նախագահ)
Ա. Մարկոսյան - ՀՀ սեփականաշնորհման նախարարի տեղակալ
Դ. Լոքյան - Լոռու մարզպետի տեղակալ
Ա. Ղալթախչյան - Տավուշի մարզպետի տեղակալ
Հ. Սարգսյան - Շիրակի մարզպետի տեղակալ
Տ. Բարսեղյան - ՀՀ քաղաքաշինության նախարարության
ճարտարապետության վարչության պետ
Ա. Բաղդասարյան - ՀՀ վիճակագրության, պետական ռեգիստրի և
վերլուծության նախարարության կապիտալ
շինարարության և ներդրումների բաժնի պետ
Ֆ. Զաքարյան - ՀՀ տարածքային կառավարման նախարարի տեղակալ
Վ. Բոստանջյան - ՀՀ Ազգային ժողովի աշխատակազմի տնտեսագիտական
վերլուծության վարչության պետ
Կ. Հայրապետյան - ՀՀ կառավարության աշխատակազմի սոցիալական հարցերի
վարչության պետ
- Արագածոտնի մարզպետի տեղակալ
Ռ. Անտոնյան - ՀՀ կառավարության աշխատակազմի տնտեսության
ենթակառուցվածքների և գյուղատնտեսության վարչության
գլխավոր մասնագետ
Վ. Սարդարյան - ՀՀ քաղաքաշինության նախարարության արտադրական
վարչության պետ
(կազմը լրաց. 18.08.98 թիվ 493 որոշում)