(ուժը կորցրել է 03.05.00 թիվ 223 որոշում)
i
040.0593.190998
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«19» սեպտեմբերի 1998 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
19 սեպտեմբերի 1998 թվականի թիվ 593
ՀԱՄԱՅՆՔԱՅԻՆ ԶԱՐԳԱՑՄԱՆ ԾՐԱԳՐԻ ՇՐՋԱՆԱԿՆԵՐՈՒՄ ԳՆՈՒՄՆԵՐ ԻՐԱԿԱՆԱՑՆՈՂ ՄՐՑՈՒԹԱՅԻՆ ՀԱՆՁՆԱԺՈՂՈՎԻ ՄԱՍԻՆ
Ելնելով 1998 թվականի հունիսի 19-ի Հայաստանի Հանրապետության և Միջազգային զարգացման ընկերակցության միջև զարգացման վարկային համաձայնագրի (Համայնքային զարգացման ծրագիր, թիվ 3095 AM) դրույթներից և վարկային ծրագրի իրականացման արդյունավետությունը, օպերատիվությունն ու վերահսկողությունն ապահովելու նպատակով Հայաստանի Հանրապետության կառավարությունը որոշում է.
1. Հաստատել համայնքային զարգացման ծրագրի շրջանակներում գնումներ իրականացնող մրցութային հանձնաժողովի կազմը (կցվում է):
2. Թույլատրել համայնքային զարգացման ծրագրի շրջանակներում գնումներ իրականացնող մրցութային հանձնաժողովին հաստատել մինչև 2 (երկու) մլն ԱՄՆ-ի դոլարին համարժեք գումարի արժողությամբ ապրանքների, աշխատանքների և ծառայությունների մրցութային գնումների վերաբերյալ որոշումները:
Նշված գումարի սահմաններում վարկային հաշվից մասհանումների համապատասխան փաստաթղթերն ստորագրում է «Համայնքային զարգացման ծրագրի ղեկավարման գրասենյակ» պետական փակ բաժնետիրական ընկերության իրավասու անձը:
3. Սահմանել, որ մրցույթին ներկայացված ապրանքների, աշխատանքների և ծառայությունների արժեքը 2 (երկու) մլն ԱՄՆ-ի դոլարը գերազանցելու դեպքում մրցութային հանձնաժողովի որոշումը ներկայացվում է Հայաստանի Հանրապետության կառավարության հաստատմանը:
i
4. Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության քաղաքաշինության նախարարությանը 10-օրյա ժամկետում Հայաստանի Հանրապետության վարչապետի հաստատմանը ներկայացնել համայնքային զարգացման ծրագրի շրջանակներում գնումներ իրականացնող մրցութային հանձնաժողովի անհատական կազմը և կանոնադրությունը:
Հաստատված է
ՀՀ կառավարության 1998 թվականի
սեպտեմբերի 19-ի թիվ 593 որոշմամբ
ԿԱԶՄ
համայնքային զարգացման ծրագրի շրջանակներում
գնումներ իրականացնող մրցութային հանձնաժողովի
1. «Համայնքային զարգացման ծրագրի ղեկավարման գրասենյակ» ՊՓԲԸ-ի
ներկայացուցիչներ - 4
2. ՀՀ ֆինանսների և էկոնոմիկայի նախարարության ներկայացուցիչ - 1
3. ՀՀ քաղաքաշինության նախարարության ներկայացուցիչ - 1
4. ՀՀ արդարադատության նախարարության ներկայացուցիչ - 1
5. ՀՀ բնապահպանության նախարարության ներկայացուցիչ - 1
6. Երևանի քաղաքապետարանի ներկայացուցիչ - 1
7. Երևանի քաղաքապետարանի «Ջրմուղ-կոյուղի» ՊՓԲԸ-ի
ներկայացուցիչ - 1