041.0487.130898
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
13 օգոստոսի 1998 թվականի թիվ 487
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 1997 ԹՎԱԿԱՆԻ ՕԳՈՍՏՈՍԻ 6-Ի ԹԻՎ 360 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության վարչապետի 1997 թվականի օգոստոսի 6-ի «Հայաստանի Հանրապետությունում գենդերային քաղաքականության զարգացման ծրագրի իրականացման նպատակով հանձնաժողով ստեղծելու մասին» թիվ 360 որոշման մեջ կատարել հետևյալ փոփոխությունները`
որոշմամբ հաստատված հանձնաժողովի կազմից հանել Հ. Հակոբյանին, Ա. Գրիգորյանին, Ա. Արսենյանին, Ա. Առուստամյանին և ընդգրկել Հայաստանի Հանրապետության սոցիալական ապահովության նախարար Գ. Եգանյանին (հանձնաժողովի նախագահ), Հայաստանի Հանրապետության կրթության և գիտության նախարարի տեղակալ Ա. Թոփուզյանին, Հայաստանի Հանրապետության արդարադատության նախարարի տեղակալ Մ. Թոփուզյանին, Հայաստանի Հանրապետության տարածքային կառավարման նախարարի տեղակալ Ֆ. Զաքարյանին, Հայաստանի Հանրապետության Ազգային ժողովի սոցիալական, առողջապահության և բնության պահպանության հարցերի մշտական հանձնաժողովի անդամ Ջ. Անանյանին, Հայաստանի Հանրապետության արտաքին գործերի նախարարության միջազգային կազմակերպությունների վարչության առաջին քարտուղար Վ. Բաղդասարյանին, Հայաստանի Հանրապետության մշակույթի, երիտասարդության հարցերի և սպորտի նախարարության կապերի վարչության պետ Ս. Խաչատրյանին, Հայաստանի Հանրապետության գյուղատնտեսության նախարարության գիտության և կրթության վարչության առաջատար մասնագետ Ա. Հովհաննիսյանին: