124.0201.240309
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«24» 03 2009 Թ.
ՊԵՏԱԿԱՆ ԳՐԱՆՑՄԱՆ ԹԻՎ 12409141
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ ՀՐԱՄԱՆ
25 դեկտեմբերի 2008 թվականի N 201-Ն
i
ՄԱՔՍԱՅԻՆ ՄԻՋՆՈՐԴԻ ԵՎ ՄԱՔՍԱՅԻՆ ՓՈԽԱԴՐՈՂԻ ՄԱՏՈՒՑԱԾ ԾԱՌԱՅՈՒԹՅՈՒՆՆԵՐԻ ԴԻՄԱՑ ՍԱՀՄԱՆՎԱԾ ՍԱԿԱԳՆԵՐԻ ՎԵՐԱԲԵՐՅԱԼ ՏԵՂԵԿԱՏՎՈՒԹՅԱՆ ՀՐԱՊԱՐԱԿԱՅՆՈՒԹՅԱՆ ԱՊԱՀՈՎՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Հայաստանի Հանրապետության մաքսային օրենսգրքի 69-րդ հոդվածի 2-րդ կետի «է» ենթակետին և 72-րդ հոդվածի 4-րդ կետի «դ» ենթակետին համապատասխան`
ՀՐԱՄԱՅՈՒՄ ԵՄ`
Հաստատել մաքսային միջնորդի և մաքսային փոխադրողի մատուցած ծառայությունների դիմաց սահմանված սակագների վերաբերյալ տեղեկատվության հրապարակայնության ապահովման կարգը` համաձայն հավելվածի:
Հավելված
ՀՀ կառավարությանն առընթեր
պետական եկամուտների
կոմիտեի նախագահի
2008 թ. դեկտեմբերի 25-ի
N 201-Ն հրամանի
ԿԱՐԳ
ՄԱՔՍԱՅԻՆ ՄԻՋՆՈՐԴԻ ԵՎ ՄԱՔՍԱՅԻՆ ՓՈԽԱԴՐՈՂԻ ՄԱՏՈՒՑԱԾ ԾԱՌԱՅՈՒԹՅՈՒՆՆԵՐԻ ԴԻՄԱՑ ՍԱՀՄԱՆՎԱԾ ՍԱԿԱԳՆԵՐԻ ՎԵՐԱԲԵՐՅԱԼ ՏԵՂԵԿԱՏՎՈՒԹՅԱՆ ՀՐԱՊԱՐԱԿԱՅՆՈՒԹՅԱՆ ԱՊԱՀՈՎՄԱՆ
1. Մաքսային միջնորդի և մաքսային փոխադրողի մատուցած ծառայությունների դիմաց սահմանված սակագների վերաբերյալ տեղեկատվության հրապարակայնությունն ապահովվում է սույն կարգի համաձայն:
2. Մաքսային միջնորդը և մաքսային փոխադրողը վերադաս մաքսային մարմնին տրամադրում են իրենց կողմից մատուցվող ծառայությունների դիմաց սահմանված սակագները:
3. Վերադաս մաքսային մարմինն ինտերնետային կայք-էջում տեղադրում է յուրաքանչյուր մաքսային միջնորդի և մաքսային փոխադրողի կողմից մատուցվող ծառայությունների դիմաց վերջիններիս տրամադրած սակագները:
4. Մաքսային միջնորդը և մաքսային փոխադրողն իրենց կողմից մատուցվող ծառայությունների դիմաց սահմանված սակագների փոփոխությունների մասին տեղեկացնում են վերադաս մաքսային մարմնին, որն իր հերթին այդ տեղեկությունները տեղադրում է ինտերնետային կայք-էջում:
5. Մաքսային միջնորդը և մաքսային փոխադրողն իրենց գրասենյակներում և գործունեության իրականացման վայրերում հաճախորդների համար տեսանելի տեղերում փակցնում են իրենց կողմից ապրանքներ տեղափոխող անձանց կամ նրանց կողմից լիազորված անձանց մատուցվող ծառայությունների դիմաց սահմանված սակագների վերաբերյալ ընթեռնելի տեղեկատվական թերթիկներ:
6. Տեղեկատվական թերթիկում ներառվում են հետևյալ տեղեկությունները`
1) մաքսային միջնորդի կամ մաքսային փոխադրողի անվանումը և գտնվելու վայրը (անհատ ձեռնարկատիրոջ համար` անունը, ազգանունը և բնակության վայրը).
2) մաքսային ձևակերպումների կամ մաքսային փոխադրումների ամբողջական կամ առանձին գործողությունը (գործողությունները) և դրա (դրանց) համար սահմանված սակագինը:
7. Տեղեկատվական թերթիկում արտացոլված տեղեկատվությունը պետք է լինի հայերեն և տվյալ մաքսային միջնորդի կամ մաքսային փոխադրողի ցանկությամբ` նաև այլ լեզուներով: