041.0326.120698
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
12 հունիսի 1998 թվականի թիվ 326
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՅ-ՈՒԿՐԱԻՆԱԿԱՆ ԳՈՐԾԱՐԱՐ ՀԱՄԱԺՈՂՈՎ ԱՆՑԿԱՑՆԵԼՈՒ ՄԱՍԻՆ
1998 թվականի հունիսի 22-25-ը Երևանում հայ-ուկրաինական գործարար համաժողով անցկացնելու կապակցությամբ`
1. Հայաստանի Հանրապետության արդյունաբերության և առևտրի նախարարությանը`
ա) ապահովել հայ-ուկրաինական գործարար համաժողովի աշխատանքների իրականացումը.
բ) նախապատրաստել հայ-ուկրաինական գործարար համաժողովի անցկացման ծրագիրը և ապահովել միջոցառումների իրականացումն ըստ արարողակարգի.
գ) հայ-ուկրաինական գործարար համաժողովի մասնակիցներին տեղավորել «Անի» հյուրանոցում և ապահովել նրանց սնունդը.
2. Հայաստանի Հանրապետության արդյունաբերության և առևտրի նախարարությանն և Հայաստանի Հանրապետության մշակույթի, երիտասարդության հարցերի և սպորտի նախարարությանը` կազմակերպել ոսկերչության, քարերի մշակման և ձեռքի աշխատանքների ցուցահանդես:
3. Հայաստանի Հանրապետության կառավարության աշխատակազմին`
ա) հայ-ուկրաինական գործարար համաժողովի անցկացման համար տրամադրել Հայաստանի Հանրապետության կառավարության ընդունելությունների տան նիստերի դահլիճը.
բ) ուկրաինական պատվիրակության ղեկավարությանը տեղավորել Հայաստանի Հանրապետության կառավարության ընդունելությունների տանը և ապահովել նրանց սնունդը.
գ) ուկրաինական պատվիրակության ղեկավարության սպասարկման համար տրամադրել «Չայկա» մակնիշի մեկ ավտոմեքենա:
4. Հայաստանի Հանրապետության ներքին գործերի և ազգային անվտանգության նախարարությանը` ապահովել հյուրերի անվտանգությունը Հայաստանում գտնվելու ընթացքում:
5. Հայաստանի Հանրապետության առողջապահության նախարարությանը` ապահովել հյուրերի բուժսպասարկումը:
6. Հայաստանի Հանրապետության տրանսպորտի նախարարությանը` հատկացնել անհրաժեշտ թվով փոխադրամիջոցներ` համաձայն Հայաստանի Հանրապետության արդյունաբերության և առևտրի նախարարության ներկայացրած հայտի:
7. Հայաստանի Հանրապետության քաղաքացիական ավիացիայի գլխավոր վարչությանը` ապահովել հյուրերի դիմավորումն ու ճանապարհումը պաշտոնական պատվիրակությունների սրահում (անվճար):
8. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` լուսաբանել հայ-ուկրաինական գործարար համաժողովի աշխատանքները: