(ուժը կորցրել է 12.07.99 ՆՀ-334 հրամանագիր)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԹԱՆԿԱՐԺԵՔ ՄԵՏԱՂՆԵՐԻ
ԱՐՏԱԴՐՈՒԹՅԱՆ ԶԱՐԳԱՑՄԱՆ ՄԱՍԻՆ
Ելնելով հանրապետությունում անհրաժեշտ տարադրամային պաշարների ստեղծման անհրաժեշտությունից և կարևորելով սոցիալ-տնտեսական զարգացման գործում ոսկու և արծաթի արտադրության տնտեսական նշանակությունը, որոշում եմ.
1. Սահմանել, որ արտադրվող թանկարժեք մետաղների ընդունումը (գնումը) կատարվում է միայն Հայաստանի Հանրապետության կառավարության սահմանած ամենամյա քվոտաներով:
2. Հայաստանի Հանրապետության կառավարությանը`
ուժեղացնել վերահսկողությունը հանրապետությունում թանկարժեք մետաղների
արտադրության նկատմամբ և ապահովել «Հայոսկի» հատուկ նշանակության պետական ձեռնարկության անխափան աշխատանքը.
սահմանել ոսկու և արծաթի արտադրության ամենամյա ծավալներ` ելնելով Հայաստանի Հանրապետության սոցիալ-տնտեսական զարգացման խնդիրներից.
մեկամսյա ժամկետում ընդունել սույն հրամանագրի կիրարկումն ապահովող համապատասխան ակտեր:
22 օգոստոսի 1994 թվական
ՆՀ-359