(ուժը կորցրել է 01.07.14 թվականից` 03.07.14 թիվ 656-Ն որոշում)
i
040.0294.300309
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
26 մարտի 2009 թվականի N 294-Ն
ԴԻՎԱՆԱԳԵՏԻՆ ՕՏԱՐ ԼԵԶՎԻ ԻՄԱՑՈՒԹՅԱՆ ՀԱՄԱՐ ԼՐԱՎՃԱՐ ՍԱՀՄԱՆԵԼՈՒ ՄԱՍԻՆ
i
Համաձայն «Դիվանագիտական ծառայության մասին» Հայաստանի Հանրապետության օրենքի 46-րդ հոդվածի 7-րդ մասի` Հայաստանի Հանրապետության կառավարությունը որոշում է.
1. Սահմանել`
1) լրավճար` դիվանագետի օտար լեզվի իմացության համար.
2) որ սույն որոշման 1-ին կետով սահմանված օտար լեզուների իմացության համար լրավճարը տրվում է Հայաստանի Հանրապետության արտաքին գործերի նախարարության աշխատակազմում և առանձնացված ստորաբաժանումներում դիվանագիտական ծառայության պաշտոն զբաղեցնող դիվանագետներին` ռուսերենից և երկրորդ օտար լեզվից բացի երրորդ օտար լեզվի իմացության համար.
3) որ լրավճարը տրամադրվում է դիվանագետի պաշտոնային դրույքաչափի 10 տոկոսի չափով.
4) որ երրորդ լեզվի իմացության ստուգումն իրականացնում է այդ նպատակով ստեղծված հանձնաժողովը, որի եզրակացության հիման վրա Հայաստանի Հանրապետության արտաքին գործերի նախարարն ընդունում է դիվանագետին լրավճար տրամադրելու մասին հրաման.
5) որ հանձնաժողովի կազմը և հանձնաժողովի կողմից լեզվի իմացության ստուգման կարգը սահմանում է Հայաստանի Հանրապետության արտաքին գործերի նախարարը:
2. Հայաստանի Հանրապետության արտաքին գործերի նախարարին` սույն որոշումն ուժի մեջ մտնելու օրվանից 15-օրյա ժամկետում ընդունել սույն որոշման 1-ին կետի 5-րդ ենթակետով նախատեսված համապատասխան իրավական ակտը:
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2009 ԹՎԱԿԱՆԻ ՄԱՐՏԻ 30-ԻՆ