(ուժը կորցրել է 10.05.11 թիվ 406-Ա որոշում)
i
041.0088.150210
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
15 փետրվարի 2010 թվականի N 88-Ա
ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ
Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետը`
1. Արարատյան դաշտավայրի ստորերկրյա խորքային (այդ թվում` ինքնաշատրվանող) հորերի արդյունավետ օգտագործման նկատմամբ վերահսկողություն սահմանելու նպատակով ստեղծել միջգերատեսչական աշխատանքային խումբ` համաձայն հավելվածի:
2. Միջգերատեսչական աշխատանքային խմբին`
1) համակարգել ջրօգտագործման ոլորտում պետական կառավարման մարմինների գործունեությունը և ներկայացնել առաջարկություններ բացթողումներն ու թերացումները շտկելու վերաբերյալ.
2) յուրաքանչյուր կիսամյակ Հայաստանի Հանրապետության վարչապետին ներկայացնել տեղեկատվություն կատարված աշխատանքների վերաբերյալ.
3. Հայաստանի Հանրապետության պետական կառավարման մարմինների ղեկավարներին` հորատանցքերի կոնսերվացման, վերականգնման, նոր հորատման թույլտվության, երկարացման նպատակահարմարության հարցերը նախապես համաձայնեցնել միջգերատեսչական աշխատանքային խմբի հետ:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2010 ԹՎԱԿԱՆԻ ՓԵՏՐՎԱՐԻ 15-ԻՆ
Հավելված
ՀՀ վարչապետի
2010 թ. փետրվարի 15-ի
N 88-Ա որոշման
ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՈՒՄԲ
Ա. Գևորգյան - ՀՀ փոխվարչապետ, ՀՀ տարածքային կառավարման
նախարար (խմբի ղեկավար)
Ա. Հարությունյան - ՀՀ բնապահպանության նախարար
Գ. Ալավերդյան - ՀՀ գյուղատնտեսության նախարար
Ա. Անդրեասյան - ՀՀ տարածքային կառավարման նախարարության
ջրային տնտեսության պետական կոմիտեի նախագահ
Ա. Բախշյան - ՀՀ տարածքային կառավարման նախարարի տեղակալ
Ս. Աֆյան - ՀՀ կառավարությանն առընթեր ՀՀ ոստիկանության
պետի տեղակալ
Ա. Ղահրամանյան - ՀՀ Արմավիրի մարզպետ
Վ. Հովակիմյան - ՀՀ Արարատի մարզպետ
Յու. Ջավադյան - «Հայջրնախագիծ ինստիտուտ» ՓԲԸ-ի տնօրեն
(համաձայնությամբ)