19/06/2010 - 05/08/2022
040.0641.010610
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
27 մայիսի 2010 թվականի N 641-Ն
i
ՄԵԿ ՄԱՔՍԱՅԻՆ ՄԱՐՄՆԻՑ ՄՅՈՒՍԸ ԿԱՄ ՄԱՔՍԱՅԻՆ ՄԱՐՄՆԻ ՄԻ ՍՏՈՐԱԲԱԺԱՆՈՒՄԻՑ ՄԵԿ ԱՅԼ ՍՏՈՐԱԲԱԺԱՆՈՒՄ ՄԱՔՍԱՅԻՆ ԾԱՌԱՅՈՂՆԵՐԻ ՏԵՂԱՓՈԽՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ
«Մաքսային ծառայության մասին» Հայաստանի Հանրապետության օրենքի 6-րդ հոդվածի 4-րդ մասին համապատասխան` Հայաստանի Հանրապետության կառավարությունը որոշում է.
1. Սահմանել մեկ մաքսային մարմնից մյուսը կամ մաքսային մարմնի մի ստորաբաժանումից մեկ այլ ստորաբաժանում մաքսային ծառայողների տեղափոխման կարգը` համաձայն հավելվածի:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2010 ԹՎԱԿԱՆԻ ՀՈՒՆԻՍԻ 1-ԻՆ
Հավելված
ՀՀ կառավարության
2010 թվականի մայիսի 27-ի
N 641-Ն որոշման
ԿԱՐԳ
ՄԵԿ ՄԱՔՍԱՅԻՆ ՄԱՐՄՆԻՑ ՄՅՈՒՍԸ ԿԱՄ ՄԱՔՍԱՅԻՆ ՄԱՐՄՆԻ ՄԻ ՍՏՈՐԱԲԱԺԱՆՈՒՄԻՑ ՄԵԿ ԱՅԼ ՍՏՈՐԱԲԱԺԱՆՈՒՄ ՄԱՔՍԱՅԻՆ ԾԱՌԱՅՈՂՆԵՐԻ ՏԵՂԱՓՈԽՄԱՆ
1. Սույն կարգով սահմանվում է մեկ մաքսային մարմնից մյուսը կամ մաքսային մարմնի մի ստորաբաժանումից մեկ այլ ստորաբաժանում մաքսային ծառայողների տեղափոխման (այսուհետ` ռոտացիա) կարգը:
2. Ռոտացիան մաքսային մարմինների կամ մաքսային մարմնի ստորաբաժանումների մաքսային ծառայողների տեղափոխումն է մեկ մաքսային մարմնից մյուսը կամ մաքսային մարմնի մի ստորաբաժանումից մեկ այլ ստորաբաժանում:
3. Ռոտացիան իրականացվում է մինչև մեկ տարի ժամկետով:
i
(3-րդ կետը փոփ. 04.08.2022 թիվ 1188-Ն որոշում)
4. Ռոտացիան իրականացվում է մաքսային մարմնի ղեկավարի հրամանով:
i
(4-րդ կետը փոփ. 04.08.2022 թիվ 1188-Ն որոշում)
5. Ռոտացիան իրականացվում է մաքսային ծառայողին զբաղեցրած պաշտոնից հավասարազոր պաշտոնի տեղափոխելու միջոցով:
i
6. Մաքսային մարմնի կառուցվածքային ստորաբաժանման ղեկավարի կամ մաքսային կետ-բաժնի պետի պատճառաբանված հիմնավորմամբ մաքսային մարմնի ղեկավարը կարող է հետաձգել ռոտացիայի իրականացումը` մինչև երկու տարի ժամկետով:
(6-րդ կետը փոփ. 04.08.2022 թիվ 1188-Ն որոշում)
i
7. Մաքսային մարմնի ղեկավարը ռոտացիա իրականացնելու մասին որոշումն ընդունում է ռոտացիա իրականացնելուց առնվազն հինգ աշխատանքային օր առաջ:
(7-րդ կետը փոփ. 04.08.2022 թիվ 1188-Ն որոշում)
i
8. Ռոտացիայի ենթակա են մաքսային ծառայության հետևյալ պաշտոններն զբաղեցնող մաքսային ծառայողները`
1) Մաքսային մարմնի մաքսային հսկողության, հետբացթողումային հսկողության, ներքին անվտանգության, մաքսանենգության դեմ պայքարի վարչություններում`
ա. բաժնի պետը,
բ. բաժնի պետի տեղակալը,
գ. բաժանմունքի պետը,
դ. բաժանմունքի պետի տեղակալը,
ե. գլխավոր մաքսային տեսուչը,
զ. ավագ մաքսային տեսուչը,
է. մաքսային տեսուչը.
2) Մաքսային մարմնի մաքսատուն-վարչություններում, Երևանի մաքսային սպասարկման կենտրոն-մաքսատուն վարչությունում`
ա. պետը,
բ. պետի տեղակալը,
գ. բաժնի պետը,
դ. բաժնի պետի տեղակալը,
ե. բաժանմունքի պետը,
զ. բաժանմունքի պետի տեղակալը,
է. գլխավոր մաքսային տեսուչը,
ը. ավագ մաքսային տեսուչը,
թ. մաքսային տեսուչը.
3) մաքսային կետ-բաժիններում`
ա. պետը,
բ. պետի տեղակալը,
գ. բաժանմունքի պետը,
դ. բաժանմունքի պետի տեղակալը,
ե. գլխավոր մաքսային տեսուչը,
զ. ավագ մաքսային տեսուչը,
է. մաքսային տեսուչը:
(8-րդ կետը փոփ. 04.08.2022 թիվ 1188-Ն որոշում)