040.1036.160909
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
10 սեպտեմբերի 2009 թվականի N 1036-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԺԱՄԱՆՈՂ ՊԱՇՏՈՆԱԿԱՆ ՊԱՏՎԻՐԱԿՈՒԹՅՈՒՆՆԵՐԻ ԸՆԴՈՒՆԵԼՈՒԹՅԱՆ ՀԵՏ ԿԱՊՎԱԾ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԿԱՌԱՎԱՐՄԱՆ ՄԱՐՄԻՆՆԵՐԻ ԿՈՂՄԻՑ ԿԱՏԱՐՎՈՂ ԾԱԽՍԵՐԻ ՄԱՍԻՆ
Ելնելով Հայաստանի Հանրապետություն ժամանող պաշտոնական պատվիրակությունների ընդունելության հետ կապված` Հայաստանի Հանրապետության պետական կառավարման մարմինների կողմից կատարվող ծախսերը կանոնակարգելու անհրաժեշտությունից` Հայաստանի Հանրապետության կառավարությունը որոշում է.
1. Հաստատել Հայաստանի Հանրապետություն ժամանող պաշտոնական պատվիրակությունների ընդունելության հետ կապված` Հայաստանի Հանրապետության պետական կառավարման մարմինների կողմից կատարվող ծախսերի չափերը` համաձայն հավելվածի:
2. Սույն որոշման գործողությունը չի տարածվում Հայաստանի Հանրապետության Նախագահի, Հայաստանի Հանրապետության վարչապետի և Հայաստանի Հանրապետության արտաքին գործերի նախարարի հրավերով Հայաստանի Հանրապետություն ժամանած պաշտոնատար անձանց այցերի հետ կապված ծախսերի փոխհատուցման վրա:
3. Սահմանել, որ պետական կառավարման մարմինների ղեկավարները պաշտոնական պատվիրակությունների` Հայաստանի Հանրապետություն ժամանումից առնվազն 10 օր առաջ Հայաստանի Հանրապետության վարչապետի հաստատմանն են ներկայացնում պաշտոնական ընդունելությունների վերաբերյալ համապատասխան որոշման նախագիծ:
4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2009 ԹՎԱԿԱՆԻ ՍԵՊՏԵՄԲԵՐԻ 16-ԻՆ
Հավելված
ՀՀ կառավարության
2009 թվականի սեպտեմբերի 10-ի
N 1036-Ն որոշման
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԺԱՄԱՆՈՂ ՊԱՇՏՈՆԱԿԱՆ ՊԱՏՎԻՐԱԿՈՒԹՅՈՒՆՆԵՐԻ ԸՆԴՈՒՆԵԼՈՒԹՅԱՆ ՀԵՏ ԿԱՊՎԱԾ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԿԱՌԱՎԱՐՄԱՆ ՄԱՐՄԻՆՆԵՐԻ ԿՈՂՄԻՑ ԿԱՏԱՐՎՈՂ ԾԱԽՍԵՐԻ ՉԱՓԵՐԸ
._____________________________________________________________________.
|1. |Հյուրանոցային ծախս (օրական) |Փոխհատուցվում է մինչև |
| | |4-աստղանի հյուրանոցի գործող |
| | |սակագներով: |
|___|____________________________________|____________________________|
|2. |Պատվիրակության անդամի սննդի հետ |մեկ անձի համար` մինչև |
| |կապված ծախս (օրինակ) |8000.0 դրամ |
|___|____________________________________|____________________________|
|3. |Պաշտոնական ճաշի հետ կապված ծախս |մեկ անձի համար` մինչև |
| | |12500.0 դրամ |
|___|____________________________________|____________________________|
|4. |Սուրճի ընդմիջման հետ կապված ծախս |մեկ անձի համար` մինչև |
| | |1500.0 դրամ |
|___|____________________________________|____________________________|
|5. |Դահլիճի վարձակալությունն |Փոխհատուցվում է մինչև |
| |իրականացվում է ըստ անհրաժեշտության |4-աստղանի հյուրանոցի գործող |
| | |սակագներով: |
|___|____________________________________|____________________________|
|6. |Հատկացվող տրանսպորտային միջոցների |Փոխհատուցվում է |
| |թիվը որոշվում է` ելնելով |տրանսպորտային |
| |պատվիրակության անդամների թվից` |ծառայությունների մատուցման |
| | 1) պատվիրակության ղեկավարի համար` |պայմանագրերին համապատասխան: |
| |մեկ մարդատար ավտոմեքենա | |
| | 2) պատվիրակության անդամների համար` | |
| |մինչև 10 անդամ ունեցող | |
| |պատվիրակության դեպքում յուրաքանչյուր| |
| |3 անձի համար` մեկ մարդատար | |
| |ավտոմեքենա | |
| | 3) 10-ից ավելի անդամներ ունեցող | |
| |պատվիրակության դեպքում` ավտոբուս | |
| |(ուղևորատարությունից ելնելով) | |
|___|____________________________________|____________________________|
|7. |Թարգմանչական ծառայությունների վճար` |մեկ ժամվա համար` |
| |մեկ թարգմանչի համար: 5-ից ավելի |- սովորական թարգմանություն` |
| |անդամներ ունեցող պատվիրակության |մինչև 5000.0 դրամ |
| |դեպքում` թարգմանիչների (ուղեկցող |- համաժամանակյա |
| |անձանց) թիվը պետք է որոշվի |թարգմանություն` մինչև |
| |պատվիրակության 5-ից ոչ ավելի |22000.0 հազ. դրամ |
| |անդամների համար` մեկ թարգմանչի | |
| |(ուղեկցողի) հաշվով | |
|___|____________________________________|____________________________|
|8. |Հուշանվերներ` հայկական խորհրդանիշով |ղեկավարի համար` մինչև |
| | |20000.0 դրամ, պատվիրակության|
| | |մյուս անդամների համար` |
| | |մինչև 10000.0 դրամ |
|___|____________________________________|____________________________|
|9. |Մշակութային միջոցառումներ |մեկ անձի համար` մինչև |
| | |2000.0 դրամ |
|___|____________________________________|____________________________|
|10.|Գրասենյակային և այլ ծախսեր |մեկ անձի համար` մինչև |
| | |3000.0 դրամ |
._____________________________________________________________________.